Zeremi 43:2 - A SƐB-SÕW

² Lɛ n'a Hosaya bidɛb, Azarɩa, Karea bidɛb, Yohanan nɩ a nɩbɛ bɛl za na ɩrɛ pɔ̀lʋ a, tɩ yel a Zeremi: «Zir-ŋmarɛ nɛ b! A Sore tɩ Naaŋmɩn bɛ tõ fʋ a tɩ zie, kɛ́ fʋ wa yel tɩ à ŋá ɩ: “Nyɩ taa wa cere a Eziptɩ tẽw tɩ kpɩɛr naayir ɛ.”

Zeremi 43:2 ပူးပေါင်းရင်းမြစ်များ

Yele-za-pɛr-tib 19:14

A Lɔtɩ tɩ cen na tɩ páw a ʋ dɩɛmbɛ, a bɛl nãà wa kul a ʋ pɔwyaar a, yel bɛ: «Nyɩ ìr! Nyɩ yi zaa a tẽw ŋa pʋɔ, a Sore na sãw ʋ na bɛr.» Ɛcɛ bɛ tɩ manɛ k'ʋʋ dɩ̃ɛnɛ na.

2 Bibie za yel-manɩ 36:13

Ʋ mɔ̃ mɩ̀ wa ìr'a gaarɩ a Nabikodonozɔɔr zu, ʋl na tɩ ƴãw ʋ kõ nʋɔr a Sore yúor ƴãw a. Ʋ tɩ kpãa nɩ tobr zawrɩ a Sore, a Ɩsɩrayɛl Naaŋmɩn zie lɛb waa kʋra kʋra.

Sɛb-sõw yielu 119:21

Fʋ vɛlɛ nɩ nũu cɔwr a pɔ̀lʋ dem bɛ ŋa, a nɩ-ŋmɛ-ƴãwnɩ bɛ ŋa na bɔrɛ zãánɛ nɩ a fʋ nɛ-ƴãwnɩ a.

Sɛb-sõw yielu 12:3

Ziri tɛwr'a bɛ ŋmarɛ kʋ̀rɛ taa. A nʋɔr mɩ́ ɩ n nɔ-kãá, ɛ́ a tɩɛrʋ ɩ ziir ayi.

Sɛb-sõw yielu 123:4

Tɩ sɛw na nɩ a tɛra dem kpɔwrʋ, nɩ a pɔ̀lʋ dem ɩ-lab.

Eziptɩ tẽw yib 5:2

A Faarawɔ̃ tɩ sɔw na: «Ãa n'ɩ a Sore ŋa, ɩ̃ na sàw a ʋ nʋɔr bɛr a Ɩsɩrayɛl nɩbɛ bɛ cen? Ɩ̃ bɛ bãw a Sore ŋa ɩ, ɛ́ kʋ̃ bɛr a Ɩsɩrayɛl nɩbɛ bɛ cen ɛ!»

Eziptɩ tẽw yib 9:17

Fʋ nyɛ̃ a na, ɛ́ cãà bɛ sàw na bɛr a ɩ̃ nɩbɛ bɛ cen ɛ.

Zʋkpaɩ 16:5

A Sore bɛ nɔnɛ a pɔ̀lʋ dem towtow ɛ. Bʋnʋ bɛ ka be ɩ, bɛ na nyɛ̃ nɩ dɔwrʋ.

Zʋkpaɩ 30:9

Bʋ̃ʋ n'ʋ vɛ̃, mãa wa tɛr a zuo a, ɩ̃ na tʋ̃ɔ́ na zawrɩ fʋ bɛr, yere nɩ: «Ãa n'ɩ a Sore?», bɩɩ mãa wa ɩ nã́w sob zuo a, ɩ̃ na tʋ̃ɔ́ na lɩɛbɩ nyãnyuwe sãw a ɩ̃ Naaŋmɩn yúor.

Zʋkpaɩ 8:13

A Sore zɔba n'ɩ a faa hɩ̃ɛnʋ. Ɩ̃ bɛ nɔnɛ a pɔ̀lʋ, a nyɔka-ɩb, a ɩ-faar nɩ a ziri ɛ.

Ɩzayi 9:8

A nɩbɛ za bãwnɩ a na, a Efarayim naalʋ-tẽw za nɩ a Samaari tẽw dem. A nɩbɛ bɛ ŋa tɩ ɩ n nyʋ̀ʋ́r nɩ pɔ̀lʋ tɛwr yere nɩ:

Zeremi 13:15

Nyɩ bɛrɛ wone, nyɩ ƴãw tobr, nyɩ ta cãà ɩrɛ pɔ̀lʋ ɛ. A Sore ƴɛ̀rɛ nɩ a nyɩ zie.

Zeremi 18:18

A dɔ̃ dem bɛ mɩnɛ tɩ yel'a: «Nyɩ wa tɩ wa cɔbrɩ cɔbrʋ a Zeremi ƴãw. Tɩ na cãà na páwr a Naaŋmɩn wulu a bàwr-maalbɛ zie, a yã a yã-bãwnbɛ zie, a Naaŋmɩn ƴɛ̀rʋ a ʋ ƴɛ̀r-manbɛ zie. Nyɩ wa tɩ ƴɛ̀r sãw a ʋ yúor, tɩ ta cɛlɛ a ʋ ƴɛ̀rʋ kãw za ƴãw ɛ.»

Zeremi 40:8

A Zɛbr-nɩbɛ nɩ-bɛrɛ bɛ ŋa, nɩ a bɛ nɩbɛ tɩ wa na wa páw a Gedalɩasɩ a Misɩpa: Netanɩahu bidɛb, Yisɩmayɛl, Karea bidɛbr, Yohanan nɩ Yonatan, Tanhumɛtɩ bidɛb, Seraya, Netofa tẽw Ofaɩ bidɛbr, nɩ Maaka bidɛb, Yezanɩahu tɩ nɛbɛ.

Zeremi 41:16

A yele á ŋá pùorí, a Yohanan nɩ a zɛbr-nɩbɛ nɩ-bɛrɛ na tɩ bɩɛlɛ ʋ a, tɩ ɓã n a bɛlɩ dem za na tɩ cãà vʋʋrɛ a taa. A Yisɩmayɛl tɩ tɛr bɛ na bɛ ɩ gaso nɩbɛ, ʋ cen nɩ a Misɩpa, a Gedalɩasɩ kʋb pùorí: a dɛbr, a pɛr lɛ k'aa sojarɩ, a pɔwbɛ, a bibiir, a dɛ-vaɩ, a bɛlɩ dem za bɛ na tɩ tɛr a Gabaɔ̃ lɛb wa n a.

Zeremi 41:18

Bʋ̃ʋ n'ʋ vɛ̃, bɛ tɩ zɔrɛ nɩ a Babɩlɔn tẽw dem dɛ̃bɩ̃ɛ, a lɛ a Yisɩmayɛl na dɛ tɩ kʋ a Gedalɩasɩ a Babɩlɔn tẽw nãà na tɩ ƴãw ʋ kaarɛ a Zuda tẽw a.

Zeremi 42:1

Lɛ n'a a zɛbr-nɩbɛ nɩ-bɛrɛ za, baa zuo a za, a Karea bidɛb, Yohanan, nɩ a Hosaya bidɛb, Azarɩa, nɩ a bɛlɩ dem za na tɩ be be a, a pʋrmɛ nɩ a bɛrɛ, tɩ taw pɩɛlɩ

Zeremi 42:20

Nyɩ tɩ ƴãw mɛ̃ na k'ɩ̃ɩ sowri a Sore nyɩ Naaŋmɩn kaa. Nyɩ tɩ yel mɛ̃ na: “Puori a Sore tɩ Naaŋmɩn a tɩ ƴãw. Yel a lɛ tɔr za ʋ na na yel kʋ̀ b a kʋ̀ tɩ, ɛ́ tɩ na tu na.” A lɛn daar a, nyɩ bɛ tɩ tɩɛrɩ ɛ ɛ́ ƴɛ̀r, ƴãw nyɩ tʋɔra kũu pʋɔ.

Zeremi 42:5

Bɛ tɩ sɔw nɩ a Zeremi à ŋá: «Tɩ na tu n a lɛ tɔr za a Sore fʋ Naaŋmɩn nãà wa yel kɛ́ fʋ yel kʋ̀ tɩ a. A Sore, ʋ ɩ a dãsɩ-yel-mɩŋa sob bɛ na bɛ bʋ́nɛ nɩ a, a tɩ ƴãw!

Zeremi 43:1

A ƴɛ̀rʋ al za bɛ na lɛb yel a ka a, a Zeremi tɩ yel a na kʋ̀ a nɩbɛ za na tɩ be a be a baarɩ. A ƴɛ̀rʋ a Sore bɛ Naaŋmɩn na tɩ ƴãw ʋ yel kʋ̀ bɛ a n'a.

Zeremi 44:16

«Fʋ na saa yel k'aa Sore yúor ƴãw n'a fʋ ƴɛ̀rɛ a tɩ zie a, tɩ bɛ bɛrɛ wone a fʋ ƴɛ̀rʋ ɛ.

Zakɩ 4:6

Ɛcɛ a maalʋ a Naaŋmɩn na kʋ̀ tɩ a ɩ n kpɛ̃ɛ zuo lɛ. Bʋ̃ʋ n'ʋ vɛ̃, bɛ mɩ̀ cãà na lɛb yel: «A Naaŋmɩn mɩ́ ba n gbɛ́r a pɔ̀lʋ dem niŋé, ɛ́ maalɩ a su-siwri dem.»

1 Pɩɛr 5:5

Lɛ mɩ̀ n'a, a nyɩɩm pɔ́lɛ́, nyɩ mɩ̀ sàwr a bɛlɩ dem na ɩ bɛrɛ a nyɩ ƴãw a nʋɔr. Ɛ́ a nyɩ za a, nyɩ siwre nyɩ tʋɔra a nyɩ ɩ-ɩrɩ pʋɔ, bʋ̃ʋ n'ʋ vɛ̃, bɛ sɛb'a: «A bɛlɩ dem na zɛwr bɛ tʋɔra a, Naaŋmɩn bɛ mɩ́ de a bɛ yele ɩ, ɛcɛ a bɛl na siwre bɛ tʋɔra a, ʋ mɩ́ kʋ̀ bɛ nɩ a ʋ maalʋ.»