Zeremi 50:12 - A SƐB-SÕW

¹² Vĩ-kpɛ̃ɛ nyɔw nɩ a nyɩ tẽ-dɔwra, vĩ ɩrɛ nɩ a sob nɛ na dɔw nyɩ a. Ʋ lɩɛb'ɩ a ten za po-pàwrɛ, wɛja-kpalɛ, tẽsɔw-kõw nɩ dɩlãpʋɔ n'ʋ.

Zeremi 50:12 ပူးပေါင်းရင်းမြစ်များ

Ɩzayi 14:22

A Sore, a kpɛnʋ-za-sob, yere na: «Ɩ̃ na ìr'ɩ a Babɩlɔn tẽw dem ƴãw. Ɩ̃ na ɩ na a Babɩlɔn yúor bɔr, lãwnɩ a ʋ nɩbɛ na cãà vʋʋrɛ a, a bɛ bibiir nɩ a bɛ pùorí nɩbɛ.

Ɩzayi 23:13

Nyɛ̃ a Kalde tẽw dem tẽw a: a nɩbɛ bɛ ŋa bɛ cãà be ɩ. A Asiiri tẽw ɩ na k'ʋ lɩɛbɩ wɛ-dʋn tẽw. A nɩbɛ tɩ mɛ n yir-cõcowli a zie piwru ƴãw, cɔbrɩ zɛbr-yir-kpɛn, ɛ́ a Asiiri tẽw wa ɩ a lɩɛbɩ deboru gã.

Zeremi 12:14

À ŋá n'a a Sore yere cáarɛ nɩ a ɩ̃ nɩ-bʋʋrɛ kpɛ-pɩɛl dem na kpɛ faa a: «Bɛ tɔ n a bom ɩ̃ na so a, a zie ɩ̃ na kʋ̀ a ɩ̃ nɩ-bʋʋrɛ Ɩsɩrayɛl a. Ɩ̃ na ír bɛ nɩ a bɛ tẽsɔw zu, ɛcɛ ɩ̃ mɩ̀ na ír'ɩ a Zuda tẽw nɩbɛ a bɛ sɔgɔ.

Zeremi 15:9

A pɔw ʋl na dɔw bibiir ayopõi a, bɛ cãà ɩ bom za ɩ. Ʋ vʋʋrɛ na guur. Ʋl zie a, a mʋ̃tɔ̃w kpɛ n a mʋ̃tɔ̃-tuo daarɩ́. Vĩ nyɔw ʋ na, ʋ bɛ cãà nyɛrɛ ƴãwfʋ ɛ. A bɛlɩ dem na cãà vʋʋrɛ a, ɩ̃ na ɩ na bɛ kpi zɛbr zie, a bɛ dɔ̃ dem niŋé.» À à ŋá n'a a Sore yel.

Zeremi 22:6

A Zuda tẽw nãà yir ƴãw a, à ŋá n'a a Sore yere: «Ɩ̃ na saa nyɛ b fʋ vɩɛl man Galaadɩ tẽw tuwr a, bɩɩ ɩ mɛ̃ a Libã tẽw tan nyʋɔr a, ɩ̃ bɛ bʋ́nɛ nɩ na ɩ fʋ lɩɛbɩ a wɛja-kpalɛ ɩ, tẽ-kpɛ̃ɛ nɩr za na bɛ kpɩɛr a ɩ.

Zeremi 25:12

A Sore yere na: “A yome lɩz'a ata nɩ pie wa tɔ a, ɩ̃ na sowr'ɩ a Babɩlɔn tẽw nãà nɩ a ʋ nɩbɛ bom a bɛ ɩ-faar ƴãw. Ɩ̃ na ìr'ɩ a bɛ tẽw ƴãw, ɩ ʋ lɩɛbɩ tẽ-kpalɛ.

Zeremi 25:26

- a saa-pɛrɩ́-gʋba-lowr na-mɩnɛ za, a bɛl na pɩɛlɩ nɩ a bɛl na zãá a. A tɩ fɛr'a k'aa tẽ-daa naalʋ-ten al za na be a tẽw zu ziir za a, nyũ a koli-nyúura ŋa pʋɔ tu taa, ɛ́ a Sesakɩ tẽw nãà nyũ a bɛ za pùorí.

Zeremi 49:2

Alɛ n'a so a Sore yere: «Bibie waar'a, ɩ̃ na ɩ bɛ wõ zɛbr cɛlsɩ a Araba, a Amɔ̃ tẽw dem tẽ-kpɛ̃ɛ pʋɔ. A tẽ-kpɛ̃ɛ ŋa na lɩɛb'ɩ gbĩgbin-kpalɛ nɩr na bɛ kpɩɛr a, a tẽli-kpɔwlɩ na dɩ n vũu. A lɛn daar a, a Ɩsɩrayɛl na lɛb'a de a ʋlɩ bom nɛ ʋ na tɩ so a.» A Sore n'ʋ yel.

Zeremi 51:43

A ʋ tẽ-bɛrɛ lɩɛb'ɩ ziir na kpɛ faar a. A tẽw lɩɛb'ɩ dɩlãpʋɔ-kõw, zie nɩr za na bɛ kpɩɛr a, nɩr za na bɛ tɔlɛ a.

Zeremi 51:47

Bibie waar'a ɩ̃ na ìr a Babɩlɔn tẽw tɩbɛ ƴãw, vĩ na nyɔw nɩ a tẽw za. A kũuni za na gã gã nɩ a tẽ-kpɛ̃ɛ pʋɔ.

Galasi 4:26

Ɛcɛ a Zerizalɛm na be a saa-zu a bɛ ɩ gbãgbaa ɩ, ɛ́ ʋlɛ n'ɩ a tɩ mã.

Yel-wula 17:5

Yúor a pɛr na sɔwlɩ a tɩ sɛb'ɩ a ʋ gbẽé à ŋá: «Babɩlɔn kpɛ̃ɛ, pɔw-yɛmɛ nɩ a tẽw yel-faar na bɛ maal'ɩ wob a mã.»