Zeremi 51:29 - A SƐB-SÕW

²⁹ A tẽsɔw màwr'a, ʋ màwr'ɩ dɛ̃bɩ̃-mawfʋ a lɛn daar a Sore na tuur a lɛ ʋ na tɩɛrɩ a Babɩlɔn tẽw ƴãw a: ʋ ɩrɛ na a Babɩlɔn tẽw lɩɛbɛ wɛja-kpalɛ na ɩrɛ nɩbaalʋ a, tẽw nɩr za na bɛ cãà kpɩɛr a.

Zeremi 51:29 ပူးပေါင်းရင်းမြစ်များ

Ɩzayi 14:16

A bɛlɩ dem na nyɛrɛ fʋ a, mɩ́ maal'a bɛl fʋ, bɛ mɩ́ jɩ́rɛ fʋ nɩ gbẽgbẽ, tɩ́ɛrɛ nɩ bɛ pʋɔ: «A nɩr ʋl na mɩ́ tɩ ɩ a tẽw màwr a, a ʋl na mɩ́ tɩ damnɛ a naalʋ-ten a, ʋlɛ sɩrɩ n'ɩ à ŋà a?

Ɩzayi 24:20

Ʋ dẽdere na mɛ̃ dã-kuole a, ʋ damnɛ na mɛ̃ sɛw sɛsɛb na fure damnɛ a. A ʋ yel-bier tɩbrɛ nɩ a ʋ zu, ʋ lo ɛ kʋ̃ lɛb tʋ̃ɔ́ ìr ɛ.

Zeremi 10:10

Ɛcɛ a Sore ɩ n Naaŋmɩn-sɩza, Naaŋmɩn na vʋʋrɛ a, nãà na be kʋralɛ a. A ʋ suur wa ír a, a tẽsɔw mɩ́ dam'a, ɛ́ a nɩ-bʋʋrɛ bɛ tʋ́ɔr a ʋ suur ɛ.

Zeremi 50:13

A Sore suur zũú a, nɩr bɛ cãà kpɩɛr ʋ ɛ, wɛja-kpalɛ na ɩrɛ nɩbaalʋ a n'ʋ. Nʋɔr mɩ́ ɓãa nɩ a bɛlɩ dem za na mɩ́ tɔlɛ pɩɛlɛ a Babɩlɔn a. Bɛ mɩ́ ŋmɛ n pʋl-vʋ̃ɔ cɛlsɩ bɛ na mɩ́ nyɛ̃ a ʋ sãwna sɛw à à ŋá a.

Zeremi 50:36

Zɛbr, a lo a bɛ bàwr-bʋwrbɛ zu, ɩ bɛ bʋnɩ ƴɛ̀rɛ! Zɛbr, a lo a ʋ sojarɩ zu, ɩ a bɛ kanyir baarɩ!

Zeremi 50:43

A Babɩlɔn tẽw nãà wõ n a yel ŋa, kpãkpamɛ yʋɔrɛ ʋ, pʋl-vʋ̃ɔ nyɔw ʋ na, 'wɔbrʋ 'wɔbr ʋ na mɛ̃ pɔw na dɔwr a.

Zeremi 50:45

Nyɩ bɛr wõ a lɛ a Sore na tɩɛrɩ a Edɔm tẽw ƴãw a, a lɛ ʋ na cɔbrɩ a Teman tẽw nɩbɛ ƴãw a. A bɛ tɛr à ŋá ɩ, bɛ na vu bɛ na nɩ fãw mɛ̃ dʋn a, a dʋn bili tɛɛ za mɩ̀, a bɛ tɛr à ŋá ɩ. A bɛl ƴãw a, ʋ na sãw nɩ a zàw bɛr.

Zeremi 50:46

A yel na wa yi kɛ́ bɛ de nɩ a Babɩlɔn tẽw a, a tẽsɔw damnɛ na, cɛlsɩ ŋmɩɛr'ɩ a ten za pʋɔ.

Zeremi 51:26

Bɛ kʋ̃ lɛb tuw ír dacĩ-goraa kʋsɩɛr nɩ yir-pɛr kʋsɩɛr a fʋ pʋɔ ɩ. Fʋ na lɩɛb'ɩ wɛja-kpalɛ na ɩrɛ nɩbaalʋ kʋralɛ a.» À à ŋá n'a a Sore yel.

Zeremi 51:28

Nyɩ ɓã a nɩ-bʋʋrɛ taa a ʋ ƴãw, baa zuo a za a Mɛdɩ mɩnɛ na-mɩnɛ, a bɛ na-kpɛ̃ɛ-lɩɛrbɛ, a bɛ tẽli-kaarbɛ nɩ a tẽw ʋl za bɛ na kaarɛ a.

Zeremi 51:37

A Babɩlɔn na lɩɛb'ɩ kʋsɛbɛ na gbõ taa a, gbõgbo-cili kpɛb zie, zi-faa bɛ na mɩ́ nyɛ̃ ŋmɩɛr pʋl-vʋ̃ɔ cɛlsɩ a. Nɩr za kʋ̃ cãà kpɩɛr ʋ ɛ.

Zeremi 51:43

A ʋ tẽ-bɛrɛ lɩɛb'ɩ ziir na kpɛ faar a. A tẽw lɩɛb'ɩ dɩlãpʋɔ-kõw, zie nɩr za na bɛ kpɩɛr a, nɩr za na bɛ tɔlɛ a.

Zeremi 8:16

A dɔ̃ sob ta n a Dan tẽw baarɩ. A ʋ wie na vʋʋrɛ nɩ fãw a vʋʋrʋ yire nɩ a tẽ-kpɛ̃ɛ ŋa pʋɔ. A gɔmɛ a na kone ɩrɛ a ɩ na a tẽw za màwr. A waar'a k'aa wa sãw a tẽw nɩ bom za na be a ʋ pʋɔ a bɛr, a tẽ-kpɛ̃ɛ nɩ a ʋ nɩbɛ.»

Zowɛl 2:10

Alɛ wa tarɛ a, a tẽsɔw mɩ́ dam'a, ɛ́ a salom ɩ mɛ̃ ʋ lore na a, a mʋ̃tɔ̃w nɩ a cuw bɛ mɩ́ cãà caalɛ ɩ, ɛ́ a ŋmar-bie bɛ cãà nyɩwrɛ ɩ.

Amɔsɩ 8:8

Alɛ n'a so, a tẽw na vʋ̃ na ɛ́ a nɩbɛ za na be n wahala pʋɔ. A tẽw na vʋ̃ na ìr ʋ za mɛ̃ man a, ʋ na vʋ̃ na ìr ɛ́ lɛb siw lo mɛ̃ a Eziptɩ tẽw man a.

Yel-wula 18:2

Ʋ tɩ cɩɩr'a nɩ kɔkɔ-kpɛ̃w yel: «Ʋ lo na! A Babɩlɔn tẽ-kpɛ̃ɛ kpɛ̃ɛ lo na! Ƴɛrɛŋa a, ʋ lɩɛb'ɩ kɔ̃tɔmɛ kpɛb zie, kɔ̃tɔ̃-faar za nɩ lili-faar nɩr na bɛ nɔnɛ a sɔwlʋ zie.