Zeremi 5:12 - A SƐB-SÕW

¹² A Zuda tẽw dem bɛ bãw a Sore ɩ, ɛ́ yere: «Ʋ bɛ tɛr fãw kãw za ɩ. A faa kʋ̃ lo a tɩ zu ɛ, tɩ kʋ̃ bãw zɛbr nɩ kɔ̃ ɩ.

Zeremi 5:12 ပူးပေါင်းရင်းမြစ်များ

2 Bibie za yel-manɩ 36:16

ɛcɛ a Ɩsɩrayɛl nɩbɛ tɩ ɩ n a nɩ-toni bɛ ŋa la, ɩ a naaŋmɩn-ƴɛ̀r-manbɛ la, ɛ́ zawrɩ a Naaŋmɩn ƴɛ̀rʋ bɛr. Lɛ n'a a Sore wa tɩ bɛr a ʋ suur ìr a bɛ ƴãw, a bɛ tɛr zɛlɩ bɛr ɛ.

Sɛb-sõw yielu 10:6

Ʋ tɩɛrɛ nɩ ʋ pʋɔ: «Ɩ̃ bɛ bãwnɛ damnʋ ɛ, yel-faa bɛ be za na páw mɛ̃ ɩ.»

Sɛb-sõw yielu 14:1

A yiel-yielbɛ nɩ-kpɛ̃ɛ sɛbɛ pʋɔ yielu nɩ Daviir yielu n'ʋ. A dãbole mɩ́ tɩɛrɛ nɩ nɩ bɛ pʋɔ yere: «Naaŋmɩn bɛ ka ɩ!» A nɩbɛ bɛ ŋa sãw nɩ bɛ za, a bɛ ɩ-ɩrɩ bɛ maal'ɩ wob ɛ, been kãw za bɛ ɩrɛ vla ɩ.

Zʋkpaɩ 30:9

Bʋ̃ʋ n'ʋ vɛ̃, mãa wa tɛr a zuo a, ɩ̃ na tʋ̃ɔ́ na zawrɩ fʋ bɛr, yere nɩ: «Ãa n'ɩ a Sore?», bɩɩ mãa wa ɩ nã́w sob zuo a, ɩ̃ na tʋ̃ɔ́ na lɩɛbɩ nyãnyuwe sãw a ɩ̃ Naaŋmɩn yúor.

Zeremi 14:22

A nɩ-bʋʋr-yoru ŋmɩn-bɛlɛbɛlɛ pʋɔ a, been be n be na tʋ̃ɔ́ ɩ kɛ̀ saa wa a? A salom tɛɛ za n'ʋ mɩ́ bɛr a kʋ̃ɔ a siw ɩ? Fʋ̃ʋ bɛ n'ɩ a Sore tɩ Naaŋmɩn ɛ? A fʋ ƴãw n'a tɩ ƴãw a tɩ tɩɛrʋ, bʋ̃ʋ n'ʋ vɛ̃, fʋ̃ʋ n'ʋ maalɛ à á ŋá za.»

Zeremi 2:6

Bɛ bɛ yel bɛ tʋɔra: “Nyɩnɛ n'a a Sore be, ʋl na ír tɩ yi n a Eziptɩ tẽw, ʋl na tɛr tɩ tɔl'ɩ a wɛja-kpalɛ pʋɔ, zi-faa na ɩ gbʋlãkowe tɛwr a, zie na ko ɛ́ liw a, zie nɩr za na bɛ tɔlɛ a, zie nɩr za na bɛ kpɩɛr a?”

Zeremi 28:4

Ɩ̃ mɩ̀ na tɛr'ɩ a Yoyakim bidɛb, Yekonɩa, na ɩ a Zuda tẽw nãà a, lãwnɩ a bɛlɩ dem za bɛ na diw a Zuda tẽw cen nɩ a Babɩlɔn a, lɛb wa n —a Sore n'ʋ yel—, sɩza, ɩ̃ na sãw nɩ a Babɩlɔn tẽw nãà fãw ʋ na dĩ nɩ nyɩ mɛ̃ na-kʋ́ɔra-dàa a bɛr.”»

Zeremi 4:10

Bɛ na yere na: “Áa! Sore Naaŋmɩn i, fʋ sɩrɩ na bɛ̀lɩ a nɩ-bʋʋrɛ bɛ ŋa nɩ a Zerizalɛm nɩbɛ, fʋ na yel kɛ́ bom bɛ ɩrɛ, ɛ́ a wa ɩ a zɛbr-sɔ-kpɛ̃ɛ n'ʋ jɩɛrɛ tɩ a!”»

Zeremi 43:1

A ƴɛ̀rʋ al za bɛ na lɛb yel a ka a, a Zeremi tɩ yel a na kʋ̀ a nɩbɛ za na tɩ be a be a baarɩ. A ƴɛ̀rʋ a Sore bɛ Naaŋmɩn na tɩ ƴãw ʋ yel kʋ̀ bɛ a n'a.

Zeremi 5:31

A naaŋmɩn-ƴɛ̀r-manbɛ ƴɛ̀rɛ nɩ ŋmɩn-bɛlɛbɛlɛ yúor ƴãw, a bàwr-maalbɛ bɔbr'ɩ a bɛl yõ tɔnɛ, ɛ́ a ɩ̃ nɩbɛ nɔ̃w a lɛ. Ɛcɛ a yele baarʋ daar a, bʋ̃ʋ n'ʋ nyɩ na ɩ?»

Zeremi 6:14

Bɛ de nɩ dɩ̃ɛnʋ ƴãw a ɩ̃ nɩbɛ kpɩɛrʋ ƴãw, mɩ́ yel kɛ́ a yele za cere nɩ vla, a yele za cere nɩ vla! Ɛ́ bom za bɛ cere ɩ.

Ezekɩɛl 13:6

Bɛ mɩ́ tɩɛr'a yel a bɛ bʋ̃-nyɛrɩ ɛ́ mɩ́ yel bome na bɛ ɩ sɩza a. Bɛ mɩ́ yel'a: “A Sore yel'a”. Ɛcɛ a mãa Sore, ɩ̃ bɛ mɩ́ tõ bɛ ɩ. Bɛ mɩ́ tɩɛr k'ɩ̃ɩ na tu n a bɛ ƴɛ̀rʋ pùor!

Mise 2:11

Nɩr'ɩ ŋa ta, ƴɛ̀rɛ ƴɛ̀r-zawlɛ, ɛ́ ŋmarɛ ziri yere nɩ: «Ɩ̃ yere na kʋ̀rɛ nyɩ, nyɩ na páw nɩ divɛ̃ nɩ dã-kpɛn!» A lɛn daar a, ʋ na ɩ n a nɩbɛ bɛ ŋa kã-kanɛ.

Mise 3:11

Nʋɔr'ʋ bɛ mɩ́ ŋmɛ a ƴɛ̀r-dɩrbɛ bɛ dɩ a ƴɛ̀rʋ, tɔnɛ ƴãw n'a a bàwr-maalbɛ wule, libie ƴãw n'a a naaŋmɩn-ƴɛ̀r-manbɛ bãwnɛ a nɩdaar yele. Ɛcɛ à á ŋá za a, a Sore ƴãw n'a bɛ mɩ́ ɩrɛ ƴãwn yere nɩ: «A Sore be n a tɩ sɔgɔ, yel-faa za bɛ páwr tɩ ɛ.»

Wulu-ayi-sob 29:19

a Sore kʋ̃ sàw dɩ suur kʋ̀ ʋ ɛ. A ʋ suur nɩ a ʋ nyuur na ír'ɩ a nɩr ŋa ƴãw. Ʋ na ɩ na a ŋmɛ-ƴãw na be a sɛbɛ ŋa pʋɔ a páw ʋ. Ʋ na ɩ na a ʋ yúor bɛ cãà pore a tẽw zu ɛ.

1 Zã 5:10

Sob nɛ na sàw de a Naaŋmɩn Bie a mɩ̀ tɛr'ɩ a dãsɩɛ ŋa a ʋ pʋ̃ɔmɩ. Ɛcɛ sob nɛ na bɛ mɩ́ sàw de a Naaŋmɩn a mɩ́ de ʋ na bʋɔlɛ zir-ŋmarɛ, ʋ na bɛ sàw de a Naaŋmɩn dãsɩɛ ʋ na dɩ a ʋ Bie ƴãw a.

1 Samɩɛl 6:9

ɛ́ nyɩ jɩ́rɛ: a na-nyamɛ wa lo a Ɩsɩrayɛl tẽw sɔ́r, tu a Bɛtɩ-Semɛsɩ lowr a, a na wul'a k'aa Ɩsɩrayɛl Naaŋmɩn sɩrɩ n'ʋ tɩ ƴãw tɩ a dɔwrʋ á ŋá za. Ɛcɛ alɛ bɛ wa tu a sɔ́r ʋl a, tɩ na bãw na kɛ́ ʋlɛ bɛ n'ʋ ƴãw tɩ a kpɩɛrʋ á ŋá ɩ, tab'a a mɩ̀ ta tɩ.»