Zeremi 49:19 - A SƐB-SÕW

¹⁹ A Sore yere na: «Ɩ̃ na ɩ na mɛ̃ gbẽw na yire Zurdɛ̃ man tuwr pʋɔ cere zie mɔ̃-ɓaar na be kʋralɛ a. Fɔ̃wlɛ, ɩ̃ na ƴãw na a nɩbɛ za ìr a be. Lɛ n'a ɩ̃ na ƴãw a nɩ-kpɛ̃ɛ ɩ̃ na na kaa ír a, a Edɔm tẽw pʋɔ. Bʋ̃ʋ n'ʋ vɛ̃, ãa n'ʋ ŋmɛ̃ mɛ̃ a mãa a? Ãa n'ʋ na tʋ̃ɔ́ sowri mɛ̃ bom? Ɛ́ nɩ-kpɛ̃ɛ buor'ʋ na tʋ̃ɔ́ bà gbɛ́r a ɩ̃ niŋé?»

Zeremi 49:19 ပူးပေါင်းရင်းမြစ်များ

1 Bibie za yel-manɩ 12:15

A Gadɩ dɔwlʋ nɩbɛ bɛ ŋa tɩ n'ɩ a sojarɩ nɩ-bɛrɛ. A bɛ pʋɔ bãbàal mɩ́ tɩ sɛw nɩ sojarɩ kʋba (100) ɛ́ a ʋl na kpɛmɛ zuo bɛ za a sɛw sojarɩ túr (1 000).

2 Bibie za yel-manɩ 20:6

ɛ́ puori à ŋá: «Sore tɩ sãà mɩnɛ Naaŋmɩn i, fʋ̃ʋ bɛ n'ʋ be a salom zu ɛ́ fʋ̃ʋ bɛ n'ʋ dɩrɛ naalʋ a tẽ-daa naalʋ-ten za zu ɛ? Fʋ̃ʋ so fãw nɩ kpɛnʋ, ɛ́ nɩr kʋ̃ tʋ̃ɔ́ bà gbɛ́r a fʋ niŋé ɩ.

A Zɔb sɛbɛ 41:10

Ʋ mɩ́ pʋnɩ na, a cãà caalɩ, ɛ́ a ʋ mimie ɩ mɛ̃ zi-wɛl-paala cãà a.

A Zɔb sɛbɛ 9:19

Fãw yele wa n'a a, ʋlɛ n'ɩ fãw. Ƴɛ̀rʋ maalʋ yele wa n'a a, ãa n'ʋ na bʋɔlɩ mɛ̃ a ƴɛ̀rʋ zie?

A Zɔb sɛbɛ 9:21

Ɩ̃ za saa n'ɩ ŋa a, a mãa tɔr za kʋ̃ bãwnɩ a ɩ. A nyɔ-vʋʋrʋ bɛ ɩrɛ mɛ̃ vʋla ɩ.

Sɛb-sõw yielu 143:2

Ɩ̃ ɩ n a fʋ tõ-tõ-bie, ta dɩ n mɛ̃ ƴɛ̀rʋ ɛ, nɩsaal za na bɛ ɩ nɩ-mɩŋa a fʋ niŋé a ƴãw.

Sɛb-sõw yielu 76:7

Zakɔb Naaŋmɩn i, fʋ na wa tanɩ a, a wi-zɔmnbɛ nɩ a wie gbini na àr.

Sɛb-sõw yielu 76:8

A fʋ̃ʋ a, fʋ bɛ tɛr dɩ̃ɛnʋ ɛ. Fʋ̃ʋ wa nyɛ̃ suur a, ãa n'ʋ na tʋ̃ɔ́ àr a fʋ niŋé?

Sɛb-sõw yielu 89:6

Sore e, a salom zu malkɩ mɩnɛ, bɛ danɛ fʋ, a fʋ nɔ-ɓãa-yele fʋ na maalɛ a ƴãw, a bɛ lãw, ʋ danɛ a fʋ na ŋmɛ̃ fʋ ŋmɛ̃a a.

Sɛb-sõw yielu 89:8

A malkɩ mɩnɛ lãw pʋɔ a, a Naaŋmɩn bɛ tɛr dɩ̃ɛnʋ ɛ, ʋ bɛ tɛr dɩ̃ɛnʋ a bɛlɩ dem za na jil koli ʋ a zie ɩ.

Eziptɩ tẽw yib 15:11

A ŋmɩmɛ pʋɔ a, ãa n'ʋ ɩ mɛ̃ a fʋ̃ʋ a, Sore e? Ãa n'ʋ ɩ mɛ̃ a fʋ̃ʋ na nyɩwrɛ nɩ sonu a? Na bɛ tɛr dɩ̃ɛnʋ, ɛ́ sɛwnɩ danʋ a? Na maalɛ nɔ-ɓãa-yele a?

Ɩzayi 40:25

A Naaŋmɩn na ɩ sõw a sowre na: «Ãa n'ʋ nyɩ na tʋ̃ɔ́ de m man nɩ? Mãa nɩ ãa nɛbɛ na tʋ̃ɔ́ ɩ been?»

Ɩzayi 46:9

Nyɩ bãwnɩ a yele na de niwn ɩ a, a koro za yele: mãa n'ɩ a Naaŋmɩn, kãw bɛ lɛb ka be ɩ. Naaŋmɩn bɛ be be mɛ̃ a mãa a ɩ.

Zeremi 12:5

A Sore yere na: «Fʋ̃ʋ kʋ̃ wa tʋ̃ɔ́ zɔ tu nɩbɛ na zɔrɛ nɩ gbɛ́ɛ a, ŋmɩŋmɩn n'a fʋ̃ʋ nɩ wie na dãw taa? Tẽw ƴã-ɓaarʋ na be a yõ pʋɔ wa n'a fʋ mɩ́ bɛr tɩɛrʋ a, ŋmɩŋmɩn n'a fʋ na ɩ a Zurdɛ̃ man nʋɔr va-pɔrɛ pʋɔ?

Zeremi 25:9

ɩ̃ na tõ na bɛ tɩ bʋɔlɩ a Saa-pɛrɩ́-gʋba-lowr nɩbɛ za, lãwnɩ a ɩ̃ tõ-tõ-bie, a Nabikodonozɔɔr, a Babɩlɔn tẽw nãà. Ɩ̃ na ɩ na bɛ wa a tẽw ŋa nɩ a ʋ nɩbɛ nɩ a tẽ-kpɔwlɩ za na viiri koli ʋ a ƴãw. Ɩ̃ na kʋ nyɩ na pàw pɛr, a bɛl nɩ a nyɩɩm, ɩ̃ɩ na ɩ n a tẽw ŋa yie lɩɛbɩ deboru gã kʋralɛ, bɛ mɩ́ nyɛ̃ ŋmɩɛr pʋl-vʋ̃ɔ cɛlsɩ.

Zeremi 30:21

A Sore yere na: «A bɛ kãw n'ʋ na ɩ a bɛ nɩ-kpɛ̃ɛ, a bɛ kaarɛ na dɔw nɩ a bɛ sɔgɔ. Ɩ̃ na sàw na ʋ taw ta, ʋ na wa n a ɩ̃ zie. Bʋ̃ʋ n'ʋ vɛ̃, ãa n'ʋ na sàw cɛ kũu-pire taw pɩɛlɩ mɛ̃?

Zeremi 4:7

A gbẽw yi n a ʋ tuw pʋɔ, a nɩ-bʋʋr-yoru sãw-sãwnɛ lo n a sɔ́r, ʋ yi n a ʋ beba zie, k'ʋʋ tʋ̃ɔ́ sãw a fʋ tẽw bɛr: a fʋ tẽ-bɛrɛ na dɩ n vũu, ɛ́ kʋ̃ cãà tɛr nɩbɛ bɛ kpɩɛr a pʋɔ ɩ.

Nahum 1:6

Ãa n'ʋ na cãà àr a ʋ su-yãyaar daar? Ãa n'ʋ na cɩ̃ɛ a ʋ su-tʋlʋ-kpãkpã daar? A ʋ suur ɩ na mɛ̃ vũu na nyɔw dɩrɛ a, a pìe tɛɛ za pure na yaarɛ a ʋ niŋé.

Zakari 11:3

Bɛ wone nɩ a nɩ-bʋʋrɛ cɩ̃ɩnbɛ kon, bʋ̃ʋ n'ʋ vɛ̃, a bɛ kpɛnʋ baar'a. Bɛ wone nɩ a gben na ùore a, bʋ̃ʋ n'ʋ vɛ̃ a tuwr na lanɩ a Zurdɛ̃ a sáw nɩ a za.

Sɔr-nɛ́ɛ 16:5

Al pùorí ʋ yel a Koore nɩ a ʋ nɩbɛ: «Bio biɓaara a, a Sore na ɩ na bɛ bãw sob nɛ ʋ na so a, sob nɛ na ɩ sõw ɛ́ na tʋ̃ɔ́ taw pɩɛl ʋ a. A sob nɛ ʋ na kaa ír a n'ʋ, ʋ na bɛr ʋ taw pɩɛl ʋ.

Zozue 3:15

A bʋ̃-dieri-deb daar tɩ n'a, a lɛn daar a Zurdɛ̃ man kʋ̃ɔ na mɩ́ paalɩ yi nɛ́ɛ a. A bàwr-maalbɛ na tuo a wõ-taa daga a na tɩ ta a Zurdɛ̃ manɩ́ a, a bɛ gbɛnaɓɛlɛ na dɛ wa tʋɔr a man nʋɔr kʋ̃ɔ a,

Yel-wula 6:17

Bʋ̃ʋ n'ʋ vɛ̃, a bɛ suur bibi-kpɛ̃ɛ vɩɛ na, ɛ́ ãa n'ʋ na tʋ̃ɔ́ cãà be?»