Zeremi 45:1 - A SƐB-SÕW

¹ A lɛn daar, a Neriya bidɛb, Barukɩ, na tɩ sɛbr a ƴɛ̀rʋ al za a naaŋmɩn-ƴɛ̀r-manɛ Zeremi na tɩ yere kʋ̀rɛ ʋ a, a Zuda tẽw nãà, Yoyakim, na ɩ Zozɩasɩ bidɛb a, naalʋ-dɩb yome anaar sob daar tɩ n'a. Lɛ n'a a Zeremi tɩ yel a Barukɩ:

Zeremi 45:1 ပူးပေါင်းရင်းမြစ်များ

2 Na-mɩnɛ 24:1

A ʋ naalʋ-dɩb daar'a a Babɩlɔn tẽw nãà, Nabikodonozɔɔr, tɩ wa zɛb de a Zuda tẽw. Ʋ tɩ só nɩ a Yoyakim yome ata. Al pùorí a Yoyakim bɛ lɛb cãà sàw ʋ só ʋ ɛ.

2 Bibie za yel-manɩ 36:5

A Yoyakim tɩ tɛr'ɩ yome lɩzɛr'ɩ anũu a lɛn daar ʋ na lɩɛbɩ a nãà a. Ʋ tɩ dɩ n a naalʋ yome pie nɩ been a Zerizalɛm, ɩ a lɛ na bɛ pɛlɩ a Sore ʋ Naaŋmɩn pʋɔ a.

Zeremi 25:1

A Sore tɩ ƴɛ̀r'ɩ ƴɛ̀rʋ na càarɩ a Zuda tẽw nɩbɛ za a kʋ̀ a Zeremi. A tɩ ɩ n a Zozɩasɩ bidɛb Yoyakim na ɩ Zuda tẽw nãà naalʋ-dɩb yome anaar sob daar, ɛ́ ɩ a Babɩlɔn tẽw nãà Nabikodonozɔɔr naalʋ-dɩb yũon-dãw-niwn sob.

Zeremi 26:1

A Zozɩasɩ bidɛb, Yoyakim, na ɩ a Zuda tẽw nãà a naalʋ-dɩb tib daar a, a Sore tɩ ƴɛ̀r'ɩ a ʋ ƴɛ̀rʋ kʋ̀ a Zeremi yel:

Zeremi 32:12

kʋ̀ a za ayi Barukɩ na ɩ Neriya bidɛb nɩ Maaseya yãw a. A ɩ̃ yɛb Hanameyɛl nɩ a dãsɩɛ dem bɛl na tɩ ƴãw a bɛ ŋmaarʋ-bʋ̃-ƴãwna bãwfʋ a púo dab sɛbɛ zu a, tɩ be n be, lãwnɩ a Zuda tẽw nɩbɛ bɛl za na tɩ be a soja-zi-gùre davʋra pʋɔ a.

Zeremi 32:16

Ɩ̃ na tɩ kʋ̀ a Neriya bidɛb, Barukɩ, a púo dab sɛbɛ baar'a, ɩ̃ tɩ puor'ɩ a Sore à ŋá:

Zeremi 36:1

A Zozɩasɩ bidɛb, Yoyakim, na ɩ a Zuda tẽw nãà a, naalʋ-dɩb yome anaar sob daar'a a Sore tɩ ƴɛ̀r a Zeremi zie à ŋá:

Zeremi 36:2

«De gan-sɛbɛ na na tʋ̃ɔ́ pili a, sɛb a ʋ pʋɔ, a ƴɛ̀rʋ al za ɩ̃ na ƴɛ̀r càar'ɩ a Ɩsɩrayɛl naalʋ-tẽw, a Zuda naalʋ-tẽw nɩ a tẽ-yoru a, a na tĩ a lɛn daar ɩ̃ na ƴɛ̀r a fʋ zie, a Zozɩasɩ naalʋ-dɩb daar, wa tɔ a dɩ̃a a.

Zeremi 36:26

Ʋ nɩ̃ɛ na tɩ yel kʋ̀ a nãà bidɛb, Yeramɩɛl, nɩ Azirɩɛl bidɛb, Serayahu, nɩ Avɩdɩɛl bidɛb, Selemɩahu, kɛ́ bɛ nyɔw a sɛ-sɛbrɛ Barukɩ nɩ a naaŋmɩn-ƴɛ̀r-manɛ Zeremi. Ɛcɛ a Sore tɩ sɔwlɩ bɛ na.

Zeremi 36:32

Lɛ n'a a Zeremi tɩ bɔ sɛb-pila ƴen sob kʋ̀ a Neriya bidɛb, Barukɩ, na ɩ a sɛ-sɛbrɛ a. A Barukɩ tɩ sɛb'ɩ a lɛ za a Zeremi na tɩ yere kʋ̀rɛ ʋ a, ƴãw a sɛbɛ ʋl pʋɔ: a ƴɛ̀rʋ al za na tɩ be a sɛb-dãw-niwn sob ʋl a Zuda tẽw nãà na tɩ nyɩw bɛr a pʋɔ a. Ƴɛ̀rʋ yaga na tɩ ŋmɛ̃ taa nɩ a al a, tɩ sɛb'a ƴãw pʋɔ.

Zeremi 36:4

A Zeremi tɩ zɛlɩ nɩ Neriya bidɛb, Barukɩ, sõwfʋ. Ʋ tɩ yel'ɩ a ƴɛ̀rʋ al za a Sore na yel kʋ̀ ʋ a, ɛ́ a Barukɩ sɛb a ƴãw sɛb-pila pʋɔ.

Zeremi 45:2

«À ŋá n'a a Sore, a Ɩsɩrayɛl Naaŋmɩn, yere a fʋ̃ʋ Barukɩ ƴãw.

Zeremi 46:2

Ƴɛ̀rʋ na càarɩ a Eziptɩ tẽw nɩ a Eziptɩ tẽw nãà, Faarawɔ̃ Neko, zɛbr-nɩbɛ a. A Eziptɩ tẽw nãà tɩ be n a Efaratɩ man nʋɔr a Karkemisɩ, a lɛn daar a Babɩlɔn tẽw nãà, Nabikodonozɔɔr, na tɩ zɛb tʋ̃ɔ́ ʋ a. A tɩ ɩ n a Zozɩasɩ bidɛb, Yoyakim, na ɩ a Zuda tẽw nãà a, naalʋ-dɩb, yome anaar sob.

Zeremi 51:59

Seraya, na ɩ Neriya bidɛb nɩ Maaseya yãw a, tɩ ɩ n a sojarɩ nɩ-kpɛ̃ɛ ʋl na tone a Zuda tẽw nãà, Sedesɩasɩ, tome a. A Sedesɩasɩ naalʋ-dɩb yome anaar sob daar, a Seraya tɩ bɩɛlɩ ʋ na cen nɩ a Babɩlɔn. Zeremi mɩ̀ tɩ sɛb'ɩ sɛb-pila zu a kpɩɛrʋ al za na sɛw k'aa páw a Babɩlɔn a, a ƴɛ̀rʋ al za bɛ na sɛb a tẽ-kpɛ̃ɛ ŋa ƴãw a.