Zeremi 50:34 - A SƐB-SÕW

³⁴ A mãa, a bɛ faarɛ, ɩ̃ tɛr'ɩ fãw, mãa n'ɩ a Sore, a kpɛnʋ-za-sob. Ɩ̃ na faa bɛ na nɩ fãw, ɩ a ƴã-ɓaarʋ lɛb be a tẽw zu, ɛ́ a Babɩlɔn tẽw dem màwr.»

Zeremi 50:34 ပူးပေါင်းရင်းမြစ်များ

2 Bibie za yel-manɩ 6:39

a fʋ̃ʋ a, a salom zu be fʋ na kpɩɛr a, cɛlɛ be, bɛr wõ a bɛ yãayãa zɛlʋ ɛ́ sõw bɛ, ɛ́ dɩ suur kʋ̀ bɛ, a yel-bebe bɛ na maalɩ sãw fʋ a ƴãw.

A Zɔb sɛbɛ 19:25

Ɛcɛ mãa a, ɩ̃ bãw na k'aa ɩ̃ faarɛ vʋʋrɛ na, ɛ́ a baarʋ daar a, ʋ na ìr'a àr a tẽw zu.

Sɛb-sõw yielu 35:1

Daviir so ʋ. Sore e, tɛr'ɩ ƴɛ̀rʋ a bɛlɩ dem na tɛr'ɩ mɛ̃ ƴɛ̀rʋ a, zɛbr'ɩ a bɛlɩ dem na zɛbr'ɩ mɛ̃ a.

Sɛb-sõw yielu 43:1

Naaŋmɩn i, dɩ a ƴɛ̀rʋ wul a ɩ̃ yel-mɩŋa, kpɛ m a ƴɛ̀rʋ pʋɔ ɩ̃ na tɛr'ɩ nɩbɛ na bɛ zɔrɛ nɩbaalʋ a. Faa mɛ̃ a zir-ŋmarbɛ nɩ a yel-fa-maalbɛ nuru pʋɔ.

Eziptɩ tẽw yib 6:6

Alɛ so ɩ̃ yel kɛ́ fʋ yel à ŋá kʋ̀ a Ɩsɩrayɛl nɩbɛ: “Mãa n'ɩ a Sore. Ɩ̃ na ír nyɩ nɩ a pɔ̃tɔrɩ tome pʋɔ, ɛ́ faa nyɩ a gbãgbaalʋ pʋɔ a Eziptɩ tẽw nɩbɛ na ƴãw nyɩ a. Ɩ̃ na tõ n gãda-tome wul a ɩ̃ kpɛnʋ, lɛb de nɩ nyɩ.

Zʋkpaɩ 22:23

Bʋ̃ʋ n'ʋ vɛ̃, a Sore na ƴɛ̀r'a kpɛ bɛ. Ʋ na de nɩ a bɛlɩ dem za nãà wa fa a bɛ bʋ̃-tɛrɩ za a nyɔ-vʋʋrʋ.

Zʋkpaɩ 23:11

Bʋ̃ʋ n'ʋ vɛ̃, a bɛ gùre tɛr'ɩ fãw, ʋ na ŋmãa na yi de a bɛ zɛbr.

Ɩzayi 41:14

Ta zɔrɛ dɛ̃bɩ̃ɛ ɩ, Zakɔb i, fʋ̃ʋ zãzul-cãpile e, fʋ̃ʋ Ɩsɩrayɛl na cɛ bɛ tɛr fãw a. A Sore yere na: Ɩ̃ waar'ɩ a fʋ sõwfʋ. A sob nɛ na yarɛ dier fʋ a, mãa n'ʋ, a Ɩsɩrayɛl Naaŋmɩn na ɩ sõw a.

Ɩzayi 43:14

À ŋá n'a a Sore yere, ʋl na ɩ a nyɩ ya-diere a, a Ɩsɩrayɛl Naaŋmɩn na ɩ sõw a: «A nyɩɩm ƴãw a, ɩ̃ tone nɩ nɩr a Babɩlɔn. Ɩ̃ na ír'ɩ a dàar na jɩ̀r a pamɛ a bɛr. Lɛ n'a a nʋ̃ɔ̀ cɛlsɩ na lɩɛbɩ kon a Babɩlɔn tẽw dem zie.

Ɩzayi 44:6

À ŋá n'a a Sore, a Ɩsɩrayɛl Nãà, a ʋl na yarɛ dier ʋ a, a Sore kpɛnʋ-za-sob, yere: «Mãa n'ɩ a niw-diere, mãa n'ɩ a po-pàwrɛ. Mãa bɛ wa n'ʋ a, Naaŋmɩn bɛ ka be ɩ.

Ɩzayi 47:4

A sob nɛ na yarɛ dier tɩ a yúor'ɩ a Sore, a kpɛnʋ-za-sob,» a Ɩsɩrayɛl Naaŋmɩn na ɩ sõw a.

Ɩzayi 49:25

Ʋ̃ʋ, à ŋá n'a a Sore yere: «Ɩ̃ na lɛb'a de a bom a gãdaa na zɛb de a, ɩ̃ na faa nɩ a gaso nɩr a na-po-tuo sob nuru pʋɔ! Zerizalɛm i, mãa mɩŋa n'ʋ na zɛb'ɩ a bɛlɩ dem na zɛbr'ɩ fʋ a, mãa mɩŋa n'ʋ na faa a fʋ bibiir.

Ɩzayi 51:22

À ŋá n'a a Sore, a fʋ Zu-sob, a fʋ Naaŋmɩn, yere, ʋl na ƴɛ̀rɛ kpɩɛr a fʋ nɩbɛ a: «Ɩ̃ na lɛb'a de a nĩw-viir koli-nyúura a fʋ nuru pʋɔ, a ɩ̃ suur koli-nyúura. Fʋ kʋ̃ lɛb nyũ ʋ towtow ɛ.

Ɩzayi 54:5

Bʋ̃ʋ n'ʋ vɛ̃, a sob nɛ na ír fʋ a n'ʋ na ɩ a fʋ sɩr, a sob nɛ a yúor na dɩ k'aa Sore, a kpɛnʋ-za-sob a. A sob nɛ na yarɛ dier fʋ a, a Ɩsɩrayɛl Naaŋmɩn na ɩ sõw a n'ʋ, a sob nɛ bɛ na bʋɔlɛ a “tẽ-daa Sore” a.

Zeremi 10:16

Ɛcɛ a Naaŋmɩn na ɩ a Ɩsɩrayɛl na-bom a, bɛ ŋmɛ̃ taa nɩ a ɩ. Ʋl a, a bome za íre n'ʋ, ɛ́ ʋlɛ so a Ɩsɩrayɛl dɔwlʋ. A ʋ yúor'ɩ: «A Sore kpɛnʋ-za-sob!»

Zeremi 15:21

Ɩ̃ na ìr fʋ nɩ a nɩ-faar nuru pʋɔ, ɩ̃ na ìr fʋ nɩ a po-to-fãw dem nuru pʋɔ.»

Zeremi 30:20

Bɛ na lɛb'a ɩ mɛ̃ a dãwdãw a, bɛ na lɛb'a ɓanɛ taa a ɩ̃ niŋé, ɩ̃ɩ na dɔwr'ɩ a bɛlɩ dem za na dɔwrɛ bɛ a.»

Zeremi 31:11

Bʋ̃ʋ n'ʋ vɛ̃, a Sore faa nɩ a Ɩsɩrayɛl nɩbɛ, ʋ ír bɛ nɩ nɩr na kpɛmɛ zuo bɛ a nuru pʋɔ.

Zeremi 31:35

À ŋá n'a a Sore yere: Ãa n'ʋ mɩ́ ƴãw a mʋ̃tɔ̃w k'ʋʋ caalɛ a bibir? Ãa n'ʋ mɩ́ yel a cuw nɩ a ŋmar-bie k'aa caalɛ a tɩ̃ɩsɔw? Ãa n'ʋ mɩ́ dam a kʋ̃ɔ-kpɛ̃ɛ ƴãw a kʋ̃ɔ-mie ɩrɛ gɔmɛ? A Sore, a kpɛnʋ-za-sob'ʋ, a ʋ yúor'ɩ a lɛ.

Zeremi 32:18

Fʋ mɩ́ wul'ɩ nɔ̃wfʋ a nɩbɛ na dɔw lɩɛrɩ taa tɩ ta gb'aa túr (1 000) a. Ɛcɛ sãà mɩnɛ wa sãw a, fʋ mɩ́ ɩ na a bɛ bibiir ya a bɛ sãwna san. Fʋ̃ʋ n'ɩ a Naaŋmɩn na ɩ kpɛ̃ɛ ɛ́ kpɛmɛ a, a fʋ yúor'ɩ a Sore, a kpɛnʋ-za-sob.

Zeremi 48:15

Bɛ sãw nɩ a Mowab tẽw bɛr, bɛ cere na kɛ́ bɛ tɩ zɛb'ɩ a ʋ tẽ-bɛrɛ. Bɛ nyɔw nɩ a soja-pɔlɛ vɩɛlɩ vɩɛlɩ zie cere nɩ a kʋb zie.» À ŋá n'a a Na-kpɛ̃ɛ, a yúor na dɩ kɛ́ “Sore kpɛnʋ-za-sob” a, yere:

Zeremi 51:19

Ɛcɛ a Zakɔb Naaŋmɩn, na ɩ a Ɩsɩrayɛl na-bom a, ʋ bɛ ŋmɛ̃ taa nɩ a ɩ. A ʋl a, ʋlɛ n'ɩ a bome za íre, ɛ́ a Ɩsɩrayɛl'ɩ a dɔwlʋ ʋ na so a. A ʋ yúor'ɩ: «A Sore, a kpɛnʋ-za-sob.»

Zeremi 51:36

A na ɩ à ŋá a, nyɛ̃ a lɛ a Sore na yere a Zerizalɛm ƴãw a: «Ɩ̃ na tu n a fʋ yele pùor ɛ́ yáa a fʋ san: ɩ̃ na ɩ na a Babɩlɔn tẽw man ʋ ko, ɛ́ ɩ a ʋ bul-nʋɔr ʋ sɩr.

A Lãw-mʋɔlɛ 3:58

Sore e, fʋ ƴɛ̀r'a kpɛ m, fʋ faa nɩ a ɩ̃ nyɔ-vʋʋrʋ.

Zowɛl 2:11

A Sore be n a ʋ zɛbr-nɩbɛ niŋé ɛ́ ŋmɛrɛ kɔkɛɛ. A ʋ zɛbr-nɩbɛ ʋ na mɩ́ ƴɛ̀r, bɛ tu a lɛ ʋ na yel a yãwmɛ na ɛ́ tɛr fãw bɛ dɩ vuo ɩ. A Sore bibir ɩ n kpɛ̃ɛ, ʋ tɛr'ɩ pʋl-vʋ̃ɔ-yaga, ãa n'ʋ na tʋ̃ɔ́ ʋ?

Mise 4:10

A 'wɔbrʋ, a 'wɔbr nyɩ, nyɩ ŋmɩɩlɛ, nyɩ ŋmɩɛr cɛlsɩ mɛ̃ pɔw na dɔwr a! A na fɛr'a nyɩ yi kɛ́ bɛr a tẽw, tɩ kpɩɛr wɛ̀rʋ pʋɔ, nyɩ cen tɩ sãá Babɩlɔn. Be n'a nyɩ na tɩ nyɛ̃ a faafʋ, be n'a a Sore na tɩ ya de nyɩ a nyɩ dɔ̃ dem nuru pʋɔ.

Mise 7:9

A fɛr'a kɛ́ tɩ sàw a Sore suur ʋ na nyɛ̃ nɩ tɩ a, bʋ̃ʋ n'ʋ vɛ̃, tɩ maal'ɩ yel-bier sãw ʋ. Ɛcɛ a daar waar'a, ʋ na na ƴɛ̀r kpɛ tɩ, ɛ́ ɩ a tɩ yel-mɩŋa ʋ sãá a. Ʋ na tɛr tɩ na lɛb wa n a cãà pʋɔ, ɛ́ paalɩ tɩ nɩ a ʋ maalʋ.

Yel-wula 18:8

A lɛ n'a so a ʋ bʋ̃-faar á ŋá na ta ʋ bibi-been: a kũu, a wahala nɩ a kɔ̃. Vũu na dɩ ʋ nɩ kʋmɔkʋmɔ. Bʋ̃ʋ n'ʋ vɛ̃, a Sore Naaŋmɩn na dɩ n ʋ a ƴɛ̀rʋ a tɛr'ɩ kpɛ̃w.»