Zeremi 42:6 - A SƐB-SÕW

⁶ Tɩ tone fʋ na kɛ́ fʋ tɩ sowri a Sore tɩ Naaŋmɩn. Tɩ na ɩ n a lɛ ʋ na na yel kʋ̀ tɩ a, a nʋmɛ nɩ a tɩ zie bɩɩ a bɛ nʋmɛ a tɩ zie a. Lɛ n'a bom za na ɩ vla a tɩ zie, tɩ na na bɛr wõ a Sore tɩ Naaŋmɩn a ƴãw.»

Zeremi 42:6 ပူးပေါင်းရင်းမြစ်များ

Sɛb-sõw yielu 128:2

Fʋ na mɩ́ dɩ n a fʋ nuru bome. Zu-nʋ̃ɔ̀ sob nɛ b, fʋ̃ʋ so a nʋ̃ɔ̀!

Sɛb-sõw yielu 78:36

Ɛcɛ nʋɔr'ʋ bɛ mɩ́ tɩ bɛlɛ nɩ ʋ, a bɛ ƴɛ̀rʋ bɛ mɩ́ tɩ ɩ sɩza ɩ.

Eziptɩ tẽw yib 24:7

Al pùorí ʋ de a wõ-taa sɛbɛ kanɩ a yi a nɩbɛ niŋé. A Ɩsɩrayɛl nɩbɛ tɩ yel'a: «A lɛ za a Sore na yel a, tɩ na tu na, tɩ na sàw nɩ a ʋ nʋɔr.»

Ɩzayi 3:10

Nyɩ na tʋ̃ɔ́ na yel: a nɩ-mɩŋa tɛr'ɩ zu-nʋ̃ɔ̀, bʋ̃ʋ n'ʋ vɛ̃, ʋ na nyɛ̃ nɩ a ʋ ɩ-ɩrɩ maalʋ.

Zeremi 22:15

Fʋ nɔ̃w bɔbr'a kɛ́ fʋ wul fʋ na ɩ nãà, a sɛɛdɩr tɩɛ dàa fʋ na kaa ír kɛ́ fʋ wul'ɩ fʋ tʋɔra a bɩɩ? A fʋ sãà bɛ tɩ dɩrɛ ɛ́ nyúur bɩɩ? Ɛcɛ ʋ tɩ ɩrɛ nɩ a lɛ-na-tu-sɔr-a, ɛ́ tuur a mɩnʋ. Ɛ́ a yele za tɩ cere nɩ vla a ʋ zie.

Zeremi 43:4

À ŋá n'a a Karea bidɛb, Yohanan, a zɛbr-nɩbɛ nɩ-bɛrɛ bɛ mɩnɛ, nɩ a nɩbɛ na tɩ bɩɛlɛ bɛ a, tɩ zawrɩ na bɛr wõ a lɛ a Sore na yel a, ɛ́ tɩ zawrɩ na kpɩɛr a Zuda tẽw pʋɔ.

Zeremi 7:23

À ŋá tɛwr'a ɩ̃ tɩ yel bɛ: “Nyɩ bɛrɛ wone a lɛ ɩ̃ na yere kʋ̀rɛ nyɩ a, ɩ̃ɩ na ɩ n Naaŋmɩn a nyɩ zie, ɛ́ nyɩ ɩ a ɩ̃ nɩbɛ. Nyɩ tuur a sɔ́r ʋl ɩ̃ na wule nyɩ a vla, ɛ́ nyɩ na wone nɩ nʋ̃ɔ̀.”

Ʋrɔm 7:13

A pãa ɩ lɛ bʋ̃-vla wa lɩɛbɩ kũu bom mãa zie ʋ? Lɛ bɛ n'a towtow ɛ! A yel-bier zie n'a a yi. À ŋá n'a ʋ ɩ, a ʋ ŋmɛ̃a tɔr za sãá: ʋ de nɩ bom na ɩ bʋ̃-vla a kʋ n mɛ̃. Ɛcɛ à à ŋá n'a, a nɔ-ƴãwna zũú, a yel-bier pãa lɛb bãw kpɛ faa tɩ zuo.

Ʋrɔm 7:7

Tɩ na yel'a kɛ́ bo? K'aa Naaŋmɩn wulu ɩ n yel-bier bɩɩ? Lɛ bɛ n'a towtow ɛ! Ɛcɛ a Wulu n'ʋ ɩ ɩ̃ bãw bʋ̃ʋ n'ɩ a yel-bier. Bʋ̃ʋ n'ʋ so, a Wulu bɛ tɩ yel a ƴɛ̀r-bie á ŋá: «Ta nyɛ̃ a fʋ tɔ bom bɔbr ɛ», ɩ̃ kʋ̃ʋ bãw bʋ̃ʋ n'ɩ nyɛ̃ a fʋ tɔ bom bɔbr ɛ.

Ʋrɔm 8:7

Bʋ̃ʋ n'ʋ vɛ̃, bɛlɩ dem na tuur a nɩsaalʋ yel-bɔbrɩ pùor a, bɛ ɩ n Naaŋmɩn dɔ̃ dem, bɛ bɛ sàwr dier a Naaŋmɩn wulu ɛ, bɛ mɩ̀ kʋ̃ tʋ̃ɔ́ mɩ̀ ɛ.

Wulu-ayi-sob 5:27

A na ɩ à ŋá a, a fʋ̃ʋ Moyiir'ʋ na mɩ́ taw pɩɛlɩ a Sore tɩ Naaŋmɩn wõ a ʋ ƴɛ̀rʋ za. Fʋ na mɩ́ lɛb'a yel a kʋ̀ tɩ a pùorí, ɛ́ tɩ na mɩ́ bɛr a wõ ɛ́ tuur a.»

Wulu-ayi-sob 5:29

Bɛlɛ ɩ mɛ̃ bɛ ƴãw nɩ fãw zɔrɛ mɛ̃ ɛ́ sàwr a ɩ̃ nɛ-ƴãwnɩ za a, bɛlɛ nɩ a bɛ bʋʋrɛ na nyɛrɛ nɩ nʋ̃ɔ̀ a pʋɔ kʋralɛ.

Wulu-ayi-sob 5:33

A sɔ́r a Sore nyɩ Naaŋmɩn na wul nyɩ a, nyɩ cere a ʋ zu kʋralɛ. Lɛ n'a nyɩ na vʋʋrɛ, ɛ́ a nyɩ nyɔ-vʋʋrʋ wõwme ɛ́ nʋmɛ a tẽw nyɩ na na de so a pʋɔ.

Zozue 24:24

A Ɩsɩrayɛl nɩbɛ tɩ sɔw nɩ a Zozue: «Tɩ na maalɛ nɩ a Sore tɩ Naaŋmɩn, ɛ́ bɛrɛ wone a ʋ ƴɛ̀rʋ.»