Zeremi 48:8 - A SƐB-SÕW

⁸ A zi-sãwnɛ na lʋɔr'ɩ a tẽ-bɛrɛ za, tẽ-kpɛ̃ɛ kãw za kʋ̃ cɛ ɩ. A fʋɔla na bɔr'a, ɛ́ a tã-sɛr sãw.» À ŋá n'a a Sore yel.

Zeremi 48:8 ပူးပေါင်းရင်းမြစ်များ

Zeremi 15:8

Ɩ̃ ɩ n a ʋ pɔw-kɔbɛ yãwmɛ zuo a kʋ̃ɔ-kpɛ̃ɛ nʋɔr biire. Ɩ̃ ɩ na kpɩɛrʋ páw a soja-pɔl mã mʋ̃tɔ̃-tuo. Ɩ̃ ùr'a ɩ dɛ̃bɩ̃-kpɛ̃ɛ lo a ʋ zu.

Zeremi 25:9

ɩ̃ na tõ na bɛ tɩ bʋɔlɩ a Saa-pɛrɩ́-gʋba-lowr nɩbɛ za, lãwnɩ a ɩ̃ tõ-tõ-bie, a Nabikodonozɔɔr, a Babɩlɔn tẽw nãà. Ɩ̃ na ɩ na bɛ wa a tẽw ŋa nɩ a ʋ nɩbɛ nɩ a tẽ-kpɔwlɩ za na viiri koli ʋ a ƴãw. Ɩ̃ na kʋ nyɩ na pàw pɛr, a bɛl nɩ a nyɩɩm, ɩ̃ɩ na ɩ n a tẽw ŋa yie lɩɛbɩ deboru gã kʋralɛ, bɛ mɩ́ nyɛ̃ ŋmɩɛr pʋl-vʋ̃ɔ cɛlsɩ.

Zeremi 48:18

Divon tẽw nɩbɛ ɛ, nyɩ siw a nyɩ da-kɔw-yúor zu, nyɩ zɩ̃ a sagɛ pʋɔ. Bʋ̃ʋ n'ʋ vɛ̃, a sob nɛ na sãwnɛ a Mowab tẽw a, waar'ɩ a nyɩ ƴãw. Ʋ darɛ nɩ a nyɩ zɛbr-yir-kpɛn lɔbr.

Zeremi 51:56

A zi-sãwnɛ waar'ɩ a Babɩlɔn ƴãw, ʋ na wa zɛb'ɩ ʋ na nyɔw a ʋ soja-gãdaar bɛ ɩ gaso nɩbɛ, ʋʋ kar a bɛ tamɛ bɛr. Sɩza, a Sore ɩ n Naaŋmɩn na bãw a san yáafʋ, ɛ́ mɩ́ kʋ̀ ŋa a lɛ ʋ na sɛw taa nɩ a.

Zeremi 6:26

«Ɩ̃ nɩ-bʋʋrɛ ɛ, nyɩ su vʋɔrɩ kparɩ, nyɩ bile a tanɛ pʋɔ! Nyɩ tĩ a kuor maalʋ mɛ̃ bidɛb-been ƴãw a. Nyɩ kõ lãwnɩ tʋlʋtʋlʋ, bʋ̃ʋ n'ʋ vɛ̃, a dɔ̃ sob na sãwnɛ bom za a, na ùr'a ta a nyɩ ƴãw.»

Ezekɩɛl 25:9

À à ŋá ƴãw a, ɩ̃ na ɩ n zɛbr lo a tẽ-bɛrɛ al na gùre a Mowab tẽw dɩ̃dɔr a zu. A dɔ̃ dem na sãw a na bɛr been been, tɩ lãwnɩ a al na vɩɛl zuo a za a: a Bɛtɩ-Yesimɔtɩ, a Baal-Mewon nɩ a Kiriyatayim.

Zozue 13:17

ʋlɛ mɩ̀ cãà tɩ n'ɩ a Hɛsɩbon nɩ a tã-sɛr tẽ-bɛrɛ á ŋá za: Divon, Bamɔtɩ-Baal, Bɛtɩ-Baal-Mewon,

Zozue 13:21

a tã-sɛr tẽ-bɛrɛ za, a Amoritɩ mɩnɛ nãà Sihon na tɩ dɩrɛ naalʋ a Hɛsɩbon a, naalʋ-tẽw za. A Moyiir tɩ zɛb'a tʋ̃ɔ́ a Sihon nɩ a Madian nɩ-bɛrɛ, a Sihon na tɩ so, ɛ́ bɛ kpɩɛr a tẽw pʋɔ a: Ewi, Ɛrekɛm, Suur, Huur nɩ Ereva.

Zozue 13:9

A Arowɛɛr na be a Arnon fʋɔla nʋɔr a tɩ n'ɩ a bɛ tʋr-bɔw a saa-pɛrɩ́-dʋrʋ-lowr, nɩ a tẽ-kpɛ̃ɛ ʋl na be a Arowɛɛr fʋɔla sɔwlɩsɔw a. A bɛ zie tɩ n'ɩ a Medeva tã-sɛr za, tɩ tɔ n a Divon,