Zeremi 5:3 - A SƐB-SÕW

³ Sore e, a yel-mɩŋa bɛ n'a fʋ bɔbr ɛ? Fʋ ŋmɛ bɛ na, ɛ́ a bɛ ɩ bɛ bom ɛ, fʋ tɩ bɔbr'a kɛ́ fʋ kʋ bɛ pàw pɛr, ɛcɛ bɛ bɛ sàw a kpãàfʋ ɛ. Bɛ nyar'ɩ a bɛ niŋe a kpɛmɛ zuo kʋsɩɛr, bɛ zawr'ɩ a fʋ zie lɛb-waa.

Zeremi 5:3 ပူးပေါင်းရင်းမြစ်များ

Yele-za-pɛr-tib 19:34

A bio daarɩ́, a kpɛ̃ɛ tɩ yel'ɩ a ʋ yɛ-bile: «Nyɛ̃, ɩ̃ zãa gã nɩ nɩ a ɩ̃ sãà a tɩ̃ɩsɔw. Ɩ tɩ ɩ ʋ lɛb nyũ a divɛ̃ kuoli a dɩ̃a tɩ̃ɩsɔw, ɛ́ fʋ cen tɩ gã nɩ ʋ, tɩ tʋ̃ɔ́ ɩ ʋ tɛr bʋʋrɛ.»

1 Na-mɩnɛ 13:33

A na saa tɩ ɩ à à ŋá a, a Zerobowam bɛ tɩ lɩɛbɩ a ʋ ɩb na bɛ vɩɛl a ɩ. Ʋ tɩ cãà na kaarɛ íre bàwr-maalbɛ a nɩbɛ pʋɔ, a maalʋ-ziir ƴãw. Nɩr wa bɔbr k'ʋʋ ɩ bàwr-maalɛ a, bɛ mɩ́ cir'ɩ a kãá ƴãw ʋ a zũú, ʋ lɩɛbɩ a maalʋ-ziir bàwr-maalɛ.

2 Na-mɩnɛ 1:13

A nãà tɩ lɛb'a tõ sojarɩ lɩz'a ayi nɩ pie nɩ-kpɛ̃ɛ nɩ a ʋ nɩbɛ lɩz'a ayi nɩ pie, a gb'a ata sob. Bɛ tɩ do n a tãw zu. Ɛcɛ a sojarɩ nɩ-kpɛ̃ɛ na tɩ tarɛ a, ʋ gbĩ n dume a Eli niŋé, ɛ́ zɛlɩ ʋ yãayãa à ŋá: «Naaŋmɩn nɩr i mãa nɩ a ɩ̃ nɩbɛ lɩz'a ayi nɩ pie bɛ ŋa nyɔ-vʋʋrʋ, a ɩ bʋ̃-sɩza a fʋ zie!

2 Bibie za yel-manɩ 16:9

Sɩza n'a, a Sore jɩ́rɛ nɩ a tẽw zu ziir za k'ʋʋ sõw a bɛlɩ dem na nɔnɛ ʋ nɩ bɛ pʋɔ za a. Ɛcɛ ƴɛrɛŋa ʋl a, fʋ ɩ n dãbol-ɩb, alɛ so, dɩ̃a na ta a, zɛbr na lore nɩ a fʋ zu.»

2 Bibie za yel-manɩ 28:22

A kpɩɛrʋ daar ŋa pʋɔ a, a Akaazɩ tɩ cãà bɛ tu a Sore ɩ:

Sɛb-sõw yielu 51:6

Fʋ̃ʋ yõ, fʋ̃ʋ yõ tẽtẽ n'ʋ ɩ̃ sãw, ʋlɩ bom nɛ na bɛ vɩɛl a fʋ zie a, ʋlɛ n'ʋ ɩ̃ maalɩ. Lɛ so, fʋ̃ʋ wa ƴɛ̀rɛ a, fʋ mɩ́ tɛr'ɩ yel-mɩŋa, fʋ bɛ tɛrɛ sãwna bɛ yere a fʋ ƴɛ̀rʋ-dɩb pʋɔ ɩ.

Sɛb-sõw yielu 51:8

Ɛcɛ fʋ nɔnɛ nɩ a yel-mɩŋa a nɩsaal socir pʋɔ, zanɩ nɩ mɛ̃ a yã-bãwfʋ a ɩ̃ pʋ-tɩɛr-sɔwla pʋɔ.

Sɛb-sõw yielu 55:20

A Naaŋmɩn na wõ a na, ɛ́ siwri bɛ, ʋl na dɩrɛ naalʋ dɩta-pɛ-yome za a. Tɛw-àrʋ Lɩɛbʋ bɛ be a bɛ zie ɩ, bɛ bɛ zɔrɛ a Naaŋmɩn ɛ.

Zʋkpaɩ 21:29

A nɩ-faa mɩ́ sãá na mɛ̃ bom bɛ damnɛ ʋ a. Ɛcɛ a nɩ-dẽdẽ bɛ bãw bʋnʋ a ʋ cenu pʋɔ ɩ.

Zʋkpaɩ 22:12

A Sore mɩ́ gù n a bãwfʋ na ɩ sɩza a, ɛcɛ ʋ mɩ́ ŋmɛ n a nɩsaal-libelibe ƴɛ̀rʋ lɔb.

Zʋkpaɩ 23:35

Fʋ na tɩ́ɛrɛ na: «Bɛ ŋmɛ mɛ̃ na, ɛcɛ a bɛ 'wɔbr mɛ̃ ɩ! Bɛ pɔb mɛ̃ na, ɩ̃ɩ bɛ wõ bom za ɩ. Bom za sàw ɩ̃ lɛb ìr fɔ̃w, lɛb ƴãw bɛ kʋ̀ m ɩ̃ nyũ!»

Zʋkpaɩ 27:22

Fʋ̃ʋ saa tɔ a dãbol nɩ tùlú, mɛ̃ a lɛ bɛ na mɩ́ tɔ a bʋ̃-bie a tʋɔr pʋɔ a, a ʋ dãbolu kʋ̃ yi ɛ.

Ɩzayi 26:11

Sore e, a fʋ nũu zɛw nɩ a ŋmɛb ƴãw, ɛ́ bɛ bɛ nyɛ̃ ʋ ɛ. Ɛcɛ bɛ na nyɛ̃ nɩ a lɛ fʋ na tʋlɛ a fʋ nɩ-bʋʋrɛ gub ƴãw a, ɛ́ vĩ na nyɔw bɛ na. A vũu na be be a fʋ dɔ̃ dem ƴãw a na dɩ bɛ na.

Ɩzayi 42:25

Alɛ so a Sore ɩ a ʋ su-tʋlʋ kpãkpã ìr a bɛ ƴãw, ʋ ɩ bɛ nyɛ̃ a zɛbr faalʋ. A zɛbr ƴãw nɩ vũu jil koli bɛ, ɛ́ bɛ bɛ bãw a pɛr ɛ. A vũu tɛr'a tɩ dɩ bɛ, ɛ́ bɛ tobr bɛ ka be ɩ.

Ɩzayi 48:4

Ɩ̃ bãw nyɩ na nyɩ ɩ nɩ-bʋʋr-gaarɩ. Nyɩ bɛ wone ƴɛ̀rʋ ɛ, ɛ́ a nyɩ zuru kpɛmɛ.

Ɩzayi 9:13

Lɛ n'a a Sore tɩ ŋmãa a zú nɩ a zʋʋr, a kpãkparmɛ tɩɛ wule nɩ a bàa-kɛkɛr a Ɩsɩrayɛl tẽw pʋɔ, bibi-been.

Zeremi 15:7

A tẽw tẽ-kpɛ̃ɛ za pʋɔ a, ɩ̃ zɛw nɩ a ɩ̃ bʋ̃-yɛla k'ɩ̃ɩ yɛ́lɩ nɩ a nɩbɛ bɛr a ziir za. Ɩ̃ ɩ na bɛ bɛ cãà tɛr bibiir ɛ, baarɩ bɛ za, ɛcɛ bɛ bɛ lɩɛbɩ a bɛ ɩb ɛ.

Zeremi 17:23

Bɛl a, bɛ bɛ tɩ bɛr wõ ɩ, bɛ bɛ tɩ ƴãw tobr ɛ, bɛ tɩ tãa nɩ kpaar, bɛ bɛ tɩ bɔbr kɛ́ bɛ bɛr wõ ɛ́ de a wulu ɛ.

Zeremi 19:15

«À ŋá n'a a Sore, a kpɛnʋ-za-sob, a Ɩsɩrayɛl Naaŋmɩn, yere: “Ɩ̃ na ɩ na a dɔwrʋ al ɩ̃ na tɩ yel a tẽ-kpɛ̃ɛ ŋa ƴãw a, a wa a ʋl nɩ a ʋ tẽli-kpɔwlɩ ƴãw. Bʋ̃ʋ n'ʋ vɛ̃, a tẽw dem ɩ n zu-kpɛn dem, bɛ zawr'ɩ a ɩ̃ ƴɛ̀rʋ bɛr-wob.”»

Zeremi 2:30

Zawla lɛ n'a ɩ̃ ŋmɛ nyɩ. Nyɩ bɛ sàw de a kpãàfʋ ɛ. Nyɩ nɩ̃ɛ na kʋ a nyɩ naaŋmɩn-ƴɛ̀r-manbɛ mɛ̃ gben na kpɛ po-tuo a.

Zeremi 3:3

Lɛ n'a ɩ̃ bɛ tɩ bɛr a saa kʋ̀ b ɛ, ɛ́ a saa bɛ wa a sɩ̃ɔ ɛ. Ɛcɛ fʋ cãà na kpãa tobr tone a fʋ pɔw-yɛm tome, fʋ bɛ sàw a fʋ sãwna ɩ.

Zeremi 32:19

Fʋ mɩ́ tɩɛr'ɩ yel-bɛrɛ maalʋ, ɛ́ maalɩ a nɩ kpɛnʋ. Fʋ mɩ́ maal'a jɩ́rɛ a nɩsaalbɛ ɩ-ɩrɩ, ɛ́ mɩ́ ya ŋa za man nɩ a ʋ cenu, man nɩ a ʋ ɩ-ɩrɩ.

Zeremi 35:13

«Ƴɛrɛŋa a, ƴɛ̀r a Zuda tẽw nɩ a Zerizalɛm tẽw dem zie. Cen tɩ yel bɛ: Nyɩ nyɛ̃ a lɛ a Sore, a kpɛnʋ-za-sob, a Ɩsɩrayɛl Naaŋmɩn, na yere a: Nyɩ pãa kʋ̃ nanɩ de a ɩ̃ wulu, ɛ́ bɛr wõ a lɛ ɩ̃ na yere a ɩ? A Sore n'ʋ yere.

Zeremi 44:10

Wa tɩ tɔ a dɩ̃a a, a bɛ ɩ kpɩɛrʋ nɩr kãw za zie ɩ. Nɩr kãw za bɛ tɛr a ɩ̃ ƴãwfʋ ɛ, nɩr za bɛ tu a wulu nɩ a nɛ-ƴãwnɩ ɩ̃ na kʋ̀ a nyɩɩm nɩ a nyɩ sãàkʋm-kore a ɩ.”»

Zeremi 7:26

Ɛcɛ nyɩ bɛ bɛr wõ m ɛ, nyɩ bɛ cɛlɩ be ɩ, nyɩ ɩ n zu-kpɛ̃w ɩb. Nyɩ kpɛ n faa zuo a nyɩ sãàkʋm-kore.

Zeremi 7:28

A na ɩ à ŋá a, fʋ na yel bɛ na: “Nyɩ ɩ n a nɩ-bʋʋrɛ bɛl na bɛ bɛrɛ wone a Sore bɛ Naaŋmɩn a, nɩ-bʋʋrɛ na zawrɛ a ʋ wulu bɛrɛ a. A nyɩ zie a, a yel-mɩŋa kpi na, nɩr za bɛ cãà pore a ʋ yúor ɛ.”»

Zeremi 8:5

Ɛ́ bʋ̃ʋ n'ʋ so a Zerizalɛm nɩbɛ na tuli a sɔ́r a, cãà zawrɩ a ɩ̃ tub? A nɩbɛ bɔbr'ɩ a bɛ ŋmɩn-bɛlɛbɛlɛ á ŋá tuotuo, bɛ zawr'a na lɛb wa a ɩ̃ zie.

Ezekɩɛl 2:4

Ɩ̃ tone fʋ nɩ a zu-kpɛn dem bɛ ŋa na tɛr soci-kpawlɩ a zie. Tɩ yel à ŋá kʋ̀ bɛ: “À ŋá n'a a Sore Naaŋmɩn ƴɛ̀rɛ.”

Ezekɩɛl 24:13

Zerizalɛm i, fʋ ɩ n dɛwr sob fʋ na bʋnɩ vʋʋrɩ sãsaralɛ a ƴãw. Ɩ̃ tɩ bɔbr'a k'ɩ̃ɩ ɩ fʋ vɩɛl, ɛcɛ fʋ bɛ sàw ɛ. A na ɩ lɛ a, fʋ kʋ̃ lɛb tʋ̃ɔ́ vɩɛl ɛ, ɛ́ gù a ɩ̃ su-tʋlʋ kpãkpã tɩ ìr a fʋ ƴãw.

Levitɩ mɩnɛ 26:23

Nyɩmɛ cãà bɛ wa sàw a ɩ̃ kpãàfʋ, cãà zawrɩ a ɩ̃ tub a,

Amɔsɩ 4:10

«Ɩ̃ ƴãw nɩ bàal-faa nyɔw nyɩ mɛ̃ a ʋl na tɩ kʋ a dʋn a koro za a Eziptɩ tẽw a. Ɩ̃ kʋ n a nyɩ pɔ́lɛ́ nɩ zɛbr-sɔ-kpɛ̃ɛ ɛ́ fa a nyɩ wie, ɩ̃ ɩ n a nyɩ laɩ pʋɔ kũuni nyũu paalɩ a nyɩ nyɔbɔgɛ, ɛcɛ nyɩ bɛ lɛb wa a ɩ̃ zie ɩ.» A Sore n'ʋ yel.

Amɔsɩ 4:11

«Ɩ̃ ŋmɛ n bom za nyaw taa a nyɩ zie, mɛ̃ a lɛ ɩ̃ na tɩ dãw ɩ a Sodɔm nɩ a Gomɔɔr ten a. Nyɩ ŋmɛ̃ na mɛ̃ dà-ŋmãa bɛ na ír vũumí bɛr a. Ɛcɛ nyɩ bɛ lɛb wa a ɩ̃ zie ɩ.» A Sore n'ʋ yel.

Amɔsɩ 4:6

«A mãa, mãa n'ʋ ɩ kɔ̃ nyɔw nyɩ a ten za pʋɔ, mãa n'ʋ ɩ a dipɛ̃ dɩ nã́w a be za nyɩ na be a, ɛcɛ nyɩ bɛ lɛb wa a ɩ̃ zie ɩ.» A Sore n'ʋ yel.

Amɔsɩ 4:8

Nɩbɛ mɩ́ yi n ten ayi bɩɩ ata pʋɔ kɔ̃kɔlɩ cen tẽ-yũo pʋɔ kɛ́ bɛ tɩ nyũ kʋ̃ɔ, ɛ́ bɛ mɩ́ tɩ nyũ sɛw ɛ. Ɛcɛ nyɩ bɛ lɛb wa a ɩ̃ zie ɩ.» A Sore n'ʋ yel.

Amɔsɩ 4:9

«Ɩ̃ ƴãw na bàalʋ kpɛ a nyɩ ciri, ɩ a ko bɩɩ pɔ̃ a dàar zu, a nyɩ zaadɛ̃ pʋɔ bome nɩ a divɛ̃ tɩɩr, a nyɩ kãkamɛ nɩ a nyɩ olivʋ tɩɩr, zãzule 'wɔb a na. Ɛcɛ nyɩ bɛ lɛb wa a ɩ̃ zie ɩ.» A Sore n'ʋ yel.

Sofoni 3:7

Ɩ̃ tɩ tɩɛr'ɩ ɩ̃ pʋɔ: ƴɛrɛŋa a, a tẽw na ƴãwnɛ mɛ̃ na, ʋ na sàw nɩ a ɩ̃ kpãàfʋ. Lɛ n'a ɩ̃ kʋ̃ ŋmɛr ʋ bɛr, a tu a lɛ ɩ̃ na tɩ nyɛ̃ a suur, fuw ʋ a ɩ. Ɛcɛ a ʋ nɩbɛ mɩ́ pawr'ɩ a yel-faa maalʋ tɛwr ƴãw.

Ʋrɔm 2:2

Ɛcɛ, tɩ bãwnɩ a na, a bɛlɩ dem na mɩ́ tɛr a ɩ-ɩrɩ á ŋá taabɛ a, Naaŋmɩn mɩ́ maal'ɩ bɛ nɩ a ƴɛ̀rʋ a tu yel-mɩŋa.

Ebre 12:9

Tɩ tɩ tɛr'ɩ a tɩ sãà mɩnɛ a tẽw zu ka, bɛ kpãànɛ tɩ, ɛ́ tɩ ƴãwnɛ bɛ, ɛ́ bɛ nãà yere a tɩ Sãà na be a tẽ-vla pʋɔ a? A fɛr'a kɛ́ tɩ sàwr a ʋ nʋɔr, ʋʋ kʋ̀ tɩ a nyɔ-vʋʋrʋ.