Zeremi 49:17 - A SƐB-SÕW

¹⁷ «A Edɔm tẽw na lɩɛb'ɩ deboru. Nʋɔr na mɩ́ ɓãa nɩ a bɛlɩ dem na mɩ́ tɔlɛ pɩɛlɛ ʋ a. Bɛ na mɩ́ lɔb'ɩ pʋl-vʋ̃ɔ cɛlsɩ bɛlɛ wa nyɛ̃ a yel-sãwnɩ á ŋá za a.

Zeremi 49:17 ပူးပေါင်းရင်းမြစ်များ

1 Na-mɩnɛ 9:8

A nɩbɛ mɩ́ wa tɔlɛ pɩɛlɩ a Ŋmɩn-yir-kpɛ̃ɛ ŋa na lo a, bɛ na mɩ́ nyɔw nɩ nʋɔr, ɛ́ pʋ̀lá vʋ̃ɔ bɛ, bɛ yere: “Bʋ̃ʋ n'ʋ so a Sore ɩ a tẽw ŋa nɩ a Ŋmɩn-yir-kpɛ̃ɛ ŋa à à ŋa?”

Zeremi 18:16

A ɩ̃ nɩ-bʋʋrɛ ɩ n a bɛ tẽw ʋ lɩɛbɩ zie na sãw ʋ za a, ƴãw a nɩbɛ lɔbr pʋl-vʋ̃ɔ cɛlsɩ kʋralɛ. A mɩ́ dam'ɩ a sɔr-tɔlbɛ bɛ viire zuru.

Zeremi 49:13

Mãa mɩŋa n'ʋ ɩ̃ pɔrɛ nɩ, a fʋ tẽ-kpɛ̃ɛ, Bɔsɩra, na lɩɛb'ɩ zi-faa faa, deboru. Bɛlɛ wa ŋmɩɛr ƴãwn, bɩɩ bɛlɛ wa bɔbr kɛ́ bɛ ƴãw nɩr vĩ a, ʋlɛ n'ʋ bɛ na mɩ́ de man nɩ. A tẽ-bɛrɛ za na lɩɛb'ɩ deboru gã kʋralɛ.» À à ŋá n'a a Sore yel.

Zeremi 50:13

A Sore suur zũú a, nɩr bɛ cãà kpɩɛr ʋ ɛ, wɛja-kpalɛ na ɩrɛ nɩbaalʋ a n'ʋ. Nʋɔr mɩ́ ɓãa nɩ a bɛlɩ dem za na mɩ́ tɔlɛ pɩɛlɛ a Babɩlɔn a. Bɛ mɩ́ ŋmɛ n pʋl-vʋ̃ɔ cɛlsɩ bɛ na mɩ́ nyɛ̃ a ʋ sãwna sɛw à à ŋá a.

Zeremi 51:37

A Babɩlɔn na lɩɛb'ɩ kʋsɛbɛ na gbõ taa a, gbõgbo-cili kpɛb zie, zi-faa bɛ na mɩ́ nyɛ̃ ŋmɩɛr pʋl-vʋ̃ɔ cɛlsɩ a. Nɩr za kʋ̃ cãà kpɩɛr ʋ ɛ.

Ezekɩɛl 25:13

À à ŋá ƴãw a, ɩ̃ yere na, a mãa Sore Naaŋmɩn: Ɩ̃ na dɔl'ɩ nũu a Edɔm ƴãw. Ɩ̃ na ɩ na a tẽw ŋa nɩbɛ nɩ a dʋn kpi, ɩ̃ na sãw ʋ na bɛr, yi n a Teman tẽ-kpɛ̃ɛ́ ɛ́ tɩ tɔ a Dedan tẽ-kpɛ̃ɛ́. A nɩbɛ na kpɩɛr a ʋ pʋɔ a na kpi n zɛbr zie.

Ezekɩɛl 27:36

A nɩ-bʋʋr-sãanbɛ yɛ-yɛrbɛ nʋɔr ɓãa na, bɛ fuole ƴãwn fʋ. Fʋ lɩɛb'ɩ dɛ̃bɩ̃-bom, fʋ bɔr'a a nʋɔr kʋ!»

Ezekɩɛl 35:15

Fʋ cɩlɩ na fʋ na nyɛ̃ bɛ sãw a ɩ̃ nɩ-bʋʋrɛ Ɩsɩrayɛl bɛr a. A na ɩ à ŋá a, ɩ̃ mɩ̀ na ɩ b'ɩ a lɛ. A fʋ tan, a fʋ tẽw za a, bɛ na sãw a na bɛr. Lɛ n'a nɩsaal za na bãw kɛ́ mãa n'ɩ a Sore.»

Ezekɩɛl 35:3

Yel a lɛ a mãa Sore Naaŋmɩn na yere a kʋ̀ bɛ: Ɩ̃ na ìr'ɩ a nyɩ ƴãw! Ɩ̃ na wul'ɩ a ɩ̃ fãw a fʋ̃ʋ Edɔm tẽw, ɩ̃ na sãw fʋ na bɛr ɛ́ ɩ fʋ lɩɛbɩ wɛja-kpalɛ.

Ezekɩɛl 35:7

Edɔm i, ɩ̃ na sãw nɩ a fʋ tẽw bɛr, ɩ̃ na ɩ na ʋ lɩɛbɩ wɛja-kpalɛ, ɩ̃ɩ na kʋ n a bɛlɩ dem za na na tɔlɛ a be a.

Mise 6:16

Nyɩ tuur'ɩ a nãà Omiri nɩ a ʋ bidɛb Akab yir ɩ-faar nɛ́ɛ. A bɛ wulu n'a nyɩ tuur. A lɛ n'a so ɩ̃ na ɩ a nyɩ tẽw ʋ lo, ɛ́ ɩ a nyɩɩm na kpɩɛr a ʋ pʋɔ a, nyɩ ɩ nɩ-ɩ-laarɩ. Ɛ́ nyɩ na nyɛ̃ nɩ a vĩ ʋl a ɩ̃ nɩ-bʋʋrɛ na nyɛ̃ a.»

Sofoni 2:15

À ŋá n'a a tẽw ŋa na ɩrɛ pɔ̀lʋ a, nãà ŋmɛ̃. A ʋ nɩbɛ tɩ tɩɛrɛ kɛ́ bom kʋ̃ ɩ bɛ ɩ, ɛ́ tɩ tɩɛrɛ à ŋá: «Nɩr bɛ ŋmɛ̃ taa nɩ tɩ ɛ!» Ɛcɛ ʋlɛ n'ɩ ŋan lore ʋ za, lɩɛbɩ dʋn gaa zie! Nɩr za na tɔlɛ pɩɛlɛ ʋ a, mɩ́ fuole na tɛr'ɩ ɩ-lab ɩ-ɩrɩ.

Wulu-ayi-sob 29:22

«Cirbi nɩ nyaarʋ dɩ n a tẽw ŋa za, bɛ kʋ̃ tʋ̃ɔ́ bʋ̀r bom za ɩ, kʋ̃ tʋ̃ɔ́ sɛl bom ɛ, mʋ̃ɔ za bɛ bule ɩ. Ʋ ŋmɛ̃ na mɛ̃ Sodɔm nɩ Gomɔɔr a, mɛ̃ Adima nɩ Sevoyim a, a tẽ-bɛrɛ a Sore na tɩ sãw bɛr a ʋ su-kẽkẽ pʋɔ a.»