Zeremi 49:16 - A SƐB-SÕW

¹⁶ Fʋ tɩ ƴãwnɛ nɩ a nɩbɛ za dɛ̃bɩ̃ɛ, fʋ tɩ tɩɛr'a kɛ́ fʋ zuo nɩ a fʋ taabɛ za, ɛcɛ fʋ tɩ bɛlɛ nɩ fʋ tʋɔra. Fʋ̃ʋ na kpɩɛr a pìe bɔwrɩ pʋɔ a, fʋ̃ʋ na mɩ́ go mɛr a zi-kɛrɩ a, fʋ̃ʋ saa ƴãw a fʋ cow ʋ do man a sidum dem a, ɩ̃ na caabɩ fʋ na bɛr fʋ siw tɩ lo.» À à ŋá n'a a Sore yel.

Zeremi 49:16 ပူးပေါင်းရင်းမြစ်များ

2 Na-mɩnɛ 14:7

A Amazɩasɩ mɩ̀ n'ʋ tɩ zɛb tʋ̃ɔ́ Edɔm tẽw nɩbɛ tùr-pie (10 000) a Nyaarʋ fʋɔla pʋɔ. Ʋ tɩ zɛb'a de Sɛla tẽw a zɛbr ŋa pʋɔ, por ʋ Yɔkɩteyɛl, a yúor ŋa n'ʋ ʋ cãà tɛr a dɩ̃a.

A Zɔb sɛbɛ 39:27

Fʋ̃ʋ n'ʋ mɩ́ ƴãw nʋɔr kʋ̀ a sɩla ʋ ƴaw, ɛ́ mɩ́ maalɩ a ʋ cow tã-kɛra zu u?

Zʋkpaɩ 16:18

A pɔ̀lʋ waar'ɩ nɩ a yele sãwfʋ, ɛ́ a ɩrɛ mɛ̃ fʋ zuo nɩ za a waar'ɩ a loba.

Zʋkpaɩ 18:21

A ƴɛ̀rʋ pʋɔ n'a a kũu nɩ a nyɔ-vʋʋrʋ yire. Sob nɛ na nɔnɛ a ƴɛ̀rʋ a, a fɛr'a k'ʋʋ mɩ́ sàw a yele a ƴɛ̀rʋ na waar'ɩ a.

Zʋkpaɩ 29:23

A nɩsaal pɔ̀lʋ na siwr'ʋ na, ɛcɛ su-siwra sob na nyɛ̃ nɩ ƴãwfʋ.

A Yielu za pʋɔ yiel-vla vla 2:14

Ɩ̃ naŋmam ɩ, fʋ̃ʋ na be a pie bɔwrɩ pʋɔ a, fʋ̃ʋ na sɔwlɩ a fʋɔl-cũgbuli bɔwrɩ pʋɔ a, wul mɛ̃ a fʋ niwn. Ɩ ɩ̃ wõ a fʋ kɔkɔr, bʋ̃ʋ n'ʋ vɛ̃, a fʋ kɔkɔr vla tɔ! Ɛ́ a fʋ niwn mɩ̀ vla tɔ!»

Ɩzayi 10:14

Ɩ̃ de nɩ a nɩ-bʋʋrɛ na-bome mɛ̃ lili-cow fʋ na ír a. Ɩ̃ de nɩ bom za a tẽw zu, mɛ̃ jɛlɛ na gã fʋ wob a, ɛ́ nɩr za bɛ dam dam ɛ, bɛ háa nʋɔr kõ ɩ.»

Ɩzayi 2:21

Bɛ na cen nɩ a pìe bɔwrɩ pʋɔ nɩ a pìe haba, a Sore na ɩrɛ dɛ̃bɩ̃ɛ a niŋé, nɩ a ʋ dɛpaalʋ vɩɛlʋ niŋé, ʋ nãà wa ìr k'ʋʋ ƴãw a tẽw pʋl-vʋ̃ɔ a.

Ɩzayi 49:25

Ʋ̃ʋ, à ŋá n'a a Sore yere: «Ɩ̃ na lɛb'a de a bom a gãdaa na zɛb de a, ɩ̃ na faa nɩ a gaso nɩr a na-po-tuo sob nuru pʋɔ! Zerizalɛm i, mãa mɩŋa n'ʋ na zɛb'ɩ a bɛlɩ dem na zɛbr'ɩ fʋ a, mãa mɩŋa n'ʋ na faa a fʋ bibiir.

Zeremi 48:14

Mowab tẽw nɩbɛ ɛ, ŋmɩŋmɩn za n'a nyɩ sàw yel: “Soja-gãdaar'ɩ tɩ, zɛbr-nɩbɛ mɩŋa”?

Zeremi 49:15

«Edɔm tẽw i, ɩ̃ na ɩ na fʋ ɩ a pʋrɩ za a nɩ-bʋʋrɛ za pʋɔ, a ʋl a nɩbɛ za na ɩrɛ laar a.

Zeremi 50:29

Nyɩ bʋɔlɩ a tam-tɛbrbɛ za ɓã taa, nyɩ ɩ bɛ cen a Babɩlɔn tẽw dem ƴãw. Nyɩ maalɩ laɩ jil koli ʋ, nyɩ ta bɛr ʋ cɩ̃ɛ ɩ, nyɩ ya ʋ manɩ a ʋ tome. A lɛ ʋ na ɩ a ʋ taabɛ a, nyɩ mɩ̀ ɩ ʋ a lɛ. Ʋ ɩ n pɔ̀l-ɩb a Sore zie, a Ɩsɩrayɛl Naaŋmɩn na ɩ sõw a zie.

Zeremi 51:53

A Babɩlɔn saa tɩ tʋ̃ɔ́ do a salom zu, ɛ́ tɩ ɩ a saa-zu be a ʋ kpɛb zie bɛ tɛr tab a, a ɩ̃ ƴɛ̀rʋ zũú a, a zi-sãwnbɛ na ta ʋ na.» À à ŋá n'a a Sore yel.

Amɔsɩ 9:2

Bɛlɛ wa tʋ̃ɔ́ ta a kpɩmɛ tẽw a, ɩ̃ na cen nɩ a be tɩ ír bɛ, bɛlɛ wa do a salom zu a, ɩ̃ na ɩ na bɛ wa siw.

Habakukɩ 2:9

Baw-bio páw nyɩ na! Nyɩ páwr'ɩ dɔwlɛ na bɛ sɛw a kʋ̀rɛ a nyɩ nɩbɛ, kɛ́ nyɩ tʋ̃ɔ́ tɛr àrʋ zie na zɛw a, a kpɩɛrʋ taa páwr nyɩ ɛ.

Malasɩ 1:3

zuo a Ezawu. A tan a Ezawu bʋʋrɛ na tɩ kpɩɛr a, ɩ̃ ɩ na a kpal a za, ɩ̃ɩ de a bɛ tẽw kʋ̀ wɛja-kpalɛ gbõgbo-cili.