Zeremi 41:9 - A SƐB-SÕW

⁹ A sa-bie-kʋ̃ɔ-bɔw ʋl pʋɔ a Yisɩmayɛl na tɩ ƴãw bɛ lɔb a nɩbɛ bɛ na kʋ kʋ a ƴã-gamɛ ƴãw a, tɩ n'ɩ a sa-bie-kʋ̃ɔ-bɔw kpɛ̃ɛ ʋl a nãà, Asa, na tɩ ƴãw bɛ tuw, a lɛn daar a Ɩsɩrayɛl tẽw nãà, Baesa, na tɩ wa zɛb'ɩ ʋ a. A Yisɩmayɛl tɩ paalɩ ʋ na nɩ a nɩbɛ bɛ na kʋ kʋ a ƴã-gamɛ.

Zeremi 41:9 ပူးပေါင်းရင်းမြစ်များ

2 Samɩɛl 17:9

Ʋ na tɔ ka a, ʋ sɔwl'ɩ tãw bɔw kãw pʋɔ, bɩɩ zie kãw. A nɩbɛ wa tĩ kpiir a tɩ pʋɔ a, a yel na yi na kɛ́ bɛ zɛb'a tʋ̃ɔ́ a Abɩsalɔm sojarɩ.

Ɩzayi 14:19

Ɛcɛ a fʋ̃ʋ a, bɛ lɔb fʋ na bɛr zãá nɩ a fʋ ũùfʋ zie, mɛ̃ bi-cur-bɛra na ɩrɛ kɔkɔrʋ a, mɛ̃ kũu bɛ na nɛb'ɩ gbɛ́ɛ a. Nɩbɛ bɛ na kʋ a nɛbɛ pàw fʋ, Nɩbɛ a zɛbr-sɔ-kpɛ̃ɛ na kʋ a. Bɛ bin bɛ nɩ a kʋsɛbɛ na pɩɛrɩ pàw a bɔw-zulu pɛr a zu.

Ebre 11:38

A tẽ-daa bɛ tɩ sɛw taa nɩ a nɩbɛ bɛ ŋa ɩ. Bɛ mɩ́ tɩ bɔrɛ na gʋɔr a wɛja-kpalɩ pʋɔ nɩ a tan pʋɔ, ɛ́ kpɩɛr a tãw bɔwrɩ pʋɔ nɩ a tẽw bɔwrɩ pʋɔ.

Ƴɛ̀r-dɩrbɛ 6:2

A Madian tẽw dem tɩ dɔwr'ɩ a Ɩsɩrayɛl faa faa. A bɛl ƴãw a, a Ɩsɩrayɛl nɩbɛ tɩ zɔ na cen tɩ kpɩɛr a tan cará, a tan bɔwrɩ pʋɔ, nɩ tan a dob na kpɛmɛ a zu.

1 Samɩɛl 13:6

A Ɩsɩrayɛl nɩbɛ na wa nyɛ̃ bɛ bɛ bɛrɛ bɛ, ɛ́ pɩɛlɩ bɛ yɩ̃ɛlɛ a, bɛ tɩ zɔ na cen tɩ sɔwlɩ a tan bɔwrɩ pʋɔ, nɩ a bɔwrɩ pʋɔ, a pìe pʋɔ, nɩ a bɔw-tuwri pʋɔ, nɩ a sa-bie-kʋ̃ɔ-bɔwrɩ pʋɔ.

1 Samɩɛl 14:11

Lɛ n'a bɛ tɩ bɛr a Filisɩtɛ̃ mɩnɛ sojarɩ nyɛ̃ bɛ. A Filisɩtɛ̃ mɩnɛ tɩ yel'a: «Ebre nɩbɛ n'ɩ a bɛ ŋan na yire a bɔwrɩ pʋɔ bɛ na tɩ sɔwlɩ a.»

1 Samɩɛl 14:22

A Ɩsɩrayɛl nɩbɛ bɛl za na tɩ sɔwlɩ a Efarayim tan vuo pʋɔ a tɩ wõ na k'aa Filisɩtɛ̃ mɩnɛ nyɔw nɩ zɔba. Lɛ n'a bɛ mɩ̀ tɩ ta tu bɛ zɛbr'ɩ bɛ.

1 Samɩɛl 24:3

A Sawul tɩ kaa na ír nɩbɛ túr ata (3 000) na ɩ gãdaar a, a Ɩsɩrayɛl zɛbr-nɩbɛ za pʋɔ, cen nɩ a Daviir nɩ a ʋ nɩbɛ na tɩ be zie kãw na tori a tan pʋɔ bʋʋr pìir a bɔb.