Zeremi 48:44 - A SƐB-SÕW

⁴⁴ Sob nɛ na zɔrɛ a dɛ̃bɩ̃ɛ niŋé a, na lo n bɔw-zulu pʋɔ, ɛ́ sob nɛ na lɛb yire a bɔw pʋɔ a, na lo n bɛra pʋɔ. Bʋ̃ʋ n'ʋ vɛ̃, ɩ̃ na ɩ na à á ŋá za wa a ʋ zu, a Mowab zu, a yũon ʋl ɩ̃ nãà wa sowri ʋ bom a. A Sore n'ʋ yel.

Zeremi 48:44 ပူးပေါင်းရင်းမြစ်များ

1 Na-mɩnɛ 19:17

Bɛlɩ dem za a Hazayɛl nãà bɛ wa páw kʋ a, Yehu na kʋ bɛ na, ɛ́ bɛlɩ dem za a Yehu nãà bɛ wa páw kʋ a, Elize na kʋ bɛ na.

1 Na-mɩnɛ 20:30

A zɛbr-nɩbɛ tùr-lɩzɛr'ɩ ayopõi (27 000) na tɩ cɛ a, tɩ zɔ na kpɛ a Afɛkɩ tẽ-kpɛ̃ɛ pʋɔ, ɛcɛ a tẽw dacĩ-kpɛ̃ɛ tɩ lo na dĩ bɛ. Ɛcɛ a Bɛn-Hadadɩ na tɩ tʋ̃ɔ́ zɔ a, ʋ tɩ kpɛ n a tẽ-kpɛ̃ɛ pʋɔ, tɩ kpɛ yir kãw pʋɔ tɩ sɔwlɩ a di-pɛ-baara pʋɔ.

Ɩzayi 10:3

Bʋ̃ʋ n'ʋ nyɩ na ɩ a dɔwrʋ bibir, a saa nɩ a sɛsɛb nãà wa yi a zi-zãána ŋmʋrɛ waar a? Ãa zie n'a nyɩ na zɔ cen tɩ nyɛ̃ a sõwfʋ? Nyɩnɛ n'a nyɩ na bin a nyɩ na-bome?

Ɩzayi 24:17

A pʋl-vʋ̃ɔ, a bɔw-zulu nɩ a bɛrɩ, alɛ n'a gùre nyɩ, nyɩɩm na kpɩɛr a tẽw zu a.

Ɩzayi 24:18

Sob nɛ na na wõ a pʋl-vʋ̃ɔ cɛl zɔrɛ a na lo n a bɔw-zulu pʋɔ. Ʋlɛ wa tʋ̃ɔ́ yi a be a, ʋ na kpɛ n a bɛra pʋɔ. A salom tokori vɛɛ yuo nɩ 'he'hee lɛ, a tẽsɔw pɛr damnɛ na.

Zeremi 10:15

A bɛ tɛr pɛr ɛ, bome na ɩrɛ laarʋ a n'a. A lɛn daar a Sore wa ìr a ƴãw a, a na bɔr'a.

Zeremi 11:23

A ʋlɩ yũon nɛ ɩ̃ na na ìr a Anatɔtɩ tẽw dem ƴãw, ɩ a faa páw bɛ a, nɩr za bɛ cɩ̃ɛnɛ ɩ.»

Zeremi 16:16

A Sore yere na: «Ɩ̃ na tõ n zʋm-nyɔwrbɛ yaga bɛ tɩ nyɔw bɛ. Al pùorí ɩ̃ tõ nabawlbɛ yaga bɛ tɩ bawlɩ bɛ a tan zu, a tãli zu tɩ lãwnɩ a pie bɔwrɩ pʋɔ.

Zeremi 23:12

Alɛ n'a so a bɛ sɔ́r na lɩɛbɩ sãsaalʋ. Bɛ na ŋmɩɛr'ɩ taa a lige pʋɔ lore. Ɩ̃ na ɩ na kpɩɛrʋ wa a bɛ zu, a yũon ʋl ɩ̃ nãà wa sowre bɛ bom a.» À à ŋá na a Sore yere.

Zeremi 46:21

A Eziptɩ tẽw a, bɛ tɩ kaarɛ nɩ a soja-libi-bɔbrbɛ zie vla za. Ɛcɛ a bɛl mɩ̀ a, bɛ lɩɛbɛ nɩ pùor, bɛ lãw na zɔrɛ. Kãw za bɛ bàrɛ gbɛ́r, a kpɩɛrʋ bibir na vɩɛrɛ a bɛ zu, a lɛn daar ɩ̃ na ìre a bɛ ƴãw a ɩ.

Zeremi 49:8

Dedan tẽw dem i, Nyɩ ƴaw lɩɛbɩ, nyɩ zɔrɛ! Nyɩ sɔwlɩ bɔwrɩ pʋɔ. Bʋ̃ʋ n'ʋ vɛ̃, Ezawu bʋʋrɛ ɛ, a nyɩ loba n'a ɩ̃ ɩ ʋ ta. A daar ɩ̃ na ìr a nyɩ ƴãw a n'ʋ ta.

Zeremi 50:24

Babɩlɔn tẽw i, ɩ̃ ƴãw fʋ nɩ bɛra, ɛ́ fʋ̃ʋ n'ɩ ŋan lo a bɛra pʋɔ, ɛ́ bɛ bãwnɩ a ɩ. Bʋ̃ʋ n'ʋ vɛ̃, a mãa Sore n'ʋ fʋ ŋmãa nɩ a zɛbr.»

Zeremi 50:27

Nyɩ kʋ a bɛ soja-vɩɛlɩ vɩɛlɩ za, nyɩ tɛr bɛ cen nɩ a kʋb zie! Nyɛ̃ kpɩɛrʋ na ta bɛ a, bʋ̃ʋ n'ʋ vɛ̃, a bibir vɩɛ na a Sore na na ìr a bɛ ƴãw a.

Zeremi 51:18

A bɛ tɛr pɛr ɛ, laarʋ tɛwr'a a ɩrɛ. A Sore wa ìr a ƴãw a lɛn daar a, a na bɔr a.

Zeremi 8:12

Vĩ ɩrɛ bɛ na, bɛ na ɩ ɩ-faar na bɛ maal'ɩ wob a? Towtow! Bɛ bɛ bãw k'aa tɩ sɛw na kɛ́ bɛ sàw a bɛ sãwna ɩ. A Sore yere na: Alɛ n'a so bɛ na lo mɛ̃ a nɩbɛ za a, bɛ na lo n tẽw a lɛn daar ɩ̃ nãà wa ìr a bɛ ƴãw a.»

A Lãw-mʋɔlɛ 3:47

Tɩmɛ so dɛ̃bɩ̃ɛ, niw-viir, zi-sãwna nɩ yel-sãwna.

A naaŋmɩn-ƴèr-manɛ Oze sɛbɛ 9:7

A dɔwrʋ daar ta na, a Ɩsɩrayɛl, ʋ bãwnɩ a. Nyɩ yere na: «A naaŋmɩn-ƴɛ̀r-manɛ yarɛ na, a sob nɛ a Naaŋmɩn na ƴãw a ʋ vʋʋrʋ a ìre nɩ kɔ̃tɔmɛ.» A nyɩ ɩ-faar na bɛ tɛr nʋɔr, lãwnɩ a nyɩ bɛ-nɔn a ʋ zie a n'a so.

Amɔsɩ 5:19

A na ɩ na mɛ̃ nɩr gbẽw na diwr ʋ tɩ ùr dʋ̃-faa kãw bɛ na bʋɔlɛ ursɩ a. Ʋ kpɛ n a ʋ yir ír nũu tʋɔr'ɩ a dacin wa báarɛ waab cɛ ʋ.

Mise 7:4

A nɩ-vla vla za a bɛ pʋɔ ɩ na mɛ̃ gʋ̀ɔ́ a, ɛ́ a nɩ-mɩŋa za kpɛ faa zuo gɔ-tuw. A nyɩ dɔwrʋ bibir'ɩ ŋan tarɛ, a bibir ʋl a nyɩ zi-piwrbɛ, a naaŋmɩn-ƴɛ̀r-manbɛ, na yel a. Dɛ̃bɩ̃ɛ tĩ na kpɩɛr nyɩ.