Zeremi 50:15 - A SƐB-SÕW

¹⁵ Nyɩ lɔb a zɛbr cɛlsɩ jil koli nɩ ʋ, ʋ zɛw nɩ a nuru wul k'ʋʋ bɛ cãà zɛbr ɛ. A ʋ yir-cõcowli ŋmɛr'a, a ʋ dacine lo na. A Sore n'ʋ yarɛ a san, a lɛ pʋɔ a, nyɩ yáa a san a Babɩlɔn zu. Nyɩ ɩ ʋ mɛ̃ a lɛ ʋ na tɩ ɩ a ʋ taabɛ a.

Zeremi 50:15 ပူးပေါင်းရင်းမြစ်များ

Zeremi 51:58

À ŋá n'a a Sore, a kpɛnʋ-za-sob, yere: «A Babɩlɔn tẽw dacĩ-yɛlsɩ ŋmɛr'ɩ a za, ɛ́ vũu dɩ a ʋ pamɛ na kɛrɩ kɛrɩ a. A nɩ-bʋʋrɛ bàlɛ nɩ bɛ tʋɔra zawlalɛ ɛ́ a ten nɩbɛ kʋrɛ bɛ tʋɔra vũu ƴãw!»

Yel-wula 18:6

Nyɩ ɩ ʋ mɛ̃ a lɛ ʋ na ɩ a nɩbɛ a, nyɩ ya ʋ a ʋ ɩb san gb'a ayi. Nyɩ paalɩ a ʋ koli-nyúura nɩ divɛ̃ na kpɛmɛ gb'a ayi gãw a al ʋ na ƴãw a nɩbɛ nyũ a.

Zeremi 51:6

Nyɩ yi záa a Babɩlɔn tẽw pʋɔ, ŋa mɩ́ zɔ faa ʋ tʋɔra! Alɛ bɛ ɩ lɛ, nyɩ na kpi n a lɛn daar ʋlɛ wa yarɛ a ʋ ɩ-faar san a. Bʋ̃ʋ n'ʋ vɛ̃, a Sore san-yaafʋ daar'ʋ ta. Ʋ na ya ʋ na mɛ̃ a lɛ a na sɛw taa nɩ ʋ a.

Zeremi 46:10

Ɛcɛ a Sore, a kpɛnʋ-za-sob zie a, a bibir ŋa ɩ n san-yaafʋ bibir. Ʋ na yáa nɩ a san a ʋ dɔ̃ dem zu. A zɛbr-sɔ-kpɛ̃ɛ dɩrɛ bɛ na, ʋ dɩrɛ na tɩwr, a bɛ zɩ̃ɩ kuole ʋ na. A ɩ na mɛ̃ bàwr'ʋ a Sore, a kpɛnʋ-za-sob, ƴãw a saa-pɛrɩ́-gʋba-lowr, a Efaratɩ man nʋɔr a.

A Lãw-mʋɔlɛ 5:6

A Eziptɩ tẽw nɩ a Asiiri tẽw lowr'a tɩ mɩ́ tur a tɩ nuru cɔw, kɛ́ tɩ tʋ̃ɔ́ páw a bʋ̃-dɩrɩ dɩ tɩw.

Zeremi 51:44

A Sore yere na: «Ɩ̃ na ìr'ɩ a Bɛl, a Babɩlɔn tẽw ŋmɩn ƴãw. A bom ʋl ʋ na vɔlɛ a, ɩ̃ na ír ʋ nɩ a ʋ nʋɔrɩ́. A nɩ-bʋʋrɛ kʋ̃ cãà darɛ taa cere a ʋ zie ɩ. A dacĩ-kpɛ̃ɛ na piw a Babɩlɔn tẽ-kpɛ̃ɛ a lo na.

Zeremi 51:14

A Sore, a kpɛnʋ-za-sob, pɔ n nɩ a ʋl mɩŋa à ŋá: «Sɩza, ɩ̃ na paalɩ fʋ na nɩ nɩbɛ mɛ̃ sãsoge a, ɛ́ bɛ na ŋmɛ n a zɛb-tʋ̃ɔ́fʋ cɛlsɩ a fʋ ƴãw.»

Zeremi 51:11

A Sore tɛr'ɩ tɩɛrʋ k'ʋʋ sãw a Babɩlɔn tẽw. Ʋ sɩ̃wnɛ nɩ a Mɛdɩ mɩnɛ na-mɩnɛ tɩɛrʋ a al ƴãw. A Sore san-yaafʋ n'a, ʋ yáarɛ nɩ a ʋ yir-sõw san. Nyɩ kàr a nyɩ pime, nyɩ ƴãw a paalɩ a nyɩ lɔwr.

2 Bibie za yel-manɩ 30:8

Nyɩ mɩ̀ ta gaarɩ mɛ̃ a nyɩ sãà mɩnɛ a ɩ: nyɩ bɛr a Sore so nyɩ, nyɩ lɛb wa ʋ zi-sõw pʋɔ ʋ na ɩ ʋ ɩ sõw a nʋɔr kʋ a, ɛ́ nyɩ tone a Sore nyɩ Naaŋmɩn. Lɛ n'a a ʋ su-tʋlʋ a nyɩ ƴãw na ɓãá.

1 Bibie za yel-manɩ 29:24

A nɩ-bɛrɛ za, a sojarɩ tɩ lãwnɩ a nãà Daviir bidɛbr za mɔ̃ mɩ̀ tɩ bɛr'ɩ a Salomɔ̃ ʋ so bɛ.

Yel-wula 19:2

A ƴɛ̀rʋ ʋ na maalɩ a ɩ n sɩza ɛ́ tu yel-mɩnʋ. Bʋ̃ʋ n'ʋ vɛ̃, a pɔw-yɛm-kpɛ̃ɛ ʋl na tɩ sãwnɛ a tẽw nɩ a ʋ pɩ̃ɔ ɩ-ɩrɩ a, ʋ ƴãw ʋ nɩ dɔwrʋ. A ʋ tõ-tõ-biir a pɔw ŋa na kʋ a, ʋ yáa nɩ a san a ʋ zu.»

Yel-wula 16:6

Bɛ na cir a fʋ nɩbɛ nɩ a fʋ ƴɛ̀r-manbɛ zɩ̃ɩ a, zɩ̃ɩ n'a fʋ mɩ̀ kʋ̀ bɛ kɛ́ bɛ nyúur. Bɛ tɛr'ɩ!»

Zakɩ 2:13

A Naaŋmɩn wa maalɛ nɩ nɩr na bɛ zɔrɛ ʋ taabɛ nɩbaalʋ a ƴɛ̀rʋ a, ʋ mɩ̀ kʋ̃ tɛr nɩbaal-zɔba a ʋ zie ɩ, ɛcɛ nɩbaal-zɔrɛ bɛ zɔrɛ a ƴɛ̀rʋ-maalʋ ɛ.

2 Tesalonikɩ 1:8

Ʋ na wa n vũu-zɛlɛ pʋɔ, k'ʋʋ wa dɔwrɩ a bɛlɩ dem na bɛ bãw a Naaŋmɩn, ɛ́ bɛ tuur a tɩ Sore Yeezu Yel-nʋ̃ɔ̀ a.

Ʋrɔm 12:19

Ɩ̃ nɩ-nɔnɩ i, nyɩ ta mɩ́ lɛb ŋmɛlɩ yáa a ɩ-faa san ɛ, nyɩ bɛr a Naaŋmɩn suur ʋ tone, bʋ̃ʋ n'ʋ vɛ̃, a Sɛb-sõw yere nɩ à ŋá: «Mãa so a san-yaafʋ, mãa n'ʋ na yáa a san», a Sore n'ʋ yere.

Ʋrɔm 3:5

Ɛcɛ a tɩ yel-mɩŋa bɛ-tɛrʋ mɩ́ wa ɩ a Naaŋmɩn yel-mɩŋa sãá a, tɩ lɛb yel kɛ́ bo? A wul'a kɛ́ a Naaŋmɩn bɛ tɛr yel-mɩŋa ʋ na mɩ́ nyɛ̃ nɩ tɩ suur a bɩɩ? (Ɩ̃ ƴɛ̀rɛ na mɛ̃ nɩsaalbɛ a.)

Luka 21:22

A alɩ bibie nɛ pʋɔ, a Naaŋmɩn na ɩ na kpɩɛrʋ páw a ʋ nɩ-bʋʋrɛ. Lɛ n'a a yele al za na sɛb a na tu.

Matie 7:2

A lɛ nyɩ na sɩrɩ bãwnɛ a nyɩ taabɛ yele a, lɛ n'a a Naaŋmɩn mɩ̀ na bãw a nyɩ dem kʋ̀ nyɩ. A bʋ̃-mána ʋl nyɩ na tɛr manɛ nɩ a, ʋlɛ n'ʋ ʋ mɩ̀ na man nɩ kʋ̀ nyɩ.

Nahum 1:2

A Sore ɩ n Naaŋmɩn na kpɛ nyuur ɛ́ mɩ́ yáa a san a, a Sore mɩ́ yáa nɩ a san, a ʋ suur bɛ tɛr dɩ̃ɛnʋ ɛ. A Sore mɩ́ yáa nɩ a san a ʋ dɔ̃ dem zu, ʋ bɛ mɩ́ dɩ suur kʋ̀ bɛ ɩ.

Ezekɩɛl 21:22

A mãa mɩ̀ a, ɩ̃ mɩ̀ na gùr'ɩ cɔ̀rɛ ŋmɛ n, ɛ́ bɛr a ɩ̃ su-tʋlʋ kpãkpã ʋ ìr tɩ ta a ʋ tab zie. A mãa Sore Naaŋmɩn n'ʋ yel.»

Ezekɩɛl 17:18

Ʋ na bɛ tu a pɔb ʋ na tɩ pɔ a, a Ɩsɩrayɛl nãà sãw nɩ a wõ-taa bɛr. Ʋ tɩ ƴãw nɩ nʋɔr ɛ́ wa ɩ à à ŋá. A lɛ pʋɔ a, ʋ kʋ̃ cɩ̃ɛ ɩ!

Zeremi 51:64

ɛ́ yel à ŋá: “À ŋá n'a a Babɩlɔn mɩ̀ na bɔr. Ʋ kʋ̃ lɛb ìr a kpɩɛrʋ a Sore na na ɩ a páw ʋ a pùorí ɛ.”» «A nɩ-bʋʋrɛ bàlɛ nɩ bɛ tʋɔra»: a Zeremi ƴɛ̀rʋ nʋɔr kʋb zie n'ɩ a ka.

Zeremi 51:36

A na ɩ à ŋá a, nyɛ̃ a lɛ a Sore na yere a Zerizalɛm ƴãw a: «Ɩ̃ na tu n a fʋ yele pùor ɛ́ yáa a fʋ san: ɩ̃ na ɩ na a Babɩlɔn tẽw man ʋ ko, ɛ́ ɩ a ʋ bul-nʋɔr ʋ sɩr.

Zeremi 51:25

Mãa nɩ fʋ̃ʋ nɛbɛ, Babɩlɔn i, a Sore n'ʋ yel. A sãw-bɛrʋ ƴãw a, fʋ kpɛmɛ na mɛ̃ tãw a, ɛ́ fʋ sãwnɛ nɩ a tẽ-daa za! Ɩ̃ na zɛw nɩ nũu a fʋ ƴãw, ɩ̃ na ɩ na fʋ yi a pìe nyʋɔrɩ́ za bili siw, ɩ̃ na ɩ na fʋ lɩɛb'ɩ tãw na ɩ vũu a.

Zeremi 50:14

Nyɩɩm za, tam-tɛbrbɛ ɛ, nyɩ wa pɩɛrɩ zɛbr pɩɛrʋ jil koli a Babɩlɔn tẽw. Nyɩ tɛbr ʋ! Nyɩ ta gbɔb a pime tɛr ɛ! Bʋ̃ʋ n'ʋ vɛ̃, ʋ maal'ɩ yel-bier sãw a Sore.

Ɩzayi 63:4

Ɩ̃ tɩ tɛr'ɩ a san-yaafʋ tɩɛrʋ, a ɩ̃ nɩ-bʋʋrɛ ya-deb yũon tɩ vɩɛ na.

Ɩzayi 61:2

Ʋ tõ m'a k'ɩ̃ɩ tɩ hieri yel a Sore pʋ-pɩɛlʋ yũon, nɩ a bibir ʋl ʋ na na yáa a san a ʋ dɔ̃ dem zu a. Ʋ tõ m'a k'ɩ̃ɩ tɩ mɔwlɩ a bɛlɩ dem za na tɛr wahala a.

Ɩzayi 59:17

Ʋ su n a mɩnʋ mɛ̃ zɛbr-nyãa-kpale a, ʋ vɔbl'ɩ a faafʋ kpawɔ-kpow a ʋ zũú. Ʋ su n a san-yaafʋ kparʋ. A tʋlʋ ʋ na tʋlɛ a zɛbr ƴãw a n'ɩ a kpar-kpɛ̃ɛ ʋ na vaarɩ pàw ʋ tʋɔra a.

Sɛb-sõw yielu 149:7

Lɛ n'a bɛ na yáa a san a nɩ-bʋʋr-yoru zu, a faa bɛ na maalɩ a ƴãw, bɛ na dɔwrɩ bɛ na.

Sɛb-sõw yielu 94:1

Fʋ̃ʋ Naaŋmɩn na mɩ́ yáa a yel-faa san a, Sore e, Naaŋmɩn na mɩ́ yáa a yel-faa san a, wul fʋ tʋɔra!

1 Samɩɛl 15:33

Ɛcɛ a Samɩɛl tɩ yel ʋ na: «Mɛ̃ a lɛ a fʋ zɛbr-sɔ-kpɛ̃ɛ na ɩ pɔwbɛ bɛ bɛ lɛb nyɛ̃ a bɛ bibiir a, lɛ mɩ̀ n'a, a pɔwbɛ za pʋɔ a, a fʋ mã, ʋ mɩ̀ ta lɛb nyɛ̃ a ʋ bie ɩ.» A Samɩɛl tɩ yel'ɩ à ŋá baarɩ, ɛ́ cɔ̀r a Agagɩ kʋ a Sore niŋé a Gilgal.

Zozue 6:20

Bɛ tɩ pɛbl'ɩ a ɩ́lɛ́. A Ɩsɩrayɛl nɩbɛ na wa wõ a ɩ́lɛ́ pɛblʋ a, bɛ lɔb'ɩ a zɛbr cɛl lawlawlaw, ɛ́ a dacĩ-kpɛ̃ɛ na piw a tẽw a, lo a pɛr nɛ pʋɔ. Daadaalɛ a Ɩsɩrayɛl nɩbɛ tɩ kpɛ n a tẽw pʋɔ a zɛbr ƴãw, ŋa za tori a ʋ nidaa ɛ́ cere, bɛ tɩ zɛb'a de a tẽw.

Zozue 6:5

Bɛlɛ wa pɛblɩ a ɩɩl kɔwrɩ a, a Ɩsɩrayɛl nɩbɛ za na lɔb'ɩ zɛbr cɛl lawlawlaw, ɛ́ a dacĩ-kpɛ̃ɛ na piw a tẽw a na lo na, lɛ n'a a Ɩsɩrayɛl nɩbɛ za na kpɛ a zɛbr ƴãw, ŋa za mɩ́ tori a ʋ nidaa cere.»

Wulu-ayi-sob 32:43

Salom i, cɩlɛ lãwnɩ a Sore! A salom zu dem za, bɛ puore ʋ nɩ bɛ tʋɔra-siwru! A Sore na yáa nɩ a ʋ bibiir kũu san. Ʋ na yáa nɩ a san a ʋ dɔ̃ dem zu. Ʋ na kʋ̀ n a bɛlɩ dem na hɩ̃ɛn ʋ a, a ʋlɩ bom nɛ bɛ na sɛw taa nɩ a, ɛcɛ ʋ na lɛb'a ɩ a ʋ nɩ-bʋʋrɛ tẽw ʋ vɩɛl.»

Wulu-ayi-sob 32:41

Mãa n'ɩ ŋan saalɛ a ɩ̃ zɛbr-sɔ-kpɛ̃ɛ, ɩ̃ kàrɛ ʋ na k'ʋʋ nyɩwrɛ. Ɩ̃ kʋ̃ yaa kɛ́ dɩ n a ɩ̃ dɔ̃ dem ƴɛ̀rʋ ɛ, ɩ̃ na yáa nɩ a san a bɛ zu, ɩ̃ na ɩ n a bɛlɩ dem na hɩ̃ɛn mɛ̃ a mɛ̃ a lɛ bɛ na ɩ m a.

Wulu-ayi-sob 32:35

Ɩ̃ na yáa nɩ a san, ɩ̃ na ya bɛ na tu n a bɛ ɩb, a bɛ loba bibir wa vɩɛ a. A kpɩɛrʋ bibir ŋa bɛ cɛlɛ ɩ, a bɛ loba bibir pɩɛl'a.

Zeremi 50:25

A Sore yuo nɩ a ʋ zɛbr bome dĩo, ɛ́ na wul a ʋ suur nɩ a ʋ zɛbr bome ʋ na ír a. A Babɩlɔn tẽw a, tome gã nɩ a Sore, a Naaŋmɩn kpɛnʋ-za-sob ƴãw.

Zeremi 50:44

A Sore yere na: Ɩ̃ na ɩ na mɛ̃ gbẽw na yire Zurdɛ̃ man tuwr pʋɔ cere zie mɔ̃-ɓaar na be kʋralɛ a. Fɔ̃wlɛ, ɩ̃ na ƴãw na a nɩbɛ za ìr a be. Lɛ n'a ɩ̃ na ƴãw a nɩ-kpɛ̃ɛ ɩ̃ na na kaa ír a, a Edɔm tẽw pʋɔ. Bʋ̃ʋ n'ʋ vɛ̃, ãa n'ʋ ŋmɛ̃ a mãa? Ãa n'ʋ na tʋ̃ɔ́ sowri mɛ̃ bom? Ɛ́ nɩ-kpɛ̃ɛ buor'ʋ na tʋ̃ɔ́ bà gbɛ́r a ɩ̃ niŋé?»

Zeremi 51:24

Ɛcɛ, a mãa Sore, ɩ̃ yere na: nyɩ na nyɛ̃ nɩ a lɛ ɩ̃ na na ƴãw a Babɩlɔn tẽw nɩ a Babɩlɔn tẽw dem ya a faa al za bɛ na maalɩ a Sɩyɔ̃ tẽw a.

Zeremi 51:30

A Babɩlɔn tẽw soja-gãdaar bɛr'ɩ a zɛbr, bɛ sɔwlɛ nɩ a gõgone pʋɔ. A bɛ gãdaalʋ baar'a, bɛ lɩɛb'ɩ pɔwbɛ! A tẽ-kpɛ̃ɛ dɩ̃dɛɛ yuori na, a ʋ yie dɩrɛ nɩ vũu.

Ɩzayi 59:18

Ʋ na ya n a nɩbɛ man nɩ a bɛ ɩb. A ʋ suur a, a ʋ dɔ̃ dem ƴãw n'a, a dɔwrɩ yáa a san a, a nɩbɛ na zɛbr'ɩ ʋ a ƴãw n'a, tɩ lãwnɩ a tẽ-zãánɩ dem.