Zeremi 49:8 - A SƐB-SÕW

⁸ Dedan tẽw dem i, Nyɩ ƴaw lɩɛbɩ, nyɩ zɔrɛ! Nyɩ sɔwlɩ bɔwrɩ pʋɔ. Bʋ̃ʋ n'ʋ vɛ̃, Ezawu bʋʋrɛ ɛ, a nyɩ loba n'a ɩ̃ ɩ ʋ ta. A daar ɩ̃ na ìr a nyɩ ƴãw a n'ʋ ta.

Zeremi 49:8 ပူးပေါင်းရင်းမြစ်များ

Ɩzayi 2:21

Bɛ na cen nɩ a pìe bɔwrɩ pʋɔ nɩ a pìe haba, a Sore na ɩrɛ dɛ̃bɩ̃ɛ a niŋé, nɩ a ʋ dɛpaalʋ vɩɛlʋ niŋé, ʋ nãà wa ìr k'ʋʋ ƴãw a tẽw pʋl-vʋ̃ɔ a.

Ɩzayi 21:13

Ƴɛ̀rʋ na ƴɛ̀r a Arabi tẽw ƴãw a. Nyɩ na gã nɩ a Arabi tẽw wɩ̀ɛ pʋɔ, nyɩɩm na tɔlɛ a wɛja-kpalɛ pʋɔ cere Dedan a.

Ɩzayi 34:5

A Sore zɛbr-sɔ-kpɛ̃ɛ ɩ n zɩ̃ɩ a salom zu. Ʋlɛ n'ɩ ŋan siwr a Edɔm tẽw dem zu, nɩbɛ ʋ na yel kɛ́ bɛ kʋ pàw pɛr a.

Zeremi 25:23

- a Dedan, Tema, Buuzɩ ten dem, nɩ a nɩbɛ bɛl na mɩ́ põ a bɛ tacɩ-kɔblʋ a,

Zeremi 46:21

A Eziptɩ tẽw a, bɛ tɩ kaarɛ nɩ a soja-libi-bɔbrbɛ zie vla za. Ɛcɛ a bɛl mɩ̀ a, bɛ lɩɛbɛ nɩ pùor, bɛ lãw na zɔrɛ. Kãw za bɛ bàrɛ gbɛ́r, a kpɩɛrʋ bibir na vɩɛrɛ a bɛ zu, a lɛn daar ɩ̃ na ìre a bɛ ƴãw a ɩ.

Zeremi 48:28

Mowab tẽw dem i, nyɩ yi a tẽ-bɛrɛ pʋɔ, nyɩ cen tɩ kpɩɛr pìe pʋɔ. Nyɩ cɔwrɩ a naŋmamɛ na wob a cowr ziir na bɛ tɛr tab, fʋɔl-zulu nʋɔr a.

Zeremi 48:44

Sob nɛ na zɔrɛ a dɛ̃bɩ̃ɛ niŋé a, na lo n bɔw-zulu pʋɔ, ɛ́ sob nɛ na lɛb yire a bɔw pʋɔ a, na lo n bɛra pʋɔ. Bʋ̃ʋ n'ʋ vɛ̃, ɩ̃ na ɩ na à á ŋá za wa a ʋ zu, a Mowab zu, a yũon ʋl ɩ̃ nãà wa sowri ʋ bom a. A Sore n'ʋ yel.

Zeremi 48:6

“Nyɩ zɔrɛ! Nyɩ zɔrɛ ŋmɩɛr taa! Nyɩ be a wɛja-kpalɛ pʋɔ mɛ̃ bõw-gaara a!”

Zeremi 49:30

A Sore yere na: «Hasɔɔr tẽw dem i, nyɩ zɔrɛ, nyɩ zɔrɛ fɔ̃w fɔ̃w! Nyɩ sɔwlɩ bɔwrɩ pʋɔ! Bʋ̃ʋ n'ʋ vɛ̃, a Babɩlɔn tẽw nãà, Nabikodonozɔɔr, tɩɛr'ɩ a lɛ ʋ na na ɩ nyɩ a, ʋ cɔbr'ɩ yel a nyɩ ƴãw.»

Zeremi 49:32

A dɔ̃ sob na zu n a bɛ nyɔ̃wmɩ, ɛ́ de a bɛ dʋ̃-yaga yaga a ɩ zɛb-tʋ̃ɔ́fʋ bome. A Sore yere na: Ɩ̃ na diw nɩ a nɩbɛ bɛ ŋa na mɩ́ põ a bɛ tacɩlɛ kɔblʋ a, yaarɩ. Ɩ̃ na ɩ na a kpɩɛrʋ yi a ziir za páw bɛ.

Zeremi 50:27

Nyɩ kʋ a bɛ soja-vɩɛlɩ vɩɛlɩ za, nyɩ tɛr bɛ cen nɩ a kʋb zie! Nyɛ̃ kpɩɛrʋ na ta bɛ a, bʋ̃ʋ n'ʋ vɛ̃, a bibir vɩɛ na a Sore na na ìr a bɛ ƴãw a.

Zeremi 6:1

Bɛ̃zamɛ dɔwlʋ nɩbɛ ɛ, nyɩ yi a Zerizalɛm tẽw pʋɔ, nyɩ cen tɩ bɔ sɔwlʋ zie zi-yoru. Nyɩ pɛblɩ a ɩɩl a Tekowa tẽw pʋɔ, nyɩ zɛw bãwfʋ a Bɛtɩ-kerɛm, bʋ̃ʋ n'ʋ vɛ̃, faa yi n a saa-pɛrɩ́-gʋba-lowr jɩɛrɛ nyɩ, Ʋ na ɩ n kpɩɛrʋ kpɛ̃ɛ.

Ezekɩɛl 25:13

À à ŋá ƴãw a, ɩ̃ yere na, a mãa Sore Naaŋmɩn: Ɩ̃ na dɔl'ɩ nũu a Edɔm ƴãw. Ɩ̃ na ɩ na a tẽw ŋa nɩbɛ nɩ a dʋn kpi, ɩ̃ na sãw ʋ na bɛr, yi n a Teman tẽ-kpɛ̃ɛ́ ɛ́ tɩ tɔ a Dedan tẽ-kpɛ̃ɛ́. A nɩbɛ na kpɩɛr a ʋ pʋɔ a na kpi n zɛbr zie.

Malasɩ 1:3

zuo a Ezawu. A tan a Ezawu bʋʋrɛ na tɩ kpɩɛr a, ɩ̃ ɩ na a kpal a za, ɩ̃ɩ de a bɛ tẽw kʋ̀ wɛja-kpalɛ gbõgbo-cili.

Malasɩ 1:4

Kapaw a Edɔm tẽw dem na yere na: “Bɛ tʋ̃ɔ́ tɩ nɩ pẽlẽpẽlẽ, ɛcɛ tɩ na lɛb'a mɛ a tɩ ten bɛ na ŋmɛr bɛr a.” À ŋá n'a, a mãa, a Sore kpɛnʋ-za-sob, yere: Bɛ lɛb mɛ, ɛcɛ mãa na da a na lɔb. A nɩbɛ na bʋɔlɛ bɛ na kɛ́: “Faalʋ tẽw”, nɩ kɛ́: “Nɩ-bʋʋrɛ a Sore na nyɛ̃ nɩ suur kʋralɛ a”.

Yel-wula 6:15

A tẽw zu na-mɩnɛ, a nɩ-bɛrɛ, a sojarɩ nɩ-bɛrɛ, a tɛra dem, a fãw dem, bɛ za, gbãgbaar nɩ nɩbɛ na so bɛ tʋɔra a, tɩ sɔwl'ɩ a bɔwrɩ pʋɔ nɩ a pie pʋɔ a tan zu.

Ƴɛ̀r-dɩrbɛ 6:2

A Madian tẽw dem tɩ dɔwr'ɩ a Ɩsɩrayɛl faa faa. A bɛl ƴãw a, a Ɩsɩrayɛl nɩbɛ tɩ zɔ na cen tɩ kpɩɛr a tan cará, a tan bɔwrɩ pʋɔ, nɩ tan a dob na kpɛmɛ a zu.

1 Samɩɛl 13:6

A Ɩsɩrayɛl nɩbɛ na wa nyɛ̃ bɛ bɛ bɛrɛ bɛ, ɛ́ pɩɛlɩ bɛ yɩ̃ɛlɛ a, bɛ tɩ zɔ na cen tɩ sɔwlɩ a tan bɔwrɩ pʋɔ, nɩ a bɔwrɩ pʋɔ, a pìe pʋɔ, nɩ a bɔw-tuwri pʋɔ, nɩ a sa-bie-kʋ̃ɔ-bɔwrɩ pʋɔ.