Zeremi 42:1 - A SƐB-SÕW

¹ Lɛ n'a a zɛbr-nɩbɛ nɩ-bɛrɛ za, baa zuo a za, a Karea bidɛb, Yohanan, nɩ a Hosaya bidɛb, Azarɩa, nɩ a bɛlɩ dem za na tɩ be be a, a pʋrmɛ nɩ a bɛrɛ, tɩ taw pɩɛlɩ

Zeremi 42:1 ပူးပေါင်းရင်းမြစ်များ

2 Na-mɩnɛ 25:23

A Zuda tẽw sojarɩ nɩ-bɛrɛ nɩ a sojarɩ bɛl, na bɛ tɩ de bɛ tʋɔra kʋ̀ a Babɩlɔn tẽw dem a, na tɩ wõ a yel ŋa a, bɛ cen nɩ a Misɩpa tɩ páw a Gedalɩasɩ. A sojarɩ nɩ-bɛrɛ tɩ n'ɩ Netanɩa bidɛb, Yisɩmayɛl, Karea bidɛb, Yohanan, Tanhumɛtɩ na yi Netofa a bidɛb, Seraya, nɩ Maaka bidɛb, Yaazaniyahu.

Ɩzayi 29:13

A Sore yere na: «Nʋɔr'ʋ a nɩ-bʋʋrɛ bɛ ŋa tawr pɩɛlɛ nɩ mɛ̃, nʋɔr ƴɛ̀rʋ tɛwr'a bɛ ƴãwnɛ nɩ mɛ̃. Ɛcɛ a bɛ socie zãá nɩ mɛ̃ na. A zɔba bɛ na zɔrɛ mɛ̃ a ɩ n nɩsaal nɔ-ƴãwna tɛwr bɛ na zanɩ a.

Ɩzayi 48:1

Nyɩ bɛrɛ wone, Zakɔb nɩ-bʋʋrɛ ɛ, nyɩɩm bɛ na bʋɔlɛ nɩ a Ɩsɩrayɛl yúor ɛ́ nyɩ ɩ a Zuda bʋʋrɛ a. Nyɩ mɩ́ pɔ n nɩ a Sore yúor ɛ́ ƴɛ̀rɛ a Ɩsɩrayɛl Naaŋmɩn ɩ-ɩrɩ ƴɛ̀rʋ, ɛcɛ a bɛ mɩ́ tu a yel-mɩŋa nɩ a mɩnʋ ɛ.

Zeremi 37:3

A na saa tɩ ɩ a lɛ a, a nãà Sedesɩasɩ tɩ tõ n Selemɩa bidɛb, Yehukal, nɩ Maaseya bidɛb, Sefanɩahu, na ɩ a bàwr-maalɛ a, a Zeremi zie, kɛ́ bɛ tɩ yel ʋ: «Tɩ zɛlɛ fʋ na, puori a Sore tɩ Naaŋmɩn kʋ̀ tɩ!»

Zeremi 40:13

Bɛ na wa tɩ ta a Gedalɩasɩ zie, a Misɩpa a, a Karea bidɛb, Yohanan, nɩ a zɛbr-nɩbɛ nɩ-bɛrɛ bɛl na tɩ cãà be a kura pʋɔ a,

Zeremi 40:8

A Zɛbr-nɩbɛ nɩ-bɛrɛ bɛ ŋa, nɩ a bɛ nɩbɛ tɩ wa na wa páw a Gedalɩasɩ a Misɩpa: Netanɩahu bidɛb, Yisɩmayɛl, Karea bidɛbr, Yohanan nɩ Yonatan, Tanhumɛtɩ bidɛb, Seraya, Netofa tẽw Ofaɩ bidɛbr, nɩ Maaka bidɛb, Yezanɩahu tɩ nɛbɛ.

Zeremi 41:11

A Karea bidɛb, Yohanan, nɩ a zɛbr-nɩbɛ nɩ-bɛrɛ bɛl za na tɩ be a ʋ zie a, tɩ wõ n a faa al za a Netanɩa bidɛb, Yisɩmayɛl, na tɩ maalɩ a.

Zeremi 41:16

A yele á ŋá pùorí, a Yohanan nɩ a zɛbr-nɩbɛ nɩ-bɛrɛ na tɩ bɩɛlɛ ʋ a, tɩ ɓã n a bɛlɩ dem za na tɩ cãà vʋʋrɛ a taa. A Yisɩmayɛl tɩ tɛr bɛ na bɛ ɩ gaso nɩbɛ, ʋ cen nɩ a Misɩpa, a Gedalɩasɩ kʋb pùorí: a dɛbr, a pɛr lɛ k'aa sojarɩ, a pɔwbɛ, a bibiir, a dɛ-vaɩ, a bɛlɩ dem za bɛ na tɩ tɛr a Gabaɔ̃ lɛb wa n a.

Zeremi 41:18

Bʋ̃ʋ n'ʋ vɛ̃, bɛ tɩ zɔrɛ nɩ a Babɩlɔn tẽw dem dɛ̃bɩ̃ɛ, a lɛ a Yisɩmayɛl na dɛ tɩ kʋ a Gedalɩasɩ a Babɩlɔn tẽw nãà na tɩ ƴãw ʋ kaarɛ a Zuda tẽw a.

Zeremi 42:20

Nyɩ tɩ ƴãw mɛ̃ na k'ɩ̃ɩ sowri a Sore nyɩ Naaŋmɩn kaa. Nyɩ tɩ yel mɛ̃ na: “Puori a Sore tɩ Naaŋmɩn a tɩ ƴãw. Yel a lɛ tɔr za ʋ na na yel kʋ̀ b a kʋ̀ tɩ, ɛ́ tɩ na tu na.” A lɛn daar a, nyɩ bɛ tɩ tɩɛrɩ ɛ ɛ́ ƴɛ̀r, ƴãw nyɩ tʋɔra kũu pʋɔ.

Zeremi 42:8

Lɛ n'a a Zeremi tɩ bʋɔlɩ a Karea bidɛb, Yohanan, nɩ a zɛbr-nɩbɛ nɩ-bɛrɛ na tɩ lãw nɩ ʋ a, nɩ a nɩbɛ za, a pʋrmɛ nɩ a bɛrɛ.

Zeremi 43:2

Lɛ n'a Hosaya bidɛb, Azarɩa, Karea bidɛb, Yohanan nɩ a nɩbɛ bɛl za na ɩrɛ pɔ̀lʋ a, tɩ yel a Zeremi: «Zir-ŋmarɛ nɛ b! A Sore tɩ Naaŋmɩn bɛ tõ fʋ a tɩ zie, kɛ́ fʋ wa yel tɩ à ŋá ɩ: “Nyɩ taa wa cere a Eziptɩ tẽw tɩ kpɩɛr naayir ɛ.”

Zeremi 44:12

Ɩ̃ na de nɩ a Zuda nɩbɛ na cãà cɛ vʋʋrɛ a, a bɛl na zɔ wa a Eziptɩ tẽw wa kpɩɛr a naayir a, ɛ́ bɛ na kpi n bɛ za. A tẽw ŋa pʋɔ n'a bɛ na kpi a zɛbr-sɔ-kpɛ̃ɛ nɩ a kɔ̃ kũu, a pʋrmɛ nɩ a bɛrɛ. Ʋ̃ʋ, à ŋá n'a bɛ na kpi, ɛ́ bɛlɛ wa ŋmɩɛr ƴãwn, bɛlɛ wa ƴɛ̀rɛ bom na kpɛ faa bɛ maal'ɩ wob, bɩɩ bom na ɩ bʋ̃-ŋmɛ-ƴãwna, bɩɩ bom na ɩrɛ nɩr vĩ a ƴɛ̀rʋ a, bɛlɛ nɛbɛ bɛ na mɩ́ de man nɩ.

Zeremi 6:13

Bʋ̃ʋ n'ʋ vɛ̃, a na tĩ a pʋrmɛ tɩ tɔ a bɛrɛ a, bɛ za bɔbr'ɩ a bɛ tɔnɛ. A naaŋmɩn-ƴɛ̀r-manbɛ tɩ tɔ a bàwr-maalbɛ a, bɛ za tɛr'ɩ libelibe yã.

Zeremi 8:10

A Sore yere na: «Ɩ̃ na de nɩ a bɛ pɔwbɛ kʋ̀ nɩ-yoru, ɛ́ kʋ̀ a bɛ póru a bɛlɩ dem na na de a a. Bʋ̃ʋ n'ʋ vɛ̃, a pʋrmɛ tɩ tɔ a bɛrɛ a, bɛ za bɔbr'ɩ a bɛ tɔnɛ. A naaŋmɩn-ƴɛ̀r-manbɛ tɩ tɔ a bàwr-maalbɛ a, bɛ za tɛr'ɩ libelibe yã.

Ezekɩɛl 11:1

A Sore Vʋʋrʋ tɩ zɛw mɛ̃ na ìr'ɩ tẽw, ɛ́ tɩ ɓáw mɛ̃ cen nɩ a Ŋmɩn-yir-kpɛ̃ɛ saa-pɛrɩ́ dɩ̃dɔrɩ́. A dɩ̃dɔr nʋɔrɩ́ a, ɩ̃ tɩ nyɛ̃ nɩ dɛbr lɩzɛr'ɩ anũu. A bɛ pʋɔ a, ɩ̃ tɩ nyɛ̃ nɩ a nɩbɛ nɩ-bɛrɛ ayi, Azuur bidɛb, Yaazanɩa, nɩ Benayahu bidɛb, Pelatɩahu.

Ezekɩɛl 33:31

Lɛ n'a bɛ tɩ wa yaga wa zɩ̃ a fʋ niŋé. Bɛ bɛrɛ na wone a fʋ ƴɛ̀rʋ, ɛcɛ bɛ bɛ tuur a pùor ɛ. Bɛ ɩrɛ nɩ a lɛ bɛ na nɔ̃w a, ɛ́ bɔbr a bɛ tɔnɛ tɛwr.

Ezekɩɛl 8:11

A Ɩsɩrayɛl nɩbɛ nɩ-kore lɩz'a ata nɩ pie tɩ àr'ɩ saaƴẽwn a ŋmɩn-bɛlɛbɛlɛ niŋé. A bɛ pʋɔ a, Safan bidɛb, Yaazaniyahu, tɩ be n be. Ŋa za tɩ tɛr'ɩ tɩ-suur-zɔ̃-na-nyùur-vla-vla-a nyɩwfʋ-kole a nũú, ɛ́ a tɩ-suur-zɔ̃-na-nyùur-vla-vla-a zʋ̀ʋ́r tɩ dúor a salom zu.

Matie 15:8

“Nɛ́ɛ tɛwr'a a nɩbɛ bɛ ŋa ƴãwnɛ nɩ mɛ̃, ɛcɛ a bɛ pʋʋr zãá nɩ mɛ̃.

Nɩ-toni 8:10

ɛ́ a nɩbɛ za tɩ tu a ʋ pùor, a bibiir tɩ lãwnɩ a nɩ-bɛrɛ. Bɛ tɩ yere na: «A dɛb ŋa n'ɩ a Naaŋmɩn fãw, a fãw ʋl bɛ na bʋɔlɛ a fãw kpɛ̃ɛ a.»