Zeremi 50:9 - A SƐB-SÕW

⁹ Bʋ̃ʋ n'ʋ vɛ̃, ɩ̃ na ɩ na tẽ-bɛrɛ na ɓã taa a, ìr, ɩ̃ɩ ƴãw a cen tɩ zɛb'ɩ a Babɩlɔn tẽw. A nɩbɛ bɛ ŋa na yi n saa-pɛrɩ́-gʋba-lowr wa, wa pɩɛrɩ a zɛbr pɩɛrʋ a ʋ ƴãw, zɛb de ʋ. A bɛ pime bɛ nyɩrɛ bom ɛ, mɛ̃ gãdaa na bɛ lɛbr waar nũ-zawl a.

Zeremi 50:9 ပူးပေါင်းရင်းမြစ်များ

2 Samɩɛl 1:22

A dɔ̃ dem kʋb ƴãw a, a dɔ̃ dem na tɛr fãw a zɛb-tʋ̃ɔ́fʋ ƴãw a, a Zonatã tam bɛ tɩ nyɩrɛ ɩ, a Sawul zɛbr-sɔ-kpɛ̃ɛ mɩ́ tɩ tõ n a ʋ tome kʋralɛ.

A Yielu za pʋɔ yiel-vla vla 3:8

Bɛ za tɛr'ɩ a zɛbr-sɔ-bɛrɛ, ɛ́ ɩ nɩbɛ bɛ na cɔbrɩ a zɛbr ƴãw a. Ŋa za sɛ n a ʋ zɛbr-sɔ-kpɛ̃ɛ a ʋ sɩɛmɩ́ k'ʋʋ tʋ̃ɔ́ gù n ʋ tʋɔra a tɩ̃ɩsɔw yel-fɛrɩ ƴãw.

Ɩzayi 21:2

— Yel-nyɛra na ɩ kpɛ̃ɛ a n'ʋ a Sore ɩ k'ɩ̃ nyɛ̃. — A nɩr ʋl nyɩ na tɩ dãw tɛr'ɩ a wõ-taa a lɩɛb'ɩ mɩlmɩlɛ, a zi-sãwnɛ sãwnɛ nɩ a zie. A Sore yere na: «Elam tẽw dem i, nyɩ ìr'ɩ a zɛbr! Mɛdɩ mɩnɛ ɛ, nyɩ piw a tẽ-kpɛ̃ɛ! Ɩ̃ na ɩ na a ʋ pɔ̀l-ɩb za baarɩ.»

Ɩzayi 41:25

A saa-pɛrɩ́-gʋba-lowr a, ɩ̃ ƴãw na nɩr yi, ɛ́ ʋlɛ n'ɩ ŋan waar. A be a mʋ̃tɔ̃w na mɩ́ pur a, ʋ wõ na bɛ bʋɔlɩ a ʋ yúor. Ʋ nɛbr'ɩ a na-kpɛ̃ɛ-lɩɛrbɛ mɛ̃ mɛ̃mɛrɛ bɛ na mɩ́ nɛbr a, bɩɩ mɛ̃ yawr-mɩɛrɛ na nɛbr a yawra nɩ a ʋ gbɛ́ɛ a.

Zeremi 15:14

Ɩ̃ na ɩ na fʋ ɩ a fʋ dɔ̃ dem gbãgbaa tẽw fʋ na bɛ bãw a pʋɔ. A ɩ̃ suur vũu ìr'ɩ kel, na dɩrɛ fʋ.

Zeremi 25:14

Bʋ̃ʋ n'ʋ vɛ̃, a bɛl mɩ̀ a, nɩ-bʋʋr-yoru na yãwmɛ a, nɩ na-mɩnɛ na kpɛmɛ a na tʋ̃ɔ́ bɛ na. À ŋá n'a ɩ̃ na ɩ bɛ ya a bɛ ɩ-ɩrɩ nɩ a faa al za bɛ na maalɩ a san.”»

Zeremi 25:26

- a saa-pɛrɩ́-gʋba-lowr na-mɩnɛ za, a bɛl na pɩɛlɩ nɩ a bɛl na zãá a. A tɩ fɛr'a k'aa tẽ-daa naalʋ-ten al za na be a tẽw zu ziir za a, nyũ a koli-nyúura ŋa pʋɔ tu taa, ɛ́ a Sesakɩ tẽw nãà nyũ a bɛ za pùorí.

Zeremi 50:14

Nyɩɩm za, tam-tɛbrbɛ ɛ, nyɩ wa pɩɛrɩ zɛbr pɩɛrʋ jil koli a Babɩlɔn tẽw. Nyɩ tɛbr ʋ! Nyɩ ta gbɔb a pime tɛr ɛ! Bʋ̃ʋ n'ʋ vɛ̃, ʋ maal'ɩ yel-bier sãw a Sore.

Zeremi 50:21

A Sore yere nɩ a Babɩlɔn tẽw dɔ̃ sob: «Ŋmãa a zɛbr nɩ a kʋ̃ɔ-tuo tẽw. Ŋmãa nɩ ʋ a zɛbr, ɛ́ mɩ̀ ŋmãa nɩ a Pekɔdɩ tẽw dem a zɛbr! Kʋ kʋ bɛ, kʋ kʋ bɛ tɩ kʋ pàw pɛr. Ɩ a lɛ za ɩ̃ na yel kɛ́ fʋ ɩ a.

Zeremi 50:26

Nyɩ yi ziir za wa a tẽ-kpɛ̃ɛ ŋa pʋɔ! Nyɩ yuori a ʋ boge, nyɩ wob a ʋ na-bome ɓã ɓã taa, ɛ́ sãw ʋ bɛr! Bom za taa cɩ́ɛr ɛ.

Zeremi 50:29

Nyɩ bʋɔlɩ a tam-tɛbrbɛ za ɓã taa, nyɩ ɩ bɛ cen a Babɩlɔn tẽw dem ƴãw. Nyɩ maalɩ laɩ jil koli ʋ, nyɩ ta bɛr ʋ cɩ̃ɛ ɩ, nyɩ ya ʋ manɩ a ʋ tome. A lɛ ʋ na ɩ a ʋ taabɛ a, nyɩ mɩ̀ ɩ ʋ a lɛ. Ʋ ɩ n pɔ̀l-ɩb a Sore zie, a Ɩsɩrayɛl Naaŋmɩn na ɩ sõw a zie.

Zeremi 50:3

Bʋ̃ʋ n'ʋ vɛ̃, nɩ-bʋʋrɛ kãw yi n saa-pɛrɩ́-gʋba-lowr waar a ʋ ƴãw, bɛ na wa ɩ na a ʋ tẽw lɩɛbɩ wɛja-kpalɛ na ɩrɛ nɩbaalʋ a, nɩr za kʋ̃ lɛb kpɩɛr a ʋ pʋɔ towtow ɛ, a nɩsaalbɛ za nɩ a dʋn za na zɔ na, bɛ za na bɔr a.

Zeremi 51:11

A Sore tɛr'ɩ tɩɛrʋ k'ʋʋ sãw a Babɩlɔn tẽw. Ʋ sɩ̃wnɛ nɩ a Mɛdɩ mɩnɛ na-mɩnɛ tɩɛrʋ a al ƴãw. A Sore san-yaafʋ n'a, ʋ yáarɛ nɩ a ʋ yir-sõw san. Nyɩ kàr a nyɩ pime, nyɩ ƴãw a paalɩ a nyɩ lɔwr.