Zeremi 5:28 - A SƐB-SÕW

²⁸ bɛ kpɛ bɛrɛ 'wɔra 'wɔra. Bɛ de nɩ a faa maalʋ jala. Bɛ bɛ dɩrɛ a ƴɛ̀rʋ nɩ mɩnʋ ɛ, bɛ bɛ dɩrɛ a ƴɛ̀rʋ nɩ mɩnʋ kʋ̀rɛ a bi-kpebe ɩ, alɛ bɛ ɩ lɛ, a nãá mɩ́ tɛr bɛ nɩ ɩb. Bɛ bɛ mɩ́ tu a nan dem yele pùor ɛ.

Zeremi 5:28 ပူးပေါင်းရင်းမြစ်များ

A Zɔb sɛbɛ 12:6

A nyãnyu-nɩ-kʋrbɛ nyɛrɛ nɩ ƴã-ɓaarʋ a bɛ pɛnɛ-sɛwr pʋɔ, a bɛlɩ dem na bɔbr a Naaŋmɩn nɔhaarʋ a, bom bɛ fɛrɛ bɛ ɩ: bɛ bɛ bãw ŋmɩn-yoru a bɛ ɩ a bɛ fãw ɛ.

Sɛb-sõw yielu 119:70

Bɛ bɛ bɔbr kɛ́ bɛ bãw bom pɛr towtow ɛ, ɛcɛ mãa a, a fʋ wulu tub ɩrɛ mɛ̃ nɩ nʋ̃ɔ̀ yaga.

Sɛb-sõw yielu 72:4

A nãà, ʋ mɩ́ kpɛ a nɩ-bʋʋrɛ bãbàalbɛ, ʋ mɩ́ ɩ a nan dem faarɛ, ɛ́ mɩ́ ƴɛ́r a sob nɛ na dɔwrɛ bɛ a ŋmɛr!

Sɛb-sõw yielu 73:12

À à ŋá n'a a nɩ-faar ŋmɛ̃: ɛcɛ a bɛ tɛra dɔwlɛ nɩ kʋralɛ, ɛ́ bom bɛ fɛrɛ bɛ ɩ.

Sɛb-sõw yielu 73:4

Bom za bɛ mɩ́ fɛrɛ bɛ, ɛ́ tɩ ta a bɛ kũu daar ɛ, bɛ mɩ́ kpɛ n bɛrɛ 'wɔra 'wɔra a.

Zʋkpaɩ 15:25

A Sore mɩ́ dá n a pɔ̀lʋ dem yie lɔb, ɛcɛ ʋ mɩ́ gù n a pɔw-kʋɔr púo.

Ɩzayi 1:23

A fʋ nɩ-bɛrɛ ɩ n nɩ-gaarɩ na lãwnɛ nɩ nyãnyuwr a. Bɛ za, bɛ nɔnɛ nɩ a bʋ̃-kʋ̀rɩ, bɛ go na gù a tɔnɛ. Bɛ bɛ maalɛ a bi-kpieb yele ƴãwn ɛ, ɛ́ bɛ ŋmɛlɛ kaar a pɔw-kʋɔr na tɛr yel a ɩ.

Zeremi 12:1

Sore e, fʋ ɩ n nɩ-mɩŋa zuo, nɩ ɩ̃ na na ƴɛ̀rɛ a fʋ sãwna ƴɛ̀rʋ a. Ɛcɛ ɩ̃ bɔbr'a kɛ́ mãa nɩ fʋ̃ʋ nãá ƴɛ̀r mɩnʋ ƴɛ̀rʋ: Bʋ̃ʋ n'ʋ so a nɩ-faar yele mɩ́ cere vla? Bʋ̃ʋ n'ʋ so a bɛlɩ dem na bɛ tu b a bɛ mɩ́ bãw damnʋ?

Zeremi 2:33

Nyɛ̃ fʋ na bãw na-ɩ-lɛ a nɔ̃wfʋ pùor zɔ-tub ƴãw a! Ɛ́ a al ƴãw a, fʋ tɛr'a tɩ mili nɩ a nɩr kʋb.

Zeremi 22:3

À ŋá n'a a Sore yere: nyɩ ɩrɛ a lɛ-na-tu-sɔr-a, ɛ́ tuur a mɩnʋ. Nyɩ ta dɔwrɛ ɛ́ ta ɩrɛ a kpɩɛr a nʋʋrɩ, a bi-kpebe nɩ a pɔw-kɔbɛ ɩ. Nyɩ ta cãà kʋrɛ nɩbɛ na bɛ tɛr sãwna a, a zie ŋa pʋɔ ɩ.

Zeremi 7:6

Nyɩ ta nɛbr a nʋʋra, a bi-kpieb, a pɔw-kʋɔr ɛ. Nyɩ bɛr a nɩbɛ na bɛ tɛr sãwna a kʋb a ka. Nyɩ ta tuur ŋmɩn-yoru a nyɩ faa ƴãw ɛ.

Amɔsɩ 4:1

Nyɩɩm pɔwbɛ na be a Samaari tãw zu ɩ zʋ̃zʋlɛ zʋ̃zʋlɛ mɛ̃ Basan tẽw nĩi a, nyɩ bɛrɛ wone a ƴɛ̀rʋ ŋa: nyɩ nɛbr'ɩ a bãbàalbɛ ɛ́ dɔwrɛ a nɩ-kɔmɛ, ɛ́ yere a nyɩ sɩrbɛ: «Nyɩ de a nyub wa n!»

Zakari 7:10

Nyɩ ta dɔwrɛ a pɔw-kɔbɛ nɩ a bi-kpebe ɩ, a nʋʋrɩ nɩ a nan dem ɛ. Nyɩ ta mɩ́ tɩ́ɛrɛ kɛ́ nyɩ maalɩ taa faa ɩ.»

1 Korɛ̃tɩ 5:1

A nɩbɛ wone na bɛ yere a ziir za kɛ́ pɩ̃ɔ-ɩb kãw be n a nyɩ zie, ɛ́ a pɩ̃ɔ-ɩb nɛ kpɛ faa tɩ zuo. Nɩ-bʋʋr-yoru nɩbɛ tɛɛ za kʋ̃ sàw maalɩ a yel-bier ŋa tɔ ɩ. Bɛ manɛ na k'aa nyɩ kãw tɛr'ɩ a ʋ sãà pɔw ʋ ɩ a ʋ pɔw.

Wulu-ayi-sob 32:15

A Yesurun na wa kpɛ bɛ́rʋ baar'a, ʋ gaarɩ na. Ʋ na wa kpɛ bɛ́rʋ a, ʋ na wa 'wɔr a, ʋ na wa tɩbrɛ baar'a, ʋ zawr'ɩ a Naaŋmɩn bɛr, a ʋ Íre, ʋ ƴãw nɩ a ʋ pì-kpɛ̃w vĩ, a ʋ faarɛ.