Zeremi 51:13 - A SƐB-SÕW

¹³ Babɩlɔn i, fʋ̃ʋ na kpɩɛr a man-kpɛ̃ɛ nʋɔr a, fʋ̃ʋ na tɛr na-bome bɛ dɩ vuo a, a fʋ baarʋ ta na, fʋ zu n a fʋ taabɛ a sɛw.

Zeremi 51:13 ပူးပေါင်းရင်းမြစ်များ

Yele-za-pɛr-tib 6:13

Lɛ n'a a Naaŋmɩn tɩ yel a Nowe: «Mãa zie a, a nɩsaalbɛ yele baar'a. Bɛlɛ nɛbɛ so a po-to-fãw-ɩb paalɩ a tẽ-daa. A na ɩ lɛ a, ɩ̃ na sãw bɛ na bɛr lãwnɩ a tẽw.

Sɛb-sõw yielu 137:1

Tɩ tɩ zɩ̃ n a Babɩlɔn tẽw mamɛ nʋɔr be, tɩɛrɛ a Sɩyɔ̃ tẽw kone nɩ.

Ɩzayi 43:14

À ŋá n'a a Sore yere, ʋl na ɩ a nyɩ ya-diere a, a Ɩsɩrayɛl Naaŋmɩn na ɩ sõw a: «A nyɩɩm ƴãw a, ɩ̃ tone nɩ nɩr a Babɩlɔn. Ɩ̃ na ír'ɩ a dàar na jɩ̀r a pamɛ a bɛr. Lɛ n'a a nʋ̃ɔ̀ cɛlsɩ na lɩɛbɩ kon a Babɩlɔn tẽw dem zie.

Ɩzayi 45:3

Ɩ̃ na kʋ̀ b'ɩ a libie na bin a lige pʋɔ a, nɩ a na-bome na sɔwlɩ a. Lɛ n'a fʋ na bãw kɛ́ mãa n'ɩ a Sore, a sob nɛ na yel a fʋ yúor bʋɔlɩ fʋ a, a mãa, a Ɩsɩrayɛl Naaŋmɩn.

Ɩzayi 57:17

A Ɩsɩrayɛl sãwna na n'ɩ ʋ na mɩ́ nyɛ̃ a bom zɩnɛ guur a, ɩ na k'ɩ̃ nyɛ̃ suur, ɛ́ a ɩ̃ suur pʋɔ ɩ̃ ŋmɛ ʋ. Ɩ̃ bɛ tɩ cãà bɔbr k'ɩ̃ɩ nyɛ̃ ʋ ɛ. Ɛcɛ a ʋ zu kpɛmɛ na, ʋ cãà ɩ a ʋ ɩb.

Zeremi 17:11

Kɔrnyɛ̃ na ũú nɩ jɛlɛ ʋ na bɛ lɔb a, à ŋá n'a nɩr na kpɛ nyãnyu-naalʋ a ŋmɛ̃. A ʋ nyɔ-vʋʋrʋ põ-zɛ̃-taa pʋɔ a, a ʋ naalʋ mɩ́ bɛr ʋ na, ɛ́ a baarʋ daar ʋ ɩ mɛ̃ dãbol a.»

Zeremi 50:27

Nyɩ kʋ a bɛ soja-vɩɛlɩ vɩɛlɩ za, nyɩ tɛr bɛ cen nɩ a kʋb zie! Nyɛ̃ kpɩɛrʋ na ta bɛ a, bʋ̃ʋ n'ʋ vɛ̃, a bibir vɩɛ na a Sore na na ìr a bɛ ƴãw a.

Zeremi 50:31

«Pɔ̀lʋ sob Babɩlɔn i, mãa nɩ fʋ̃ʋ nɛbɛ! A Sore Naaŋmɩn, a kpɛnʋ-za-sob'ʋ yere. A fʋ bibir vɩɛ na, a daar ʋl ɩ̃ na na sowri fʋ bom a ta na.

Zeremi 50:37

Zɛbr, a lo a bɛ wie nɩ a bɛ zɛbr-torkori zu, a lo a nɩbɛ na jɛr-taa ɛ́ zɛbr a ʋ ƴãw a zu! Bɛ lɩɛbɩ pɔwbɛ na bɛ tɛr fãw a! Zɛbr, a lo a bɛ na-bome zu, bɛ zá a.

Zeremi 51:36

A na ɩ à ŋá a, nyɛ̃ a lɛ a Sore na yere a Zerizalɛm ƴãw a: «Ɩ̃ na tu n a fʋ yele pùor ɛ́ yáa a fʋ san: ɩ̃ na ɩ na a Babɩlɔn tẽw man ʋ ko, ɛ́ ɩ a ʋ bul-nʋɔr ʋ sɩr.

A Lãw-mʋɔlɛ 4:18

Bɛ piwre nɩ a tɩ gbɛ-ceni: tɩ kʋ̃ tʋ̃ɔ́ lɛb cen a tɩ nɩ-yaga tuor-taa ziir ɛ. A tɩ baarʋ tarɛ na, a tɩ nyɔ-vʋʋrʋ baar'a, a baarʋ n'a.

Amɔsɩ 8:2

Ʋ tɩ sowri mɛ̃ na: «Amɔsɩ ɩ, bʋ̃ʋ n'ʋ fʋ nyɛ̃?» Ɩ̃ sɔw: «Tɩ-wɔmɛ nɩ pèlé n'a ɩ̃ nyɛ̃, a tɩ-wɔmɛ daar na ta baarʋ a.» Lɛ n'a a Sore tɩ yel mɛ̃: «A ɩ̃ nɩ-bʋʋrɛ Ɩsɩrayɛl baarʋ ta na, ɩ̃ kʋ̃ lɛb bɛr a bɛ sãwna kãw za ɩ.

1 Pɩɛr 4:7

A yele za baarʋ pɩɛl'a, lɛ so nyɩ mɩ́ nyɔw nyɩ tʋɔra a dɩb nɩ a nyub ƴãw, mɩ́ tʋ̃ɔ́ puori.

2 Pɩɛr 2:3

Ɛ́ bɛ na nɔnɛ kɛ́ bɛ tɛr a a, bɛ na tɛr'ɩ nɔ-kãá nɛbr'ɩ nyɩ. Ɛcɛ bɛ maal'ɩ bɛ nɩ a ƴɛ̀rʋ baarɩ koro za, ɛ́ a bɛ loba ɩ yɩ̃ɛlɛ.

Yel-wula 17:1

Lɛ n'a a malkɩ ayopõi na tɩ tɛr a koli-nyúuri ayopõi a, a bɛ ƴen sob tɩ wa wa yel mɛ̃: «Wa, ɩ̃ɩ na wul fʋ nɩ a lɛ bɛ na maal'ɩ a pɔw-yɛm-kpɛ̃ɛ a ƴɛ̀rʋ a, a pɛr lɛ k'aa tẽ-kpɛ̃ɛ ʋl na àr mamɛ yaga nʋɔr a.

Yel-wula 17:15

A malkɩ tɩ cãà na yel mɛ̃: «A kʋ̃ɔnɩ fʋ na nyɛ̃ a, a be a pɔw-yɛm na zɩ̃ a, nɩ-bʋʋrɛ bʋʋrɛ nɛbɛ, zu-sɛbla yaga yaga, ten ten nɩbɛ nɩ ƴɛ̀r-pɛ-bʋʋrɛ bʋʋrɛ nɩbɛ nɛbɛ.

Yel-wula 18:19

Bɛ tɩ 'wɔ̃wnɛ nɩ tanɛ ƴãwnɛ a bɛ zũú, bɛ tɩ tuore nɩ nuru zũú kone cɩɩrɛ yere nɩ: «Zu-bio! Nyɛ̃ zu-bio na páw a tẽ-kpɛ̃ɛ a! A ʋ naalʋ n'a tɩ ƴãw a bɛlɩ dem za na tɛr gbee a kʋ̃ɔ-kpɛ̃ɛ zu a, bɛ kpɛ naalʋ. Ɛ́ a wa ɩ tɛm been yõ, ɛ́ a ʋ yele baarɩ!»