Zeremi 5:17 - A SƐB-SÕW

¹⁷ Bɛ na baar'ɩ a nyɩ bom za: a nyɩ bʋ̃-dieri nɩ a nyɩ bʋ̃-dɩrɩ, a nyɩ bidɛbr nɩ a nyɩ pɔwyaar, a nyɩ píir nɩ a nyɩ nĩi, a nyɩ divɛ̃ tɩɩr nɩ a nyɩ kãkã-tɩɩr wɔmɛ. Zɛbr na sãw nɩ a tẽ-kpɛn bɛr, al pʋɔ nyɩ na tɩɛrɛ kɛ́ nyɩ kʋ̃ bãw damnʋ a.

Zeremi 5:17 ပူးပေါင်းရင်းမြစ်များ

Ɩzayi 62:8

A Sore pɔ n nɩ a ʋ kpɛnʋ na ɩ kpɛ̃ɛ a, yel: «Ɩ̃ bɛ be za na lɛb bɛr a fʋ dɔ̃ dem bɛ dɩ a fʋ ble ɩ. A fʋ divɛ̃ ƴãw fʋ na bàl fʋ tʋɔra a, a sãanbɛ kʋ̃ lɛb nyũ a ɩ.

Ɩzayi 62:9

Ɛcɛ a bɛlɩ dem na na ŋma a ble a, bɛlɛ nɛbɛ na dɩrɛ a danɛ nɩ a Sore. A bɛlɩ dem na na pɔr a divɛ̃ tɩɩr wɔmɛ a, bɛlɛ nɛbɛ na nyũ a divɛ̃ a ɩ̃ zi-sõw pʋɔ.»

Ɩzayi 65:22

Bɛ kʋ̃ lɛb ŋmarɛ yie nɩ-yoru kpɩɛr ɛ, bɛ kʋ̃ lɛb sɛlɛ divɛ̃ tɩɩr nɩ-yoru dɩrɛ a wɔmɛ ɩ. Bʋ̃ʋ n'ʋ vɛ̃, a ɩ̃ nɩbɛ na mɩ́ kòr'a mɛ̃ a tɩɩr a. A bɛlɩ dem ɩ̃ na kaa ír a na mɩ́ so nɩ a bɛ nuru bome dɩrɛ.

Zeremi 1:15

A Sore yere na: Ɩ̃ na bʋɔl'ɩ a saa-pɛrɩ́-gʋba-lowr naalʋ-ten dɔwlʋ za ɓã taa. Bɛ na wa na, ŋa za mɩ́ wa bin a ʋ naalʋ-dà-kɔw a Zerizalɛm tẽw dɩ̃dɛɛ ƴãw, tori a dacine na viiri koli ʋ a, ɛ́ tori a Zuda tẽw tẽ-bɛrɛ za.

Zeremi 25:37

A dʋn mʋ̃ɔ 'wɔbrʋ ziir na vɩɛl vɩɛl a ɩ n cɩ̃ɩ, a Sore su-tʋlʋ kpãkpã zũú.

Zeremi 4:26

Ɩ̃ jɩ́rɛ na: a tuwr tẽw ŋa lɩɛb'ɩ wɛja-kpalɛ, a ʋ tẽ-bɛrɛ za lo na. A Sore zie n'a a yi, a ʋ su-tʋlʋ kpãkpã zie.

Zeremi 4:7

A gbẽw yi n a ʋ tuw pʋɔ, a nɩ-bʋʋr-yoru sãw-sãwnɛ lo n a sɔ́r, ʋ yi n a ʋ beba zie, k'ʋʋ tʋ̃ɔ́ sãw a fʋ tẽw bɛr: a fʋ tẽ-bɛrɛ na dɩ n vũu, ɛ́ kʋ̃ cãà tɛr nɩbɛ bɛ kpɩɛr a pʋɔ ɩ.

Zeremi 5:18

A lɛn daar mɩ̀ a, a Sore n'ʋ yere, ɩ̃ kʋ̃ kʋ nyɩ pàw pɛr ɛ.

Zeremi 50:17

A Ɩsɩrayɛl tɩ ɩ na mɛ̃ pɛrʋ na bɔr kɛ̀ gben diwr a. A dãw-niwn sob na tĩ 'wɔb ʋ a n'ɩ a Asiiri tẽw nãà. Al pùorí, a Babɩlɔn tẽw nãà, Nabikodonozɔɔr, wa kar ʋ a kɔbɛ.

Zeremi 50:7

A bɛlɩ dem za na mɩ́ tɩ tuori a a, mɩ́ tɩ vɔl a na, ɛ́ a dɔ̃ dem mɩ́ tɩ yere: “Tɩ bɛ tɛr sãwna ɩ. Bʋ̃ʋ n'ʋ vɛ̃, a nɩbɛ bɛ ŋa sãw nɩ a Sore na ɩ a bɛ taw-lanʋ zie, ɛ́ a bɛ sãàkʋm-kore tɩ ƴãw a bɛ tɩɛrʋ a ʋ ƴãw a.”»

Zeremi 8:13

A Sore yere na: «Mãa wa bɔbr bʋ̃-dieri deb a bɛ zie a, divɛ̃ tɩ-wɔmɛ bɛ mɩ́ be a divɛ̃ tɩɛ zu ɛ! Kãkamɛ bɛ mɩ́ be a kãkã-tɩɛ zu ɛ! A váar tɛɛ za mɩ́ vàr'a. A na ɩ lɛ a, ɩ̃ na bɛr'a na kʋ̀ sɔr-tɔlbɛ.»

Zeremi 8:16

A dɔ̃ sob ta n a Dan tẽw baarɩ. A ʋ wie na vʋʋrɛ nɩ fãw a vʋʋrʋ yire nɩ a tẽ-kpɛ̃ɛ ŋa pʋɔ. A gɔmɛ a na kone ɩrɛ a ɩ na a tẽw za màwr. A waar'a k'aa wa sãw a tẽw nɩ bom za na be a ʋ pʋɔ a bɛr, a tẽ-kpɛ̃ɛ nɩ a ʋ nɩbɛ.»

A Lãw-mʋɔlɛ 2:12

Bɛ sowre nɩ a bɛ mã mɩnɛ: «Nyɩnɛ n'a a bʋ̃-dɩrɩ be?» Bɛ lore nɩ a nɩbɛ tuor-taa ziir a tẽ-kpɛ̃ɛ pʋɔ mɛ̃ nɩbɛ bɛ na ƴãw bàalʋ a, ɛ́ kpiir a bɛ mã mɩnɛ gbɛ́ɛ zu.

A Lãw-mʋɔlɛ 2:2

A Sore ɩ na a ʋ nɩ-bʋʋrɛ Ɩsɩrayɛl zi-sóri za bɔr, ʋ bɛ zɔ nɩbaalʋ ɛ. A ʋ su-yãyaar pʋɔ a, ʋ sãw nɩ a Zuda tẽw tẽ-kpɛn za bɛr. Ʋ ɩ na a naalʋ-tẽw nɩ a nɩ-bɛrɛ lo, ʋʋ ƴãw bɛ vĩ.

Ezekɩɛl 36:4

A na ɩ à ŋá a, yel a ɩ̃ ƴɛ̀rʋ kʋ̀ a: Ɩsɩrayɛl tẽw tan i, nyɩ bɛrɛ wone a ɩ̃ ƴɛ̀rʋ! A mãa Sore Naaŋmɩn, ɩ̃ yere na kʋ̀rɛ a tã-bɛrɛ nɩ a tãli, a gblãkowe nɩ a bà-fʋɔlɩ. Ɩ̃ yere na kʋ̀rɛ a deboru nɩ a tẽ-bɛrɛ a nɩ-bʋʋr-yoru na kpɩɛr pɩɛl a na sãw bɛr, zà, ɛ́ tʋ a.

A naaŋmɩn-ƴèr-manɛ Oze sɛbɛ 2:12

Ƴɛrɛŋa ʋl a, ɩ̃ na wul'ɩ a ʋ faalʋ a ʋ sɛnbɛ. Nɩr kʋ̃ piw mɛ̃ sɔ́r a lɛ ƴãw ɛ.

A naaŋmɩn-ƴèr-manɛ Oze sɛbɛ 8:14

A Ɩsɩrayɛl yiir'ɩ a mãa ʋ Íre bɛr ɛ́ mɛ yir-vɩɛlɩ vɩɛlɩ. Zuda ʋl a, tẽ-bɛrɛ bɛ na gù vla a n'a ʋ mɛ paalɩ a ziir za. Ɛcɛ ɩ̃ na ƴãw nɩ vũu a ʋ tẽ-bɛrɛ, a vũu na dɩ n a bɛ yir-vɩɛlɩ vɩɛlɩ.»

Zowɛl 2:3

A sãsowe niŋé a, vũu nyɔw na dɩrɛ, ɛ́ a sãsowe pùorí a ɩ vũu-zɛlɛ na dɩrɛ pelempelem a. A na bɛ tɩ tɔl sɛr a, a tẽw tɩ ɩ na mɛ̃ Edɛn tẽw zaadɛ̃ a, ɛ́ a na wa tɔl baarɩ a, ʋ ɩ n wɛja-kpalɛ faa faa. A bɛ jɩɩrɩ bom za bɛr ɛ.

Levitɩ mɩnɛ 26:16

nyɩ nyɛ̃ a lɛ ɩ̃ na na ɩ nyɩ a: Ɩ̃ na ƴãw na a pʋl-vʋ̃ɔ, a kõwfʋ nɩ a ƴã-tʋlʋ wa a nyɩ ƴãw wa ɩ nyɩ lo mimie ɛ́ sɩrɛ cere. Nyɩ na mɩ́ bʋ̀r'ɩ a nyɩ póru zawla, bʋ̃ʋ n'ʋ vɛ̃, a nyɩ dɔ̃ dem nɛbɛ na mɩ́ cɛ̀ a.

Sofoni 3:6

A Sore yere na: «Ɩ̃ ɩ na nɩ-bʋʋrɛ bɛ cãà be ɩ, a zɛbr-yir-kpɛn na piw bɛ tɛr a, ɩ̃ da a na lɔb, ɩ̃ ɩ na a bɛ sɛ́ɛ gã zawlɛ: nɩr za bɛ tuur tɔlɛ ɩ! A bɛ tẽ-bɛrɛ ŋmɛr ŋmɛr'a gã: nɩr za bɛ cãà kpɩɛr a ɩ.

Malasɩ 1:4

Kapaw a Edɔm tẽw dem na yere na: “Bɛ tʋ̃ɔ́ tɩ nɩ pẽlẽpẽlẽ, ɛcɛ tɩ na lɛb'a mɛ a tɩ ten bɛ na ŋmɛr bɛr a.” À ŋá n'a, a mãa, a Sore kpɛnʋ-za-sob, yere: Bɛ lɛb mɛ, ɛcɛ mãa na da a na lɔb. A nɩbɛ na bʋɔlɛ bɛ na kɛ́: “Faalʋ tẽw”, nɩ kɛ́: “Nɩ-bʋʋrɛ a Sore na nyɛ̃ nɩ suur kʋralɛ a”.

Wulu-ayi-sob 28:33

Nɩ-bʋʋrɛ nyɩ na bɛ bãw a nɛbɛ na dɩrɛ a nyɩ bʋ̃-kʋ́ɔrɩ nɩ a nyɩ nuru tome bome za. Bɛ na nɛbr nyɩ na ɛ́ dɔwrɛ nyɩ kʋralɛ.