Zeremi 43:6 - A SƐB-SÕW

⁶ dɛbr, pɔwbɛ, bibiir, a nãà pɔwyaar, a nɩbɛ bɛl za a soja-zi-gùrbɛ nɩ-kpɛ̃ɛ, Nebuzaradan, na tɩ kʋ̀ a Gedalɩasɩ, na ɩ Ahikam bidɛb nɩ Safan yãw, ʋ kaarɛ a. Bɛ mɩ̀ tɩ tɛr'ɩ a naaŋmɩn-ƴɛ̀r-manɛ Zeremi nɩ a Neriya bidɛb, Barukɩ, cen nɩ.

Zeremi 43:6 ပူးပေါင်းရင်းမြစ်များ

Zeremi 38:22

Bɛ na tɛr'ɩ a pɔwbɛ za na cãà be a fʋ yir a, cen nɩ a Babɩlɔn tẽw nãà zɛbr-nɩbɛ nɩ-bɛrɛ zie. Ɛ́ a pɔwbɛ na yiele nɩ à ŋá a fʋ ƴãw: “Bɛ bɛlɩ fʋ na, bɛ páw fʋ na, a fʋ bá-túor! A fʋ gbɛ́ɛ siwr'a kpɩɛr a mɛ̃mɛrɛ pʋɔ, ɛ́ a bɛl a, bɛ zawrɩ fʋ na bɛr.”

Zeremi 39:10

Ɛcɛ ʋ tɩ bɛr'ɩ a nɩbɛ pʋɔ nan dem ŋmãa a Zuda tẽw pʋɔ, a bɛlɩ dem na bɛ tɩ tɛr bom za a, ɛ́ tɩ kʋ̀ bɛ divɛ̃ tɩɩr póru nɩ póru a mɩnɛ.

Zeremi 40:11

Lɛ mɩ̀ n'a, a Zuda tẽw nɩbɛ na tɩ be a Mowab, a Amɔ̃, a Edɔm ten pʋɔ nɩ a ziir za a, tɩ wõ na k'aa Babɩlɔn tẽw nãà tɩ bɛr'ɩ nɩbɛ ŋmãa a Zuda tẽw, ɛ́ ƴãw Ahikam bidɛb, Gedalɩasɩ, na ɩ Safan yãw a, ʋ kaarɛ a bɛ zie.

Zeremi 40:7

A zɛbr-nɩbɛ nɩ-bɛrɛ nɩ a bɛ zɛbr-nɩbɛ na tɩ be a kura pʋɔ a, tɩ wõ na k'aa Babɩlɔn tẽw nãà, tɩ ƴãw na Ahikam bidɛb, Gedalɩasɩ, ɩ a tẽw na-kpɛ̃ɛ-lɩɛrɛ. Ʋ de nɩ a nan dem, dɛbr, pɔwbɛ nɩ bibiir kʋ̀ ʋ, a bɛl bɛ na bɛ tɩ diw cen nɩ a Babɩlɔn a.

Zeremi 41:10

Al pùorí ʋ tɩ nyɔw a nɩbɛ na tɩ cɛ be a Misɩpa a, bɛ ɩ gaso nɩbɛ ʋ cen nɩ: a nãà pɔwyaar nɩ a nɩbɛ bɛl za na tɩ be a Misɩpa a, a bɛl a soja-zi-gùrbɛ nɩ-kpɛ̃ɛ, Nebuzaradan, na tɩ ƴãw a Gedalɩasɩ kaarɛ a. Al pùorí, a Yisɩmayɛl tɩ tɛr'ɩ a gaso nɩbɛ cen nɩ Amɔ̃ tẽw.

Zeremi 43:3

Ɛcɛ a Neriya bidɛb, Barukɩ, ʋlɛ n'ʋ dɔ̀nɛ fʋ ƴãwn a tɩ ƴãw, ʋ bɔbr'a k'ʋʋ de tɩ ƴãw a Babɩlɔn tẽw dem nuru pʋɔ, kɛ̀ bɛ kʋ tɩ, bɩɩ diw tɩ cen nɩ a Babɩlɔn tẽw.»

Zeremi 45:1

A lɛn daar, a Neriya bidɛb, Barukɩ, na tɩ sɛbr a ƴɛ̀rʋ al za a naaŋmɩn-ƴɛ̀r-manɛ Zeremi na tɩ yere kʋ̀rɛ ʋ a, a Zuda tẽw nãà, Yoyakim, na ɩ Zozɩasɩ bidɛb a, naalʋ-dɩb yome anaar sob daar tɩ n'a. Lɛ n'a a Zeremi tɩ yel a Barukɩ:

Zeremi 52:10

A be tɔr za n'a ʋ tɩ ƴãw bɛ kʋ a Sedesɩasɩ bidɛbr a bɛ sãà Sedesɩasɩ mimirí, lãwnɩ a Zuda tẽw tõ-tõ-bi-bɛrɛ za.

A Lãw-mʋɔlɛ 3:1

Ɩ̃ ɩ n a nɩr ʋl na nyɛ̃ a kpɩɛrʋ a Sore su-yãyaar ŋmɩɛrʋ pʋɔ a.

Zã 21:18

Yel-mɩŋa sɩza sɩza n'a ɩ̃ yere kʋ̀rɛ fʋ: fʋ na tɩ ɩ pɔlbile a lɛn daar a, fʋ mɩ́ tɩ sɛ n a fʋ kpàwr fʋ tʋɔra cere nɩ be fʋ na bɔbr a. Fʋ̃ʋ wa kor a, fʋ na mɩ́ zɛw nɩ a kpãkpamɛ ɛ́ nɩ-yũo sɛ b a kpàwr, ɛ́ tɛr fʋ cere nɩ ʋlɩ zie nɛ fʋ na bɛ bɔbr a.»