Zeremi 51:12 - A SƐB-SÕW

¹² Nyɩ zɛw a dɩrapo a zɛbr tib ƴãw, a Babɩlɔn tẽw dacĩ-bɛrɛ ŋmɛr bɛ́rʋ ƴãw. Nyɩ ɩ a sojarɩ yãwmɛ dɔwlɩ, a ziir bɛ na gùre a pʋɔ. Nyɩ ƴãw zi-piwrbɛ! Nyɩ sɔwlɩ nɩbɛ a zɛbr ƴãw! À à ŋá n'a a Sore maalɛ a lɛ ʋ na tɩɛrɩ bin a, a ʋlɩ bom nɛ ʋ na yel a Babɩlɔn tẽw dem ƴãw a.

Zeremi 51:12 ပူးပေါင်းရင်းမြစ်များ

Zʋkpaɩ 21:30

Yã-bãwfʋ kãw za, yã kãw za nɩ tɩ́ɛrʋ kãw za bɛ ɩ bom a Sore niŋé ɩ.

Ɩzayi 11:12

Ʋ na zɛw nɩ bãwfʋ k'ʋʋ yel a nɩ-bʋʋrɛ bɛ ŋa ʋ na na lɛb ɓã a Ɩsɩrayɛl nɩbɛ taa a, bɛl bɛ na diw a bɛ tẽw pʋɔ cen nɩ a, nɩ ʋ na na lɛb ɓã a Zuda nɩbɛ taa na yàarɩ be a tẽw lõbowe anaar a.

Ɩzayi 13:2

A Sore yere na: «Nyɩ zɛw bãwfʋ tã-kpalɛ zu. Nyɩ lɔbr nʋ̃ɔ̀ cɛlsɩ yere kʋ̀rɛ a zɛbr-nɩbɛ. Nyɩ wul bɛ nɩ a nũu, bɛ tu a nɩ-yée dɩ̃dɛɛ ƴãw kpɛ.

Zeremi 23:20

A Sore suur bɛ ɓãanɛ ʋlɛ bɛ wa tõ a lɛ za ʋ na yel a ɩ. A pùorí n'a nyɩ na bãw a pɛr.

Zeremi 4:28

Alɛ so a tẽw be a wahala pʋɔ, ɛ́ a saa-zu, a lige pàw a salom. Bʋ̃ʋ n'ʋ vɛ̃, ɩ̃ yel'ɩ a lɛ ɩ̃ na tɩ yel k'ɩ̃ɩ na ɩ na a, ɩ̃ kʋ̃ lɩɛbɩ bɛr ɛ, ɛ́ ɩ̃ kʋ̃ lɛb pùor ɛ.

Zeremi 50:2

«Nyɩ yel a yel ŋa kʋ̀ a nɩ-bʋʋrɛ za, nyɩ bà bãwfʋ bom ɩ kɛ̀ bɛ bãw ʋ, nyɩ ɩ bɛ bãw ʋ, nyɩ taa sɔwlɛ bom za ɩ. Nyɩ yel: Bɛ zɛb'a de a Babɩlɔn tẽw, vĩ nyɔw nɩ a ʋ ŋmɩmɛ dasuli, a ʋ tɩbɛ kanyir za baar'a. Vĩ nyɔw nɩ a Bɛl, a ŋmɩn Maardukɩ kanyir za baar'a.

Zeremi 50:25

A Sore yuo nɩ a ʋ zɛbr bome dĩo, ɛ́ na wul a ʋ suur nɩ a ʋ zɛbr bome ʋ na ír a. A Babɩlɔn tẽw a, tome gã nɩ a Sore, a Naaŋmɩn kpɛnʋ-za-sob ƴãw.

Zeremi 51:11

A Sore tɛr'ɩ tɩɛrʋ k'ʋʋ sãw a Babɩlɔn tẽw. Ʋ sɩ̃wnɛ nɩ a Mɛdɩ mɩnɛ na-mɩnɛ tɩɛrʋ a al ƴãw. A Sore san-yaafʋ n'a, ʋ yáarɛ nɩ a ʋ yir-sõw san. Nyɩ kàr a nyɩ pime, nyɩ ƴãw a paalɩ a nyɩ lɔwr.

Zeremi 51:27

Nyɩ zɛw a dɩrapo a tẽw pʋɔ, nyɩ pɛblɩ ɩɩl a nɩ-bʋʋr-yoru sɔgɔ. Nyɩ ɓã a nɩ-bʋʋrɛ taa a Babɩlɔn tẽw ƴãw, nyɩ bʋɔlɩ a Araratɩ, a Mini, a Asɩkenaazɩ naalʋ-ten a ʋ ƴãw. Nyɩ ƴãw sojarɩ nɩ-bɛrɛ bɛ ír sojarɩ. Nyɩ ƴãw wie na yãwmɛ mɛ̃ sãsoge a, a cen a ʋ ƴãw.

Zeremi 51:29

A tẽsɔw màwr'a, ʋ màwr'ɩ dɛ̃bɩ̃-mawfʋ a lɛn daar a Sore na tuur a lɛ ʋ na tɩɛrɩ a Babɩlɔn tẽw ƴãw a: ʋ ɩrɛ na a Babɩlɔn tẽw lɩɛbɛ wɛja-kpalɛ na ɩrɛ nɩbaalʋ a, tẽw nɩr za na bɛ cãà kpɩɛr a.

A Lãw-mʋɔlɛ 2:17

A Sore ɩ n a lɛ ʋ na tɩɛrɩ bin a, ʋ tu n a lɛ ʋ na yel a, a lɛ ʋ na ƴãw a nʋɔr a koro kãw za a. Ʋ sãw nɩ bom za bɛr, ɛ́ bɛ zɔ nɩbaalʋ ɛ. Ʋ ɩ na a dɔ̃ sob cɩlɛ a fʋ kpɩɛrʋ ƴãw, ʋ ɩ na a fʋ bɛ-nɔnbɛ tɛr fãw dɔwlɩ.

Zowɛl 3:2

A alɩ bibie nɛ a, ɩ̃ na ƴãw nɩ a ɩ̃ Vʋʋrʋ a tõ-tõ-biir tɛɛ za, a dɛbr nɩ a pɔwbɛ.

Nahum 2:1

Zuda tẽw dem i, nyɩ nyɛ̃ yel-nʋ̃ɔ̀ yere na be a tan zu waar a: ƴã-ɓaarʋ n'a ʋ yere! Nyɩ maalɛ a nyɩ cuwr, nyɩ ír a nɛ́ɛ nyɩ na kõ kʋ̀ a Naaŋmɩn a. A zi-sãwnɛ kʋ̃ lɛb kpɛ a nyɩ tẽw pʋɔ ɩ, a ʋ fãw baar'a.

Zozue 8:14

A biɓaara a, a Aɩ tẽw nãà na tɩ nyɛ̃ a Ɩsɩrayɛl nɩbɛ a, ʋlɛ nɩ a ʋ sojarɩ za tɩ yi n fɔ̃wlɛ kɛ́ bɛ tɩ zɛb'ɩ a Ɩsɩrayɛl, a be bɛ na tɩ zɛb a dãw-niwn sob a, a Zurdɛ̃ bà-fʋɔla lowr. Ɛcɛ ʋ bɛ tɩ bãw kɛ́ nɩbɛ sɔwl'ɩ a ʋ ƴãw, a tẽw pùorí ɛ.