Zeremi 48:7 - A SƐB-SÕW

⁷ Mowab tẽw i, fʋ tɩ ɩrɛ na ƴãwn a fʋ tome nɩ a fʋ na-bome ƴãw. Ɛcɛ, bɛ mɩ̀ na zɛb'a de b. A fʋ ŋmɩn Kemɔsɩ na cen nɩ tẽ-yũo lãwnɩ a fʋ bàwr-maalbɛ nɩ a fʋ nɩ-bɛrɛ, bɛ za.

Zeremi 48:7 ပူးပေါင်းရင်းမြစ်များ

2 Samɩɛl 5:21

A Filisɩtɛ̃ mɩnɛ tɩ zɔ na ɛ́ bɛr a bɛ tɩbɛ a be, a Daviir nɩ a ʋ nɩbɛ wob a cen nɩ.

1 Na-mɩnɛ 11:33

Ɩ̃ na ɩ n à à ŋá, a Ɩsɩrayɛl nɩbɛ na zawrɩ mɛ̃ bɛr a ƴãw. Bʋ̃ʋ n'ʋ vɛ̃, bɛ puor'ɩ a Sɩdɔ̃ tẽw dem ŋmɩn-pɔw Asɩtarte, a Mowab tẽw dem ŋmɩn Kemɔsɩ, nɩ a Amɔ̃ tẽw dem ŋmɩn Mɩlkɔm. Bɛ bɛ tu a sɔ́r ɩ̃ na wul bɛ a ɩ, bɛ bɛ ɩ a lɛ na vɩɛl a ɩ̃ zie a ɩ. Bʋ̃ʋ n'ʋ vɛ̃, bɛ bɛ tu a wulu nɩ a tub ɩ̃ na kʋ̀ bɛ a, mɛ̃ a lɛ a Salomɔ̃ sãà Daviir na tɩ tu a ɩ.

1 Na-mɩnɛ 11:7

A lɛn daar a, a Salomɔ̃ tɩ cɔbrɩ maalʋ-zie, a tãw na àr tori a Zerizalɛm a zu, a Mowab tẽw dem ŋmɩn-faa faa Kemɔsɩ ƴãw. Ʋ mɩ̀ tɩ ƴãw na bɛ cɔbrɩ a kãw, a Amɔ̃ tẽw dem ŋmɩn-faa faa Mɩlkɔm ƴãw.

Sɛb-sõw yielu 40:4

Ʋ ƴãw nɩ yiel-paala a ɩ̃ nʋɔrɩ́, a tɩ Naaŋmɩn danʋ yielu. Nɩ-yaga na nyɛ̃ na, bɛ na zɔrɛ nɩ a Sore, ɛ́ bɛ na ƴãw nɩ a bɛ tɩɛrʋ a ʋ ƴãw.

Sɛb-sõw yielu 52:7

Ɛcɛ Naaŋmɩn na ŋmɛ b'a bin a baarɩ, ʋ na nyɔw fʋ na fɩɩrɩ gẽgẽ, vɩr yi n a fʋ yir pʋɔ, ʋ na ír fʋ nɩ a nɩ-vʋʋrɩ tẽw pʋɔ! Tɛw-àrʋ

Zeremi 13:25

A Sore yere na: Zerizalɛm i, nyɛ̃ a bom nɛ na gùre fʋ a, a bom ɩ̃ na gùre nɩ fʋ a. Bʋ̃ʋ n'ʋ vɛ̃, fʋ yiiri mɛ̃ na bɛr ɛ́ ƴãw a fʋ tɩɛrʋ ŋmɩn-bɛlɛbɛlɛ ƴãw.

Zeremi 43:12

Ʋ na nyɩw nɩ a Eziptɩ tẽw ŋmɩmɛ yie bɛr. Ʋ na nyɩw nɩ a ŋmɩmɛ á ŋá bɛr bɩɩ wob a kul'ɩ. Ʋ na ƴãw nɩ fãw de a Eziptɩ tẽw na-bome za, mɛ̃ bʋ̃-cɩ̃ɩnɛ na ƴãw fãw vɩɛrɩ nyɔw a ʋ kparɩ cibe a. Al pùorí, ʋ na lɛb'a kul'ɩ ƴã-ɓaarʋ.

Zeremi 48:13

A Mowab na nyɛ̃ nɩ vĩ a ʋ ŋmɩn Kemɔsɩ ƴãw, mɛ̃ a lɛ a Ɩsɩrayɛl nɩbɛ na tɩ ƴãw a bɛ tɩɛrʋ a Betɛl ŋmɩn ƴãw, wa nyɛ̃ vĩ a.

Zeremi 48:46

Nyɛ̃ kpɩɛrʋ na páw fʋ a, Mowab i! Ŋmɩn Kemɔsɩ nɩbɛ ɛ, nyɩ wɛ na! Bʋ̃ʋ n'ʋ vɛ̃, bɛ nyɔw nɩ a nyɩ bidɛbr nɩ a nyɩ pɔwyaar cen nɩ, bɛ ɩ nɩ-pàwrɩ.»

Zeremi 49:3

Hɛsɩbon tẽw dem i, nyɩ kone kuor kon: «A Aɩ tẽ-kpɛ̃ɛ sãw na!» Araba tẽli-kpɔwlɩ i, nyɩ lɔbr cɛlsɩ bʋɔlɛ nɩ sõwfʋ! Nyɩ su vʋɔrɩ kparɩ, nyɩ yiele nɩbaal-yielu! Nyɩ cɔlɛ gʋɔr a ziir bɛ na mɛ dacine viiri koli a pʋɔ: bɛ íre nɩ a ŋmɩn Mɩlkɔm cere nɩ tẽ-yũo, ʋlɛ n'ɩ a ʋ bàwr-maalbɛ lãwnɩ a ʋ nɩ-bɛrɛ za.

Zeremi 49:4

Araba na ɩ pɔwli-gaara a, fʋ tɩ pɔrɛ nɩ nɩ a fʋ fʋɔla, a fʋ fʋɔla na ɩ váar váar a. Fʋ tɩ ƴãw nɩ a fʋ tɩɛrʋ a fʋ na-bome ƴãw, fʋ tɩ sowre na: «Ãa n'ʋ na sàw zɛb'ɩ mɛ̃?»

Zeremi 9:23

Nɩr wa bɔbr k'ʋʋ pɔrɛ a, ʋ pɔrɛ ʋ na tɛr yã a sɛw ʋ na tʋ̃ɔ́ bãw mɛ̃ a. Bʋ̃ʋ n'ʋ vɛ̃, a mãa, a Sore a, ɩ̃ tone na k'ɩ̃ɩ ƴãw a nɔ̃wfʋ, a lɛ-na-tu-sɔr-a nɩ a mɩnʋ a tẽw zu. Sɩza, à á ŋá n'a mɩ́ pɛlɩ a ɩ̃ pʋɔ.» A Sore n'ʋ yel.

A naaŋmɩn-ƴèr-manɛ Oze sɛbɛ 10:13

Nyɩ̀ kɔ n a po-tuolu ɛ́ cɛ̀ a faalʋ, nyɩ dɩ n ziri wɔm. «Ɩsɩrayɛl ɩ, fʋ ƴãw nɩ a fʋ tɩɛrʋ a fʋ fãw ƴãw, a fʋ soja-yaga yaga ƴãw.

Sɔr-nɛ́ɛ 21:29

Baw-bio wɛ, Mowab i! Nyɩ wɛ na, nyɩɩm Kemɔsɩ puor-puorbɛ ɛ! A dɛbr na bɛ tʋ̃ɔ́ kpi a, nɩ a pɔwbɛ a, gaso nɩbɛ n'ɩ bɛ za, bɛ nyɔw tɩ kʋ̀ a Amoritɩ mɩnɛ nãà Sihon.

1 Timote 6:17

Yel kʋ̀ a tẽw ŋa zu tɛra dem kɛ́ bɛ ta zɛwr bɛ tʋɔra ɩ, kɛ́ bɛ ta ƴãw a bɛ tɩɛrʋ a na-bome á ŋá na na tɔl a ƴãw ɛ, kɛ́ bɛ ƴãw a bɛ tɩɛrʋ a Naaŋmɩn ƴãw, ʋl na kʋ̀rɛ tɩ bʋ̃-vɩɛlɩ za bɛ dɩ vuo kɛ́ tɩ wone nɩ nʋ̃ɔ̀ a.

Yel-wula 18:7

Mɛ̃ a lɛ ʋ na nyɛ̃ a yúor ɛ́ dɩ a dɛpaalʋ a, nyɩ ɩ k'ʋ mɩ̀ nyɛ̃ a kpɩɛrʋ nɩ a wahala. Mɛ̃ ʋ taa tɩɛr'ɩ ʋ pʋɔ à ŋá: “Ɩ̃ zɩ̃ n a ka mɛ̃ pɔw-nãà a, ɩ̃ bɛ ɩ pɔw-kʋɔr ɛ, ɛ́ kʋ̃ bãw wahala towtow ɛ.”

Ƴɛ̀r-dɩrbɛ 11:24

Mɛ̃ fʋ taa so a tẽw a fʋ ŋmɩn Kemɔsɩ na kʋ̀ b a? Ɛ́ tɩɩm kʋ̃ so bom nɛ za a Sore tɩ Naaŋmɩn na ɩ tɩ zɛb de a ɩ?