Zeremi 51:14 - A SƐB-SÕW

¹⁴ A Sore, a kpɛnʋ-za-sob, pɔ n nɩ a ʋl mɩŋa à ŋá: «Sɩza, ɩ̃ na paalɩ fʋ na nɩ nɩbɛ mɛ̃ sãsoge a, ɛ́ bɛ na ŋmɛ n a zɛb-tʋ̃ɔ́fʋ cɛlsɩ a fʋ ƴãw.»

Zeremi 51:14 ပူးပေါင်းရင်းမြစ်များ

Sɛb-sõw yielu 105:34

A Naaŋmɩn tɩ ƴɛ̀r a, ɛ́ sãsoge nɩ sãsow-nãa-nʋrɩ wa bɛ dɩ vuo ɩ,

Zeremi 44:26

Ɛcɛ nyɩɩm za, Zuda tẽw dem na kpɩɛr a Eziptɩ tẽw a, nyɩ bɛr wõ vla a lɛ ɩ̃ na yere kʋ̀rɛ nyɩ a! A mãa Sore, ɩ̃ pɔrɛ nɩ nɩ a ɩ̃ yúor na ɩ kpɛ̃ɛ a: A Eziptɩ tẽw za pʋɔ a, Zuda tẽw nɩr kãw za kʋ̃ mɩ́ lɛb por a ɩ̃ yúor, ʋlɛ wa bɔbr k'ʋʋ kõ nʋɔr a lɛn daar a ɩ. Nɩr za kʋ̃ mɩ́ lɛb yel à ŋá ɩ: “Ɩ̃ pɔ n a Sore na vʋʋrɛ a yúor ƴãw...”

Zeremi 46:23

A Sore yere na: Bɛ sáwr'ɩ a ʋ tuw, a ʋ tuw-zũgulu na bɛ tɛr kpɛb a. Bʋ̃ʋ n'ʋ vɛ̃, bɛ yãwmɛ na zuo sãsoge, nɩr kʋ̃ tʋ̃ɔ́ bɛ sɔr ɛ.

Zeremi 49:13

Mãa mɩŋa n'ʋ ɩ̃ pɔrɛ nɩ, a fʋ tẽ-kpɛ̃ɛ, Bɔsɩra, na lɩɛb'ɩ zi-faa faa, deboru. Bɛlɛ wa ŋmɩɛr ƴãwn, bɩɩ bɛlɛ wa bɔbr kɛ́ bɛ ƴãw nɩr vĩ a, ʋlɛ n'ʋ bɛ na mɩ́ de man nɩ. A tẽ-bɛrɛ za na lɩɛb'ɩ deboru gã kʋralɛ.» À à ŋá n'a a Sore yel.

Zeremi 50:15

Nyɩ lɔb a zɛbr cɛlsɩ jil koli nɩ ʋ, ʋ zɛw nɩ a nuru wul k'ʋʋ bɛ cãà zɛbr ɛ. A ʋ yir-cõcowli ŋmɛr'a, a ʋ dacine lo na. A Sore n'ʋ yarɛ a san, a lɛ pʋɔ a, nyɩ yáa a san a Babɩlɔn zu. Nyɩ ɩ ʋ mɛ̃ a lɛ ʋ na tɩ ɩ a ʋ taabɛ a.

Zeremi 51:27

Nyɩ zɛw a dɩrapo a tẽw pʋɔ, nyɩ pɛblɩ ɩɩl a nɩ-bʋʋr-yoru sɔgɔ. Nyɩ ɓã a nɩ-bʋʋrɛ taa a Babɩlɔn tẽw ƴãw, nyɩ bʋɔlɩ a Araratɩ, a Mini, a Asɩkenaazɩ naalʋ-ten a ʋ ƴãw. Nyɩ ƴãw sojarɩ nɩ-bɛrɛ bɛ ír sojarɩ. Nyɩ ƴãw wie na yãwmɛ mɛ̃ sãsoge a, a cen a ʋ ƴãw.

Zowɛl 2:25

A Sore yere na: Ɩ̃ lɛb'a kʋ̀rɛ nyɩ a yome al za bʋ̃-kʋ́ɔrɩ a tãatuli, a sãsowe, a zãzule nɩ a sãsow-nãa-nʋrɩ na 'wɔb a, al na ɩ a ɩ̃ zɛbr-nɩ-yaga ɩ̃ na tõ a nyɩ ƴãw a.

Amɔsɩ 6:8

A Sore, a Naaŋmɩn kpɛnʋ-za-sob pɔ na yel à ŋá: «Mãa wa sɩrɩ n'ɩ a Naaŋmɩn a, ɩ̃ bɛ nɔnɛ a Zakɔb yir pɔ̀lʋ towtow ɛ, ɩ̃ bɛ nɔnɛ a ʋ yir-vɩɛlɩ vɩɛlɩ ɛ. Ɩ̃ na ƴãw na a Samaari tẽw dɔ̃ dem so a Samaari tẽw.»

Ebre 6:13

A lɛn daar a Naaŋmɩn na tɩ ƴãw a ʋ nʋɔr kʋ̀ a Abraham a, a ʋl mɩŋa n'ʋ ʋ tɩ pɔ n, ʋ na bɛ tɩ nyɛ̃ nɩr ʋ ɩ kpɛ̃ɛ zuo ʋ, ʋ na pɔ n a.

Ƴɛ̀r-dɩrbɛ 6:5

Bʋ̃ʋ n'ʋ vɛ̃, bɛ mɩ́ tɩ tɛr'ɩ a bɛ dʋn nɩ a bɛ pɛnɛ-sɛwr cɔlɛ nɩ, mɩ́ tɩ ta yãwmɛ mɛ̃ sãsoge a. Bɛlɛ nɩ a bɛ nyɔ̃wmɩ tɩ yãwmɛ na, nɩr kʋ̃ tʋ̃ɔ́ sɔ́r bãw a nʋɔr ɛ. Bɛ mɩ́ tɩ kpɛ na so a tẽw za, sãwnɛ ʋ bɛrɛ.