Zeremi 51:25 - A SƐB-SÕW

²⁵ Mãa nɩ fʋ̃ʋ nɛbɛ, Babɩlɔn i, a Sore n'ʋ yel. A sãw-bɛrʋ ƴãw a, fʋ kpɛmɛ na mɛ̃ tãw a, ɛ́ fʋ sãwnɛ nɩ a tẽ-daa za! Ɩ̃ na zɛw nɩ nũu a fʋ ƴãw, ɩ̃ na ɩ na fʋ yi a pìe nyʋɔrɩ́ za bili siw, ɩ̃ na ɩ na fʋ lɩɛb'ɩ tãw na ɩ vũu a.

Zeremi 51:25 ပူးပေါင်းရင်းမြစ်များ

Yele-za-pɛr-tib 11:4

Al pùorí bɛ yel: «Alɛ! Nyɩ ɩ tɩ mɛ tẽ-kpɛ̃ɛ nɩ yir-cõcowla a nyʋɔr na na do tɩ tɔ a salom a. Lɛ n'a tɩ na tɛr yúor, ɛ́ bɛ bɛ diw tɩ yaarɩ a tẽw za zu ɛ.»

Sɛb-sõw yielu 138:7

Kpɩɛrʋ wa tɛr mɛ̃ yaga za a, fʋ mɩ́ ɩ na k'ɩ̃ vʋʋrɛ, a ɩ̃ dɔ̃ dem saa mɩ́ nyɛ̃ suur a. Fʋ mɩ́ dɔl'ɩ a fʋ nũu faa mɛ̃ nɩ a fʋ fãw.

Ɩzayi 13:2

A Sore yere na: «Nyɩ zɛw bãwfʋ tã-kpalɛ zu. Nyɩ lɔbr nʋ̃ɔ̀ cɛlsɩ yere kʋ̀rɛ a zɛbr-nɩbɛ. Nyɩ wul bɛ nɩ a nũu, bɛ tu a nɩ-yée dɩ̃dɛɛ ƴãw kpɛ.

Zeremi 25:12

A Sore yere na: “A yome lɩz'a ata nɩ pie wa tɔ a, ɩ̃ na sowr'ɩ a Babɩlɔn tẽw nãà nɩ a ʋ nɩbɛ bom a bɛ ɩ-faar ƴãw. Ɩ̃ na ìr'ɩ a bɛ tẽw ƴãw, ɩ ʋ lɩɛbɩ tẽ-kpalɛ.

Zeremi 25:9

ɩ̃ na tõ na bɛ tɩ bʋɔlɩ a Saa-pɛrɩ́-gʋba-lowr nɩbɛ za, lãwnɩ a ɩ̃ tõ-tõ-bie, a Nabikodonozɔɔr, a Babɩlɔn tẽw nãà. Ɩ̃ na ɩ na bɛ wa a tẽw ŋa nɩ a ʋ nɩbɛ nɩ a tẽ-kpɔwlɩ za na viiri koli ʋ a ƴãw. Ɩ̃ na kʋ nyɩ na pàw pɛr, a bɛl nɩ a nyɩɩm, ɩ̃ɩ na ɩ n a tẽw ŋa yie lɩɛbɩ deboru gã kʋralɛ, bɛ mɩ́ nyɛ̃ ŋmɩɛr pʋl-vʋ̃ɔ cɛlsɩ.

Zeremi 50:25

A Sore yuo nɩ a ʋ zɛbr bome dĩo, ɛ́ na wul a ʋ suur nɩ a ʋ zɛbr bome ʋ na ír a. A Babɩlɔn tẽw a, tome gã nɩ a Sore, a Naaŋmɩn kpɛnʋ-za-sob ƴãw.

Zeremi 50:31

«Pɔ̀lʋ sob Babɩlɔn i, mãa nɩ fʋ̃ʋ nɛbɛ! A Sore Naaŋmɩn, a kpɛnʋ-za-sob'ʋ yere. A fʋ bibir vɩɛ na, a daar ʋl ɩ̃ na na sowri fʋ bom a ta na.

Zeremi 51:53

A Babɩlɔn saa tɩ tʋ̃ɔ́ do a salom zu, ɛ́ tɩ ɩ a saa-zu be a ʋ kpɛb zie bɛ tɛr tab a, a ɩ̃ ƴɛ̀rʋ zũú a, a zi-sãwnbɛ na ta ʋ na.» À à ŋá n'a a Sore yel.

Zeremi 51:58

À ŋá n'a a Sore, a kpɛnʋ-za-sob, yere: «A Babɩlɔn tẽw dacĩ-yɛlsɩ ŋmɛr'ɩ a za, ɛ́ vũu dɩ a ʋ pamɛ na kɛrɩ kɛrɩ a. A nɩ-bʋʋrɛ bàlɛ nɩ bɛ tʋɔra zawlalɛ ɛ́ a ten nɩbɛ kʋrɛ bɛ tʋɔra vũu ƴãw!»

Zeremi 51:7

A Babɩlɔn tɩ ɩ n salm-zɩɛ koli-nyúura a Sore nũú. Ʋ mɩ́ tɩ ɩ n a tẽ-daa za ʋ kuoli. A nɩ-bʋʋrɛ mɩ́ tɩ nyũ n a ʋ divɛ̃ tɩ bol'ɩ.

Zakari 4:7

Ʋ tɩ yel'a ƴãw pʋɔ: «A tã-kpɛ̃ɛ ŋa ɩ n bɩwra bɩɩ? Zorobabɛl na ɩ na ʋ lɩɛbɩ zi-tɩ̃tal. Ʋ na tuw ʋ na ír a kʋsɩɛr, a na fɛr k'ʋʋ ƴãw a Ŋmɩn-yir-kpɛ̃ɛ zu-sɔw a. Bɛ na cɩɩrɛ na: “Nyɛ̃ ʋ na vɩɛl a! Nyɛ̃ ʋ na vɩɛl a”!»

2 Pɩɛr 3:10

A Sore waa bibir na vɩɛ na mɛ̃ nyãnyuge a. A ʋlɩ bibir nɛ a, a salom na dam'a ɩ gɔmɛ tɛwr ɛ́ bɔr. A salom zu bʋ̃-íri na nyɔw nɩ vũu dɩ nyɩl, a tẽw nɩ a bome al za na be a ʋ zu a kʋ̃ cãà ɩ.

Yel-wula 8:8

A malkɩ ayi sob tɩ pɛbl'ɩ a ʋ wɩ́ɛ. A tɩ ɩ na mɛ̃ tã-kpɛ̃ɛ na nyɔw vũu dɩrɛ a n'ʋ bɛ lɔb ƴãw a kʋ̃ɔ-kpɛ̃ɛ pʋɔ a. A kʋ̃ɔ-kpɛ̃ɛ na põ ziir ata a zi-been tɩ lɩɛb'ɩ zɩ̃ɩ.