Zeremi 49:32 - A SƐB-SÕW

³² A dɔ̃ sob na zu n a bɛ nyɔ̃wmɩ, ɛ́ de a bɛ dʋ̃-yaga yaga a ɩ zɛb-tʋ̃ɔ́fʋ bome. A Sore yere na: Ɩ̃ na diw nɩ a nɩbɛ bɛ ŋa na mɩ́ põ a bɛ tacɩlɛ kɔblʋ a, yaarɩ. Ɩ̃ na ɩ na a kpɩɛrʋ yi a ziir za páw bɛ.

Zeremi 49:32 ပူးပေါင်းရင်းမြစ်များ

Zeremi 25:23

- a Dedan, Tema, Buuzɩ ten dem, nɩ a nɩbɛ bɛl na mɩ́ põ a bɛ tacɩ-kɔblʋ a,

Zeremi 49:36

A saa-pɛrɩ́-gʋba-lowr nɩ a saa-pɛrɩ́-dʋrʋ-lowr, a saa-pɛrɩ́ nɩ a mʋ̃tɔ̃w-kpɛb-lowr, ɩ̃ bɛrɛ nɩ a sɛsɛb anaar a fure cere a Elam tẽw lowr. Ɩ̃ na diw nɩ a Elam tẽw nɩbɛ yaarɩ a ziir za. A Elam tẽw nɩbɛ na zɔ na kpɛ ten za pʋɔ bɛ tɩ cɛ tẽ-been ɛ.

Zeremi 9:25

a Eziptɩ, a Zuda, a Edɔm, a Amɔ̃ nɩ a Mowab ten dem ƴãw, nɩ a bɛlɩ dem na mɩ́ põ a bɛ tacɩ-kɔblʋ ɛ́ kpɩɛr a wɛja-kpalɛ pʋɔ a ƴãw. Bʋ̃ʋ n'ʋ vɛ̃, a nɩ-bʋʋrɛ bɛ ŋa bɛ sɩrɩ ŋma a yɛɛ sɩza ɩ, ɛ́ a Ɩsɩrayɛl tẽw nɩbɛ tɛɛ za bɛ ŋma a yɛɛ a Sore ƴãw ɛ.

Ezekɩɛl 5:10

A tẽ-kpɛ̃ɛ pʋɔ a, a dɔwrbɛ na 'wɔbr'ɩ a bɛ bibiir, ɛ́ a bibiir 'wɔbr a bɛ dɔwrbɛ. Ɩ̃ na dɔwrɩ nyɩ na ɛ́ diw a bɛl na na cãà vʋʋrɛ a yaarɩ a ziir za.

Ezekɩɛl 5:12

A nyɩ na põ ziir ata a, a zi-dãw-niwn sob na kpi n jɛ̀lmɛ̃ bàalʋ kũu bɩɩ kɔ̃ kũu a tẽw pʋ̃ɔmɩ, a ziir ayi sob na kpi n zɛbr-sɔ-kpɛ̃ɛ kũu a tẽw kõkowe ƴãw. Ɩ̃ na diw nɩ a ziir ata sob yaarɩ a ziir za ɛ́ vʋ̃ɔ a ɩ̃ zɛbr-sɔ-kpɛ̃ɛ a bɛ ƴãw.

Wulu-ayi-sob 28:64

A Sore na diw nyɩ na yaarɩ a nɩ-bʋʋrɛ za pʋɔ, a tẽ-daa tib zie tɩ tɔ a baarʋ zie. Nyɩ na tɩ puore nɩ ŋmɩn-yoru a be, ŋmɩmɛ nyɩɩm nɩ a nyɩ sãàkʋm-kore na bɛ bãw a: dàar bɩɩ kʋsɛbɛ dasuli.