Zeremi 5:1 - A SƐB-SÕW

¹ Nyɩ cɔlɩ a Zerizalɛm tẽw sɛ́ɛ, nyɩ jɩ́r vla, nyɩ sowri kaa nyɛ̃, nyɩ bɔ a nɩ-yaga tuor-taa ziir. Nyɩmɛ wa nyɛ̃ nɩr, ʋ ɩrɛ a lɛ-na-tu-sɔr-a, ʋ bɔbr k'ʋʋ mɩ́ yel a yel-mɩŋa a, a lɛ pʋɔ a, ɩ̃ na dɩ n suur kʋ̀ a Zerizalɛm.

Zeremi 5:1 ပူးပေါင်းရင်းမြစ်များ

1 Na-mɩnɛ 19:10

Ʋ sɔw: «Sore, Kpɛnʋ-za-sob i, nɔ̃wfʋ bɛ n'a ɩ̃ nɔnɛ fʋ ɛ! Ɛcɛ a Ɩsɩrayɛl nɩbɛ zawr'ɩ a fʋ wõ-taa bɛr, bɛ ŋmɛr'ɩ a fʋ bàwr-maal-kube bɛr, bɛ kʋ n a fʋ ƴɛ̀r-manbɛ. Mãa ɩ̃ yõ n'ʋ cɛ, bɛ bɔbr kɛ́ bɛ ír a ɩ̃ nyɔ-vʋʋrʋ.»

2 Bibie za yel-manɩ 16:9

Sɩza n'a, a Sore jɩ́rɛ nɩ a tẽw zu ziir za k'ʋʋ sõw a bɛlɩ dem na nɔnɛ ʋ nɩ bɛ pʋɔ za a. Ɛcɛ ƴɛrɛŋa ʋl a, fʋ ɩ n dãbol-ɩb, alɛ so, dɩ̃a na ta a, zɛbr na lore nɩ a fʋ zu.»

Sɛb-sõw yielu 12:1

A yiel-yielbɛ nɩ-kpɛ̃ɛ sɛbɛ pʋɔ yielu kãw n'ʋ. Fomie ani korijom'ʋ bɛ mɩ́ yiele ŋmɩɛr'ɩ ƴãwn. Daviir yielu kãw n'ʋ.

Sɛb-sõw yielu 14:2

A Sore be n a salom zu ɛ́ vuoli k'ʋʋ jɩ́r a nɩsaalbɛ kaa, k'ʋʋ nyɛ̃ yã-bãwnɛ wa be be bɔbr ʋ a.

Sɛb-sõw yielu 14:3

Bɛ za bɛr'ɩ a sɔ́r, bɛ lãw na sãw bɛ za. Kãw za bɛ ɩrɛ vla ɩ, ʋ bɛ ka be ɩ been mɩ̀ ɛ.

Sɛb-sõw yielu 94:16

Ãa n'ʋ na ìr ƴɛ̀r faa mɛ̃ a nɩ-faar bɛ ŋa nuru pʋɔ? Ãa n'ʋ na kpɛ m, ɛ́ bɛr a yel-fa-maalbɛ bɛ ŋa?

Zʋkpaɩ 20:6

Nɩ-yaga mɩ́ yere na bɛ na ɩ nɩ-vɩɛlɩ a. Ɛcɛ nɩr fʋ na bɛ bʋ́nɛ nɩ a, ãa n'ʋ na tʋ̃ɔ́ nyɛ̃ ʋ?

Zʋkpaɩ 23:23

Zanɩ a yel-mɩŋa yelu, a tɩ́ɛrʋ tɛrʋ ɛ́ nɔnɛ a wulu na vɩɛl a nɩ a yã. Ɛ́ fʋ̃ʋ wa tɛr a yel-vɩɛlɩ á ŋá baar'a, fʋ̃ʋ taa sãwnɛ a bɛrɛ ɩ.

Zʋkpaɩ 8:3

A tẽ-kpɛ̃ɛ dɩ̃dɛɛ ƴãw a, a nɩbɛ tu-tɔlʋ ziir a, ʋ cɩɩrɛ na yere:

A Yielu za pʋɔ yiel-vla vla 3:2

Ɩ̃ na ìr'a. Ɩ̃ na zɔ na cɔlɩ a tẽ-kpɛ̃ɛ, a sɛ́ɛ nɩ a tuor-taa ziir. Ɩ̃ na bɔ n a nɩr ɩ̃ na nɔnɛ a. Ɩ̃ bɔbr ʋ na ɛ́ bɛ nyɛrɛ ʋ ɛ.

Ɩzayi 59:4

A ƴɛ̀rʋ-dɩb zie a, nyɩ mɩ́ yel'ɩ sãwna na bɛ ɩ sɩza a. Nyɩ bɛ ƴɛ̀rɛ kpɩɛr a nɩbɛ tuur'ɩ yel-mɩŋa ɩ. Zi-vuo n'a nyɩ mɩ́ ƴãw a nyɩ tɩɛrʋ, nyɩ mɩ́ yere nɩ yele na ɩ ziri a, a yel-faa pʋɔ n'ʋ nyɩ mɩ́ tɛr wa dɔw a kpɩɛrʋ.

Zeremi 2:29

A mãa, a Sore, ɩ̃ sowre na: Bʋ̃ʋ n'ʋ so nyɩ tɛr'ɩ mɛ̃ ƴɛ̀rʋ? A nyɩɩm za, nyɩ gaar'ɩ a ɩ̃ zu.

Zeremi 44:15

A dɛbr bɛl za na tɩ bãwnɩ a k'aa bɛ pɔwbɛ maalɛ nɩ bagɛ kʋ̀rɛ ŋmɩn-yoru a, nɩ a pɔwbɛ za na tɩ ɓã taa yãwmɛ yaga za, nɩ a nɩbɛ bɛl za na tɩ wa kpɩɛr a Eziptɩ tẽw, a Patʋrɔsɩ a, tɩ sɔw nɩ a Zeremi à ŋá:

Zeremi 8:6

Ɩ̃ bɛr'a wõ a lɛ bɛ na yere a vla vla: a lɛ za bɛ na yere a bɛ tɛr pɛr ɛ. A bɛ kãw za bɛ bɛr a ʋ ɩ-faar ɛ, ɛ́ bɛ sowre ʋ tʋɔra: “Bʋ̃ʋ n'ɩ à ŋá ɩ̃ na ɩ a?” Ŋa za mɩ́ lɛb'a nyɔw a zɔba, mɛ̃ wur na garɛ zɛbr zie a.

Zeremi 9:2

A Sore yere na: «A bɛ zɛl ɩ na mɛ̃ tam bɛ na dúori a. A yel-mɩŋa zũú bɛ n'a bɛ so a tẽw ɛ, ɛcɛ a ziri zũú n'a. Bɛ mɩ́ maal'ɩ a faa tɩ lʋ̃ɔ nɩ faa, ɛ́ a mãa a, bɛ bɛ bãw mɛ̃ ɩ.

Zeremi 9:7

A nɩbɛ bɛ ŋa zɛl ɩ na mɛ̃ pĩi-zɛl na kʋrɛ a. Ziri n'a yire a bɛ nɛ̃ɛ́. Nʋɔr'ʋ bɛ mɩ́ ƴɛ̀rɛ nɩ ƴã-ɓaarʋ ƴɛ̀r-bie kʋ̀rɛ a bɛ tɔ, ɛcɛ a bɛ pʋ̃ɔmɩ za bɛ ƴãwnɛ ʋ bɛra.

Ezekɩɛl 22:30

Ɩ̃ bɔ n a bɛ pʋɔ nɩr na na ŋmãa dacĩ-kpɛ̃ɛ piw nɩ a tẽw a, nɩr na na gù a dacine a ɩ̃ niŋé a tẽw vla ƴãw, ɩ̃ taa sãwnɛ ʋ bɛrɛ a. Ɛcɛ ɩ̃ bɛ nyɛ̃ nɩr za ɩ.

Ezekɩɛl 9:9

Ʋ tɩ sɔw mɛ̃ na: «A Ɩsɩrayɛl nɩ a Zuda naalʋ-ten yel-bebe bɛ dɩ vuo ɩ: a tẽw ɩ n zɩ̃ɩ tɛwr, a ɩ-ɩrɩ na bɛ tu a mɩnʋ a paal'ɩ a tẽ-kpɛ̃ɛ. Sɩza n'a, a nɩbɛ yere na: “A Sore jɛ n a tẽw bɛr, ʋ kʋ̃ tʋ̃ɔ́ nyɛ̃ bom za ɩ.”

Zowɛl 2:9

A bʋwl'ɩ a tẽw pʋɔ, a zɔrɛ nɩ a tẽw dacine zu, a dúor'a kpɩɛr a yie pʋɔ, mɩ́ tu a tokoro vɛɛ ƴãw kpɛ mɛ̃ nyãnyuwr a.

Amɔsɩ 8:12

A nɩbɛ na mɩ́ yi n a saa-pɛrɩ́-dʋrʋ-lowr ɛ́ tɩ sãá a mʋ̃tɔ̃w-kpɛb-lowr, bɛ na mɩ́ yi n a saa-pɛrɩ́-gʋba-lowr ɛ́ bɔr tɩ ta a saa-pɛrɩ́ bɔbr a Sore ƴɛ̀rʋ bɛr-wob, ɛ́ bɛ kʋ̃ páw ʋ wõ ɩ.

Zakari 2:4

Ɩ̃ tɩ sowr'a: «Bʋ̃ʋ n'ʋ bɛ waar kɛ́ bɛ wa ɩ?» Ʋ tɩ sɔw mɛ̃ na: «Bɛ wa na kɛ́ bɛ wa ƴãw a tẽ-kpɛn dɛ̃bɩ̃ɛ, ɛ́ ŋmɛ a lɔb, al na ìr àr a Zuda tẽw ƴãw, diw a nɩbɛ yaarɩ kɛ̀ nɩr za bɛ tʋ̃ɔ́ bà gbɛ́r a niŋé a.»

Luka 14:21

A tõ-tõ-bie tɩ lɛb'a kul tɩ yel a sɔwfʋ á ŋá bɛ na sɔw a, kʋ̀ a ʋ nɩ-kpɛ̃ɛ. A yir nɩ-kpɛ̃ɛ tɩ nyɛ̃ nɩ suur ɛ́ yel a tõ-tõ-bie: “Yi cen fɔ̃w a nɩbɛ tuor-taa ziir, nɩ a tẽw pʋɔ sɛ́ɛ pʋɔ tɩ tɛr a nan dem, a nɩ-kɔwr, a zɔn nɩ a wʋbr wa n a ka.”

2 Tesalonikɩ 2:10

A ɩ-fa-pɛ-bʋʋrɛ za n'a ʋ na bɛ̀lɛ nɩ a bɛlɩ dem na bɔrɛ a, bɛ na bɛ sàw de ɛ́ bɛ nɔnɛ a yel-mɩŋa a ƴãw, ɛcɛ a yel-mɩŋa n'ʋ nãá tʋ̃ɔ́ faa bɛ.