Zeremi 49:2 - A SƐB-SÕW

² Alɛ n'a so a Sore yere: «Bibie waar'a, ɩ̃ na ɩ bɛ wõ zɛbr cɛlsɩ a Araba, a Amɔ̃ tẽw dem tẽ-kpɛ̃ɛ pʋɔ. A tẽ-kpɛ̃ɛ ŋa na lɩɛb'ɩ gbĩgbin-kpalɛ nɩr na bɛ kpɩɛr a, a tẽli-kpɔwlɩ na dɩ n vũu. A lɛn daar a, a Ɩsɩrayɛl na lɛb'a de a ʋlɩ bom nɛ ʋ na tɩ so a.» A Sore n'ʋ yel.

Zeremi 49:2 ပူးပေါင်းရင်းမြစ်များ

2 Samɩɛl 11:1

A yũon na tɩ lɩɛbɩ a, a lɛn daar a na-mɩnɛ na mɩ́ cen a zɛbr a, a nãà Daviir tɩ tõ n a sojarɩ nɩ-kpɛ̃ɛ, Zowab, k'ʋʋ de a Ɩsɩrayɛl zɛbr-nɩbɛ nɩ a bɛ sojarɩ-nɩ-bɛrɛ niwn, bɛ cen tɩ zɛb'ɩ a Amɔ̃ tẽw dem. Bɛ tɩ kʋ n a Amɔ̃ tẽw dem pàw a ziir za, ɛ́ cɔbrɩ kɛ́ bɛ zɛb de a Araba na ɩ a tẽ-kpɛ̃ɛ a. A Daviir ʋl tɩ be n a Zerizalɛm.

Sɛb-sõw yielu 48:11

Naaŋmɩn i, mɛ̃ a lɛ a fʋ yúor na yi tɩ tɔ a tẽw baarʋ zie a, lɛ n'a bɛ mɩ̀ na danɩ fʋ tɩ tɔ a tẽw baarʋ zie. A fʋ dʋrʋ nũu paal'ɩ yel-vɩɛlɩ.

Sɛb-sõw yielu 97:8

Sɩyɔ̃ tẽw wõ a na, nʋ̃ɔ̀ ɩrɛ ʋ, a Zuda tẽw tẽ-bɛrɛ cɩlɛ na, a ƴɛ̀rʋ fʋ na dɩ a ƴãw, Sore e.

Ɩzayi 11:14

Bɛ na lãw na dãw taa cen a Filisɩtɛ̃ mɩnɛ tãli ƴãw, a mʋ̃tɔ̃w-kpɛb-lowr, bɛ na za n a wɛja-kpalɛ pʋɔ nɩbɛ a saa-pɛrɩ́ lowr: bɛ na so nɩ a Edɔm nɩ a Mowab ten, ɛ́ a Amɔ̃ tẽw dem sàwr a bɛ nʋɔr.

Ɩzayi 17:1

Ƴɛ̀rʋ na ƴɛ̀r a Damasɩ tẽw ƴãw a. A Damasɩ tẽw kʋ̃ yaa kɛ́ bɛ cãà ɩ tẽ-kpɛ̃ɛ ɩ, ʋ na lɩɛb'ɩ tãdɛgɛ na gbõ taa a.

Zeremi 4:19

'Woi! Ɩ̃ pʋɔ! Ɩ̃ pʋɔ! A 'wɔbrʋ 'wɔbr mɛ̃ na! A ɩ̃ socir na ŋmãa na! A ɩ̃ socir za damnɛ na! Ɩ̃ kʋ̃ tʋ̃ɔ́ ɩ gbili ɛ, bʋ̃ʋ n'ʋ vɛ̃, ɩ̃ wõ n a ɩɩl pɛblʋ, nɩ a zɛbr cɛlsɩ.

Zeremi 49:1

Ƴɛ̀rʋ na càarɩ a Amɔ̃ tẽw dem a. À ŋá n'a a Sore yere: «A Ɩsɩrayɛl bɛ tɛr bidɛbr bɩɩ? Ʋ bɛ tɛr gbã-dɩrbɛ bɩɩ? Bʋ̃ʋ n'ʋ so a ŋmɩn Mɩlkɔm de a Gadɩ tẽw, ɛ́ a ʋ nɩbɛ kpɩɛr a tẽw tẽ-bɛrɛ?»

Ezekɩɛl 21:20

Ʋ mɩ́ ɩ n ŋa za kanyir baarɩ, ɩ nɩr za ʋ dẽdere. Dɩ̃dɔr za niŋé a, ɩ̃ bin nɩ a kũu zɛbr-sɔ-kpɛ̃ɛ. Ʋ be n be k'ʋʋ nyɩwrɛ pɩn pɩn, bɛ saalɩ ʋ na k'ʋʋ mɩ́ kʋ vla.

Ezekɩɛl 21:25

A Babɩlɔn tẽw dem sojarɩ na tu n a sɔ́r kãw cen Araba, Amɔ̃ tẽw dem tẽ-kpɛ̃ɛ. Bɛ na tu n a sɔ́r ʋl cen a Zerizalɛm tẽ-kpɛ̃ɛ ʋl bɛ na gù vla a, a Zuda tẽw.

Amɔsɩ 1:14

ɩ̃ na ƴãw nɩ vũu a Araba tẽw, ʋʋ na dɩ n a ʋ yir-vɩɛlɩ vɩɛlɩ za, zɛbr bibir zɛbr cɛlsɩ pʋɔ nɩ saa-sɛsɛb pʋɔ.

Abɩdɩasɩ 1:19

A Negɛɛvʋ tẽw dem na so nɩ a Ezawu tãw, ɛ́ a Ba-Peyi tẽw dem so a Filisɩtɛ̃ mɩnɛ tẽw. Bɛ na so nɩ a Efarayim bʋʋrɛ tẽw nɩ a Samaari tẽw. Ɛ́ Bɛ̃zamɛ bʋʋrɛ na so nɩ a Galaadɩ tẽw.

Sɔr-nɛ́ɛ 10:9

«Nyɩmɛ wa be a nyɩ tẽw pʋɔ a lɛn daar, ɛ́ wa cere kɛ́ nyɩ tɩ zɛb'ɩ a nyɩ dɔ̃ dem na ŋmãa nɩ nyɩ zɛbr a, nyɩ na mɩ́ pɛbl'ɩ a wɩɩr, lãwnɩ cáarʋ. A lɛ pʋɔ a, ɩ̃ na lɛb'a bãwnɩ nyɩ. Lɛ n'a a mãa Sore nyɩ Naaŋmɩn na faa nyɩ a nyɩ dɔ̃ dem nuru pʋɔ.

Sɔr-nɛ́ɛ 21:25

Bɛ tɩ zɛb'a de a Amoritɩ mɩnɛ tẽ-bɛrɛ za, tɩ lãwnɩ a Hɛsɩbon nɩ a tẽli-kpɔwlɩ, ɛ́ zɩ̃ a za pʋɔ.

Wulu-ayi-sob 13:16

nyɩ na kʋ n a tẽ-kpɛ̃ɛ nɛ dem za. Nyɩ mɩ̀ na kʋ n a dʋn za. Al pùorí, nyɩ na sãw nɩ a tẽw ʋ za bɛr, lãwnɩ a bome za na be a ʋ pʋɔ a.

Wulu-ayi-sob 3:11

— A Basan nãà, Ɔgɩ, tɩ n'ɩ a Erefayim bʋʋrɛ nɩ-been na cɛ a. Bɛ na tʋ̃ɔ́ na cãà nyɛ̃ a ʋ gado a Araba na ɩ a Amoritɩ mɩnɛ tẽ-kpɛ̃ɛ a. Kʋsɩɛr na kpɛmɛ mɛ̃ kure a pʋɔ n'a bɛ tuw ʋ ír, a ʋ wogo zuo nɩ mɛtɩr anaar ɛ́ a ʋ yɛ̀lʋ ta mɛtɩr ayi.—

Zozue 17:11

A Ɩsakaar nɩ a Asɛɛr ten pʋɔ a, a Manase tɩ páw nɩ Bɛtɩ-Sean, Yivileam, Door, Ɛɩn-Door, Taanakɩ, a Megido nɩ a tẽ-kpɔwlɩ a pɛr lɛ kɛ́ a Door voru.

Zozue 17:16

A Zuzɛb bʋʋrɛ tɩ yel ʋ na: «Sɩza n'a a tãw vuo bɛ saalɛ tɩ ɛ, ɛcɛ a Kanãa tẽw dem na kpɩɛr a zi-tɩ̃talɛ pʋɔ a, tɛr'ɩ kure zɛbr-torkori, a bɛl na be a Bɛtɩ-Sean tẽw nɩ a ʋ tẽ-kpɔwlɩ pʋɔ a, nɩ a bɛl na be a Izireyɛl zi-tɩ̃tal pʋɔ a.»