Zeremi 50:29 - A SƐB-SÕW

²⁹ Nyɩ bʋɔlɩ a tam-tɛbrbɛ za ɓã taa, nyɩ ɩ bɛ cen a Babɩlɔn tẽw dem ƴãw. Nyɩ maalɩ laɩ jil koli ʋ, nyɩ ta bɛr ʋ cɩ̃ɛ ɩ, nyɩ ya ʋ manɩ a ʋ tome. A lɛ ʋ na ɩ a ʋ taabɛ a, nyɩ mɩ̀ ɩ ʋ a lɛ. Ʋ ɩ n pɔ̀l-ɩb a Sore zie, a Ɩsɩrayɛl Naaŋmɩn na ɩ sõw a zie.

Zeremi 50:29 ပူးပေါင်းရင်းမြစ်များ

Eziptɩ tẽw yib 10:3

A Moyiir nɩ a Aarɔ̃ tɩ cen na tɩ páw a Faarawɔ̃ yel ʋ: «À ŋá n'a a Sore, a Ebre mɩnɛ Naaŋmɩn, ƴɛ̀rɛ a fʋ zie: “Debor daar'a fʋ na zawrɩ a fʋ tʋɔra-siwru a ɩ̃ niŋé tɩ ta? Bɛr a ɩ̃ nɩbɛ bɛ cen tɩ maalɩ mɛ̃.

Ɩzayi 37:23

Ãa n'ʋ fʋ tʋ a zʋmɛ? Ãa n'ʋ fʋ ɩ la? Ãa zie n'a fʋ sʋ̃ɔmɩ sàw ƴɛ̀r ɛ́ jɩɛlɩ? Mãa n'ʋ, a mãa Ɩsɩrayɛl Naaŋmɩn na ɩ sõw a!

Ɩzayi 47:10

A fʋ ɩ-faar tɩ ɩ na fʋ bɛr tɩɛrʋ ɛ́ yere à ŋá: «Nɩr bɛ nyɛrɛ mɛ̃ ɩ». Ɛcɛ fʋ na yel kɛ́ fʋ tɛr'ɩ yã-bãwfʋ nɩ bãwfʋ a, alɛ n'a tuli fʋ, ɛ́ ƴãw fʋ tɩɛrɩ fʋ pʋɔ à ŋá: «A mãa a, ɩ̃ bɛ tɛr ɩ̃ tɔ ɩ!»

Zeremi 25:14

Bʋ̃ʋ n'ʋ vɛ̃, a bɛl mɩ̀ a, nɩ-bʋʋr-yoru na yãwmɛ a, nɩ na-mɩnɛ na kpɛmɛ a na tʋ̃ɔ́ bɛ na. À ŋá n'a ɩ̃ na ɩ bɛ ya a bɛ ɩ-ɩrɩ nɩ a faa al za bɛ na maalɩ a san.”»

Zeremi 48:26

A Mowab tɩ tɩɛr'a k'ʋʋ gãw nɩ a Sore. A lɛ pʋɔ a, bɛ ƴãw k'ʋ nyũ a ʋ divɛ̃ tɩ ti! A lɛn daar a, a nɩbɛ za mɩ̀ na ɩrɛ ʋ na laar.

Zeremi 49:16

Fʋ tɩ ƴãwnɛ nɩ a nɩbɛ za dɛ̃bɩ̃ɛ, fʋ tɩ tɩɛr'a kɛ́ fʋ zuo nɩ a fʋ taabɛ za, ɛcɛ fʋ tɩ bɛlɛ nɩ fʋ tʋɔra. Fʋ̃ʋ na kpɩɛr a pìe bɔwrɩ pʋɔ a, fʋ̃ʋ na mɩ́ go mɛr a zi-kɛrɩ a, fʋ̃ʋ saa ƴãw a fʋ cow ʋ do man a sidum dem a, ɩ̃ na caabɩ fʋ na bɛr fʋ siw tɩ lo.» À à ŋá n'a a Sore yel.

Zeremi 50:24

Babɩlɔn tẽw i, ɩ̃ ƴãw fʋ nɩ bɛra, ɛ́ fʋ̃ʋ n'ɩ ŋan lo a bɛra pʋɔ, ɛ́ bɛ bãwnɩ a ɩ. Bʋ̃ʋ n'ʋ vɛ̃, a mãa Sore n'ʋ fʋ ŋmãa nɩ a zɛbr.»

Zeremi 50:26

Nyɩ yi ziir za wa a tẽ-kpɛ̃ɛ ŋa pʋɔ! Nyɩ yuori a ʋ boge, nyɩ wob a ʋ na-bome ɓã ɓã taa, ɛ́ sãw ʋ bɛr! Bom za taa cɩ́ɛr ɛ.

Zeremi 50:32

A pɔ̀lʋ sob na kaw na lo, nɩr bɛ ka be na nyɔw ʋ, ʋ ìr ɛ. Ɩ̃ ƴãwnɛ nɩ vũu a ʋ tẽ-bɛrɛ, ʋ na dɩ n bom za na jil koli a a.»

Zeremi 50:9

Bʋ̃ʋ n'ʋ vɛ̃, ɩ̃ na ɩ na tẽ-bɛrɛ na ɓã taa a, ìr, ɩ̃ɩ ƴãw a cen tɩ zɛb'ɩ a Babɩlɔn tẽw. A nɩbɛ bɛ ŋa na yi n saa-pɛrɩ́-gʋba-lowr wa, wa pɩɛrɩ a zɛbr pɩɛrʋ a ʋ ƴãw, zɛb de ʋ. A bɛ pime bɛ nyɩrɛ bom ɛ, mɛ̃ gãdaa na bɛ lɛbr waar nũ-zawl a.

Zeremi 51:24

Ɛcɛ, a mãa Sore, ɩ̃ yere na: nyɩ na nyɛ̃ nɩ a lɛ ɩ̃ na na ƴãw a Babɩlɔn tẽw nɩ a Babɩlɔn tẽw dem ya a faa al za bɛ na maalɩ a Sɩyɔ̃ tẽw a.

Zeremi 51:3

A tam-tɛbrbɛ, bɛ tɛbr a dɔ̃ dem tam-tɛbrbɛ! Ɛ́ a dɔ̃ dem ta pɔrɛ nɩ a bɛ zɛbr-nyãa-kpali ɛ! Nyɩ ta bɛr a Babɩlɔn soja-pɔlɛ bɛ vʋʋrɛ ɩ! Nyɩ kʋ a ʋ zɛbr-nɩbɛ pàw pɛr!

Zeremi 51:49

Kũuni kpi n a tẽ-daa za zu a Babɩlɔn ƴãw. A Babɩlɔn n'ʋ cɛ na lo, a Ɩsɩrayɛl nɩbɛ ʋ na ɩ bɛ kpi a ƴãw.

Zeremi 51:56

A zi-sãwnɛ waar'ɩ a Babɩlɔn ƴãw, ʋ na wa zɛb'ɩ ʋ na nyɔw a ʋ soja-gãdaar bɛ ɩ gaso nɩbɛ, ʋʋ kar a bɛ tamɛ bɛr. Sɩza, a Sore ɩ n Naaŋmɩn na bãw a san yáafʋ, ɛ́ mɩ́ kʋ̀ ŋa a lɛ ʋ na sɛw taa nɩ a.

A Lãw-mʋɔlɛ 1:9

A ʋ dɛwr mar'ɩ a ʋ kparʋ. Ʋ bɛ tɩ tɩɛr k'aa na wa ŋmɛ̃ ʋ nɩ à ŋá ɩ. A ʋ loba ŋa ùr ʋ na, ɛ́ nɩr za bɛ ka be na mɔwl'ʋ ɛ. Ʋ yere na: «Sore e, nyɛ̃ a ɩ̃ vĩ a, nyɛ̃ a dɔ̃ sob na tʋ̃ɔ́ mɛ̃ a.»

A Lãw-mʋɔlɛ 3:64

Sore e, ɩ bɛ mɛ̃ a lɛ bɛ na ɩ m a.

Abɩdɩasɩ 1:15

Bʋ̃ʋ n'ʋ vɛ̃, a Sore bibir, ʋ na na dɩ n a nɩ-bʋʋrɛ a ƴɛ̀rʋ a pɩɛl'a. Lɛ n'a bɛ na ɩ b, mɛ̃ a lɛ fʋ na ɩ a fʋ taabɛ a. A faa fʋ na maalɩ a na lɛb'a lo a fʋ zu.»

2 Tesalonikɩ 1:6

A sɛw na kɛ́ Naaŋmɩn mɩ́ ɩ kpɩɛrʋ páw a bɛlɩ dem na ɩrɛ a kpɩɛr nyɩ a, yáa a san,

2 Tesalonikɩ 2:4

Bom nɛ za a nɩsaalbɛ na bʋɔlɛ kɛ́ naaŋmɩn, ɛ́ puore ʋ a, a Faalʋ nɩr na ìr'ɩ nɩ pɔ̀lʋ ɩ a ʋ dɔ̃ sob, ʋʋ na tɛr'ɩ lɛɛɛ tɩ kpɛ zɩ̃ a Naaŋmɩn yir-kpɛ̃ɛ pʋɔ, ɛ́ yel k'ʋʋ ɩ n Naaŋmɩn.

Yel-wula 16:6

Bɛ na cir a fʋ nɩbɛ nɩ a fʋ ƴɛ̀r-manbɛ zɩ̃ɩ a, zɩ̃ɩ n'a fʋ mɩ̀ kʋ̀ bɛ kɛ́ bɛ nyúur. Bɛ tɛr'ɩ!»

Yel-wula 18:6

Nyɩ ɩ ʋ mɛ̃ a lɛ ʋ na ɩ a nɩbɛ a, nyɩ ya ʋ a ʋ ɩb san gb'a ayi. Nyɩ paalɩ a ʋ koli-nyúura nɩ divɛ̃ na kpɛmɛ gb'a ayi gãw a al ʋ na ƴãw a nɩbɛ nyũ a.