Zeremi 51:19 - A SƐB-SÕW

¹⁹ Ɛcɛ a Zakɔb Naaŋmɩn, na ɩ a Ɩsɩrayɛl na-bom a, ʋ bɛ ŋmɛ̃ taa nɩ a ɩ. A ʋl a, ʋlɛ n'ɩ a bome za íre, ɛ́ a Ɩsɩrayɛl'ɩ a dɔwlʋ ʋ na so a. A ʋ yúor'ɩ: «A Sore, a kpɛnʋ-za-sob.»

Zeremi 51:19 ပူးပေါင်းရင်းမြစ်များ

Sɛb-sõw yielu 115:3

A tɩ Naaŋmɩn be n a salom zu, ʋ mɩ́ maal'ɩ bom za ʋ na bɔbr'a.

Sɛb-sõw yielu 135:4

A Sore kaa na ír a Zakɔb a ʋl mɩŋa ƴãw, ʋ ɩ na a Ɩsɩrayɛl lɩɛbɩ a ʋ bʋ̃-sora mɩŋa.

Sɛb-sõw yielu 16:5

Sore e, fʋ̃ʋ bɛ na põ ír kʋ̀ m a, ɛ́ fʋ ɩ a ɩ̃ nyɔ-vʋʋrʋ a, a fʋ nũú n'a a ɩ̃ yele za be.

Sɛb-sõw yielu 33:12

Zu-nʋ̃ɔ̀ dem'ɩ a tẽw ʋl dem a Sore na ɩ a Naaŋmɩn a, zu-nʋ̃ɔ̀ dem'ɩ a nɩ-bʋʋrɛ bɛl ʋ na kaa ír so a.

Sɛb-sõw yielu 73:26

A ɩ̃ ƴã-gan nɩ a ɩ̃ socir na tʋ̃ɔ́ na bàl, ɛcɛ Naaŋmɩn i, fʋ̃ʋ n'ɩ a ɩ̃ socir fãw, nɩ a bom ɩ̃ na só kʋralɛ a.

Sɛb-sõw yielu 74:2

Cãà bãwnɩ a fʋ nɩ-bʋʋrɛ fʋ na páw koro za a. Cãà bãwnɩ a dɔwlʋ á ŋá fʋ na ya de só a, nɩ a Sɩyɔ̃ tãw fʋ na kpɩɛr a.

Ɩzayi 47:4

A sob nɛ na yarɛ dier tɩ a yúor'ɩ a Sore, a kpɛnʋ-za-sob,» a Ɩsɩrayɛl Naaŋmɩn na ɩ sõw a.

Ɩzayi 51:13

Nyɩ yiir'ɩ a Sore bɛr, ʋl na ír nyɩ a, ʋl na dɔl a salom ɛ́ bin a tẽw pɛr a. Bibie za, nyɩ mɩ́ màwr'ɩ a sob nɛ na dɔwrɛ nyɩ a niŋé, a lɛ a ʋ su-yãyaar na mɩ́ ìr, mɛ̃ ʋ cɔbr'a baarɩ na sãw nyɩ bɛr a. Ɛcɛ ƴɛrɛŋa a, nyɩnɛ n'a a ʋ su-yãyaar be?

Zeremi 10:12

A Sore ír'ɩ a tẽw nɩ a ʋ fãw, ʋ bin nɩ a tẽ-daa nɩ a ʋ yã-bãwfʋ, ʋ dɔl'ɩ a salom nɩ a ʋ yã.

Zeremi 10:16

Ɛcɛ a Naaŋmɩn na ɩ a Ɩsɩrayɛl na-bom a, bɛ ŋmɛ̃ taa nɩ a ɩ. Ʋl a, a bome za íre n'ʋ, ɛ́ ʋlɛ so a Ɩsɩrayɛl dɔwlʋ. A ʋ yúor'ɩ: «A Sore kpɛnʋ-za-sob!»

Zeremi 33:2

À ŋá n'a a sob nɛ na mɩ́ maalɩ a yele a, na mɩ́ cɔbrɩ a, ɛ́ ɩ a be a, yere. A Sore n'ʋ, a ʋ yúor'ɩ lɛ.

Zeremi 50:11

Nyɩ cɩlɛ, nyɩ cɩlɛ ƴawr'ɩ, nyɩɩm na sãw a ɩ̃ zi-sóra bɛr a! Nyɩ ƴawr dúor saa mɛ̃ náli-pɔlɛ mɔ̃-ɓaar pʋɔ a! Nyɩ kone mɛ̃ wur-daar a!

Zeremi 50:34

A mãa, a bɛ faarɛ, ɩ̃ tɛr'ɩ fãw, mãa n'ɩ a Sore, a kpɛnʋ-za-sob. Ɩ̃ na faa bɛ na nɩ fãw, ɩ a ƴã-ɓaarʋ lɛb be a tẽw zu, ɛ́ a Babɩlɔn tẽw dem màwr.»

Zeremi 51:5

Bʋ̃ʋ n'ʋ vɛ̃, a bɛ tẽw paal'ɩ a sãwfʋ bɛ na ɩ sãw a Ɩsɩrayɛl Naaŋmɩn na ɩ sõw a. Ɛcɛ a Ɩsɩrayɛl nɩ a Zuda bɛ bɔr a bɛ Naaŋmɩn, a Sore kpɛnʋ-za-sob, bɛr ɛ.

A Lãw-mʋɔlɛ 3:24

Ɩ̃ yel'a: a Sore n'ɩ a ɩ̃ na-bom, alɛ n'a so ɩ̃ ƴãw a ɩ̃ tɩɛrʋ a ʋ ƴãw.

Wulu-ayi-sob 32:9

ɛcɛ ʋ kaa na ír so a Ɩsɩrayɛl bʋʋrɛ, ʋlɛ n'ʋ gùre a Zakɔb bʋʋrɛ.

1 Pɩɛr 2:9

Ɛcɛ nyɩɩm a, nyɩ ɩ n «Nɩ-bʋʋrɛ bɛ na kaa ír a, Nãà bàwr-maalbɛ, nɩ-son bʋʋrɛ, nɩbɛ Naaŋmɩn na ya de a», kɛ́ nyɩ manɛ a ʋ tõ-vɩɛlɩ, ʋl na bʋɔlɩ nyɩ a lige pʋɔ yi wa n a ʋ cãà na bɛ tɛr tɔ a pʋɔ a.