Zeremi 46:5 - A SƐB-SÕW

⁵ A Sore yere na: Ɛ́ bʋnʋ yaa? Bʋ̃ʋ n'ʋ ɩ̃ nyɛ̃ a? A bɛ kanyir baar'a, bɛ tɩ̃wnɩ nɩ pùor. Bɛ zɛb'a tʋ̃ɔ́ a bɛ soja-gãdaar, a zɔ-ŋmɛ-taa n'a, nɩr bɛ lɩɛbɛ kaar ɛ, a pʋl-vʋ̃ɔ n'a a ziir za.

Zeremi 46:5 ပူးပေါင်းရင်းမြစ်များ

Zeremi 49:29

Bɛ de a bɛ pɛnɛ-sɛwr nɩ a bɛ dʋn, a bɛ pɛn-yawlɩ nɩ a bɛ bome za! Bɛ diw a bɛ nyɔ̃wmɩ cen nɩ, ɛ́ lɔb cɛlsɩ a bɛ ƴãw à ŋá: “Pʋl-vʋ̃ɔ n'a a ziir za!”»

Zeremi 6:25

Nyɩ taa yire a wɩ̀ɛ pʋɔ ɩ, nyɩ taa cere a sɛ́ɛ zu ɛ, bʋ̃ʋ n'ʋ vɛ̃, a dɔ̃ sob be n a be kʋrɛ. A dɛ̃bɩ̃ɛ n'a a ziir za.

Zeremi 46:21

A Eziptɩ tẽw a, bɛ tɩ kaarɛ nɩ a soja-libi-bɔbrbɛ zie vla za. Ɛcɛ a bɛl mɩ̀ a, bɛ lɩɛbɛ nɩ pùor, bɛ lãw na zɔrɛ. Kãw za bɛ bàrɛ gbɛ́r, a kpɩɛrʋ bibir na vɩɛrɛ a bɛ zu, a lɛn daar ɩ̃ na ìre a bɛ ƴãw a ɩ.

Nahum 2:8

Bɛ ɓáw nɩ a ŋmɩn-pɔw dasule, bɛ ɓáw ʋ na cere nɩ. A pɔwbɛ bɛl na kaarɛ a ʋ zie a kone na mɛ̃ naŋmamɛ na kone nɩbaal-kon a, bɛ kone nɩ a bɛ pʋ-sãwna pʋɔ lɔbr'ɩ nuru.

Ezekɩɛl 32:10

A fʋ̃ʋ zũú a, nɩ-bʋʋr-yaga na tɛr'ɩ pʋ-sãwna. Dɛ̃bɩ̃ɛ na nyɔw nɩ a bɛ na-mɩnɛ ɩ̃ nãà wa zɛw a ɩ̃ zɛbr-sɔ-kpɛ̃ɛ a bɛ niŋé a. A fʋ loba bibir a, bɛ kʋ̃ bɛr a mawfʋ ɛ, ŋa za na mɩ́ zɔrɛ nɩ dɛ̃bɩ̃ɛ a ʋ nyɔ-vʋʋrʋ ƴãw.

Zeremi 46:15

Ɛ́ bʋnʋ yaa! A Apisɩ zɔrɛ na! A fʋ nadɛr bɛ bàrɛ gbɛ́r ɛ! A Sore dáa ʋ na.

Zeremi 20:10

Ɩ̃ wone nɩ nɩ-yaga na sãwnɛ a ɩ̃ yúor a. Bɛ bʋɔlɛ mɛ̃ nɩ «Pʋl-vʋ̃ɔ-a-ziir-za!» Bɛ mɩnɛ yere na: «Nyɩ wo a ʋ sãwna!» A ŋmaarɛ sɔwr: «Ʋ̃ʋ, tɩ wo a ʋ sãwna!» A ɩ̃ bárɩ tɛɛ za jɩɛrɛ nɩ a ɩ̃ loba. Bɛ yere na: «Kapaw ʋ na ɩ na tɩ bɛ̀lɩ nyɔw ʋ. Tɩ na tɛr'ɩ fãw zuo ʋ, ɛ́ tɩ na yáa nɩ a tɩ san a ʋ zu.»

Ɩzayi 19:16

Bibir kãw, a Eziptɩ tẽw dem na ɩ na mɛ̃ pɔwbɛ a. Dɛ̃bɩ̃ɛ na mɩ́ ɩrɛ bɛ na bɛ màwr, a lɛn daar a Sore, a kpɛnʋ-za-sob, nãà mɩ́ wa zɛw a nũu a bɛ ƴãw a.

Yele-za-pɛr-tib 19:17

Bɛ na wa tɛr bɛ yi n a tẽw pʋɔ baar'a, a malkɩ kãw yel'ɩ a Lɔtɩ: «Zɔ faa a fʋ nyɔ-vʋʋrʋ. Taa ŋmɛlɛ kaar pùor ɛ, taa nɩɩnɛ a vuo ŋa pʋɔ zie kãw ɛ. Zɔ kpɛ a tan pʋɔ, fʋ̃ʋ wa bɔbr kɛ́ fʋ cãà vʋʋrɛ a.»

Ɩzayi 5:25

Alɛ n'a so a Sore suur ìr a ʋ nɩ-bʋʋrɛ ƴãw. Ʋ̀ zɛw nɩ a nũu ŋmɛ n bɛ. A tan gbiwri na, a kũuni gã nɩ a sɛ́ɛ pʋɔ mɛ̃ sagɛ a. Ɛcɛ a na saa ɩ à ŋá a, a Sore suur bɛ ɓãa ɩ, ɛ́ a ʋ nũu cãà zɛw.

Ɩzayi 13:8

Pʋl-vʋ̃ɔ nyɔw bɛ na, 'wɔbrʋ nɩ vãwkuur tɛr bɛ na, bɛ ŋmɩɩlɛ na mɛ̃ pɔw na dɔwr a. Bɛ háa háa nɩ nɛ́ɛ jɩ́rɛ nɩ taa. A bɛ niŋe mʋ̃ɔ̀ nɩ kãkãkã.

Ɩzayi 42:17

A bɛlɩ dem na mɩ́ ƴãw a bɛ tɩɛrʋ a tɩbɛ ƴãw ɛ́ yere a tɩbɛ dasuli: «Nyɩmɛ n'ɩ a tɩ ŋmɩmɛ» a, bɛ tɩ̃wnɩ nɩ pùor ɛ́ vĩ nyɔw bɛ.

Zeremi 49:5

A lɛ pʋɔ a, a Sore, a kpɛnʋ-za-sob, yere na: «Ɩ̃ na ɩ na kɛ̀ pʋl-vʋ̃ɔ wa a nyɩ zie, ʋ na yi n a ziir al za na viiri koli a pʋɔ. Bɛ na diw nɩ nyɩ za, ŋa mɩ́ tori niwn zɔrɛ, ɛ́ nɩr za kʋ̃ be be lɛb ɓã a bɛlɩ dem na zɔrɛ a taa ɩ.

Ezekɩɛl 39:18

Nyɩ na 'wɔb'ɩ a soja-gãdaar ƴã-gamɛ ɛ́ nyũ a tẽw ŋa nɩ-bɛrɛ bɛ na lɩɛr'ɩ a Basan tẽw pʋrɩ, péli, bʋrali nɩ nadeli-'wɔɩ maal'ɩ a bàwr a zɩ̃ɩ.

Nahum 2:9

A Nɩnɩɩvʋ tẽw ɩ na mɛ̃ kʋ̃ɔ ƴãwfʋ zie, a kʋ̃ɔ na cire a za a. Bɛ cɩɩrɛ na yere: «Nyɩ tɛw àr! Nyɩ tɛw àr!» Ɛcɛ nɩr za bɛ ŋmɛlɛ kaar pùor ɛ.

Sofoni 1:14

A Sore bibi-kpɛ̃ɛ pɩɛl'a, ʋ pɩɛl'a, ʋ páwr'a tarɛ, a ʋ vɩɛfʋ na ɩ n cɛlsɩ lawlawlaw! A gãdaar tɛɛ za na bʋɔlɛ na kɛ́ bɛ wa faa bɛ.