Zeremi 51:18 - A SƐB-SÕW

¹⁸ A bɛ tɛr pɛr ɛ, laarʋ tɛwr'a a ɩrɛ. A Sore wa ìr a ƴãw a lɛn daar a, a na bɔr a.

Zeremi 51:18 ပူးပေါင်းရင်းမြစ်များ

Eziptɩ tẽw yib 12:12

«Ɩ̃ na tɔl'ɩ a Eziptɩ tẽw pʋɔ a dɩ̃a tɩ̃ɩsɔw, kʋ a bʋ̃-dãw-dɔwrɩ za, a nɩsaalbɛ bi-dãw-dɔwrɩ lãwnɩ a dʋn bʋ̃-dãw-dɔwrɩ. À ŋá n'a a mãa, a Sore, ɩ̃ na dɔwrɩ a Eziptɩ tẽw ŋmɩmɛ.

Ɩzayi 19:1

Ƴɛ̀rʋ na ƴɛ̀r a Eziptɩ tẽw ƴãw a. A Sore be n zũzuwr na cere fɔ̃w fɔ̃w a zu, ʋ tarɛ nɩ a Eziptɩ tẽw. A Eziptɩ tẽw tɩbɛ màwr'ɩ a ʋ niŋé, ɛ́ a Eziptɩ tẽw dem kanyir baarɩ.

Ɩzayi 2:18

A tɩbɛ za na bɔr a.

Ɩzayi 46:1

A ŋmɩn Bɛl gũu na, a ŋmɩn Nebo lo na. Bɛ de nɩ a dasuli tuo dʋn. A bome bɛ na mɩ́ tɩ tuo cɔrɩ cere nɩ a, alɛ n'ɩ a ŋan lɩɛbɩ tuor, to-tɩbrʋ dʋn na bàl a ƴãw.

Ɩzayi 57:12

Ɩ̃ na yel'ɩ cãamɩ́ lɛ a lɛ fʋ na ŋmɛ̃ a, nɩ a fʋ ɩ-ɩrɩ. Fʋ bɛ nyɛrɛ tɔnɛ kãw za a pʋɔ ɛ.

Zeremi 10:11

Nyɩ nyɛ̃ a lɛ nyɩ na na yel kʋ̀ bɛ a: A ŋmɩmɛ na bɛ ír a salom nɩ a tẽw a, a fɛr'a k'aa bɔr a tẽw zu, a bɔr a salom pile.

Zeremi 10:14

Lɛ n'a a nɩbɛ za dɛ mɩ́ àr lɛ, bol, bɛ bãw bom pɛr ɛ. Vĩ ɩrɛ nɩ a kur-nyɩlbɛ za, a bɛ ŋmɩn-bɛlmɛ ƴãw. A dasuli á ŋá ɩ n bɛlʋ: vʋʋrʋ bɛ be a pʋɔ ɩ.

Zeremi 10:15

A bɛ tɛr pɛr ɛ, bome na ɩrɛ laarʋ a n'a. A lɛn daar a Sore wa ìr a ƴãw a, a na bɔr'a.

Zeremi 10:8

A nɩbɛ bɛ ŋa bol'ɩ bɛ za, been bɛ cɛ ɩ. A bɛ ŋmɩmɛ á ŋá kʋ̃ tʋ̃ɔ́ zanɩ nɩ bɛ bom ɛ, dàar ŋmɩmɛ n'a.

Zeremi 18:15

Ɛcɛ a ɩ̃ nɩ-bʋʋrɛ yiiri mɛ̃ na bɛr. Bɛ maalɛ nɩ bagɛ kʋ̀rɛ ŋmɩmɛ na bɛ ɩ ŋmɩmɛ a. A ŋmɩmɛ á ŋá ƴãw na bɛ ŋmɩɛr gbɛ́ɛ a sɔ́r zu. A ƴãw na bɛ bɛr a sɔ́r bɛ na tuur a koro za a, ɛ́ cere sɔrle na bɛ puo a zu.

Zeremi 46:25

A Sore, a kpɛnʋ-za-sob, a Ɩsɩrayɛl Naaŋmɩn, yere na: «Ɩ̃ na wa n a Tɛb tẽ-kpɛ̃ɛ ŋmɩn Amɔ̃ ƴãw, a Eziptɩ tẽw, a ʋ ŋmɩmɛ nɩ a ʋ na-mɩnɛ ƴãw, a Faarawɔ̃ nɩ a bɛlɩ dem na ƴãw a bɛ tɩɛrʋ a ʋ ƴãw a, ƴãw.

Zeremi 48:7

Mowab tẽw i, fʋ tɩ ɩrɛ na ƴãwn a fʋ tome nɩ a fʋ na-bome ƴãw. Ɛcɛ, bɛ mɩ̀ na zɛb'a de b. A fʋ ŋmɩn Kemɔsɩ na cen nɩ tẽ-yũo lãwnɩ a fʋ bàwr-maalbɛ nɩ a fʋ nɩ-bɛrɛ, bɛ za.

Zeremi 50:2

«Nyɩ yel a yel ŋa kʋ̀ a nɩ-bʋʋrɛ za, nyɩ bà bãwfʋ bom ɩ kɛ̀ bɛ bãw ʋ, nyɩ ɩ bɛ bãw ʋ, nyɩ taa sɔwlɛ bom za ɩ. Nyɩ yel: Bɛ zɛb'a de a Babɩlɔn tẽw, vĩ nyɔw nɩ a ʋ ŋmɩmɛ dasuli, a ʋ tɩbɛ kanyir za baar'a. Vĩ nyɔw nɩ a Bɛl, a ŋmɩn Maardukɩ kanyir za baar'a.

Ezekɩɛl 6:6

Zie za nyɩ na kpɩɛr a, a ten na ɩ n zawlɛ ɛ́ bɛ jɛ a maalʋ-ziir bɛr. A nyɩ bàwr-maal-kube na ŋmɛr'a gã, ɛ́ kʋ̃ tɛr yel-ɩra kãw za ɩ. Bɛ na ŋmɛr'ɩ a nyɩ ŋmɩmɛ bɛr, ír a bɛr, ɛ́ sãw a nyɩ parfɛ̃ nyɩwfʋ ziir bɛr. Bom nɛ za nyɩ na maalɩ a na sãw na, a nʋɔr kʋ.

Zonasɩ 2:8

A lɛn daar ɩ̃ na tɩ ŋmaar a vʋʋrʋ a, ɩ̃ tɩ lɛb'a tɩɛrɩ a fʋ yele, Sore e, ɛ́ a ɩ̃ puoru tɩ ta b'ɩ a fʋ yir-sõw pʋɔ.

Sofoni 2:11

A Sore kʋ̃ tɛr dɩ̃ɛnʋ a bɛ zie ɩ, ʋ na sãw nɩ a nɩsaalbɛ ŋmɩmɛ za bɛr. Lɛ n'a a ten al na zãá zuo a za a na ƴãwnɛ ʋ, ŋa za a ʋ tẽsɔw zu.

Nɩ-toni 14:15

tɩ yel: «Alɛ! Bá-mɩnɛ ɛ, bʋ̃ʋ n'ʋ so nyɩ ɩrɛ à à ŋá? Tɩ mɩ̀ ɩ n nɩsaalbɛ mɛ̃ a nyɩɩm a! A Yel-nʋ̃ɔ̀ tɩ na hiere kʋ̀rɛ nyɩ a, ʋlɛ n'ɩ kɛ́ nyɩ bɛr a bʋ̃-zawlɛ á ŋá ɛ́ sàw de a Naaŋmɩn na vʋʋrɛ a. Ʋlɛ n'ʋ ír a salom, a tẽw, a kʋ̃ɔ-kpɛ̃ɛ nɩ a bome za na be a pʋɔ a.