Zeremi 41:5 - A SƐB-SÕW

⁵ Lɛ n'a nɩbɛ lɩz'a anaar tɩ yi Sisɛm, Silo nɩ Samaari wa ta. A bɛ tɩ̃ɛmɛ tɩ põ na, a bʋ̃-suuri cɩɛr cɩɛr, ɛ́ a ƴã-gamɛ za wɛr wɛr. Bɛ tɩ tɛr'ɩ ble de-kʋ̀b bome nɩ tɩ-suur-zɔ̃-na-nyùur-vla-vla-a, kɛ́ bɛ cen nɩ tɩ kʋ̀ a Sore a Zerizalɛm Ŋmɩn-yir-kpɛ̃ɛ́.

Zeremi 41:5 ပူးပေါင်းရင်းမြစ်များ

Yele-za-pɛr-tib 33:18

A Zakɔb na tɩ yi a Mezopotami tẽw Saa-zu waar a, ʋ wa ta n Sɩsɛm tẽ-kpɛ̃ɛ na be a Kanãa tẽw a, ɛ́ bom za bɛ ɩ ʋ ɛ. Ʋ tɩ maal'ɩ a ʋ laɩ pɩɛlɩ a tẽ-kpɛ̃ɛ.

Yele-za-pɛr-tib 34:2

A Hamɔɔr na tɩ ɩ a Hivitɩ mɩnɛ nãà a vuo ʋl pʋɔ a bidɛb na dɩ kɛ́ Sɩsɛm a tɩ nyɛ̃ nɩ a Dina. Ʋ tɩ nyɔw ʋ na fɛr gã nɩ.

Yele-za-pɛr-tib 37:12

A Zuzɛb yɛbr tɩ cen nɩ Sɩsɛm tɩ àr'ɩ a bɛ sãà dʋn.

2 Samɩɛl 10:4

Lɛ n'a a Hanun tɩ ƴãw bɛ nyɔw a Daviir tõ-tõ-bi-bɛrɛ põ bɛ a tɩɛm lõbowr-gãwn, ŋma bɛ a bʋ̃-suuri a siw ƴãw bɛ a pebinyɛɛ ƴãw, ɛ́ bɛr bɛ bɛ kule.

1 Na-mɩnɛ 12:1

A Orobowam tɩ cen nɩ Sɩsɛm, bʋ̃ʋ n'ʋ vɛ̃, be n'a a Ɩsɩrayɛl nɩbɛ dɔwlʋ al na kpɩɛr a Saa-pɛrɩ́-gʋba-lowr a, tɩ wa kɛ́ bɛ wa zɩɩlɩ ʋ, ʋ ɩ a nãà.

1 Na-mɩnɛ 12:25

A Zerobowam tɩ ƴãw na bɛ mɛ dacine piw nɩ a Sɩsɛm na be a Efarayim tan vuo pʋɔ a, ʋʋ kpɩɛr a be. Ʋ wa yi n a be a pùorí cen tɩ ƴãw bɛ mɛ dacine piw nɩ a Penuwɛl tẽ-kpɛ̃ɛ.

1 Na-mɩnɛ 16:24

Al pùorí ʋ cen tɩ páw Semɛɛr, dà a Samaari tãw a ʋ zie, salm-pla libie túr ayʋɔb (6 000). Ʋ tɩ ŋmãa nɩ tẽ-kpɛ̃ɛ a be, por a yúor Samaari, ʋ tu a Semɛɛr, na dãw so a tãw a, yúor.

1 Na-mɩnɛ 16:29

A Zuda tẽw nãà Asa naalʋ-dɩb yome lɩzɛr'ɩ pie nɩ ani sob pʋɔ n'a, a Omiri bidɛb, Akab, tɩ lɩɛbɩ a Ɩsɩrayɛl tẽw nãà. Ʋ tɩ dɩ n a naalʋ a Samaari yome lɩzɛr'ɩ ayi.

2 Na-mɩnɛ 25:9

Ʋ tɩ nyɩw nɩ a Ŋmɩn-yir-kpɛ̃ɛ, a nãà yir nɩ a tẽw yie za bɛr. Ʋ tɩ nyɩw nɩ a nɩ-tɩbrɛ za yie bɛr.

1 Bibie za yel-manɩ 19:4

Lɛ n'a a Hanun tɩ ƴãw bɛ nyɔw a Daviir tõ-tõ-biir, põ bɛ a tɩ̃ɛmɛ, ŋma bɛ a bʋ̃-suuri a ƴaw do ƴãw a bɛ pebinyɛɛ ƴãw, ɛ́ bɛ bɛr bɛ bɛ kule.

Sɛb-sõw yielu 102:14

Fʋ na ìr'a, fʋ na zɔ n a Sɩyɔ̃ tẽw nɩbaalʋ. A ʋ nɩbaalʋ zɔba daar'ɩ à à ŋá, a daar sɩrɩ n'ʋ.

Sɛb-sõw yielu 78:60

Ʋ tɩ yi na kɛ́ bɛr a ʋ yir a Silo tẽw, a pɛn-sɛw ʋ na tɩ maalɩ a nɩsaalbɛ sɔgɔ a.

Ɩzayi 15:2

A nɩbɛ do n a ŋmɩn-yir, a Divon nɩ a maalʋ-ziir kɛ́ bɛ tɩ kõ. A Mowab tẽw dem kone nɩ lãw-mʋɔlɛ Nebo nɩ Medeva. A zuru za fɔr fɔr a, ɛ́ a tɩ̃ɛmɛ za põ.

Zeremi 16:6

A tẽw ŋa pʋɔ a, a na-mɩnɛ nɩ a nan dem na kpi na, ɛ́ nɩr kʋ̃ ka be ũù bɛ ɩ, nɩr za kʋ̃ kõ bɛ ɩ. Nɩr kʋ̃ cɩr cɩr a ʋ ƴã-gan bɩɩ fɔr a ʋ zu wul'ɩ a ʋ pʋ-sãwna ɩ.

Zeremi 41:4

Bɛ tɩ kʋ n a Gedalɩasɩ maalɩ bibie ayi, ɛ́ nɩr za cãà bɛ tɩ bãwnɩ a ɩ.

Zeremi 47:5

A Gaza a, a nɩbɛ za zuru fɔr'a. A Asɩkalon a, a nɩbɛ za ɩ n gbili. A nyɩɩm na ɩ a nɩ-kɛrɩ jarmam jarmam na cãà vʋʋrɛ a, debor'a nyɩ na wɛr wɛr a nyɩ ƴã-gamɛ tɩ ta n?

Zeremi 48:37

A dɛbr za fɔr'ɩ a bɛ zuru, ɛ́ põ a bɛ tɩ̃ɛmɛ. Bɛ wɛr wɛr'ɩ a bɛ nuru, ɛ́ su vʋɔrɩ kparɩ.

Zeremi 7:12

Nyɩ cen a zi-sõw ɩ̃ na tɩ dãw tɛr a Silo a pʋɔ. Be n'a ɩ̃ tɩ dãw kpɩɛr. Nyɩ nyɛ̃ a lɛ ɩ̃ na ɩ ʋ a ɩ̃ nɩ-bʋʋrɛ Ɩsɩrayɛl ɩ-faar zũú a.

Zeremi 7:14

Nyɩ ƴãw nɩ a nyɩ tɩɛrʋ a Ŋmɩn-yir-kpɛ̃ɛ ŋa ƴãw. Mãa so ʋ, ɛ́ kʋ̀ nyɩ, nyɩɩm nɩ a nyɩ sãàkʋm-kore. A na ɩ à ŋá a, ɩ̃ na ɩ n a zie ŋa mɛ̃ a lɛ ɩ̃ na tɩ ɩ a Silo zi-sõw a.

Zowɛl 2:13

A nyɩ kparɩ bɛ n'a nyɩ na taw cɩɛrɩ ɛ, a nyɩ socie n'a a fɛr kɛ́ nyɩ lɩɛbɩ.» Nyɩ lɛb wa a Sore nyɩ Naaŋmɩn zie: nɩ-vla n'ʋ ɛ́ zɔrɛ nɩbaalʋ, a ʋ suur bɛ pawr ɛ, ɛ́ ʋ ɩ nɔ̃wfʋ tɛwr, a nɩr dɔwrʋ mɩ́ ɩ ʋ nɩ kpɩɛrʋ.

Wulu-ayi-sob 14:1

Nyɩ ɩ n a Sore nyɩ Naaŋmɩn bibiir. A na ɩ à à ŋá a, nyɩmɛ mɩ́ wa tɛr kuor a, nyɩ ta ƴãw bɛ wɛr wɛr nyɩ a ƴã-gan ɛ, ɛ́ ta põ a nyɩ zu a nisɔw ɛ.

Zozue 18:1

A Ɩsɩrayɛl nɩbɛ lãw za tɩ ɓã n taa a Silo, ɛ́ maalɩ a tuor-taa pɛn-sɛw a be. Bɛ tɩ so nɩ a tẽw baarɩ.

Zozue 24:32

A Ɩsɩrayɛl nɩbɛ tɩ ũù nɩ a Zuzɛb kɔbɛ bɛ na tɩ yi n a Eziptɩ tẽw wa n a, a Sɩsɛm. Bɛ tɩ ũù a nɩ a zie ʋl a Zakɔb na tɩ da n salm-pla libie kʋba (100) a Hamɔɔr bibiir zie, ʋʋ lɩɛbɩ a Zuzɛb bibiir sób a. A Hamɔɔr'ʋ tɩ mɛ a Sɩsɛm tẽw.

Ƴɛ̀r-dɩrbɛ 18:31

Bɛ tɩ tɛr'ɩ a Mɩka tɩɩb, lɛn daar za a Naaŋmɩn yir na tɩ be a Silo a.

Ƴɛ̀r-dɩrbɛ 9:1

A Yerubaal bidɛb Abimelɛkɩ tɩ cen nɩ a Sɩsɛm, tɩ páw a ʋ mã-dɛbr nɩ a ʋ mã-dɛbr yir dem za ƴɛ̀r à ŋá a bɛ zie:

1 Samɩɛl 1:7

À ŋá n'a a Ɛlkana tɩ ɩrɛ yome za, bɛ na mɩ́ do a Sore yir a Silo a, ɛ́ lɛ n'a a Penina mɩ̀ mɩ́ tɩ tɛr'ɩ a Ana a zʋmɛ. Lɛ n'a a Ana wa tɩ nyɔw kon, ɛ́ zawrɩ a bʋ̃-dɩrɩ.