Zeremi 50:3 - A SƐB-SÕW

³ Bʋ̃ʋ n'ʋ vɛ̃, nɩ-bʋʋrɛ kãw yi n saa-pɛrɩ́-gʋba-lowr waar a ʋ ƴãw, bɛ na wa ɩ na a ʋ tẽw lɩɛbɩ wɛja-kpalɛ na ɩrɛ nɩbaalʋ a, nɩr za kʋ̃ lɛb kpɩɛr a ʋ pʋɔ towtow ɛ, a nɩsaalbɛ za nɩ a dʋn za na zɔ na, bɛ za na bɔr a.

Zeremi 50:3 ပူးပေါင်းရင်းမြစ်များ

Yele-za-pɛr-tib 6:7

Ʋ tɩ tɩɛr'ɩ ʋ pʋɔ: «A nɩsaalbɛ ɩ̃ na ír a, ɩ̃ na ɩ na bɛ ta cãà a tẽw zu ɛ, lãwnɩ a dʋn, a bɛrɛ nɩ a pʋrmɛ, tɩ lãwnɩ a lili za, bʋ̃ʋ n'ʋ vɛ̃, a kpɛ m'a ɩ̃ na maal'a a.»

Eziptɩ tẽw yib 12:12

«Ɩ̃ na tɔl'ɩ a Eziptɩ tẽw pʋɔ a dɩ̃a tɩ̃ɩsɔw, kʋ a bʋ̃-dãw-dɔwrɩ za, a nɩsaalbɛ bi-dãw-dɔwrɩ lãwnɩ a dʋn bʋ̃-dãw-dɔwrɩ. À ŋá n'a a mãa, a Sore, ɩ̃ na dɔwrɩ a Eziptɩ tẽw ŋmɩmɛ.

Ɩzayi 41:25

A saa-pɛrɩ́-gʋba-lowr a, ɩ̃ ƴãw na nɩr yi, ɛ́ ʋlɛ n'ɩ ŋan waar. A be a mʋ̃tɔ̃w na mɩ́ pur a, ʋ wõ na bɛ bʋɔlɩ a ʋ yúor. Ʋ nɛbr'ɩ a na-kpɛ̃ɛ-lɩɛrbɛ mɛ̃ mɛ̃mɛrɛ bɛ na mɩ́ nɛbr a, bɩɩ mɛ̃ yawr-mɩɛrɛ na nɛbr a yawra nɩ a ʋ gbɛ́ɛ a.

Ɩzayi 45:1

À ŋá n'a a Sore ƴɛ̀rɛ a ʋ nɩ-kabra Siirisɩ zie: «Ɩ̃ tɩ̀ɛrɛ fʋ na k'ɩ̃ɩ ɩ fʋ so a nɩ-bʋʋrɛ, k'ɩ̃ɩ faa a na-mɩnɛ nɩ-kpɛ̃ɛnʋ, ɛ́ yuo a tẽ-bɛrɛ dɩ̃dɛɛ pamɛ na kpa kɛ́ jɩ̀r a, a fʋ niŋé.

Zeremi 21:6

Ɩ̃ na dɔwr'ɩ a bɛlɩ dem za na kpɩɛr a tẽ-kpɛ̃ɛ ŋa pʋɔ a, a nɩsaalbɛ nɩ a dʋn. Bɛ za na kpi n jɛ̀lmɛ̃ bàal-faa kũu.

Zeremi 50:9

Bʋ̃ʋ n'ʋ vɛ̃, ɩ̃ na ɩ na tẽ-bɛrɛ na ɓã taa a, ìr, ɩ̃ɩ ƴãw a cen tɩ zɛb'ɩ a Babɩlɔn tẽw. A nɩbɛ bɛ ŋa na yi n saa-pɛrɩ́-gʋba-lowr wa, wa pɩɛrɩ a zɛbr pɩɛrʋ a ʋ ƴãw, zɛb de ʋ. A bɛ pime bɛ nyɩrɛ bom ɛ, mɛ̃ gãdaa na bɛ lɛbr waar nũ-zawl a.

Zeremi 51:11

A Sore tɛr'ɩ tɩɛrʋ k'ʋʋ sãw a Babɩlɔn tẽw. Ʋ sɩ̃wnɛ nɩ a Mɛdɩ mɩnɛ na-mɩnɛ tɩɛrʋ a al ƴãw. A Sore san-yaafʋ n'a, ʋ yáarɛ nɩ a ʋ yir-sõw san. Nyɩ kàr a nyɩ pime, nyɩ ƴãw a paalɩ a nyɩ lɔwr.

Zeremi 51:48

Lɛ n'a a salom nɩ a tẽw nɩ bom za na be a pʋɔ a, na lɔbr zɛb-tʋ̃ɔ́fʋ cɛlsɩ a Babɩlɔn tẽw ƴãw. Bʋ̃ʋ n'ʋ vɛ̃, a bɛlɩ dem na na sãw ʋ bɛr a na yi n saa-pɛrɩ́-gʋba-lowr ta.» À à ŋá n'a a Sore yel.

Zeremi 51:62

Al pùorí, fʋ na yel'a: “Sore e, fʋ̃ʋ mɩŋa n'ʋ yel k'aa tẽ-kpɛ̃ɛ ŋa na sãw na, kɛ́ nɩsaal nɩ dʋ̃w za kʋ̃ cãà kpɩɛr a ʋ pʋɔ ɩ, k'ʋʋ na lɩɛb'ɩ wɛja-kpalɛ na ɩrɛ nɩbaalʋ kʋralɛ a.”

Zeremi 7:20

Al zũú, nyɛ̃ a lɛ a Sore Naaŋmɩn na yere a: «A ɩ̃ su-tʋlʋ kpãkpã na ìr'ɩ a tẽ-kpɛ̃ɛ ŋa ƴãw, a nɩsaalbɛ, a dʋn, a póru pʋɔ tɩɩr nɩ a bome a tẽsɔw na mɩ́ tɩr a ƴãw. Ʋ na ɩ na mɛ̃ vũu na dɩrɛ bɛ tɛr kpiiru daar a.»

Zeremi 9:10

A Sore yere na: «Ɩ̃ na ɩ na a Zerizalɛm lɩɛbɩ kʋsɛbɛ na gbõ taa a, gbõgbo-cili gaa zie, ɛ́ ɩ a Zuda tẽ-bɛrɛ a lɩɛbɩ zie bom za na bɛ cãà be a, zie nɩr za na bɛ cãà kpɩɛr a.»

Zeremi 9:11

Nɩr ɩ n yã-bãwnɛ a sɛw ʋ na bãw a yele á ŋá pɛr ɩ? A Sore wa ƴɛ̀r a ʋ zie a, ʋ̃ʋ ɩ bɛ bãw bʋ̃ʋ n'ʋ so a tẽw sãw, bʋ̃ʋ n'ʋ so ʋ dɩ a vũu mɛ̃ wɛja-kpalɛ a, ɛ́ ɩ zie nɩr za na bɛ tuur tɔlɛ a?

Sofoni 1:3

Ɩ̃ na kʋ n a nɩsaalbɛ nɩ a dʋn pàw pɛr, a saa-zu lili nɩ a zʋ́mɛ́, ɩ̃ na kʋ n a nɩ-faar nɩ a bɛ tõ-faar na ɩrɛ a nɩbɛ bɛ lore a. Ɩ̃ na kʋ n a nɩsaalbɛ za pàw pɛr a tẽw zu.»