Zeremi 48:45 - A SƐB-SÕW

⁴⁵ A bɛlɩ dem na zɔrɛ a, bɛ bàl'a. Bɛ tɛw na àr a Hɛsɩbon tẽw. Ɛcɛ vũu yi n a Hɛsɩbon tẽw pʋɔ, vũu-zɛlɛ yi n a Sihon nãà yir pʋɔ. A dɩ n a Mowab tacɩlɛ, nɩ a po-to-fãw dem zuŋmamɛ.

Zeremi 48:45 ပူးပေါင်းရင်းမြစ်များ

Sɛb-sõw yielu 135:11

Amoritɩ mɩnɛ nãà Sihon, nɩ Basan tẽw nãà Ɔgɩ, nɩ a Kanãa tẽw na-mɩnɛ za.

Sɛb-sõw yielu 78:63

Vũu tɩ dɩ n a pɔlbili, ɛ́ a pɔwsɩrali bɛ tɩ wõ bɛ yieli a bɛ kul-taa ƴãw ɛ.

Zeremi 2:16

A Mɛmfisɩ nɩ a Dafine ten dem tɛɛ za fɔrɛ nɩ a ʋ zu.

Zeremi 48:2

A Mowab tẽw yúor bɔr'a. Nɩbɛ tɩɛrɛ nɩ faa a Hɛsɩbon tẽw ƴãw, yere: “Tɩ cen! Tɩ ír a tẽ-kpɛ̃ɛ ŋa bɛr a nɩ-bʋʋrɛ sɔgɔ!” A fʋ̃ʋ mɩ̀ a, Madɩmɛn i, fʋ na lo na, bɛ na sãw fʋ na bɛr, a zɛbr ta na tu fʋ.

Amɔsɩ 2:2

Ɩ̃ na nyɩw nɩ a Mowab tẽw bɛr ɛ́ ƴãw vũu dɩ a Keriyɔtɩ tẽw yir-vɩɛlɩ vɩɛlɩ. Damnʋ pʋɔ n'a a Mowab na kpi, a lɛn daar bɛ na lɔbr zɛbr cɛlsɩ pɛblɛ nɩ wɩ́ɛ a.

Zakari 10:4

A bɛ pʋɔ n'a nɩ-bɛr-bʋʋrɛ za na yire, kpɛmɛ mɛ̃ yir pɛr kʋsɩɛr a, kpɛmɛ jɩjɩ mɛ̃ pɛn-sɛw kpawbir a, kpɛmɛ mɛ̃ zɛbr tam a.

Sɔr-nɛ́ɛ 21:21

A Ɩsɩrayɛl nɩbɛ tɩ tõ n nɩbɛ bɛ tɩ yel a Amoritɩ mɩnɛ nãà, Sihon, à ŋá:

Sɔr-nɛ́ɛ 21:26

A Hɛsɩbon tɩ n'ɩ a Amoritɩ mɩnɛ nãà, Sihon, tẽ-kpɛ̃ɛ za. Bʋ̃ʋ n'ʋ vɛ̃, ʋ tɩ zɛb'ɩ nɩ a Mowab tẽw na-dãw-niwn sob de a zie ʋl za na cen tɩ sãá a Arnon a.

Sɔr-nɛ́ɛ 21:28

Vũu yi n a Hɛsɩbon pʋɔ, vũu-zɛl ɩ n pelem yi a Sihon tẽ-kpɛ̃ɛ pʋɔ. Ʋ dɩ n Aar, a Mowab tẽw pʋɔ, ɛ́ dɩ a Arnon tãli ŋmɩmɛ.

Sɔr-nɛ́ɛ 21:29

Baw-bio wɛ, Mowab i! Nyɩ wɛ na, nyɩɩm Kemɔsɩ puor-puorbɛ ɛ! A dɛbr na bɛ tʋ̃ɔ́ kpi a, nɩ a pɔwbɛ a, gaso nɩbɛ n'ɩ bɛ za, bɛ nyɔw tɩ kʋ̀ a Amoritɩ mɩnɛ nãà Sihon.

Sɔr-nɛ́ɛ 24:17

Ɩ̃ nyɛ̃ nɩ a bom ʋl na na ɩ a, ɛcɛ ƴɛrɛŋa bɛ n'a ɩ, ɩ̃ nyɛ̃ nɩ yel kãw, ɛcɛ nɩdaar'a a yel ʋl na ɩ: Ŋmar-bir'ʋ pur a Zakɔb bʋʋrɛ pʋɔ, nãà ìr'ɩ a Ɩsɩrayɛl bʋʋrɛ sɔgɔ. Ʋ ŋmɩɛr'ɩ a Mowab tẽw dem tacɩlɛ nɩ a ʋ nãà dàa, ʋ kʋrɛ nɩ a tẽw nɩ-yʋɔrɩ.

Matie 21:42

A Yeezu lɛb yel bɛ: «Nyɩ bɛ dãw kanɩ a ƴɛ̀r-bie á ŋá a Sɛb-sõw pʋɔ ɩ? “A kʋsɩɛr ʋl a yir-mɩɛrbɛ na ír lɔb bɛr a, lɩɛb'ɩ a yir pɛr kʋsɩɛr, a Sore n'ʋ tõ à à ŋá: nɔ-ɓãa-yel ʋ a tɩ zie.”