Zeremi 49:1 - A SƐB-SÕW

¹ Ƴɛ̀rʋ na càarɩ a Amɔ̃ tẽw dem a. À ŋá n'a a Sore yere: «A Ɩsɩrayɛl bɛ tɛr bidɛbr bɩɩ? Ʋ bɛ tɛr gbã-dɩrbɛ bɩɩ? Bʋ̃ʋ n'ʋ so a ŋmɩn Mɩlkɔm de a Gadɩ tẽw, ɛ́ a ʋ nɩbɛ kpɩɛr a tẽw tẽ-bɛrɛ?»

Zeremi 49:1 ပူးပေါင်းရင်းမြစ်များ

Yele-za-pɛr-tib 19:38

A bile mɩ̀ tɩ dɔw nɩ bidɛble por a yúor Bɛn-Ami. Ʋlɛ n'ɩ a Amɔ̃ tẽw dem na cãà be be a dɩ̃a a sãàkʋm-kʋra.

2 Na-mɩnɛ 10:33

À ŋá n'a bɛ bɛ tɩ cãà so a vuo ʋl za na be a Zurdɛ̃ saa-pɛrɩ́ nɩ a Arowɛɛr tẽw saa-pɛrɩ́-gʋba-lowr a ɩ, a Arowɛɛr na be a Arnon bàa nʋɔr a. A na ɩ à ŋá a, bɛ bɛ tɩ cãà so a Galaadɩ nɩ a Basan ten voru, a Urubɛn, a Gadɩ nɩ Manase dɔwlʋ na tɩ kpɩɛr a ɩ.

2 Na-mɩnɛ 24:2

Lɛ n'a a Sore tɩ ƴãw nɩ-farbɛ, na ɩ Babɩlɔn tẽw dem, Siiri tẽw dem, Mowab tẽw dem nɩ Amɔ̃ tẽw dem a, bɛ wa sãw a Zuda naalʋ-tẽw bɛr, mɛ̃ a lɛ a Sore na tɩ ƴãw a naaŋmɩn-ƴɛ̀r-manbɛ yel a.

2 Bibie za yel-manɩ 20:1

A pùorí, a Mowab tẽw dem nɩ a Amɔ̃ tẽw dem nɩ a Maonitɩ mɩnɛ na tɩ sõwne bɛ a tɩ wa na kɛ́ bɛ wa zɛb'ɩ a Zozafatɩ.

2 Bibie za yel-manɩ 20:23

A Amɔ̃ tẽw dem nɩ Mowab tẽw dem tɩ tĩ na zɛbr'ɩ a Edɔm tẽw nɩbɛ, ɛ́ kʋ bɛ pàw pɛr. Bɛ na wa kʋ a Edɔm tẽw nɩbɛ baar'a, bɛ tɩ lɩɛb'a kʋrɛ taa.

Neemi 2:19

Sanbalatɩ na yi Bɛtɩ-Horon nɩ a ʋ tuure Toviya na yi Amɔ̃ tẽw, nɩ Gɛsɛm na ɩ Arabʋ a tɩ wõ n a yel ŋa. Bɛ tɩ ɩrɛ tɩ na laar ɛ́ nyɛ̃ tɩ bɛ ɩ bom za ɩ. Bɛ tɩ sowri tɩ na: «Bʋ̃ʋ n'ʋ nyɩ ɩrɛ? A nãà n'ʋ nyɩ bɔbr kɛ́ nyɩ zawrɩ bɛr bɩɩ?»

Neemi 4:7

Lɛ n'a ɩ̃ tɩ nyɛ̃ ziir na pĩ a, a pile blã a dacĩ-kpɛ̃ɛ pùorí, ɛ́ ƴãw sojarɩ a be, bɛ ɓã taa dɔwlʋ dɔwlʋ, ɛ́ tɛr zɛbr-sɔ-bɛrɛ, kafine nɩ tamɛ.

Sɛb-sõw yielu 83:7

Edɔm nɩ Ɩsɩmayɛl nɩbɛ nɛbɛ, Mowab, Agaar nɩ Geval nɩbɛ,

Sɛb-sõw yielu 9:6

Fʋ dɔwr'ɩ a nɩ-bʋʋr-yoru, fʋ ɩ na a nɩ-faar kpi, a bɛ yúor bɛ cãà pore dɩ̃a nɩ bio ɛ.

Zeremi 12:14

À ŋá n'a a Sore yere cáarɛ nɩ a ɩ̃ nɩ-bʋʋrɛ kpɛ-pɩɛl dem na kpɛ faa a: «Bɛ tɔ n a bom ɩ̃ na so a, a zie ɩ̃ na kʋ̀ a ɩ̃ nɩ-bʋʋrɛ Ɩsɩrayɛl a. Ɩ̃ na ír bɛ nɩ a bɛ tẽsɔw zu, ɛcɛ ɩ̃ mɩ̀ na ír'ɩ a Zuda tẽw nɩbɛ a bɛ sɔgɔ.

Zeremi 25:21

- a Edɔm, Mowab nɩ Amɔ̃ ten dem,

Zeremi 25:9

ɩ̃ na tõ na bɛ tɩ bʋɔlɩ a Saa-pɛrɩ́-gʋba-lowr nɩbɛ za, lãwnɩ a ɩ̃ tõ-tõ-bie, a Nabikodonozɔɔr, a Babɩlɔn tẽw nãà. Ɩ̃ na ɩ na bɛ wa a tẽw ŋa nɩ a ʋ nɩbɛ nɩ a tẽ-kpɔwlɩ za na viiri koli ʋ a ƴãw. Ɩ̃ na kʋ nyɩ na pàw pɛr, a bɛl nɩ a nyɩɩm, ɩ̃ɩ na ɩ n a tẽw ŋa yie lɩɛbɩ deboru gã kʋralɛ, bɛ mɩ́ nyɛ̃ ŋmɩɛr pʋl-vʋ̃ɔ cɛlsɩ.

Zeremi 27:3

Al pùorí, fʋ na tɩr a na kʋ̀ a Edɔm tẽw nãà, a Mowab tẽw nãà, a Amɔ̃ tẽw dem nãà, a Tɩ́ɩ̀r tẽw nãà, nɩ a Sɩdɔ̃ tẽw nãà. A lɛ ƴãw, fʋ na kʋ̀ n a dàar á ŋá a bɛ nɩbɛ bɛ na tõ a Zerizalɛm ka, a Zuda tẽw nãà, Sedesɩasɩ, zie a.

Zeremi 48:1

A Mowab tẽw ƴãw. À ŋá n'a a Sore, a kpɛnʋ-za-sob, a Ɩsɩrayɛl Naaŋmɩn, yere: «Nyɛ̃ kpɩɛrʋ na páw a Nebo tẽw a, bɛ sãw ʋ na bɛr! Nyɛ̃ vĩ na nyɔw a Kiriyatayim tẽ-kpɛ̃ɛ a, bɛ zɛb'a de ʋ! Nyɛ̃ vĩ na nyɔw a zɛbr-yir-kpɛ̃ɛ ŋa a, ʋ lo na!

Zeremi 49:23

Ƴɛ̀rʋ na ƴɛ̀r càar'ɩ a Damasɩ tẽw a. «Vĩ nyɔw nɩ a Hamatɩ nɩ a Arpadɩ ten, bʋ̃ʋ n'ʋ vɛ̃, a wõ n yel na bɛ vɩɛl a. A yel ŋa damnɛ a na mɛ̃ a kʋ̃ɔ-kpɛ̃ɛ na damnɛ ɛ́ kʋ̃ tʋ̃ɔ́ gã zoom a.

Zeremi 49:28

À ŋá n'a a Sore yere a Kedaar tẽw, nɩ a Hasɔɔr naalʋ-ten a Babɩlɔn tẽw nãà, Nabikodonozɔɔr, na tɩ zɛb tʋ̃ɔ́ a, ƴãw: «Nyɩ ìr! Nyɩ cen tɩ zɛb'ɩ a Kedaar tẽw! Nyɩ sãw bom za bɛr a wɛja-kpalɛ nɩbɛ zie!

Zeremi 49:7

Ƴɛ̀rʋ na ƴɛ̀r càar'ɩ Edɔm tẽw a. À ŋá n'a a Sore, a kpɛnʋ-za-sob, yere: «A yã-bãwfʋ bɛ cãà a Teman tẽw pʋɔ bɩɩ? A nɩbɛ na tɛr yã a, yã bɔr'a bɩɩ? A yã-bãwfʋ sãw na bɩɩ?

Ezekɩɛl 21:25

A Babɩlɔn tẽw dem sojarɩ na tu n a sɔ́r kãw cen Araba, Amɔ̃ tẽw dem tẽ-kpɛ̃ɛ. Bɛ na tu n a sɔ́r ʋl cen a Zerizalɛm tẽ-kpɛ̃ɛ ʋl bɛ na gù vla a, a Zuda tẽw.

Ezekɩɛl 25:1

A Sore tɩ yel mɛ̃ na:

Sofoni 1:5

Ɩ̃ na kʋ n a bɛlɩ dem na mɩ́ do a garʋ́ tɩ lo vɔblɩ muru ŋmar-bie niŋé a, a bɛlɩ dem na ƴãwnɛ a, ɛ́ mɩ́ pɔ n a ɩ̃ yúor ɛ́ lɛb pɔ n a ŋmɩn Mɩlkɔm yúor a.

Wulu-ayi-sob 2:19

Nyɩ na tuor'a tɔ a Amɔ̃ tẽw. Nyɩ taa bɔbr bɛ nɔhaarʋ ɛ, nyɩ taa ŋmaarɛ nɩ bɛ zɛbr ɛ. Ɩ̃ bɛ kʋ̀rɛ nyɩ a bɛ tẽw zie kãw za ɩ. Bʋ̃ʋ n'ʋ vɛ̃, Lɔtɩ bʋʋrɛ nɛbɛ ɩ̃ kʋ̀ a zie ŋa bɛ so ʋ.» —

Wulu-ayi-sob 23:3

Nɩr bɛ na dɔw dɛb nɩ pɔw lãw-taa na bɛ tɛr sɔ́r a pʋɔ a, ʋ bɛ kpɩɛr a Sore lãw nɩbɛ pʋɔ ɩ. A ʋ bʋʋrɛ na dɔw lɩɛrɩ taa tɩ ta gb'aa pie a cãà kʋ̃ pʋɔ ɩ.

Wulu-ayi-sob 23:4

A Amɔ̃ tẽw dem nɩ a Mowab tẽw dem bɛ be za na pʋɔ a Sore lãw nɩbɛ pʋɔ ɩ. A bɛ bʋʋrɛ na dɔw lɩɛrɩ taa tɩ ta gb'aa pie a cãà kʋ̃ pʋɔ ɩ.