Zeremi 5:5 - A SƐB-SÕW

⁵ A na ɩ lɛ a, ɩ̃ na cen nɩ a nɩ-bɛrɛ zie tɩ ƴɛ̀r'ɩ bɛ. Bɛl a, bɛ bãw nɩ a Sore pʋ-tɩɛrʋ, nɩ a ʋlɩ bom nɛ a bɛ Naaŋmɩn na bɔbr a.» Ɛcɛ bɛ za ɩ n been: bɛ gaarɩ na, ɛ́ ŋma a lãw-taa mie na tɩ 'lẽ bɛlɛ nɩ a bɛ Naaŋmɩn a bɛr.

Zeremi 5:5 ပူးပေါင်းရင်းမြစ်များ

2 Bibie za yel-manɩ 36:14

Lɛ mɩ̀ n'a a bàwr-maal-nɩ-bɛrɛ za nɩ a nɩbɛ nɩ-bɛrɛ za mɩ̀ tɩ zawrɩ a Naaŋmɩn bɛr, ɛ́ tu a nɩ-bʋʋr-yoru ɩ-faar na bɛ maal'ɩ wob a, dɛw nɩ a Sore yir-kpɛ̃ɛ ʋ na tɩ ɩ ʋ ɩ sõw a Zerizalɛm a.

Eziptɩ tẽw yib 32:25

A Moyiir tɩ nyɛ̃ na k'aa Aarɔ̃ bɛr'ɩ a nɩbɛ bɛ ɩrɛ lɛ za bɛ na bɔbr a, nãà wa ƴãw a bɛ dɔ̃ dem ɩrɛ bɛ laar.

Ɩzayi 1:23

A fʋ nɩ-bɛrɛ ɩ n nɩ-gaarɩ na lãwnɛ nɩ nyãnyuwr a. Bɛ za, bɛ nɔnɛ nɩ a bʋ̃-kʋ̀rɩ, bɛ go na gù a tɔnɛ. Bɛ bɛ maalɛ a bi-kpieb yele ƴãwn ɛ, ɛ́ bɛ ŋmɛlɛ kaar a pɔw-kʋɔr na tɛr yel a ɩ.

Zeremi 2:20

«Koro za n'a fʋ gáarɛ a ɩ̃ zu. Fʋ ɩ na a baarɩ mãa nɩ a fʋ̃ʋ cara pʋɔ, ɛ́ fʋ yel: “Ɩ̃ bɛ cãà bɔbr k'ɩ̃ɩ ɩ gbãgbaa ɩ.” Bʋ̃ʋ n'ʋ vɛ̃, tãle za zu, tɩ-zimpiri za pile, fʋ mɩ́ gã na mɛ̃ pɔw-yɛm a.

Zeremi 2:31

—A nyɩɩm, dɩ̃a nɩbɛ ɛ, nyɩ ƴãw tobr vla a Sore ƴɛ̀rʋ ƴãw!— Ɩsɩrayɛl nɩbɛ ɛ, ɩ̃ lɩɛb'ɩ wɛja-kpalɛ a nyɩ zie bɩɩ tẽw a zie na sɔb kʋralɛ a? Bʋ̃ʋ n'ʋ so a ɩ̃ nɩbɛ yel: “Be tɩ na bɔbr a n'a tɩ cere, tɩ kʋ̃ lɛb wa a fʋ zie ɩ?”

Zeremi 30:14

A fʋ sɛnbɛ za yiire fʋ na bɛrɛ, bɛ bɛ cãà ŋmɛlɛ kaar fʋ ɛ. Zerizalɛm i, ɩ̃ ŋmɛ b'a, mɛ̃ ɩ̃ ɩ n a fʋ dɔ̃ sob a, ɩ̃ kpãa fʋ nɩ faa faa.

Zeremi 6:13

Bʋ̃ʋ n'ʋ vɛ̃, a na tĩ a pʋrmɛ tɩ tɔ a bɛrɛ a, bɛ za bɔbr'ɩ a bɛ tɔnɛ. A naaŋmɩn-ƴɛ̀r-manbɛ tɩ tɔ a bàwr-maalbɛ a, bɛ za tɛr'ɩ libelibe yã.

Zeremi 8:7

A gʋ̃ɔnagʋ̃ɔna tɛɛ za a salom zu, bãw nɩ a lɛn daar ʋ na mɩ́ yi zie ŋa cen tɩ kpɩɛr zie ŋa a. A ŋmam, a bɛlaarɛkule nɩ a tɩ̃ɩtɩ̃ɩ bãw nɩ a lɛb-waa daar. Ɛcɛ a ɩ̃ nɩbɛ bɛ bãw a tub al ɩ̃ na ƴãw a ɩ.”»

Zeremi 9:3

Ŋa za ʋ mɩ́ gù ʋ tʋɔra a ʋ bá ƴãw, ɛ́ nɩr taa ƴãwnɛ a ʋ tɩɛrʋ a ʋ yɛb ƴãw ɛ. Bʋ̃ʋ n'ʋ vɛ̃, yɛb za mɩ́ bãw nɩ lɛ ʋ na na nɛb fʋ a, ɛ́ bá za ɩ gɛgɛra gɛrɛ fʋ.

Ezekɩɛl 11:2

A Vʋʋrʋ tɩ yel mɛ̃ na: «A fʋ̃ʋ nɩsaal bie, bɛrɛ wone! Nyɛ̃ a nɩbɛ bɛl na bɔbr kɛ́ bɛ maalɩ faa a. Bɛ wule nɩ yã-faar a Zerizalɛm tẽw pʋɔ.

Amɔsɩ 4:1

Nyɩɩm pɔwbɛ na be a Samaari tãw zu ɩ zʋ̃zʋlɛ zʋ̃zʋlɛ mɛ̃ Basan tẽw nĩi a, nyɩ bɛrɛ wone a ƴɛ̀rʋ ŋa: nyɩ nɛbr'ɩ a bãbàalbɛ ɛ́ dɔwrɛ a nɩ-kɔmɛ, ɛ́ yere a nyɩ sɩrbɛ: «Nyɩ de a nyub wa n!»

Amɔsɩ 6:1

Baw-bio dem'ɩ nyɩ, nyɩɩm na be a Sɩyɔ̃ bom za bɛ damnɛ nyɩ a. Nyɩɩm na ɓãá ƴãw kpɩɛr a Samaari tãw zu a. Nyɩɩm na ɩ a ten za pʋɔ tẽ-dãw-niwn sob niw-dierbɛ a, nyɩɩm zie n'a a Ɩsɩrayɛl yir nɩbɛ cere.

Mise 3:11

Nʋɔr'ʋ bɛ mɩ́ ŋmɛ a ƴɛ̀r-dɩrbɛ bɛ dɩ a ƴɛ̀rʋ, tɔnɛ ƴãw n'a a bàwr-maalbɛ wule, libie ƴãw n'a a naaŋmɩn-ƴɛ̀r-manbɛ bãwnɛ a nɩdaar yele. Ɛcɛ à á ŋá za a, a Sore ƴãw n'a bɛ mɩ́ ɩrɛ ƴãwn yere nɩ: «A Sore be n a tɩ sɔgɔ, yel-faa za bɛ páwr tɩ ɛ.»

Malasɩ 2:7

Bʋ̃ʋ n'ʋ vɛ̃, a bàwr-maalɛ tõ-nʋɔr'ɩ k'ʋʋ wule a nɩbɛ bɛ bãw a Naaŋmɩn, ʋlɛ n'ʋ a nɩbɛ mɩ́ sowri bãw a Wulu, ʋ na ɩ a Sore kpɛnʋ-za-sob nɩ-tona a ƴãw.

Luka 18:24

A Yeezu na tɩ nyɛ̃ ʋ, ʋ sãw niwn a, ʋ yel'a: «Nyɛ̃ a tɛra dem Naaŋmɩn Naalʋ pʋɔ kpɛb na kpɛmɛ a!

Luka 19:14

Ɛcɛ a ʋ tẽw dem bɛ tɩ nɔnɛ ʋ ɛ, ɛ́ tɩ tõ nɩbɛ a ʋ pùorí kɛ́ bɛ tɩ yel a na-kpɛ̃ɛ: “Tɩ bɛ bɔbr k'ʋʋ dɩrɛ naalʋ a tɩ zu ɛ.”