Zeremi 5:15 - A SƐB-SÕW

¹⁵ A Sore yere na: Ɩsɩrayɛl nɩbɛ ɛ, ɩ̃ na ɩ na nɩ-bʋʋr-yoru na yi zi-zãána a wa a nyɩ ƴãw. Nɩ-bʋʋrɛ nɩr na kʋ̃ tʋ̃ɔ́ zɛb tʋ̃ɔ́ a nɛbɛ, nɩ-bʋʋrɛ na be koro kãw za a, nɩ-bʋʋrɛ nyɩ na bɛ wone a ƴɛ̀rʋ, ɛ́ bɛ mɩ́ bãw a ƴɛ̀r-bie pɛr a nɛbɛ.

Zeremi 5:15 ပူးပေါင်းရင်းမြစ်များ

Yele-za-pɛr-tib 11:7

Alɛ! Tɩ siw tɩ ŋmɛ a bɛ ƴɛ̀rʋ nyaw taa bɛ ta cãà wone taa ƴɛ̀rʋ ɛ.»

Sɛb-sõw yielu 81:5

Bʋ̃ʋ n'ʋ vɛ̃, nʋɔr'ʋ ƴãw a Ɩsɩrayɛl nɩbɛ ƴãw, yel a Zakɔb Naaŋmɩn na yel a n'ʋ.

Ɩzayi 28:11

Ʋ̃ʋ, à à ŋá n'a, nɩ-bʋlmɛ ƴɛ̀rʋ nɩ ƴɛ̀r-sãan n'ʋ a Sore na ƴɛ̀r a nɩ-bʋʋrɛ bɛ ŋa zie.

Ɩzayi 29:3

Ɩ̃ na maal'ɩ a ɩ̃ laɩ viiri koli fʋ. Ɩ̃ na cɔbr'ɩ ziir bɛ na mɩ́ pĩ kɛ́ zɛb a jil koli fʋ, ɩ̃ na kaal'ɩ tanɛ ɓã taa a do ɩ̃ zɛb'ɩ fʋ.

Ɩzayi 29:6

a Sore, a kpɛnʋ-za-sob wa a fʋ maalʋ ƴãw, saa tanʋ, tẽsɔw damnʋ, gɔmɛ na pàw kpɛ̃w kpɛ̃w za a, sɛsɛb-pɩl-kpɛ̃ɛ, saa nɩ sɛsɛb, nɩ vũu-zɛlɛ na dɩrɛ a pʋɔ.

Ɩzayi 33:19

Fʋ kʋ̃ cãà nyɛrɛ a nɩ-bʋʋrɛ bɛ ŋa na ɩrɛ pɔ̀l-ɩb a ɩ, nɩ-bʋʋrɛ fʋ na kʋ̃ wõ a ƴɛ̀rʋ a, ƴɛ̀r-sãan nɩr za na bɛ wone a ɩ.

Ɩzayi 39:3

Al pùorí, a naaŋmɩn-ƴɛ̀r-manɛ Ɩzayi tɩ wa na wa páw a Ezekɩasɩ sowr'ʋ: «Bʋ̃ʋ n'ʋ a nɩbɛ bɛ ŋa yel kʋ̀ b? Nyɩnɛ n'a bɛ nɩ̃ɛ yi wa?» A Ezekɩasɩ tɩ sɔw na: «Tẽ-zãána n'a bɛ yi wa nyɛ̃ m, Babɩlɔn tẽw.»

Ɩzayi 5:26

A Sore zɛwr'ɩ dɩrapo nɩ-bʋʋrɛ na zãá a ƴãw, ʋ fuole na bʋɔlɛ bɛ a tẽw baarʋ zie. Bɛlɛ n'ɩ bɛ ŋa na páwr a, bɛ tarɛ nɩ fɔ̃w fɔ̃wlɛ.

Ɩzayi 5:7

A Sore, a kpɛnʋ-za-sob, divɛ̃ tɩɩr púo n'ɩ a Ɩsɩrayɛl yir dem, ɛ́ a Zuda nɩbɛ n'ɩ a divɛ̃ tɩɛ bʋʋrɛ ʋ na tɩ nɔnɛ a. A Sore tɩ gùre nɩ a lɛ na mɩ́ tu sɔ́r a, a bɛ zie, ɛ́ a ziir za a wa ɩ yel na bɛ mɩ́ tu a mɩnʋ a. Ʋ tɩ gùre nɩ a mɩnʋ, ɛ́ a ziir za a wa ɩ nɩbɛ bɛ na dɔwrɛ a cɛlsɩ.

Zeremi 1:15

A Sore yere na: Ɩ̃ na bʋɔl'ɩ a saa-pɛrɩ́-gʋba-lowr naalʋ-ten dɔwlʋ za ɓã taa. Bɛ na wa na, ŋa za mɩ́ wa bin a ʋ naalʋ-dà-kɔw a Zerizalɛm tẽw dɩ̃dɛɛ ƴãw, tori a dacine na viiri koli ʋ a, ɛ́ tori a Zuda tẽw tẽ-bɛrɛ za.

Zeremi 2:26

Mɛ̃ a lɛ vĩ na mɩ́ nyɔw nyãnyuwe bɛ na ùr nyɔw a, lɛ n'a a Ɩsɩrayɛl nɩbɛ mɩ́ na nyɛ̃ vĩ, a bɛl, a bɛ na-mɩnɛ, a bɛ tõ-tõ-bi-bɛrɛ, a bɛ bàwr-maalbɛ nɩ a bɛ naaŋmɩn-ƴɛ̀r-manbɛ.

Zeremi 25:9

ɩ̃ na tõ na bɛ tɩ bʋɔlɩ a Saa-pɛrɩ́-gʋba-lowr nɩbɛ za, lãwnɩ a ɩ̃ tõ-tõ-bie, a Nabikodonozɔɔr, a Babɩlɔn tẽw nãà. Ɩ̃ na ɩ na bɛ wa a tẽw ŋa nɩ a ʋ nɩbɛ nɩ a tẽ-kpɔwlɩ za na viiri koli ʋ a ƴãw. Ɩ̃ na kʋ nyɩ na pàw pɛr, a bɛl nɩ a nyɩɩm, ɩ̃ɩ na ɩ n a tẽw ŋa yie lɩɛbɩ deboru gã kʋralɛ, bɛ mɩ́ nyɛ̃ ŋmɩɛr pʋl-vʋ̃ɔ cɛlsɩ.

Zeremi 4:16

Nyɩ ɩ a nɩ-bʋʋrɛ za bãwnɩ a, nyɩ yel a yel kʋ̀ a Zerizalɛm: A dɔ̃ dem pɩɛlɛ na, bɛ yi n tẽ-zãána waar, bɛ ŋmɩɛr'ɩ a zɛbr cɛlsɩ a Zuda tẽ-bɛrɛ ƴãw.

Zeremi 5:11

Sɩza n'a, a Ɩsɩrayɛl naalʋ-tẽw nɩ a Zuda naalʋ-tẽw za bɛ tu m ɛ. À à ŋá n'a a Sore yere.

Zeremi 6:22

À ŋá n'a a Sore yere: «Nɩbɛ yi n a saa-pɛrɩ́-gʋba-lowr tẽw kãw waar, nɩ-bʋʋr-yoru na yãwmɛ a yi n a tẽw baarʋ zie lo a sɔ́r waar.

Ezekɩɛl 18:31

Nyɩ zawrɩ a nyɩ ɩ-faar za bɛr, nyɩ lɩɛbɩ a nyɩ socie nɩ a nyɩ tɩɛrʋ. Bʋ̃ʋ n'ʋ so nyɩ bɔbr kɛ́ nyɩ kpi, Ɩsɩrayɛl nɩbɛ ɛ?

Amɔsɩ 6:14

Ɛcɛ ƴɛrɛŋa a, a Sore, a Naaŋmɩn kpɛnʋ-za-sob, yere na: ɩ̃ na ɩ na tẽw ìr a nyɩ ƴãw, Ɩsɩrayɛl yir i, ʋ na dɔwrɩ fʋ na a Lebo-Hamatɩ tẽw tɩ tɔ n a Araba bàa.

Habakukɩ 3:16

Ɩ̃ wone nɩ a damnʋ á ŋá za, ɛ́ a mɩ́ dam mɛ̃ tɩ tɔ: a ɩ̃ nɔgbãbie màwr'a ŋmɩɛr taa a dɛ̃bɩ̃ɛ zũú, a ɩ̃ ƴãw za bàl'a ɛ́ a ɩ̃ gbɛ́ɛ yʋɔrɛ. Ɩ̃ ɩ n gbili cɛlɛ nɩ a kpɩɛrʋ bibir, k'ɩ̃ɩ wa cen tɩ zɛb'ɩ a nɩ-bʋʋrɛ bɛl na dɔwrɛ tɩ a.

1 Korɛ̃tɩ 14:21

Bɛ sɛb'ɩ à ŋá a Naaŋmɩn wulu sɛbɛ pʋɔ: «A Sore yel'a: nɩbɛ na ƴɛ̀rɛ ƴɛ̀r-yoru a nɛbɛ ɩ̃ na ƴãw bɛ ƴɛ̀r a nɩ-bʋʋrɛ bɛ ŋa zie, nɩ-sãanbɛ nʋɔr'ʋ ɩ̃ na ƴɛ̀r'ɩ a bɛ zie, ɛ́ a lɛ mɩ̀ a, bɛ cãà kʋ̃ bɛr wõ a ɩ̃ ƴɛ̀rʋ ɛ.»

Wulu-ayi-sob 28:33

Nɩ-bʋʋrɛ nyɩ na bɛ bãw a nɛbɛ na dɩrɛ a nyɩ bʋ̃-kʋ́ɔrɩ nɩ a nyɩ nuru tome bome za. Bɛ na nɛbr nyɩ na ɛ́ dɔwrɛ nyɩ kʋralɛ.

Wulu-ayi-sob 28:49

A Sore na ɩ na nɩ-bʋʋrɛ nyɩ na bɛ wone a ƴɛ̀rʋ a, yi zi-zãána, yi a tẽw baarʋ zie, ɛ́ wa a nyɩ ƴãw. Bɛ na wa siw nɩ a nyɩ zu, mɛ̃ sɩla na mɩ́ siw a ʋ bʋ̃-nyɔwra zu a.