Zeremi 50:6 - A SƐB-SÕW

⁶ A ɩ̃ nɩbɛ tɩ ɩ na mɛ̃ píir na bɔr a, a cɩ̃ɩnbɛ tɩ bɔr a na bɛr, a cɔlɛ gʋɔr a tan pʋɔ, mɩ́ yi a tã-bɛrɛ zu tɩ sãá a tãli zu, ɛ́ yiiri a zàw bɛr.

Zeremi 50:6 ပူးပေါင်းရင်းမြစ်များ

Sɛb-sõw yielu 116:7

A fɛr'a k'ɩ̃ɩ ɓãá ɩ̃ mɩŋa, a Sore na maalɩ mɛ̃ vla a ƴãw.

Sɛb-sõw yielu 119:176

Ɩ̃ viire na gʋɔr mɛ̃ pɛrʋ na bɔr a: bɔ nyɔw mɛ̃, mãa fʋ tõ-tõ-bie, bʋ̃ʋ n'ʋ vɛ̃, ɩ̃ bɛ yiiri a fʋ nɛ-ƴãwnɩ bɛr ɛ.

Sɛb-sõw yielu 23:2

Mɔ̃-ɓaar pʋɔ n'a ʋ mɩ́ ƴãw ɩ̃ pɩ̃ɛnɛ. A pɩ̃ɛnʋ zie kʋ̃ɔ pɛr'a ʋ mɩ́ tɛr mɛ̃ cen nɩ.

Sɛb-sõw yielu 32:7

Fʋ ɩ n sɔwlʋ zie a ɩ̃ ƴãw, fʋ gùre mɛ̃ na k'aa kpɩɛrʋ ta páw mɛ̃ ɩ. Ɩ̃ na cɩɩrɛ nɩ a ɩ̃ nʋ̃ɔ̀, a gub fʋ na gùre mɛ̃ a lõboge za a ƴãw. Tɛw-àrʋ

Sɛb-sõw yielu 90:1

A Naaŋmɩn nɩr Moyiir puoru. Sore e, yome yome za, fʋ̃ʋ n'ʋ tɩ ɩ a tɩ sɔwlʋ zie.

Sɛb-sõw yielu 91:1

Ʋlɩ sob na zɔrɛ kpɩɛr a Naaŋmɩn-na-do-saa-bɛ-pɩɛl-a naayir ɛ́ pɩ̃ɛnɛ a Kpɛnʋ-za-sob ɓaarʋ́ a,

Ɩzayi 1:3

Náab mɩ́ bãw nɩ a sob nɛ na so ʋ a, ɛ́ bõw bãw a dʋ̃-laa ʋl pʋɔ a ʋ sore na ƴãwnɛ ʋ a dɩb a. Ɛcɛ a Ɩsɩrayɛl bɛ bãw bom za ɩ, a ɩ̃ nɩ-bʋʋrɛ bɛ bãw bom za pɛr ɛ.”

Ɩzayi 30:15

À ŋá n'a a Sore Naaŋmɩn, a Ɩsɩrayɛl Naaŋmɩn na ɩ sõw a yere: Nyɩ na na lɛb wa a ɩ̃ zie a, nɩ nyɩ na na ɓãa nyɩ mɩŋa a, lɛ tɛwr'a nyɩ na nyɛ̃ a faafʋ. A nyɩ fãw tɛwr'ɩ nyɩ na na zɩ̃ zoom ɛ́ ƴãw a nyɩ tɩɛrʋ a ɩ̃ ƴãw a. Ɛcɛ nyɩ bɛ sàwr ɛ.

Ɩzayi 32:2

A bɛ kãw za na ɩ na mɛ̃ pib zie a, a sɛsɛb ƴãw, mɛ̃ taw-lanʋ zie a, a saa ƴãw, mɛ̃ bàa kʋ̃ɔ na zɔrɛ tẽ-kõw pʋɔ a, mɛ̃ pì-kpɛ̃ɛ ɓaarʋ tẽ-tʋlʋ pʋɔ a.

Ɩzayi 53:6

Tɩ za tɩ bɔrɛ na gʋɔr mɛ̃ píir a, ŋa tuur ʋ sɔ́r, ŋa tuur ʋ sɔ́r. Ɛcɛ a Sore ɩ na a tɩ za sãwna lo a ʋ zu.

Zeremi 10:21

A nɩ-bɛrɛ nɛbɛ so a ɩ à à ŋá: bɛ ɩ n dãbol-ɩb, bɛ bɛ bɔ a Sore ɩ. Alɛ n'a so bɛ ɩ gù, ɛ́ a nɩbɛ bɛ na kaarɛ a yaarɩ be a ziir za.

Zeremi 13:16

Nyɩ ɩ a Sore nyɩ Naaŋmɩn nyɛ̃ a yúor-vɩɛlʋ-danʋ, ɛ́ a zie wa bãw sɔb, ɛ́ nyɩ wa bãw ŋmɩɛr a gbɛ́ɛ a tan a tɩ̃ɩsɔw lige na pili páw a zu. Nyɩ tɩ gùre nɩ a cãà, ʋʋ wa lɩɛbɛ ʋ ʋ ɩrɛ lige, ʋ ɩ zũzuwr sɛbla.

Zeremi 2:20

«Koro za n'a fʋ gáarɛ a ɩ̃ zu. Fʋ ɩ na a baarɩ mãa nɩ a fʋ̃ʋ cara pʋɔ, ɛ́ fʋ yel: “Ɩ̃ bɛ cãà bɔbr k'ɩ̃ɩ ɩ gbãgbaa ɩ.” Bʋ̃ʋ n'ʋ vɛ̃, tãle za zu, tɩ-zimpiri za pile, fʋ mɩ́ gã na mɛ̃ pɔw-yɛm a.

Zeremi 2:32

Pɔwsɩrale na tʋ̃ɔ́ na yiiri a ʋ dɛpaal-bome bɛr ɩ? Pɔw na maalɩ kul-taa a na tʋ̃ɔ́ na yiiri a ʋ kul-taa kparʋ kpàwr bɛr ɩ? Ɛcɛ a ɩ̃ nɩbɛ yiiri mɛ̃ na bɛr koro kãw za.

Zeremi 23:1

A Sore yere na: «Nyɛ̃ baw-bio a! A ɩ̃ nɩbɛ kaarbɛ ɩ n dʋ̃-cɩ̃ɩn-faar na bɛr a ɩ̃ dʋn a kpiir ɛ́ bɔrɛ gʋɔr a.»

Zeremi 3:23

Yel-mɩŋa sɩza, a gɔmɛ á ŋá za na ɩrɛ a tan zu a, a maalʋ á ŋá za na maalɛ a tãli zu a, a bɛ̀lɛ nɩ a nɩbɛ. Yel-mɩŋa sɩza, a Sore tɩ Naaŋmɩn zie n'a a Ɩsɩrayɛl páwr a faafʋ.

Zeremi 3:6

A nãà Zozɩasɩ daar a, a Sore tɩ yel mɛ̃ na: «Fʋ nyɛ̃ nɩ a ʋlɩ bom nɛ a Ɩsɩrayɛl a tɩɛrʋ na lɩɛbɛ a na ɩ a? Ʋ do n tãw za na kɛrɩ a zu, ʋ cen nɩ tɩ-zimpiri za pile tɩ tõ a pɔw-yɛm tome a be.

Zeremi 33:12

À ŋá n'a a Sore, a kpɛnʋ-za-sob, cãà lɛb yere: «A tẽw ŋa na sãw ʋ za gã bɛ tɛr nɩbɛ nɩ dʋn a ʋ pʋɔ, nɩ a ʋ tẽ-bɛrɛ za pʋɔ a, ziir na lɛb'a be be a dʋ̃-cɩ̃ɩnbɛ na na mɩ́ ƴãw a bɛ píir nɩ a bɛ bʋʋr a gã pɩ̃ɛnɩ a.

Zeremi 50:17

A Ɩsɩrayɛl tɩ ɩ na mɛ̃ pɛrʋ na bɔr kɛ̀ gben diwr a. A dãw-niwn sob na tĩ 'wɔb ʋ a n'ɩ a Asiiri tẽw nãà. Al pùorí, a Babɩlɔn tẽw nãà, Nabikodonozɔɔr, wa kar ʋ a kɔbɛ.

Zeremi 50:19

Ɩ̃ na tɛr'ɩ a Ɩsɩrayɛl lɛb wa n a ʋ zi-sóra pʋɔ, ʋʋ na páw nɩ a bʋ̃-dɩrɩ a Karmɛl tãw zu nɩ a Basan tã-sɛr zu. Ʋ kʋ̃ mɩ́ bɔ bom gú a Efarayim tãw zu nɩ a Galaadɩ tẽw pʋɔ ɩ.

Ezekɩɛl 13:10

A naaŋmɩn-ƴɛ̀r-manbɛ bɛ̀lɛ nɩ a ɩ̃ nɩ-bʋʋrɛ. Bɛ mɩ́ yere na: “A yele za cere nɩ vla”. Ɛcɛ bom za bɛ cere vla ɩ. A ɩ̃ nɩbɛ mɩɛr'ɩ dacin ɛ́ a bɛl fɔlɛ ʋ fɔlʋ tɛwr.

Ezekɩɛl 34:14

Ɩ̃ na tɛr a na cen nɩ mʋ̃ɔ 'wɔbrʋ zie na vɩɛl a, ɛ́ a na tɛr'ɩ a mʋ̃ɔ 'wɔbrʋ ziir a Ɩsɩrayɛl tẽw tan zu. A be a, a ɩ̃ píir na tʋ̃ɔ́ na pɩ̃ɛnɛ a mʋ̃ɔ 'wɔbrʋ zi-vɩɛlɩ pʋɔ. A na 'wɔbr'ɩ a mʋ̃ɔ a ziir na tɛr pʋɔrʋ a pʋɔ, a Ɩsɩrayɛl tẽw tan zu.

Ezekɩɛl 34:15

Mãa n'ʋ na ɩ a ɩ̃ dʋn cɩ̃ɩnɛ, mãa n'ʋ na ɩ a pɩ̃ɛnɛ. A mãa Sore Naaŋmɩn n'ʋ yere.

Ezekɩɛl 34:16

A pɛ́rʋ na bɔr a, ɩ̃ na cen na tɩ bɔ ʋ, a ʋl na cen zãá a, ɩ̃ na lɛb'a ŋmãa ʋ wa n. A ʋl na tɛr gbɛ-kaba a, ɩ̃ na sanɩ ʋ na. A ʋl na ɩ bàal a, ɩ̃ na lɛb'a kʋ̀ ʋ fãw. Ɛcɛ a ʋl na 'wɔr ɛ́ kpɛmɛ a, ɩ̃ na kʋ ʋ na. Ɩ̃ na kaarɛ nɩ a ɩ̃ dʋn zie tu n a mɩnʋ nɛ́ɛ.»

Matie 10:6

Ɛcɛ nyɩ nɩ̃ɛ cen a Ɩsɩrayɛl bʋʋrɛ nɩbɛ na ɩ mɛ̃ píir na bɔr a zie.

Matie 15:24

A Yeezu tɩ sɔw na: «A Ɩsɩrayɛl bʋʋrɛ nɩbɛ, na ɩ mɛ̃ píir na bɔr a, tɛwr zie n'a bɛ tõ m.»

Matie 9:36

Ʋ na tɩ nyɛ̃ a zu-sɛbla a, nɩbaalʋ tɩ kpɛ ʋ nɩ a bɛ ƴãw. Bɛ tɩ bàl bàl'a gã mɛ̃ píir na bɛ tɛr cɩ̃ɩnɛ a.

1 Pɩɛr 2:25

Nyɩ tɩ bɔrɛ na gʋɔr mɛ̃ píir a, ɛcɛ ƴɛrɛŋa a, nyɩ lɛb'a cen a sob nɛ na ɩ a nyɩ cɩ̃ɩnɛ nɩ a nyɩ kaarɛ a zie.