Zeremi 49:29 - A SƐB-SÕW

²⁹ Bɛ de a bɛ pɛnɛ-sɛwr nɩ a bɛ dʋn, a bɛ pɛn-yawlɩ nɩ a bɛ bome za! Bɛ diw a bɛ nyɔ̃wmɩ cen nɩ, ɛ́ lɔb cɛlsɩ a bɛ ƴãw à ŋá: “Pʋl-vʋ̃ɔ n'a a ziir za!”»

Zeremi 49:29 ပူးပေါင်းရင်းမြစ်များ

Yele-za-pɛr-tib 37:25

Al pùorí bɛ zɩ̃ kɛ́ bɛ dɩ. Bɛ tɩ dʋɔ nɩ a zuru nyɛ̃ Ɩsɩmayɛl bʋʋrɛ nɩbɛ na tɩ yi Galaadɩ tẽw cɔrɩ waar, ɛ́ cere Eziptɩ tẽw a. A bɛ nyɔ̃wmɩ tɩ tuo nɩ gɔm, adɩragãtɩ, boom nɩ ladanum.

A Zɔb sɛbɛ 1:3

Ʋ tɩ tɛr'ɩ píir túr ayopõi (7 000), nyɔ̃wmɩ túr ata (3 000), na-kʋɔrɩ ayiri yiri ziir kɔbr anũu (500), bòn-nyamɛ kɔbr anũu (500), ɛ́ a ʋ yir tõ-tõ-biir bɛ tɩ dɩ vuo ɩ. A nɩr ŋa tɩ ɩ n a saa-pɛrɩ́ tẽ-biir za nɩ-yúor.

Sɛb-sõw yielu 120:5

Baw-bio sob nɛ m! Mãa na be a Mesɛkɩ a, mãa na kpɩɛr a Kedaar pɛnɛ-sɛwr sɔgɔ a.

Sɛb-sõw yielu 31:13

Bɛ bɛ cãà tɛr a ɩ̃ tɩɛrʋ ɛ, bɛ yiiri mɛ̃ na bɛr mɛ̃ nɩr na kpi a, mɛ̃ bʋ̃-zaw a.

Ɩzayi 13:20

Nɩr kʋ̃ lɛb kpɛ ʋ towtow ɛ, ʋ na gã nɩ zawla a yome yome za. A wɛja-kpalɛ nɩ-yʋɔrɩ tɛɛ za kʋ̃ lɛb maalɩ a bɛ pɛnɛ-sɛwr a be ɩ, dʋ̃-cɩɩnbɛ kʋ̃ lɛb tɛw àr a be ɩ.

Ɩzayi 60:7

A Sore yere na: «A Kedaar tẽw bʋʋr nɩ píir na ɓã n taa a fʋ zie. Fʋ̃ʋ na so a Nebayɔtɩ tẽw pʋ́rɩ a fʋ bagɛ maalʋ ƴãw. Bɛ na mɩ́ de a na tɩr a ɩ̃ bàwr-maal-kuur zu, ɛ́ a na mɩ́ ɩ n bàwr na pɛlɩ a ɩ̃ pʋɔ a. À ŋá n'a ɩ̃ na wul a ɩ̃ yir vɩɛlʋ-danʋ.

Zeremi 10:20

Ɛcɛ bɛ sãw nɩ a ɩ̃ pɛn-sɛw bɛr, a ʋ mie za ŋma na. Ɩ̃ bɛ cãà tɛr bibiir ɛ, bɛ cen na. Nɩr za bɛ be be na ɩ a ɩ̃ pɛn-sɛw ʋ lɛb àr ɛ, ɛ́ lɛb cɔbrɩ kpɛb zie kʋ̀ m ɛ.»

Zeremi 4:20

Bɛ cɩɩrɛ na: «Yel-sãwnɩ n'a dɔwlɩ dɔwlɩ taa wɛ!» Sɩza, a tẽw za sãw na. Bɛ ùr'a wɩl a tɩ pɛnɛ-sɛwr, a tɩ sɔwlʋ ziir ŋmʋr'a bɔr.

Zeremi 46:5

A Sore yere na: Ɛ́ bʋnʋ yaa? Bʋ̃ʋ n'ʋ ɩ̃ nyɛ̃ a? A bɛ kanyir baar'a, bɛ tɩ̃wnɩ nɩ pùor. Bɛ zɛb'a tʋ̃ɔ́ a bɛ soja-gãdaar, a zɔ-ŋmɛ-taa n'a, nɩr bɛ lɩɛbɛ kaar ɛ, a pʋl-vʋ̃ɔ n'a a ziir za.

Zeremi 49:24

A Damasɩ tẽw dem kanyir baar'a, bɛ cɔbrɛ na kɛ́ bɛ zɔ. Bɛ màwr'ɩ dɛ̃bɩ̃-mawfʋ. Pʋl-vʋ̃ɔ nɩ 'wɔbrʋ tɛr bɛ na mɛ̃ pɔw na dɔwr a.

Zeremi 49:5

A lɛ pʋɔ a, a Sore, a kpɛnʋ-za-sob, yere na: «Ɩ̃ na ɩ na kɛ̀ pʋl-vʋ̃ɔ wa a nyɩ zie, ʋ na yi n a ziir al za na viiri koli a pʋɔ. Bɛ na diw nɩ nyɩ za, ŋa mɩ́ tori niwn zɔrɛ, ɛ́ nɩr za kʋ̃ be be lɛb ɓã a bɛlɩ dem na zɔrɛ a taa ɩ.

Zeremi 6:25

Nyɩ taa yire a wɩ̀ɛ pʋɔ ɩ, nyɩ taa cere a sɛ́ɛ zu ɛ, bʋ̃ʋ n'ʋ vɛ̃, a dɔ̃ sob be n a be kʋrɛ. A dɛ̃bɩ̃ɛ n'a a ziir za.

Habakukɩ 3:7

Ɩ̃ nyɛ̃ nɩ a Kusan tẽw nɩbɛ kpɩɛrʋ, nɩ a Madian tẽw dɛ̃bɩ̃ɛ.

2 Korɛ̃tɩ 4:8

Kpɩɛrʋ bʋʋrɛ za ta tɩ na, ɛ́ a bɛ dĩ tɩ kʋ ɛ. A mɩ́ ɩ na mɛ̃ tɩ na tɔl'a gù a, ɛ́ tɩ tʋ̃ɔ́ tɔl.

2 Korɛ̃tɩ 7:5

Tɩ na tɩ ta a Masedʋan a, tɩ bɛ nyɛ̃ pɩ̃ɛnʋ towtow ɛ, kpɩɛrʋ bʋʋrɛ za n'a tɩ nɩ̃ɛ nyɛ̃ a ziir za: zɛbr tɩ n'a a yẽw, ɛ́ a tɩ pʋ̃ɔmɩ a ɩ dɛ̃bɩ̃ɛ.

Ƴɛ̀r-dɩrbɛ 6:5

Bʋ̃ʋ n'ʋ vɛ̃, bɛ mɩ́ tɩ tɛr'ɩ a bɛ dʋn nɩ a bɛ pɛnɛ-sɛwr cɔlɛ nɩ, mɩ́ tɩ ta yãwmɛ mɛ̃ sãsoge a. Bɛlɛ nɩ a bɛ nyɔ̃wmɩ tɩ yãwmɛ na, nɩr kʋ̃ tʋ̃ɔ́ sɔ́r bãw a nʋɔr ɛ. Bɛ mɩ́ tɩ kpɛ na so a tẽw za, sãwnɛ ʋ bɛrɛ.

Ƴɛ̀r-dɩrbɛ 7:12

A Madian tẽw dem, a Amalesitɩ mɩnɛ nɩ a Saa-pɛrɩ́ nɩ-yʋɔrɩ tɩ yɛ́r'a pàw a tɩ̃tal, yãwmɛ mɛ̃ sãsowe a. A bɛ nyɔ̃wmɩ tɩ yãwmɛ na mɛ̃ kʋ̃ɔ-kpɛ̃ɛ nʋɔr biire a, bɛ tɛr sɔ́rʋ ɛ.

Ƴɛ̀r-dɩrbɛ 8:21

Lɛ n'a a Zeva nɩ a Salimuna tɩ yel a Zedeɔ̃: «Ìr kʋ tɩ fʋ mɩŋa, dɛb'ʋ na tʋ̃ɔ́ tõ à à ŋá!» Lɛ n'a a Zedeɔ̃ tɩ ìr kʋ a Zeva nɩ a Salimuna, ɛ́ de a pɩ̃ɛmɛ na tɩ ƴãw a bɛ nyɔ̃wmɩ nyurú a.

Ƴɛ̀r-dɩrbɛ 8:26

A nũ-tʋɛ a Zedeɔ̃ na tɩ zɛlɩ a, a tɩbrʋ za tɩ faar'a na ta kilo lɩzɛr, ɛ́ bɛ bɛ sɔ́r a pɩ̃ɛmɛ ƴãw ɛ, nɩ a tokpamɛ nɩ a Madian tẽw dem na-mɩnɛ kpar-zɩɩr zɩɩr vɩɛlɩ vɩɛlɩ nɩ a kɔkɔr bamɛ a bɛ nyɔ̃wmɩ na tɩ ƴãw a kɔkɛ̃ɛ́ a ɩ.