Zeremi 50:17 - A SƐB-SÕW

¹⁷ A Ɩsɩrayɛl tɩ ɩ na mɛ̃ pɛrʋ na bɔr kɛ̀ gben diwr a. A dãw-niwn sob na tĩ 'wɔb ʋ a n'ɩ a Asiiri tẽw nãà. Al pùorí, a Babɩlɔn tẽw nãà, Nabikodonozɔɔr, wa kar ʋ a kɔbɛ.

Zeremi 50:17 ပူးပေါင်းရင်းမြစ်များ

2 Na-mɩnɛ 15:19

A Asiiri tẽw nãà, Pul, tɩ kpɛ na so a Ɩsɩrayɛl tẽw. Lɛ n'a a Menahɛm tɩ kʋ̀ ʋ salm-pla tɔn lɩzɛr'ɩ pie, k'aa Pul sõw ʋ, ʋ zɩɩlɩ a ʋ naalʋ ʋ kpɛmɛ.

2 Na-mɩnɛ 15:29

A Ɩsɩrayɛl tẽw nãà Peka daar, a Asiiri tẽw nãà, Tɩgɩlatɩ-Pilesɛɛr, tɩ zɛb'a de a tẽ-bɛrɛ á ŋá: Iyon, Avɛl-Bɛtɩ-Maaka, Yanoa, Kedɛsɩ nɩ Hasɔɔr. Ʋ tɩ de nɩ a Galaadɩ tẽw, a Galile tẽw nɩ a Nɛfɩtali tẽw za. Ʋ tɩ ír'ɩ a ziir á ŋá nɩbɛ cen nɩ a Asiiri.

2 Na-mɩnɛ 24:1

A ʋ naalʋ-dɩb daar'a a Babɩlɔn tẽw nãà, Nabikodonozɔɔr, tɩ wa zɛb de a Zuda tẽw. Ʋ tɩ só nɩ a Yoyakim yome ata. Al pùorí a Yoyakim bɛ lɛb cãà sàw ʋ só ʋ ɛ.

2 Na-mɩnɛ 24:10

A ʋlɩ daar nɛ a, a Babɩlɔn tẽw nãà, Nabikodonozɔɔr, zɛbr-nɩbɛ nɩ-bɛrɛ tɩ wa n nɩ a zɛbr-nɩbɛ a Zerizalɛm ƴãw, wa piw a tẽw.

2 Na-mɩnɛ 25:1

Lɛ n'a a Babɩlɔn tẽw nãà, Nabikodonozɔɔr, tɩ wa a Zerizalɛm nɩ a ʋ zɛbr-nɩbɛ za, wa maalɩ a ʋ laɩ a tẽw niŋé. A Babɩlɔn tẽw dem tɩ wɛr'ɩ bɔwrɩ viiri koli a tẽw. A Sedesɩasɩ naalʋ-dɩb yome piwaɩ sob tɩ n'a, a cuwr pie sob bibie pie sob daar.

2 Bibie za yel-manɩ 28:20

A Asiiri tẽw nãà Tilgatɩ-Pilnesɛɛr, nãá sõw a Akaazɩ a, ʋ tɩ bɛr'a ɛ́ ŋmãa nɩ ʋ zɛbr.

2 Bibie za yel-manɩ 33:11

Lɛ n'a a Sore tɩ ƴãw a Asiiri tẽw zɛbr-nɩbɛ nɩ-bɛrɛ wa a bɛ ƴãw. Bɛ tɩ nyɔw nɩ a Manase, cɔ̀r pĩ-nɔ-gori ƴãw ʋ a kokamɛ ƴãw, 'lẽ ʋ nɩ kur-zɩɛ bamɛ, ɛ́ tɛr ʋ cen nɩ a Babɩlɔn.

Ɩzayi 15:9

A Divon bàa kʋ̃ɔ ɩ n zɩ̃ɩ tɛwr. A Sore yere na: «Ɩ̃ na ƴãw nɩ a Divon kpɩɛrʋ dɔwlɩ: gbẽw na kʋ n a Mowab tẽw nɩbɛ bɛl na cɩ̃ɛ a, a bɛl na na cɛ be a tẽw pʋɔ a.»

Ɩzayi 47:6

Ɩ̃ tɩ nyɛ̃ nɩ nɩ a ɩ̃ nɩ-bʋʋrɛ suur. Lɛ n'a ɩ̃ bɛ tɩ tɛr ƴãwfʋ ɩb kãw za a nɩbɛ ɩ̃ na so a zie ɩ, ɛ́ tɩ bɛr bɛ kʋ̀ b. Ɛcɛ fʋ bɛ tɩ tɛr nɩbaal-zɔba kãw za a bɛ zie ɩ, a fʋ nɩ-kpɛ̃ɛnʋ dɩb tɩ dĩ nɩ a dɛb-nyãw mɛ̃ na-kʋɔra nyũu dàa a.

Zeremi 10:25

Nɩ̃ɛ ɩ a fʋ suur ʋ ìr a nɩ-bʋʋrɛ na bɛ bãw fʋ a ƴãw, a nɩbɛ bɛl na bɛ bʋɔlɛ a fʋ yúor a ƴãw. Bʋ̃ʋ n'ʋ vɛ̃, bɛ báarɛ nɩ a fʋ nɩbɛ, bɛ báarɛ bɛ nɩ bɛ za, bɛ sãwnɛ nɩ a fʋ nɩbɛ tẽw bɛrɛ.

Zeremi 2:15

Bɛ ùore na mɛ̃ gben a, bɛ ŋmɛrɛ nɩ kɔkɛɛ a ʋ ƴãw. Bɛ sãw nɩ a tẽw za bɛr pelẽpelẽ. Bɛ nyɩw nɩ a ʋ tẽ-bɛrɛ bɛr, nɩr bɛ cãà kpɩɛr a pʋɔ ɩ.

Zeremi 21:7

À á ŋá za pùorí a, a Sore n'ʋ yere, ɩ̃ na de nɩ a Zuda tẽw nãà, Sedesɩasɩ, a ʋ tõ-tõ-bi-bɛrɛ nɩ a nɩbɛ na na cãà vʋʋrɛ a tẽ-kpɛ̃ɛ ŋa pʋɔ, bɛ tʋ̃ɔ́ kpi a jɛ̀lmɛ̃ bàalʋ kũu, a zɛbr nɩ a kɔ̃ kũu a, ƴãw a Babɩlɔn tẽw nãà nuru pʋɔ. Ɩ̃ na de bɛ na ƴãw a bɛ dɔ̃ dem nɩ a bɛlɩ dem na tɩ bɔbr a bɛ kʋb a nuru pʋɔ. A Nabikodonozɔɔr na ƴãw na bɛ kʋ kʋ bɛ. Ʋ kʋ̃ tɛr nɩbaal-zɔba ɩ, ʋ kʋ̃ jɩɩrɩ nɩr za bɛr ɛ, ʋ kʋ̃ sàw bɛ ɓaalɩ ʋ ɛ.”»

Zeremi 4:7

A gbẽw yi n a ʋ tuw pʋɔ, a nɩ-bʋʋr-yoru sãw-sãwnɛ lo n a sɔ́r, ʋ yi n a ʋ beba zie, k'ʋʋ tʋ̃ɔ́ sãw a fʋ tẽw bɛr: a fʋ tẽ-bɛrɛ na dɩ n vũu, ɛ́ kʋ̃ cãà tɛr nɩbɛ bɛ kpɩɛr a pʋɔ ɩ.

Zeremi 49:19

A Sore yere na: «Ɩ̃ na ɩ na mɛ̃ gbẽw na yire Zurdɛ̃ man tuwr pʋɔ cere zie mɔ̃-ɓaar na be kʋralɛ a. Fɔ̃wlɛ, ɩ̃ na ƴãw na a nɩbɛ za ìr a be. Lɛ n'a ɩ̃ na ƴãw a nɩ-kpɛ̃ɛ ɩ̃ na na kaa ír a, a Edɔm tẽw pʋɔ. Bʋ̃ʋ n'ʋ vɛ̃, ãa n'ʋ ŋmɛ̃ mɛ̃ a mãa a? Ãa n'ʋ na tʋ̃ɔ́ sowri mɛ̃ bom? Ɛ́ nɩ-kpɛ̃ɛ buor'ʋ na tʋ̃ɔ́ bà gbɛ́r a ɩ̃ niŋé?»

Zeremi 5:17

Bɛ na baar'ɩ a nyɩ bom za: a nyɩ bʋ̃-dieri nɩ a nyɩ bʋ̃-dɩrɩ, a nyɩ bidɛbr nɩ a nyɩ pɔwyaar, a nyɩ píir nɩ a nyɩ nĩi, a nyɩ divɛ̃ tɩɩr nɩ a nyɩ kãkã-tɩɩr wɔmɛ. Zɛbr na sãw nɩ a tẽ-kpɛn bɛr, al pʋɔ nyɩ na tɩɛrɛ kɛ́ nyɩ kʋ̃ bãw damnʋ a.

Zeremi 5:6

Alɛ so a gbẽw mɩ́ yi a tuwr pʋɔ bɛ bɛrɛ bɛ ɩ, a wɛja-kpalɛ pʋɔ wɛ-baar 'wɔbr bɛ. A nyũo mɩ́ gù a tẽ-bɛrɛ ƴãw tawr nɩr za na yire a cɩɛrɛ. Bʋ̃ʋ n'ʋ vɛ̃, a bɛ na gaarɩ a ɩ-ɩrɩ dɔwlɛ nɩ taa, ɛ́ nɩr kʋ̃ tʋ̃ɔ́ sɔ́r a Sore pùor-bɛ-tub ɩ-ɩrɩ ɛ.

Zeremi 50:6

A ɩ̃ nɩbɛ tɩ ɩ na mɛ̃ píir na bɔr a, a cɩ̃ɩnbɛ tɩ bɔr a na bɛr, a cɔlɛ gʋɔr a tan pʋɔ, mɩ́ yi a tã-bɛrɛ zu tɩ sãá a tãli zu, ɛ́ yiiri a zàw bɛr.

Zeremi 51:38

Ƴɛrɛŋa a, a Babɩlɔn tẽw dem za ɩ na mɛ̃ gben na ùore a, bɛ kone na mɛ̃ wɛ-dʋ̃-faar a.

Zeremi 52:1

A Sedesɩasɩ tɩ tɛr'ɩ yome lɩzɛr'ɩ been a lɛn daar ʋ na lɩɛbɩ a nãà a, ɛ́ dɩ a naalʋ yome pie nɩ been a Zerizalɛm. A ʋ mã yúor tɩ dɩ na kɛ́ Hamutal, na ɩ Yirmeyahu na yi Livina a, pɔwyaa.

Ezekɩɛl 34:12

Pi-cɩ̃ɩnɛ wa be píir na yaarɩ a ziir za a sɔgɔ a, ʋ mɩ́ kaarɛ nɩ a ʋ píir zie. Lɛ mɩ̀ n'a ɩ̃ na kaa a ɩ̃ dʋn zie. Ɩ̃ na cen na tɩ faa a ɩ̃ píir a be za a na cen, a ulu nɩ a lige bibir a.

Zowɛl 3:2

A alɩ bibie nɛ a, ɩ̃ na ƴãw nɩ a ɩ̃ Vʋʋrʋ a tõ-tõ-biir tɛɛ za, a dɛbr nɩ a pɔwbɛ.

1 Pɩɛr 2:25

Nyɩ tɩ bɔrɛ na gʋɔr mɛ̃ píir a, ɛcɛ ƴɛrɛŋa a, nyɩ lɛb'a cen a sob nɛ na ɩ a nyɩ cɩ̃ɩnɛ nɩ a nyɩ kaarɛ a zie.