Zeremi 50:14 - A SƐB-SÕW

¹⁴ Nyɩɩm za, tam-tɛbrbɛ ɛ, nyɩ wa pɩɛrɩ zɛbr pɩɛrʋ jil koli a Babɩlɔn tẽw. Nyɩ tɛbr ʋ! Nyɩ ta gbɔb a pime tɛr ɛ! Bʋ̃ʋ n'ʋ vɛ̃, ʋ maal'ɩ yel-bier sãw a Sore.

Zeremi 50:14 ပူးပေါင်းရင်းမြစ်များ

2 Samɩɛl 10:9

A Zowab tɩ nyɛ̃ na kɛ́ ziir ayi n'a, kɛ́ niŋé nɩ pùorí n'a a fɛr kɛ́ bɛ tuori bɛ. Lɛ n'a ʋ tɩ kaa ír a Ɩsɩrayɛl sojarɩ pʋɔ a soja-vɩɛlɩ zie ƴãw bɛ àr tori a Siiri tẽw dem.

Sɛb-sõw yielu 51:4

Pɛ́w a ɩ̃ sãwna dɛwr za bɛr, so a ɩ̃ yel-bier dɛwr bɛr mɛ̃.

Ɩzayi 13:4

Nyɩ bɛrɛ wone a gɔmɛ á ŋá a tan pʋɔ, a ɩ na mɛ̃ zu-sɛbla na bɛ dɩ vuo a nɛbɛ a. Nyɩ bɛrɛ wone a naalʋ-ten damnʋ ŋa, nɩ-bʋʋrɛ na ɓã taa a. A Sore, a kpɛnʋ-za-sob'ʋ jɩ́rɛ a zɛbr-nɩbɛ kaar a zɛbr ƴãw.

Ɩzayi 5:28

A bɛ pime kàr'a, a bɛ tamɛ za dúor'a. A bɛ wie nafɩlɛ kpɛmɛ na mɛ̃ kʋsɛ-cɩlsɩ a, ɛ́ a bɛ zɛbr-torkori gbɛ́ɛ lɩɛbɛ mɛ̃ sɛsɛb-pɩl a.

Zeremi 46:9

Wie e, nyɩ ƴaw kpɛ a zɛbr pʋɔ! Zɛbr-torkori i, nyɩ ŋmʋrɛ! Gãdaar i, nyɩ kpɛ a zɛbr pʋɔ: Kusɩ nɩ a Putɩ tẽw dem na tɛr a zɛbr-kur-pãgalɩ a, nɩ Ludɩ tẽw dem na tɛr a tamɛ a!»

Zeremi 49:14

A Sore ɩ na k'ɩ̃ wõ ƴɛ̀rʋ ŋa nɩ-tona kãw na cere nɩ a nɩ-bʋʋrɛ za zie a: «Nyɩ ɓã taa! Nyɩ cen a Edɔm tẽw ƴãw! Nyɩ ìr! Nyɩ nyɔw a zɛbr!»

Zeremi 49:35

À ŋá n'a a Sore, a kpɛnʋ-za-sob, yere: «Ɩ̃ na kár'ɩ a Elam tẽw dem tamɛ na ɩ a bɛ fãw yib zie a bɛr.

Zeremi 50:11

Nyɩ cɩlɛ, nyɩ cɩlɛ ƴawr'ɩ, nyɩɩm na sãw a ɩ̃ zi-sóra bɛr a! Nyɩ ƴawr dúor saa mɛ̃ náli-pɔlɛ mɔ̃-ɓaar pʋɔ a! Nyɩ kone mɛ̃ wur-daar a!

Zeremi 50:29

Nyɩ bʋɔlɩ a tam-tɛbrbɛ za ɓã taa, nyɩ ɩ bɛ cen a Babɩlɔn tẽw dem ƴãw. Nyɩ maalɩ laɩ jil koli ʋ, nyɩ ta bɛr ʋ cɩ̃ɛ ɩ, nyɩ ya ʋ manɩ a ʋ tome. A lɛ ʋ na ɩ a ʋ taabɛ a, nyɩ mɩ̀ ɩ ʋ a lɛ. Ʋ ɩ n pɔ̀l-ɩb a Sore zie, a Ɩsɩrayɛl Naaŋmɩn na ɩ sõw a zie.

Zeremi 50:42

A bɛ zɛbr-nɩbɛ tɛrɩ tamɛ nɩ kafine, bɛ kpɛ n po-tuo ɛ́ bɛ zɔrɛ nɩbaalʋ ɛ. A gɔmɛ bɛ na ɩrɛ a, ɩ na mɛ̃ a kʋ̃ɔ-kpɛ̃ɛ gɔmɛ a. Bɛ zɔm'ɩ wie, bɛ pɩɛrɩ na tu taa vla vla kɛ́ bɛ zɛb'ɩ fʋ, Babɩlɔn i.

Zeremi 50:7

A bɛlɩ dem za na mɩ́ tɩ tuori a a, mɩ́ tɩ vɔl a na, ɛ́ a dɔ̃ dem mɩ́ tɩ yere: “Tɩ bɛ tɛr sãwna ɩ. Bʋ̃ʋ n'ʋ vɛ̃, a nɩbɛ bɛ ŋa sãw nɩ a Sore na ɩ a bɛ taw-lanʋ zie, ɛ́ a bɛ sãàkʋm-kore tɩ ƴãw a bɛ tɩɛrʋ a ʋ ƴãw a.”»

Zeremi 50:9

Bʋ̃ʋ n'ʋ vɛ̃, ɩ̃ na ɩ na tẽ-bɛrɛ na ɓã taa a, ìr, ɩ̃ɩ ƴãw a cen tɩ zɛb'ɩ a Babɩlɔn tẽw. A nɩbɛ bɛ ŋa na yi n saa-pɛrɩ́-gʋba-lowr wa, wa pɩɛrɩ a zɛbr pɩɛrʋ a ʋ ƴãw, zɛb de ʋ. A bɛ pime bɛ nyɩrɛ bom ɛ, mɛ̃ gãdaa na bɛ lɛbr waar nũ-zawl a.

Zeremi 51:2

Ɩ̃ na bɛr'ɩ nɩ-sãanbɛ bɛ wa a Babɩlɔn tẽw ƴãw, wa diw a ʋ nɩbɛ yaarɩ, mɛ̃ sɛsɛb na mɩ́ yɛ́lɩ mɔ̃-kon a. Bɛ na sãw nɩ a ʋ tẽw bɛr. Bʋ̃ʋ n'ʋ vɛ̃, bɛ na ìr'a jil koli ʋ a kpɩɛrʋ bibir.»

Zeremi 51:27

Nyɩ zɛw a dɩrapo a tẽw pʋɔ, nyɩ pɛblɩ ɩɩl a nɩ-bʋʋr-yoru sɔgɔ. Nyɩ ɓã a nɩ-bʋʋrɛ taa a Babɩlɔn tẽw ƴãw, nyɩ bʋɔlɩ a Araratɩ, a Mini, a Asɩkenaazɩ naalʋ-ten a ʋ ƴãw. Nyɩ ƴãw sojarɩ nɩ-bɛrɛ bɛ ír sojarɩ. Nyɩ ƴãw wie na yãwmɛ mɛ̃ sãsoge a, a cen a ʋ ƴãw.

Zeremi 51:3

A tam-tɛbrbɛ, bɛ tɛbr a dɔ̃ dem tam-tɛbrbɛ! Ɛ́ a dɔ̃ dem ta pɔrɛ nɩ a bɛ zɛbr-nyãa-kpali ɛ! Nyɩ ta bɛr a Babɩlɔn soja-pɔlɛ bɛ vʋʋrɛ ɩ! Nyɩ kʋ a ʋ zɛbr-nɩbɛ pàw pɛr!

Habakukɩ 2:17

A yele nyɩ na sãw a Libã tẽw a, na lɛb'a lo a nyɩ zu. Nyɩ sãw nɩ dʋn faa faa, dʋn mɩ̀ na ƴãw nyɩ nɩ pʋl-vʋ̃ɔ! À á ŋá za na ta na, a nɩsaalɛ zɩ̃ɩ nyɩ na cir a ƴãw, nɩ a po-to-fãw-ɩb nyɩ na ɩ a tẽw za, a tẽ-bɛrɛ nɩ a nɩbɛ na kpɩɛr a pʋɔ a ƴãw.

Habakukɩ 2:8

Nyɩ fá n nɩ-bʋʋr-yaga, a nɩ-bʋʋrɛ bɛl na cɛ a mɩ̀ na fá nyɩ na. A nɩsaal zɩ̃ɩ nyɩ na ɩ a cir a ƴãw, a po-to-fãw-ɩb nyɩ na ɩ, a tẽw za, a tẽ-bɛrɛ nɩ a nɩbɛ na kpɩɛr a pʋɔ a ƴãw.

Yel-wula 17:5

Yúor a pɛr na sɔwlɩ a tɩ sɛb'ɩ a ʋ gbẽé à ŋá: «Babɩlɔn kpɛ̃ɛ, pɔw-yɛmɛ nɩ a tẽw yel-faar na bɛ maal'ɩ wob a mã.»

1 Samɩɛl 17:20

A bio daarɩ́ biɓaar-pipi, a Daviir tɩ ìr'a de a ʋ dʋn kʋ̀ nɩr ʋ gùre, ʋʋ ɓáw a ʋ tuor cen nɩ tɩ ta a laɩ pʋɔ, mɛ̃ a lɛ a Zese na tɩ yel kʋ̀ ʋ a. A zɛbr-nɩbɛ tɩ tĩ na pɩɛrɛ, ɛ́ ŋmɩɛr a zɛbr cɛlsɩ.