Zeremi 50:19 - A SƐB-SÕW

¹⁹ Ɩ̃ na tɛr'ɩ a Ɩsɩrayɛl lɛb wa n a ʋ zi-sóra pʋɔ, ʋʋ na páw nɩ a bʋ̃-dɩrɩ a Karmɛl tãw zu nɩ a Basan tã-sɛr zu. Ʋ kʋ̃ mɩ́ bɔ bom gú a Efarayim tãw zu nɩ a Galaadɩ tẽw pʋɔ ɩ.

Zeremi 50:19 ပူးပေါင်းရင်းမြစ်များ

Ɛsɩdɩrasɩ 2:1

A Zifʋ bɛl a Babɩlɔn tẽw nãà, Nabikodonozɔɔr, na tɩ diw cen nɩ a Babɩlɔn a, nɩ-yaga a bɛ pʋɔ tɩ lɛb'a wa a Zerizalɛm nɩ a Zuda tẽw. Ŋa za mɩ́ tɩ lɛb'a cen a ʋ tẽw pʋɔ.

A Yielu za pʋɔ yiel-vla vla 6:5

Lɩɛbɩ a fʋ niwn bɛr zi-yoru, bʋ̃ʋ n'ʋ vɛ̃, a fʋ jɩ́rʋ mɩ́ damnɛ mɛ̃ na. A fʋ zukɔbr-vɔlavɔla ɩ na mɛ̃ bʋʋr na darɛ taa siwr Galaadɩ tãw a.

Ɩzayi 33:9

A tẽw tɛr'ɩ wahala, kpiir. Vĩ nyɔw nɩ a Libã tãw, ʋ kore na. A Saron zi-tɩ̃tal ŋmɛ̃ na taa nɩ wɛja-kpalɛ. A Basan nɩ a Karmɛl tan bɛ cãà tɛr tɩɩr ɛ.

Ɩzayi 35:2

A póru pʋɔ mɔ̃-puuru, a pu pàw ʋ, ʋ cɩlɛ ƴawr'ɩ, ŋmɩɛr'ɩ nʋ̃ɔ̀ cɛlsɩ! A Sore kʋ̀ ʋ nɩ a Libã tan vɩɛlʋ, a Karmɛl tãw nɩ a Saron tɩ̃tal dɛpaalʋ. Lɛ n'a bɛ na nyɛ̃ a Sore yúor-vɩɛlʋ-danʋ, a tɩ Naaŋmɩn dɛpaalʋ.

Zeremi 23:3

Mãa mɩŋa na ɓã n a ɩ̃ dʋn al na cɛ a taa, a ten al za pʋɔ ɩ̃ na diw a yaarɩ a. Ɩ̃ na lɛb'a tɛr a wa n a mʋ̃ɔ 'wɔbrʋ ziir. A na wa dɔw na yɛ̀r a be yaga za.

Zeremi 3:18

A lɛn daar a, a Zuda tẽw nɩbɛ na cen na tɩ páw a Ɩsɩrayɛl nɩbɛ, ɛ́ bɛ za ɓã taa yi a saa-pɛrɩ́-gʋba-lowr tẽw wa a tẽw ʋl ɩ̃ na kʋ̀ a bɛ sãàkʋm-kore k'ʋʋ ɩ a bɛ sób a pʋɔ.»

Zeremi 30:10

«A fʋ̃ʋ, Ɩsɩrayɛl, ɩ̃ tõ-tõ-bie e, ta zɔrɛ dɛ̃bɩ̃ɛ ɩ, a Sore n'ʋ yere. Pʋl-vʋ̃ɔ ta tɛr fʋ ɛ, fʋ̃ʋ, a sãàkʋm-kʋra na n'ɩ Zakɔb a. Ɩ̃ na faa fʋ nɩ a tẽ-zãánɩ pʋɔ, ɛ́ faa a fʋ bibiir a tẽw ʋl pʋɔ bɛ na diw bɛ cen nɩ a. Ɩsɩrayɛl i, fʋ na lɛb'a wa, wa vʋʋrɛ zoom ɛ́ bɛ bãw damnʋ ɛ. Ɛ́ nɩr za kʋ̃ lɛb ƴãw fʋ dɛ̃bɩ̃ɛ ɩ.

Zeremi 30:18

À ŋá n'a a Sore yere: «Ɩ̃ na ɩ na a Ɩsɩrayɛl yie lɛb ŋmɛ̃ mɛ̃ a koro za a, ɩ̃ na zɔ n a bɛ yie nɩbaalʋ. A tẽ-bɛrɛ na lɛb'a mɛ a be a na tɩ be wa lo a, ɛ́ yir-vɩɛlɩ lɛb mɛ a debo-kore zu.

Zeremi 30:7

Nyɛ̃ baw-bio a! Bibir na bɛ tɛr dɩ̃ɛnʋ a n'ʋ. Bibir kãw za bɛ ŋmɛ̃ taa nɩ ʋ ɛ. Kpɩɛrʋ daar'ʋ a Zakɔb bʋʋrɛ ƴãw, ɛcɛ bɛ na nyɛ̃ nɩ faafʋ.»

Zeremi 31:14

Ɩ̃ na kʋ̀ n a bàwr-maalbɛ nɛ̃-kãánɩ yaga za, ɛ́ paalɩ a ɩ̃ nɩbɛ nɩ a ɩ̃ maalʋ. À à ŋá n'a a Sore yel.

Zeremi 31:25

Bʋ̃ʋ n'ʋ vɛ̃, ɩ̃ na ɓãa nɩ a bɛlɩ dem za na bàl a kʋ̃ɔ-nyúur, ɩ̃ na kʋ̀ n a bɛlɩ dem za na bɛ cãà tɛr fãw a, a alɩ bome nɛ na fɛrɛ a.

Zeremi 31:6

Bibir na vɩɛ na, a zi-gùrbɛ na na cɩɩrɛ yere à ŋá a Efarayim tãli zu a: Nyɩ ìr! Nyɩ ɩ tɩ do a Sɩyɔ̃, a Sore tɩ Naaŋmɩn zie!”»

Zeremi 32:37

Ɩ̃ tɩ nyɛ̃ nɩ nɩ a ʋ nɩbɛ suur faa faa. Lɛ n'a ɩ̃ tɩ diw bɛ yaarɩ ziir za, tẽ-yaga pʋɔ. Ɛcɛ, ɩ̃ na lɛb'a ɓã bɛ taa, ɩ̃ na lɛb'a tɛr bɛ wa n a ka, wa ɩ bɛ ɓãa ƴãw kpɩɛr.

Zeremi 46:27

«Fʋ̃ʋ Ɩsɩrayɛl, ɩ̃ tõ-tõ-bie e, ta zɔrɛ dɛ̃bɩ̃ɛ ɩ. Ta ɩ kɛ́ dɛ̃bɩ̃ɛ tɛr fʋ yaga za ɩ, fʋ̃ʋ na ɩ a Zakɔb bʋʋrɛ a. Ɩ̃ na faa fʋ nɩ a tẽ-zãánɩ á ŋá pʋɔ, ɛ́ faa a fʋ bʋʋrɛ a ten al pʋɔ bɛ na diw bɛ cen nɩ a. Ɩsɩrayɛl i, fʋ na lɛb'a wa, wa vʋʋrɛ zoom, ɛ́ bɛ bãw damnʋ ɛ. Ɛ́ nɩr za kʋ̃ be be lɛb dam fʋ ɛ.

Zeremi 50:6

A ɩ̃ nɩbɛ tɩ ɩ na mɛ̃ píir na bɔr a, a cɩ̃ɩnbɛ tɩ bɔr a na bɛr, a cɔlɛ gʋɔr a tan pʋɔ, mɩ́ yi a tã-bɛrɛ zu tɩ sãá a tãli zu, ɛ́ yiiri a zàw bɛr.

Ezekɩɛl 11:17

A na ɩ lɛ a, lɛb yel à ŋá a mãa Sore Naaŋmɩn na yere a kʋ̀ bɛ: “Ɩ̃ na de nyɩ nɩ a nɩ-bʋʋrɛ bɛl pʋɔ nɩ a ten al pʋɔ ɩ̃ na diw nyɩ cen nɩ a, lɛb ɓã taa, ɛ́ lɛb kʋ̀ nyɩ a Ɩsɩrayɛl tẽw.

Ezekɩɛl 36:24

Bʋ̃ʋ n'ʋ vɛ̃, mãa wa tɛr nyɩ yi n a nɩ-bʋʋrɛ sɔgɔ nɩ a ten al pʋɔ nyɩ na be a, ɩ̃ na ɓã nyɩ nɩ taa ɛ́ tɛr nyɩ lɛb wa n a nyɩ tẽw pʋɔ.

Ezekɩɛl 36:33

À ŋá n'a a mãa Sore Naaŋmɩn yere: A lɛn daar mãa wa pɛ́w a nyɩ sãwna za bɛr nyɩ a, ɩ̃ na ɩ na a nyɩ tẽ-bɛrɛ lɛb tɛr nɩbɛ, ɛ́ a deboru na lɛb'a libri.

Ezekɩɛl 38:8

Ka nɩ yome yaga, a na na cɛlɩ cɛlɩ a, ɩ̃ na ɩ na fʋ cen tɩ zɛb'ɩ a Ɩsɩrayɛl tẽw. A lɛn daar a, a bɛlɩ dem na kpɩɛr a ʋ pʋɔ a na cɩ̃ɛ nɩ a zɛbr zie. Bɛ na yi n a ten al bɛ na tɩ kpɩɛr a pʋɔ. Bɛ na ɓã n taa a Ɩsɩrayɛl tẽw tan zu nɩbɛ na bɛ tɩ kpɩɛr a daar zãá a. Bɛlɛ wa yi a nɩ-bʋʋr-yoru zie a, bɛ za na vʋʋrɛ na nɩ ƴã-ɓaarʋ.

Ezekɩɛl 47:18

A saa-pɛrɩ́ tʋr-bɔw na yi n zie na be Damasɩ nɩ Horan ten cará a, ʋ na tu n a Zurdɛ̃ fʋɔla, a Galaadɩ vuo nɩ a Ɩsɩrayɛl tẽw cará, ɛ́ cen tɩ ta Tamaar tẽw a kʋ̃ɔ-kpɛ̃ɛ-kũu zu. A saa-pɛrɩ́ tʋr-bɔw n'ɩ à à ŋá.

Mise 7:14

Sore e, cɩ̃ɩnɛ a nɩbɛ fʋ na so a, nɩ a fʋ na-cɩ̃ɩn-da-kʋra. Bɛ àr'ɩ bɛ yõ zie wɛ-kar pʋɔ tɩ-wɔnɩ zaadɛ̃ na jil koli a. Cɩ̃ɩnɩ bɛ mɛ̃ a dãwdãw a, cen nɩ a Basan tẽw nɩ a Galaadɩ tẽw dʋn mʋ̃ɔ 'wɔbrʋ zie.

Mise 7:18

Sore e, ŋmɩn kãw bɛ ŋmɛ̃ taa nɩ fʋ ɛ, fʋ mɩ́ de nɩ a sãwna bɛr a baarɩ, ɛ́ dɩ a yel-bebe suur kʋ̀ a fʋ nɩ-bʋʋrɛ na cɛ bɛ kpi a. Fʋ bɛ mɩ́ nyɛ̃ a suur ʋ ka baarʋ ɛ, a na nʋmɛ a fʋ zie kɛ́ fʋ mɩ́ wul tɩ a fʋ nɔ̃wfʋ a ƴãw.

Zakari 10:10

Ɩ̃ na tɛr bɛ nɩ a Eziptɩ tẽw lɛb wa n, ɩ̃ na tɛr bɛ nɩ a Asiiri tẽw lɛb wa ɓã bɛ taa, ɩ̃ mɩ̀ na tɛr bɛ na cen nɩ Galaadɩ tẽw nɩ Libã tẽw, ɛcɛ a be mɩ̀ a, a vuo kʋ̃ saalɩ bɛ ɩ.

Sɔr-nɛ́ɛ 32:1

Urubɛn nɩ Gadɩ bʋʋrɛ tɩ tɛr'ɩ dʋn na yãwmɛ ɛ́ ta dʋn a. Bɛ tɩ nyɛ̃ nɩ a Yazɛɛr vuo nɩ a Galaadɩ tẽw a vɩɛl a dʋn guolu ƴãw.

Sɔr-nɛ́ɛ 32:4

a Sore na sõw a Ɩsɩrayɛl nɩbɛ zɛb de a pʋɔ. A vuo maal'ɩ nɩ dʋn guolu, ɛ́ tɩ tɛr dʋn.»

Zozue 17:15

A Zozue tɩ yel bɛ na: «Nyɩmɛ wa yãwmɛ sɛw à ŋá a Efarayim tãw vuo bɛ saalɛ nyɩ a, nyɩɩm cen tɩ pɛl zie a Perizitɩ mɩnɛ nɩ a Erefayitɩ mɩnɛ tuwr pʋɔ.»