Zeremi 50:11 - A SƐB-SÕW

¹¹ Nyɩ cɩlɛ, nyɩ cɩlɛ ƴawr'ɩ, nyɩɩm na sãw a ɩ̃ zi-sóra bɛr a! Nyɩ ƴawr dúor saa mɛ̃ náli-pɔlɛ mɔ̃-ɓaar pʋɔ a! Nyɩ kone mɛ̃ wur-daar a!

Zeremi 50:11 ပူးပေါင်းရင်းမြစ်များ

Sɛb-sõw yielu 22:12

Ƴɛrɛŋa a yel-faa na pɩɛlɩ, ɛ́ sõwfʋ bɛ ka be a, ta zãá nɩ mɛ̃ ɩ.

Zʋkpaɩ 17:5

Nɩr na ɩrɛ nã́w sob laar a tʋʋr'ɩ a ʋ Íre. Nɩr na laar a ʋ tɔ kpɩɛrʋ a na nyɛ̃ nɩ dɔwrʋ.

Ɩzayi 47:6

Ɩ̃ tɩ nyɛ̃ nɩ nɩ a ɩ̃ nɩ-bʋʋrɛ suur. Lɛ n'a ɩ̃ bɛ tɩ tɛr ƴãwfʋ ɩb kãw za a nɩbɛ ɩ̃ na so a zie ɩ, ɛ́ tɩ bɛr bɛ kʋ̀ b. Ɛcɛ fʋ bɛ tɩ tɛr nɩbaal-zɔba kãw za a bɛ zie ɩ, a fʋ nɩ-kpɛ̃ɛnʋ dɩb tɩ dĩ nɩ a dɛb-nyãw mɛ̃ na-kʋɔra nyũu dàa a.

Ɩzayi 47:8

Ƴɛrɛŋa a, bɛr wõ yel ŋa, fʋ̃ʋ na nɔnɛ a ƴã-gan nʋ̃ɔ̀ a, fʋ̃ʋ na zɩ̃ zaa zoom ɛ́ tɩɛrɛ à ŋá a: «A mãa a, ɩ̃ bɛ tɛr ɩ̃ tɔ ɩ! Ɩ̃ bɛ be za na ɩ pɔw-kʋɔr ɛ, ɩ̃ kʋ̃ bãw a ɩ̃ bibiir kũu ɛ».

Zeremi 12:14

À ŋá n'a a Sore yere cáarɛ nɩ a ɩ̃ nɩ-bʋʋrɛ kpɛ-pɩɛl dem na kpɛ faa a: «Bɛ tɔ n a bom ɩ̃ na so a, a zie ɩ̃ na kʋ̀ a ɩ̃ nɩ-bʋʋrɛ Ɩsɩrayɛl a. Ɩ̃ na ír bɛ nɩ a bɛ tẽsɔw zu, ɛcɛ ɩ̃ mɩ̀ na ír'ɩ a Zuda tẽw nɩbɛ a bɛ sɔgɔ.

Zeremi 46:20

A Eziptɩ tẽw ɩ na mɛ̃ na-sɩra na vɩɛl a! Ɛcɛ, nakpon na yi saa-pɛrɩ́-gʋba-lowr a, wa na wa dɔm a ʋ zu.

Zeremi 46:21

A Eziptɩ tẽw a, bɛ tɩ kaarɛ nɩ a soja-libi-bɔbrbɛ zie vla za. Ɛcɛ a bɛl mɩ̀ a, bɛ lɩɛbɛ nɩ pùor, bɛ lãw na zɔrɛ. Kãw za bɛ bàrɛ gbɛ́r, a kpɩɛrʋ bibir na vɩɛrɛ a bɛ zu, a lɛn daar ɩ̃ na ìre a bɛ ƴãw a ɩ.

Zeremi 5:28

bɛ kpɛ bɛrɛ 'wɔra 'wɔra. Bɛ de nɩ a faa maalʋ jala. Bɛ bɛ dɩrɛ a ƴɛ̀rʋ nɩ mɩnʋ ɛ, bɛ bɛ dɩrɛ a ƴɛ̀rʋ nɩ mɩnʋ kʋ̀rɛ a bi-kpebe ɩ, alɛ bɛ ɩ lɛ, a nãá mɩ́ tɛr bɛ nɩ ɩb. Bɛ bɛ mɩ́ tu a nan dem yele pùor ɛ.

Zeremi 5:8

Wur-daar na 'wɔr 'wɔr ɛ́ a wur-pɔw vʋla tɛr a a, à ŋá n'a bɛ ŋmɛ̃. Ŋa mɩ́ kone nɩ a ʋ tɔ pɔw ƴãw.

Zeremi 50:17

A Ɩsɩrayɛl tɩ ɩ na mɛ̃ pɛrʋ na bɔr kɛ̀ gben diwr a. A dãw-niwn sob na tĩ 'wɔb ʋ a n'ɩ a Asiiri tẽw nãà. Al pùorí, a Babɩlɔn tẽw nãà, Nabikodonozɔɔr, wa kar ʋ a kɔbɛ.

Zeremi 50:27

Nyɩ kʋ a bɛ soja-vɩɛlɩ vɩɛlɩ za, nyɩ tɛr bɛ cen nɩ a kʋb zie! Nyɛ̃ kpɩɛrʋ na ta bɛ a, bʋ̃ʋ n'ʋ vɛ̃, a bibir vɩɛ na a Sore na na ìr a bɛ ƴãw a.

A Lãw-mʋɔlɛ 1:21

A nɩbɛ wone na ɩ̃ na kone a, ɛcɛ, nɩr bɛ mɔwlɛ mɛ̃ ɩ. A ɩ̃ dɔ̃ dem za wõ n a ɩ̃ kpɩɛrʋ, a ɩrɛ bɛ nɩ nʋ̃ɔ̀ a lɛ fʋ na ɩ m a: fʋ ƴãw nɩ a bibir ʋl fʋ na tɩ yel a ʋ ta. A mɩ̀ ŋmɛ̃ bɛ mɛ̃ a mãa a!

Ezekɩɛl 35:15

Fʋ cɩlɩ na fʋ na nyɛ̃ bɛ sãw a ɩ̃ nɩ-bʋʋrɛ Ɩsɩrayɛl bɛr a. A na ɩ à ŋá a, ɩ̃ mɩ̀ na ɩ b'ɩ a lɛ. A fʋ tan, a fʋ tẽw za a, bɛ na sãw a na bɛr. Lɛ n'a nɩsaal za na bãw kɛ́ mãa n'ɩ a Sore.»

Ezekɩɛl 36:5

Sɩza, a mãa Sore Naaŋmɩn yere na, a ɩ̃ su-tʋlʋ kpãkpã pʋɔ, ɩ̃ zɛbr'ɩ nɩ a nɩ-bʋʋr-yoru nɩ a Edɔm tẽw za kpɛ̃lɛ̃kpɛ̃lɛ̃. Nʋ̃ɔ̀ na tɩ paalɩ bɛ ɛ́ bɛ tobr bɛ tɩ ka bom za ƴãw a n'a, bɛ tɩ de a ɩ̃ tẽw, kɛ́ bɛ za a ʋ dʋn mʋ̃ɔ 'wɔbrʋ ziir.

A naaŋmɩn-ƴèr-manɛ Oze sɛbɛ 10:11

A Efarayim tɩ ɩ na mɛ̃ náab bɛ na pɔwlɩ ʋ nɔnɛ a ble vab a: ɩ̃ na tɩ nyɛ̃ a ʋ nyũu ʋ ta a, ɩ̃ de nɩ a ni-kɔ-dàa dɔwlɩ a ʋ nyũu zu: Zuda buwr'ɩ a tẽw, ɛ́ Zakɔb tawr a kur-jajaa.

Amɔsɩ 4:1

Nyɩɩm pɔwbɛ na be a Samaari tãw zu ɩ zʋ̃zʋlɛ zʋ̃zʋlɛ mɛ̃ Basan tẽw nĩi a, nyɩ bɛrɛ wone a ƴɛ̀rʋ ŋa: nyɩ nɛbr'ɩ a bãbàalbɛ ɛ́ dɔwrɛ a nɩ-kɔmɛ, ɛ́ yere a nyɩ sɩrbɛ: «Nyɩ de a nyub wa n!»

Abɩdɩasɩ 1:12

Edɔm ɩ, a fʋ yɛbr na be a Zuda tẽw a, a bɛ tɩ sɛw kɛ́ fʋ nyɛ̃ a bɛ loba a ɩrɛ fʋ nʋ̃ɔ̀ ɩ, a bɛ tɩ sɛw kɛ́ fʋ cɩlɛ a bɛ wahala ƴãw ɛ, nɩ kɛ́ fʋ tʋʋr bɛ zʋmɛ a bɛ kpɩɛrʋ daar ɛ.

Habakukɩ 1:15

A Babɩlɔn tẽw dem nyɔwr'ɩ a nɩbɛ mɛ̃ zʋ́m bɛ na nyɔw nɩ zʋm-pĩi a, bɛ mɩ́ nyɔw bɛ nɩ a bɛ mɩ̃ɛnɩ pʋɔ. Lɛ n'a nʋ̃ɔ̀ mɩ́ ɩrɛ bɛ, bɛ cɩlɛ bɛ za.

Zakari 14:12

A bʋ̃-faar al na na páw a nɩ-bʋʋrɛ bɛl na zɛb'ɩ a Zerizalɛm a, n'ɩ á ŋá: bɛ na cãà na vʋʋrɛ ɛ́ a bɛ ƴã-gamɛ pɔ̃, a bɛ mimie na pɔ̃ n a mimi-bɔwrɩ pʋɔ, ɛ́ a bɛ zɛlɛ pɔ̃ a bɛ nɛ̃ɛ́.

Wulu-ayi-sob 32:15

A Yesurun na wa kpɛ bɛ́rʋ baar'a, ʋ gaarɩ na. Ʋ na wa kpɛ bɛ́rʋ a, ʋ na wa 'wɔr a, ʋ na wa tɩbrɛ baar'a, ʋ zawr'ɩ a Naaŋmɩn bɛr, a ʋ Íre, ʋ ƴãw nɩ a ʋ pì-kpɛ̃w vĩ, a ʋ faarɛ.