Zeremi 43:12 - A SƐB-SÕW

¹² Ʋ na nyɩw nɩ a Eziptɩ tẽw ŋmɩmɛ yie bɛr. Ʋ na nyɩw nɩ a ŋmɩmɛ á ŋá bɛr bɩɩ wob a kul'ɩ. Ʋ na ƴãw nɩ fãw de a Eziptɩ tẽw na-bome za, mɛ̃ bʋ̃-cɩ̃ɩnɛ na ƴãw fãw vɩɛrɩ nyɔw a ʋ kparɩ cibe a. Al pùorí, ʋ na lɛb'a kul'ɩ ƴã-ɓaarʋ.

Zeremi 43:12 ပူးပေါင်းရင်းမြစ်များ

2 Samɩɛl 5:21

A Filisɩtɛ̃ mɩnɛ tɩ zɔ na ɛ́ bɛr a bɛ tɩbɛ a be, a Daviir nɩ a ʋ nɩbɛ wob a cen nɩ.

A Zɔb sɛbɛ 40:10

Alɛ wa ɩ lɛ a, fʋ̃ʋ ƴãw a yúor-vɩɛlʋ-danʋ nɩ a kpɛ̃ɛnʋ pɩ̃ɛmɛ, su a dɛpaalʋ nɩ a vɩɛlʋ.

Sɛb-sõw yielu 104:2

fʋ cir'ɩ a cãà mɛ̃ kpar-kpɛ̃ɛ a. Fʋ dɔl'ɩ a salom mɛ̃ pɛn-sɛw pɛn a,

Sɛb-sõw yielu 132:16

A faafʋ n'ʋ ɩ̃ na su a ʋ bàwr-maalbɛ mɛ̃ kparʋ a, ɛ́ a ʋ nɩbɛ lɔbr nʋ̃ɔ̀ cɛlsɩ.

Sɛb-sõw yielu 132:18

Ɩ̃ na ƴãw nɩ a ʋ dɔ̃ dem vĩ, ɛcɛ, a naalʋ-kpawʋɔ na nyɩwrɛ nɩ a ʋ zũú.»

Eziptɩ tẽw yib 12:12

«Ɩ̃ na tɔl'ɩ a Eziptɩ tẽw pʋɔ a dɩ̃a tɩ̃ɩsɔw, kʋ a bʋ̃-dãw-dɔwrɩ za, a nɩsaalbɛ bi-dãw-dɔwrɩ lãwnɩ a dʋn bʋ̃-dãw-dɔwrɩ. À ŋá n'a a mãa, a Sore, ɩ̃ na dɔwrɩ a Eziptɩ tẽw ŋmɩmɛ.

Ɩzayi 19:1

Ƴɛ̀rʋ na ƴɛ̀r a Eziptɩ tẽw ƴãw a. A Sore be n zũzuwr na cere fɔ̃w fɔ̃w a zu, ʋ tarɛ nɩ a Eziptɩ tẽw. A Eziptɩ tẽw tɩbɛ màwr'ɩ a ʋ niŋé, ɛ́ a Eziptɩ tẽw dem kanyir baarɩ.

Ɩzayi 21:9

Nyɩ cɛlɛ be! Nɩr'ʋ waar. Ʋ be n zɛbr-torko wie ayi na tawr a zu. Ʋ de nɩ a ƴɛ̀rʋ yel: “A Babɩlɔn tẽw lo na, a Babɩlɔn tẽw lo na! A ʋ ŋmɩmɛ dasuli za gã nɩ tẽw, a kar kar a gã.”»

Ɩzayi 46:1

A ŋmɩn Bɛl gũu na, a ŋmɩn Nebo lo na. Bɛ de nɩ a dasuli tuo dʋn. A bome bɛ na mɩ́ tɩ tuo cɔrɩ cere nɩ a, alɛ n'ɩ a ŋan lɩɛbɩ tuor, to-tɩbrʋ dʋn na bàl a ƴãw.

Ɩzayi 46:2

A ŋmɩmɛ gũu na, a za lãw na lo. A bɛ tʋ̃ɔ́ faa a dasuli ɛ, bɛ ír'ɩ a al tɛɛ za cere nɩ tẽ-yũo.

Ɩzayi 49:18

Jɩ́r a ziir za kaa nyɛ̃: a fʋ bibiir za ɓanɛ nɩ taa, bɛ waar'ɩ a fʋ zie. A Sore yere na: Ɩ̃ taa bɛ wa vʋʋrɛ! Alɛ bɛ ɩ lɛ, bɛ na ɩ na mɛ̃ pɩ̃ɛmɛ fʋ na ƴãw a, mɛ̃ kpàwr pɔw na ƴãw nɩ yúor a na sɛ a.

Ɩzayi 52:1

Ìr, Sɩyɔ̃ tẽw i, ìr! Wul a fʋ kpɛnʋ! Zerizalɛm, tẽ-kpɛ̃ɛ-sõw i, su a fʋ dɛpaal bʋ̃-suuri. Bʋ̃ʋ n'ʋ vɛ̃, a nɩ-sãanbɛ nɩ a dɛwr dem kʋ̃ lɛb wa a fʋ zie towtow ɛ.

Ɩzayi 59:17

Ʋ su n a mɩnʋ mɛ̃ zɛbr-nyãa-kpale a, ʋ vɔbl'ɩ a faafʋ kpawɔ-kpow a ʋ zũú. Ʋ su n a san-yaafʋ kparʋ. A tʋlʋ ʋ na tʋlɛ a zɛbr ƴãw a n'ɩ a kpar-kpɛ̃ɛ ʋ na vaarɩ pàw ʋ tʋɔra a.

Ɩzayi 61:10

Ɩ̃ cɩlɛ na, ʋ̃ʋ ɩ̃ cɩlɛ nɩ a Sore ƴãw. A ɩ̃ socir cɩlɛ nɩ a ɩ̃ Naaŋmɩn ƴãw. Bʋ̃ʋ n'ʋ vɛ̃, ʋ faarɛ mɛ̃ na ɛ́ suur mɛ̃ a faafʋ mɛ̃ kparʋ a, ʋ pile nɩ a mɩnʋ pàwr mɛ̃ mɛ̃ kpar-kpɛ̃ɛ a. Ɩ̃ ɩ na mɛ̃ dɛb-sãan na vili pɛn a ʋ zũú a, bɩɩ mɛ̃ pɔw-sãan na ƴãw a ʋ pɩ̃ɛmɛ a.

Ɩzayi 61:5

Nɩ-sãanbɛ na be n be àrɛ nɩ a nyɩ píir nɩ a nyɩ bʋʋr. Nʋʋrɩ na kʋɔr'ɩ a nyɩ póru kʋ̀rɛ nyɩ, ɛ́ kʋɔr a nyɩ divɛ̃ tɩɩr póru.

Zeremi 10:11

Nyɩ nyɛ̃ a lɛ nyɩ na na yel kʋ̀ bɛ a: A ŋmɩmɛ na bɛ ír a salom nɩ a tẽw a, a fɛr'a k'aa bɔr a tẽw zu, a bɔr a salom pile.

Zeremi 10:15

A bɛ tɛr pɛr ɛ, bome na ɩrɛ laarʋ a n'a. A lɛn daar a Sore wa ìr a ƴãw a, a na bɔr'a.

Zeremi 25:19

Al pùorí a, a nɩ-bʋʋr-yoru n'a tɩ cɛ: - A Eziptɩ tẽw nãà, a Faarawɔ̃, a ʋ tõ-tõ-biir, a ʋ tõ-tõ-bi-bɛrɛ, nɩ a ʋ nɩbɛ za,

Zeremi 43:13

A Eziptɩ tẽw a, ʋ na ŋmɛ n a Heliopolisɩ kʋsɛbɛ kpul-teli kar, ɛ́ nyɩw a Eziptɩ tẽw ŋmɩmɛ yie bɛr.”»

Zeremi 46:25

A Sore, a kpɛnʋ-za-sob, a Ɩsɩrayɛl Naaŋmɩn, yere na: «Ɩ̃ na wa n a Tɛb tẽ-kpɛ̃ɛ ŋmɩn Amɔ̃ ƴãw, a Eziptɩ tẽw, a ʋ ŋmɩmɛ nɩ a ʋ na-mɩnɛ ƴãw, a Faarawɔ̃ nɩ a bɛlɩ dem na ƴãw a bɛ tɩɛrʋ a ʋ ƴãw a, ƴãw.

Zeremi 48:7

Mowab tẽw i, fʋ tɩ ɩrɛ na ƴãwn a fʋ tome nɩ a fʋ na-bome ƴãw. Ɛcɛ, bɛ mɩ̀ na zɛb'a de b. A fʋ ŋmɩn Kemɔsɩ na cen nɩ tẽ-yũo lãwnɩ a fʋ bàwr-maalbɛ nɩ a fʋ nɩ-bɛrɛ, bɛ za.

Zeremi 49:27

Ɩ̃ na nyɩw nɩ a Damasɩ tẽ-kpɛ̃ɛ. Ɛ́ a vũu na dɩ n a Bɛn-Hadadɩ nãà yir.»

Zeremi 50:2

«Nyɩ yel a yel ŋa kʋ̀ a nɩ-bʋʋrɛ za, nyɩ bà bãwfʋ bom ɩ kɛ̀ bɛ bãw ʋ, nyɩ ɩ bɛ bãw ʋ, nyɩ taa sɔwlɛ bom za ɩ. Nyɩ yel: Bɛ zɛb'a de a Babɩlɔn tẽw, vĩ nyɔw nɩ a ʋ ŋmɩmɛ dasuli, a ʋ tɩbɛ kanyir za baar'a. Vĩ nyɔw nɩ a Bɛl, a ŋmɩn Maardukɩ kanyir za baar'a.

Zeremi 51:44

A Sore yere na: «Ɩ̃ na ìr'ɩ a Bɛl, a Babɩlɔn tẽw ŋmɩn ƴãw. A bom ʋl ʋ na vɔlɛ a, ɩ̃ na ír ʋ nɩ a ʋ nʋɔrɩ́. A nɩ-bʋʋrɛ kʋ̃ cãà darɛ taa cere a ʋ zie ɩ. A dacĩ-kpɛ̃ɛ na piw a Babɩlɔn tẽ-kpɛ̃ɛ a lo na.

Ezekɩɛl 29:11

Nɩr kãw za, dʋ̃w kãw za, kʋ̃ lɛb tɔl a be ɩ, ɛ́ a Eziptɩ tẽw na gã nɩ yome lɩz'a ayi ɛ́ nɩr bɛ kpɛ ʋ pʋɔ ɩ.

Ezekɩɛl 29:19

À à ŋá a, à ŋá n'a a mãa Sore Naaŋmɩn yere: Ɩ̃ na ƴãw nɩ a Eziptɩ tẽw a Babɩlɔn tẽw nãà, Nabikodonozɔɔr, nuru pʋɔ. Ʋ na za n a tẽw za, ɛ́ sãw ʋ bɛr. Ʋ na de nɩ a ʋ zɛbr na-bome põ a kʋ̀ a ʋ sojarɩ a ɩ sã-ya.

Ezekɩɛl 30:13

À ŋá n'a a mãa Sore Naaŋmɩn yere: Ɩ̃ na sãw nɩ a Mɛmfisɩ tẽw ŋmɩn-bɛlɛbɛlɛ nɩ a dasuli za bɛr. Nɩr za kʋ̃ cãà be dɩrɛ naalʋ a Eziptɩ tẽw zu ɛ, ɩ̃ɩ na ɩ n dɛ̃bɩ̃ɛ lo a tẽw za pʋɔ.

Sofoni 2:11

A Sore kʋ̃ tɛr dɩ̃ɛnʋ a bɛ zie ɩ, ʋ na sãw nɩ a nɩsaalbɛ ŋmɩmɛ za bɛr. Lɛ n'a a ten al na zãá zuo a za a na ƴãwnɛ ʋ, ŋa za a ʋ tẽsɔw zu.

Ʋrɔm 13:12

A tɩ̃ɩsɔw cen na kpɛ sɔw, a zie vɩɛrɛ na. A na ɩ lɛ a, nyɩ ɩ tɩ lɔb a lige pʋɔ ɩ-ɩrɩ bɛr, ɛ́ cɔbrɩ a cãà pʋɔ zɛbr ƴãw.

Efɛɛzɩ 4:24

Nyɩ de a nɩ-paala ɩ-ɩrɩ, a ʋl a Naaŋmɩn na ír ʋ ŋmɛ̃ taa nɩ ʋ, ɛ́ mɩ́ sãá nyɔ-vʋʋrʋ na tu sɔ́r ɛ́ ɩ sõw a pʋɔ, ɛ́ yi yel-mɩŋa zie a.

Efɛɛzɩ 6:11

Nyɩ de a Naaŋmɩn zɛbr bome tʋ̃ɔ́ zɛb tʋ̃ɔ́ nɩ a Gɛgɛra yã-maalʋ.

Kɔlɔsɩ 3:12

Nyɩ na ɩ a Naaŋmɩn nɩ-kaa-íri, ʋʋ ɩ nyɩ ɩ son, ʋʋ nɔ̃w nyɩ a zũú, nyɩ ɩ su-ɓaarʋ nɩbɛ, nɩsaal-pɔwlbɛ, nyɩ siwre nyɩ tʋɔra, nyɩ ɩ su-nʋ̃ɔ̀ nɩ su-zãánɩ nɩbɛ.

Kɔlɔsɩ 3:14

Ɛcɛ baa zuo a za, nyɩ de a nɔ̃w-taa bin a nyɩ sɔgɔ, ʋlɛ n'ʋ mɩ́ kʋ a yele za nʋɔr a vɩɛl bɛ cɛ ɩ.