Zeremi 41:2 - A SƐB-SÕW

² wa bere, a Yisɩmayɛl nɩ a nɩbɛ pie bɛl na bɩɛl'ʋ a, lãw ìr, gɔr gɔr a Gedalɩasɩ nɩ zɛbr-sɔ-bɛrɛ kʋ. À ŋá n'a bɛ tɩ kʋ a nɩr nɛ a Babɩlɔn tẽw nãà na tɩ kaa ír ƴãw ʋ kaarɛ a Zuda tẽw a.

Zeremi 41:2 ပူးပေါင်းရင်းမြစ်များ

2 Samɩɛl 3:27

A Avɩnɛɛr na tɩ lɛb wa ta a Ebrɔ̃ a, a Zowab tɩ bʋɔl'ʋ nɩ bɛ tɛwr zie, a tẽw dɩ̃dɔr pʋɔ, mɛ̃ ʋ bɔbr k'ʋʋ waalɩ ƴɛ̀r a ʋ zie a. A be a, ʋ tɩ cɔr'ɩ ʋ nɩ sʋɔ a púorí kʋ, k'ʋʋ yáa a ʋ yɛb Asayɛl kũu san.

2 Na-mɩnɛ 25:25

Ɛcɛ a ʋlɩ yũon nɛ, a cuwr ayopõi sob a, Netanɩa bidɛb, Yisɩmayɛl, na ɩ Elisama yãw, ɛ́ yi a Zuda tẽw nãà yir a, tɩ tɛr'ɩ nɩbɛ pie wa n a Misɩpa wa kʋ n a Gedalɩasɩ nɩ a Zuda tẽw dem nɩ a Babɩlɔn tẽw dem na tɩ be a ʋ zie a Misɩpa a.

Sɛb-sõw yielu 109:5

Bɛ mɩ́ maalɩ mɛ̃ nɩ faa yaa a vla san, ɛ́ tɛr'ɩ mɛ̃ dɔ̃ yaa a ɩ̃ nɔ̃wfʋ san.

Sɛb-sõw yielu 41:9

«Yel-faa na bɛ tɛr ɩb a n'ʋ páw ʋ, ʋ na gã à ŋá a, ʋ bɛ lɛb ìre ɩ.»

Zeremi 40:14

tɩ yel ʋ na: «Fʋ bɛ bãw k'aa Amɔ̃ tẽw nãà, Baalisɩ, ƴãw na kɛ́ Netanɩa bidɛb, Yisɩmayɛl, kʋ b ɛ?» Ɛcɛ, a Ahikam bidɛb, Gedalɩasɩ, bɛ tɩ sàw a bɛ ƴɛ̀rʋ ɛ.

Zeremi 40:16

Ɛcɛ a Gedalɩasɩ tɩ sɔw nɩ a Yohanan: «Taa ɩrɛ a lɛ ɩ! A lɛ fʋ na yere a Yisɩmayɛl ƴãw a bɛ ɩ sɩza ɩ.»

Zeremi 40:5

A Zeremi na bɛ tɩ lɛbr cere a, a Nebuzaradan tɩ yel'a ƴãw pʋɔ: «Lɛb cen a Ahikam bidɛb, Gedalɩasɩ na ɩ Safan yãw a zie. A Babɩlɔn tẽw nãà ƴãw na ʋ ɩ a na-kpɛ̃ɛ-lɩɛrɛ, a Zuda tẽ-bɛrɛ ƴãw. Cen tɩ kpɩɛr a ʋ zie a fʋ nɩbɛ pʋɔ, bɩɩ cen zie nɛ za fʋ bɔbr kɛ́ fʋ cen a.» Al pùorí, a soja-zi-gùrbɛ nɩ-kpɛ̃ɛ tɩ kʋ̀ n bʋ̃-dɩrɩ a Zeremi a sɔ́r loba ƴãw. Ʋ tɩ kʋ̀ ʋ nɩ bʋ̃-kʋ̀ra, ɛ́ bɛr ʋ k'ʋ cen.

Zeremi 40:7

A zɛbr-nɩbɛ nɩ-bɛrɛ nɩ a bɛ zɛbr-nɩbɛ na tɩ be a kura pʋɔ a, tɩ wõ na k'aa Babɩlɔn tẽw nãà, tɩ ƴãw na Ahikam bidɛb, Gedalɩasɩ, ɩ a tẽw na-kpɛ̃ɛ-lɩɛrɛ. Ʋ de nɩ a nan dem, dɛbr, pɔwbɛ nɩ bibiir kʋ̀ ʋ, a bɛl bɛ na bɛ tɩ diw cen nɩ a Babɩlɔn a.

Zeremi 40:8

A Zɛbr-nɩbɛ nɩ-bɛrɛ bɛ ŋa, nɩ a bɛ nɩbɛ tɩ wa na wa páw a Gedalɩasɩ a Misɩpa: Netanɩahu bidɛb, Yisɩmayɛl, Karea bidɛbr, Yohanan nɩ Yonatan, Tanhumɛtɩ bidɛb, Seraya, Netofa tẽw Ofaɩ bidɛbr, nɩ Maaka bidɛb, Yezanɩahu tɩ nɛbɛ.

Zeremi 41:3

Al pùorí, a Yisɩmayɛl mɩ̀ tɩ kʋ n a Zuda tẽw dem za na tɩ be a Misɩpa, a Gedalɩasɩ zie a, lãwnɩ a Babɩlɔn tẽw sojarɩ na tɩ be a be a.

Zã 13:18

Nyɩ za ƴãw bɛ n'a ɩ̃ ƴɛ̀rɛ ɩ. Ɩ̃ bãw nɩ a bɛlɩ dem ɩ̃ na kaa ír a. Ɛcɛ a fɛr'a kɛ́ a Sɛb-sõw ƴɛ̀r-bie á ŋá tu: “A sob nɛ na tɩ lãwnɩ mɛ̃ dɩrɛ a, lɩɛb'ɩ a ɩ̃ dɔ̃ sob.”