Zeremi 44:4 - A SƐB-SÕW

⁴ Ɩ̃ ƴãw nɩ nũu tõ a ɩ̃ tõ-tõ-biir na ɩ a ɩ̃ ƴɛ̀r-manbɛ, a nyɩ zie, kɛ́ bɛ yel nyɩ: Nyɩ ta maalɛ a yel-faar á ŋá na bɛ maal'ɩ wob ɩ̃ na bɛ nɔ̃w towtow a ɩ!

Zeremi 44:4 ပူးပေါင်းရင်းမြစ်များ

2 Bibie za yel-manɩ 36:15

A Sore, a bɛ sãà mɩnɛ Naaŋmɩn, na tɩ nɔnɛ a ʋ nɩ-bʋʋrɛ nɩ a ʋ zi-sõw a, tɩ tõ n nɩbɛ gb'aa ŋmɩn za a bɛ zie a ʋ yúor ƴãw,

Neemi 9:30

Fʋ nyɔw nɩ fʋ tʋɔra a bɛ ƴãw, yome yaga ƴãw. A fʋ ƴɛ̀r-manbɛ na tɩ tɛr a fʋ vʋʋrʋ a, tɩ zɛlɛ bɛ nɩ a fʋ yúor ƴãw, ɛcɛ bɛ bɛ bɛr wõ ɩ. Lɛ n'a fʋ tɩ bɛr bɛ kʋ̀ nɩ-bʋʋr-yoru bɛ so bɛ.

Neemi 9:34

A tɩ na-mɩnɛ nɩ a tɩ nɩ-bɛrɛ, a tɩ bàwr-maalbɛ nɩ a tɩ sãàkʋm-kore bɛ tɩ sàw a fʋ wulu ɛ. Bɛ bɛ cɛlɩ a fʋ nɛ-ƴãwnɩ zie, nɩ a kpaalʋ fʋ na kpaalɛ bɛ a ɩ.

Zeremi 16:18

Ɩ̃ na ɩ na bɛ ya a bɛ sãwna san za kpɛ̃lɛ̃kpɛ̃lɛ̃, a sãwna tɔr za san nɩ a ʋ maal-ƴãwfʋ san. Bʋ̃ʋ n'ʋ vɛ̃, bɛ dɛw nɩ a ɩ̃ tẽw nɩ a bɛ tɩb-faar faar na bɛ vʋʋrɛ a. Bɛ paal'ɩ a ɩ̃ zi-sóra nɩ a bɛ ŋmɩn-bɛlɛbɛlɛ al na kpɛ faa a.»

Zeremi 26:5

Nyɩ bɛrɛ wone a ɩ̃ tõ-tõ-biir na ɩ a ɩ̃ ƴɛ̀r-manbɛ a ƴɛ̀rʋ. Ɩ̃ ƴãw nɩ nũu tõ bɛ a nyɩ zie, ɛcɛ nyɩ bɛ bɛr wõ a bɛ ƴɛ̀rʋ ɛ.

Zeremi 29:19

Bʋ̃ʋ n'ʋ vɛ̃, bɛ bɛ bɛr wõ a ɩ̃ ƴɛ̀rʋ ɛ, a Sore n'ʋ yere. Ɛcɛ ɩ̃ ƴãw nɩ nũu tõ a ɩ̃ tõ-tõ-biir, a ɩ̃ ƴɛ̀r-manbɛ, a bɛ zie, ɛ́ bɛ bɛ bɛr wõ a bɛ ƴɛ̀rʋ ɛ, a mãa, a Sore n'ʋ yere.”

Zeremi 32:33

Bɛ nãá lɩɛbɩ niwn cɔw mɛ̃ a, bɛ bɛr'a ɛ́ lɩɛbɩ kpaar cɔw mɛ̃. Ɛcɛ ɩ̃ ƴãw nɩ nũu wul bɛ, ɛ́ bɛ bɛ bɛr wõ ɩ, bɛ bɛ de a wulu ɛ.

Zeremi 32:34

Bɛ ƴãw nɩ a bɛ tɩb-faar faar a yir ɩ̃ na so a pʋɔ, ɩ ʋ tɛr dɛwr.

Zeremi 32:35

Bɛ cɔbr'ɩ maalʋ-ziir a ŋmɩn Báàl ƴãw a Hinom bà-fʋɔla pʋɔ, kɛ́ bɛ tʋ̃ɔ́ mɩ́ nyɩw a bɛ bidɛbr nɩ a bɛ pɔwyaar kʋ̀ a ŋmɩn Molɛkɩ. Ɩ̃ bɛ dãw yel a lɛ kʋ̀ bɛ towtow ɛ, ɩ̃ mɩ̀ bɛ dãw tɛr a tɩɛrʋ ɛ. Ɛ́ bɛ na ɩ a ɩb na maal kpɛ faa à ŋá a, bɛ taw nɩ a Zuda nɩbɛ ƴãw a faa pʋɔ.

Zeremi 35:15

Ɩ̃ ƴãw nɩ nũu tõ a ɩ̃ tõ-tõ-biir na ɩ a naaŋmɩn-ƴɛ̀r-manbɛ a, a nyɩ zie, kɛ́ bɛ wa yel nyɩ: “A nyɩ kãw za, ʋ bɛr a ʋ ɩb na bɛ vɩɛl a. Nyɩ ɩrɛ ɩb na sɛw taa nɩ a, nyɩ ta tuur ŋmɩn-yoru maalɛ a ɩ. A lɛ pʋɔ a, nyɩ na kpɩɛr'ɩ a tẽw ɩ̃ na kʋ̀ nyɩ, a nyɩɩm nɩ a nyɩ sãàkʋm-kore a.” Ɛcɛ nyɩ bɛ cɛlɩ be ɩ, nyɩ bɛ bɛr wõ m ɛ.

Zeremi 35:17

A Zeremi tɩ yel'a ƴãw pʋɔ: «A lɛ zũú a, à ŋá n'a a Sore, a kpɛnʋ-za-sob, a Ɩsɩrayɛl Naaŋmɩn, yere: “Zuda tẽw nɩ Zerizalɛm tẽw dem i, ɩ̃ na ɩ na a kpɩɛrʋ al ɩ̃ na ƴɛ̀r càar'ɩ nyɩ a, a páw nyɩ. Bʋ̃ʋ n'ʋ vɛ̃, ɩ̃ ƴɛ̀r'ɩ a nyɩ zie, ɛ́ nyɩ bɛ bɛr wõ ɩ. Ɩ̃ bʋɔlɩ nyɩ na, ɛ́ nyɩ bɛ sàw ɛ.”»

Zeremi 7:13

Ɛcɛ ƴɛrɛŋa a, a mãa, a Sore, ɩ̃ yere na: nyɩ maal'ɩ faa mɛ̃ a bɛl a. Ɩ̃ kpaalɩ nyɩ nɩ lɛɛ tɩ bàl, ɛ́ nyɩ bɛ bɛr wõ ɩ, ɩ̃ bʋɔlɩ nyɩ na, ɛ́ nyɩ bɛ sàw ɛ.

Zeremi 7:17

Fʋ bɛ nyɛ̃ a lɛ za bɛ na ɩrɛ a Zuda tẽ-bɛrɛ pʋɔ nɩ a Zerizalɛm tẽw sɛ́ɛ pʋɔ a ɩ?

Zeremi 7:18

A bibiir wobr'ɩ dali, a sãà mɩnɛ gbɔwr vũu, ɛ́ a pɔwbɛ nawr zɔ̃ kɛ́ bɛ maal'ɩ gato kʋ̀ a salom zu Pɔw-nãà. Al pùorí bɛ dier divɛ̃ kʋ̀rɛ ŋmɩn-sãanbɛ, ɩrɛ a kpɩɛr mɛ̃.

Zeremi 7:25

A nyɩ sãàkʋm-kore na yi a Eziptɩ tẽw wa tɔ dɩ̃a a, bibir bɛ cɛ ɩ̃ bɛ tõ a ɩ̃ tõ-tõ-biir, a ɩ̃ ƴɛ̀r-manbɛ, a nyɩ zie ɩ.

Ezekɩɛl 16:36

À ŋá n'a a mãa Sore Naaŋmɩn yere: Fʋ wul'ɩ fʋ tʋɔra ɩ ƴã-gã-kpãkpol fʋ za, fʋ ɩ na bɛ nyɛ̃ a fʋ ƴã-gan ziir za, fʋ na tõ a pɔw-yɛm tome nɩ a fʋ sɛnbɛ nɩ a ŋmɩn-bɛlɛbɛlɛ na bɛ vɩɛl towtow a zũú. Mɔ̃ mɩ̀, fʋ kʋ n a fʋ bibiir kʋ̀ a fʋ ŋmɩmɛ.

Ezekɩɛl 16:47

Fʋ bɛ cɔwrɩ a bɛ ɩb tɛwr ɛ, fʋ bɛ maalɩ a alɩ yel-been nɛ na bɛ maal'ɩ wob a tɛwr ɛ, a bɛ tɩ zɛ̃ fʋ bom ɛ! A fʋ ɩb tɩ kpɛ n faa yaga zuo a tẽ-bɛrɛ al na cɛ a dem!

Ezekɩɛl 18:31

Nyɩ zawrɩ a nyɩ ɩ-faar za bɛr, nyɩ lɩɛbɩ a nyɩ socie nɩ a nyɩ tɩɛrʋ. Bʋ̃ʋ n'ʋ so nyɩ bɔbr kɛ́ nyɩ kpi, Ɩsɩrayɛl nɩbɛ ɛ?

Ezekɩɛl 8:10

Ɩ̃ tɩ kpɛ na nyɛ̃ à ŋá: Wɩɩr nɩ dʋn na ɩrɛ kɔkɔrʋ a tɩ wi na pàw a dacine na viiri koli mɛ̃ a. A Ɩsɩrayɛl ŋmɩn-bɛlɛbɛlɛ za tɩ wi na ƴãw a dacine zu.

Zakari 7:7

A dãwdãw za a, a Naaŋmɩn tɩ ƴãw na a ƴɛ̀r-manbɛ ƴɛ̀r a ƴɛ̀rʋ á ŋá taabɛ. A lɛn daar a, a Zerizalɛm tẽw dem nɩ a tẽ-bɛrɛ na jil koli ʋ a nɩbɛ tɩ tɛr'ɩ ƴã-ɓaarʋ, ɛ́ nɩbɛ kpɩɛr a Negɛɛvʋ nɩ a Ba-Peyi vuo pʋɔ.

1 Pɩɛr 4:3

A dãwdãw nyɩ na tɩ tu a pɩ̃ɔ-yele pùor a, a tɛra vʋla, a dãa-kuolu, a dɩ̀rʋ́, a nyub nɩ a tɩbɛ maalʋ na bɛ vɩɛl towtow a, nyɩ tɩ maal'ɩ a sɔ-kʋra pʋɔ dem pʋ-tɩɛrʋ tɩ sɛw.