Zeremi 47:7 - A SƐB-SÕW

⁷ Ɛcɛ, ŋmɩŋmɩn n'a ʋ na tʋ̃ɔ́ pɩ̃ɛnɩ, a Sore wa n'ʋ tone ʋ a Asɩkalon tẽw, nɩ a kʋ̃ɔ-kpɛ̃ɛ kõkowr ƴãw a? Be n'a a Sore yel k'ʋʋ tuore ʋ.»

Zeremi 47:7 ပူးပေါင်းရင်းမြစ်များ

Ɩzayi 10:6

Nɩ-bʋʋrɛ na bɛ tu m'a ƴãw n'a ɩ̃ tõ ʋ, nɩbɛ na kʋrɛ mɛ̃ suur a ƴãw n'a ɩ̃ yel k'ʋʋ cen, tɩ zà ɛ́ wob a bɛ na-bome, tɩ nɛb nɛb bɛ mɛ̃ sɛ́ɛ zu mɛ̃mɛrɛ a.

Ɩzayi 13:3

Mãa n'ʋ tɩr a ɩ̃ nʋɔr kʋ̀ a bɛlɩ dem ɩ̃ na so a. Ɩ̃ bʋɔl'ɩ a ɩ̃ soja-gãdaar, a bɛl a ɩ̃ zɛb-tʋ̃ɔ́fʋ na ɩrɛ nʋ̃ɔ̀ a, k'ɩ̃ɩ wa wul'ɩ a ɩ̃ suur.»

Ɩzayi 37:26

Alɛ, Senakerib i, fʋ bɛ bãwnɩ a ɩ? Mãa n'ʋ cɔbrɩ a yele á ŋá koro kãw za, daar na bɛ gbʋ́r a n'a ɩ̃ tɩɛrɩ a bɛr, ƴɛrɛŋa a, ɩ̃ maalɛ nɩ a yele á ŋá. Fʋ̃ʋ n'ʋ ɩ̃ tɩ bãwnɩ kɛ́ fʋ wa ɩ a tẽ-bɛrɛ bɛ na cɔbrɩ a kpɛmɛ a zɛbr ƴãw a, a lɩɛbɩ a deboru.

Zeremi 48:10

Ŋmɛ-ƴãw, a páw sob nɛ na tone a Sore tome salalala, ɛ́ bɛ sàw a Sore na sãw a Mowab tẽw bɛr a!

Ezekɩɛl 14:17

Bɩɩ ɩ̃ na ɩ n zɛbr lo a nɩbɛ bɛ ŋa zu. Ɩ̃ na kʋ̀ n nʋɔr zɛbr-nɩbɛ kɛ́ bɛ sãw a tẽw bɛr ɛ́ kʋ a nɩbɛ nɩ a dʋn.

Ezekɩɛl 21:14

«A fʋ̃ʋ nɩsaal bie, ƴɛ̀r a ɩ̃ yúor ƴãw. Fʋ na yel'ɩ a nɩbɛ: Nyɩ bɛrɛ wone a Sore ƴɛ̀rʋ: Nyɛ̃ zɛbr-sɔ-kpɛ̃ɛ, zɛbr-sɔ-kpɛ̃ɛ na saalɩ ɛ́ nyɩwrɛ a.

Ezekɩɛl 21:30

Ɛ́ a fʋ̃ʋ, Ɩsɩrayɛl nãà a, fʋ mɩl'ɩ vĩ-mɩlʋ! A daar tarɛ na a fʋ nɩ-kʋ tome na baarɩ.

Ezekɩɛl 21:9

A nyɩ za kʋ-pàw-pɛr ƴãw n'a ɩ̃ na zɛw a ɩ̃ zɛbr-sɔ-kpɛ̃ɛ a nyɩ ƴãw, a saa-pɛrɩ́-dʋrʋ-lowr tɩ tɔ a saa-pɛrɩ́-gʋba-lowr.

Ezekɩɛl 25:16

À à ŋá ƴãw a, nyɛ̃ a lɛ a mãa Sore Naaŋmɩn na yere a: Ɩ̃ na zɛw nɩ nũu a bɛ ƴãw. Ɩ̃ na kʋ n a Filisɩtɛ̃ mɩnɛ, a Kafɩtɔɔr nɩbɛ bɛ ŋa na zɩ̃ a kʋ̃ɔ-kpɛ̃ɛ nʋɔr a.

Amɔsɩ 3:6

Ɩɩl pɛblɛ nɩ tẽw pʋɔ ɛ́ nɩbɛ bɛ zɔ ŋmɛ taa ɩ? A yel-faa na mɩ́ wa ta a tẽw pʋɔ a, a Sore bɛ n'ʋ mɩ́ maalɩ ʋ ɛ?

Mise 6:9

A Sore ƴɛ̀rɛ nɩ a Zerizalɛm tẽ-kpɛ̃ɛ nɩbɛ zie, ʋʋ na faa nɩ a bɛlɩ dem na ƴãwnɛ ʋ a. «Nyɩ bɛrɛ wone, Zuda dɔwlʋ nɩbɛ ɛ, nyɩɩm za na ɓã taa a tẽw pʋɔ a.

1 Samɩɛl 15:3

Lɛ so, cen tɩ zɛb'ɩ a Amalɛkɩ a ƴɛrɛŋa. Bom nɛ za ʋ na so a, sãw ʋ bɛr pẽlẽpẽlẽ, taa bɛrɛ ʋ ɛ. Kʋ bɛ za pàw pɛr, a dɛbr, a pɔwbɛ, a bibiir nɩ a bi-pɩɩlɛ, a nĩi nɩ a píir, a nyɔ̃wmɩ nɩ a bòn.»