Zeremi 47:2 - A SƐB-SÕW

² À ŋá n'a a Sore yel: «Kʋ̃ɔnɩ na vʋnɛ a yi n saa-pɛrɩ́-gʋba-lowr waar, a lɩɛbɛ nɩ bàa, a kʋ̃ɔ na damnɛ nɩ fãw a, a paalɛ na pàwr a tẽw nɩ bom za na be a ʋ pʋɔ a: a tẽ-bɛrɛ nɩ a nɩbɛ na kpɩɛr a a. A nɩbɛ kone na zɛlɛ nɩ sõwfʋ, a tẽw nɩbɛ za ŋmɩɛr'ɩ cɛlsɩ.

Zeremi 47:2 ပူးပေါင်းရင်းမြစ်များ

Sɛb-sõw yielu 24:1

Daviir yielu kãw n'ʋ. A Sore só a tẽ-daa nɩ bom za na be a ʋ zu a, ʋlɛ só a tẽw nɩ a bɛlɩ dem na kpɩɛr a ʋ zu a.

Sɛb-sõw yielu 50:12

Kɔ̃ tɩ kpɩɛr mɛ̃ a, ɩ̃ kʋ̃ʋ tɩ yel kʋ̀ b ɛ, mãa na n'ʋ so a tẽ-daa nɩ a bome za na paalɩ ʋ a.

Sɛb-sõw yielu 96:11

A salom, ʋ cɩlɛ, ɛ́ a tẽw cɩlɛ ƴawr'ɩ, a kʋ̃ɔ-kpɛ̃ɛ, ʋ damnɛ, nɩ a bome al za na paalɩ ʋ a.

Sɛb-sõw yielu 98:7

A kʋ̃ɔ-kpɛ̃ɛ, ʋ damnɛ, nɩ a bome al za na paalɩ ʋ a, a tẽ-daa nɩ a nɩbɛ na kpɩɛr a ʋ zu a!

Ɩzayi 14:31

Tẽ-bɛrɛ dɩ̃dɛɛ ɛ, nyɩ kone! Nyɩɩm tẽ-bɛrɛ ɛ, nyɩ lɔbr cɛlsɩ! A Filisɩtɛ̃ tẽw za kanyir baar'a, bʋ̃ʋ n'ʋ vɛ̃, zʋ̀ʋ́r yi n a saa-pɛrɩ́-gʋba-lowr waar. A dɔ̃ dem zie a, nɩr bɛ tawr yire a zɛbr-nɩbɛ pʋɔ ɩrɛ ʋ yõ ɩ.

Ɩzayi 15:8

A cɛlsɩ lɔb'a viiri koli a Mowab tẽw za, a kpɩɛrʋ kon yi na tɩ ta Egilayim, a yi na tɩ ta Elim bulé.

Ɩzayi 22:1

Ƴɛ̀rʋ na ƴɛ̀r a “Yel-nyɛra fʋɔla” ƴãw a. Zerizalɛm i, bʋ̃ʋ n'ʋ so a fʋ nɩbɛ za do a gàrɛ zu?

Ɩzayi 28:17

Ɩ̃ na de nɩ a lɛ-na-tu-sɔr-a ʋ ɩ a miw-máná, ɛ́ de a mɩnʋ ʋ ɩ a kur-mɔrmɔr miwr. Ɛcɛ a sa-bi-kube na sãw nɩ a nyɩ pib zie na ɩ bɛlʋ a bɛr, a kʋ̃ɔnɩ na tuo nɩ a nyɩ sɔwlʋ zie.

Ɩzayi 59:19

Lɛ n'a a mʋ̃tɔ̃w puru zie tɩ tɔ a kpɛb zie, a nɩbɛ za na zɔrɛ a Sore, bɛ za na zɔrɛ a ʋ yúor-vɩɛlʋ-danʋ. Bʋ̃ʋ n'ʋ vɛ̃, a Sore na wa na mɛ̃ man-fɩɩra kʋ̃ɔ saa-sɛsɛb na fure darɛ a.

Zeremi 1:14

A lɛ n'a a Sore tɩ yel mɛ̃: «A saa-pɛrɩ́-gʋba-lowr'a a faa na yi yɛ́r pàw a tẽw nɩbɛ za.

Zeremi 46:12

A nɩ-bʋʋrɛ wõ n a fʋ vĩ, bʋ̃ʋ n'ʋ vɛ̃, a fʋ kon yi n a ziir za. A gãdaa zɔ na ŋmɛ gãdaa, bɛ dẽderi tɩ lo a bɛ za ayi.

Zeremi 46:13

A Sore tɩ ƴɛ̀r'ɩ a naaŋmɩn-ƴɛ̀r-manɛ Zeremi zie, a lɛn daar a Babɩlɔn tẽw nãà, Nabikodonozɔɔr, na tɩ wa k'ʋʋ wa zɛb'ɩ a Eziptɩ tẽw a:

Zeremi 46:20

A Eziptɩ tẽw ɩ na mɛ̃ na-sɩra na vɩɛl a! Ɛcɛ, nakpon na yi saa-pɛrɩ́-gʋba-lowr a, wa na wa dɔm a ʋ zu.

Zeremi 46:24

Vĩ nyɔw nɩ a Eziptɩ tẽw: Bɛ de ʋ na ƴãw a saa-pɛrɩ́-gʋba-lowr tẽw dem nuru pʋɔ.»

Zeremi 48:39

Ɛ́ bʋnʋ yaa! A Mowab lo na! Nyɩ kone! Mowab lɩɛb'ɩ pùor, nyɛ̃ vĩ a! Ʋ ɩrɛ nɩ laarʋ nɩ pʋl-vʋ̃ɔ a ʋ sɩman dem za.

Zeremi 6:22

À ŋá n'a a Sore yere: «Nɩbɛ yi n a saa-pɛrɩ́-gʋba-lowr tẽw kãw waar, nɩ-bʋʋr-yoru na yãwmɛ a yi n a tẽw baarʋ zie lo a sɔ́r waar.

Zeremi 8:16

A dɔ̃ sob ta n a Dan tẽw baarɩ. A ʋ wie na vʋʋrɛ nɩ fãw a vʋʋrʋ yire nɩ a tẽ-kpɛ̃ɛ ŋa pʋɔ. A gɔmɛ a na kone ɩrɛ a ɩ na a tẽw za màwr. A waar'a k'aa wa sãw a tẽw nɩ bom za na be a ʋ pʋɔ a bɛr, a tẽ-kpɛ̃ɛ nɩ a ʋ nɩbɛ.»

Nahum 1:8

a lɛn daar a kpɩɛrʋ na mɩ́ wa ta bɛ yaga za mɛ̃ kʋ̃ɔ na darɛ taa a. Ɛcɛ ʋ mɩ́ sãw nɩ a tẽw bɛr pẽlẽpẽlẽ, ɛ́ diw a ʋ dɔ̃ dem ƴãw a kũu lige pʋɔ.

1 Korɛ̃tɩ 10:26

Bʋ̃ʋ n'ʋ vɛ̃, mɛ̃ a lɛ bɛ na sɛb a: «A Sore so a tẽsɔw nɩ a ʋ pʋɔ bome za.»

1 Korɛ̃tɩ 10:28

Ɛcɛ nɩr wa yel kʋ̀ nyɩ kɛ́ bɛ kʋ n a nɛn ŋa ƴãw tɩɩb ƴãw a, nyɩɩm taa 'wɔbr ʋ ɛ, a sob nɛ na yel kʋ̀ nyɩ a zũú, nɩ a nyɩ tɩɛrʋ zũú.

Zakɩ 5:1

Ƴɛrɛŋa a, nyɩ bɛrɛ wone, nyɩɩm tɛra dem i! Nyɩ kone lɔbr'ɩ cɛlsɩ, a kpɩɛrʋ na na ta nyɩ a ƴãw!

Yel-wula 17:1

Lɛ n'a a malkɩ ayopõi na tɩ tɛr a koli-nyúuri ayopõi a, a bɛ ƴen sob tɩ wa wa yel mɛ̃: «Wa, ɩ̃ɩ na wul fʋ nɩ a lɛ bɛ na maal'ɩ a pɔw-yɛm-kpɛ̃ɛ a ƴɛ̀rʋ a, a pɛr lɛ k'aa tẽ-kpɛ̃ɛ ʋl na àr mamɛ yaga nʋɔr a.

Yel-wula 17:15

A malkɩ tɩ cãà na yel mɛ̃: «A kʋ̃ɔnɩ fʋ na nyɛ̃ a, a be a pɔw-yɛm na zɩ̃ a, nɩ-bʋʋrɛ bʋʋrɛ nɛbɛ, zu-sɛbla yaga yaga, ten ten nɩbɛ nɩ ƴɛ̀r-pɛ-bʋʋrɛ bʋʋrɛ nɩbɛ nɛbɛ.